Génesis 18

1 Dbar kjwara ga Abraham sök Mamré kjor këskës lÌok lÌishko, ba u zlÌong bäng. Eni ga dlÌo dlÌuw wlÌeni ga Jehová weno shäng ba kong. 2 Ĩya jekdo ga domerga bë lÌöng ba zlÌong bäng doglÌo mya. Sök lÌi kojono malÌing ba wlÌokjrë, ga kjök tono, kjujono bokdo kjlÌay klÌung go, 3 ga tjlÌẽ ba kong ga «TjlÌapgaga, rokër bomi kong sira ga pjãy brik malÌing lÌlÌëme. 4 Kumi ga pjlÌú wlÌeni ga tja di rokë bomi kong, pjãy dre shkwë e go wlÌo. Pjir ga pjãy woshtë wop tjok kjor ëre dorko. 5 Pjãy lÌöng töshko. Pjãy brikdë lÌlÌëm obi ga pjãy sën, pjãy jëk ga dbo tjok wlÌo. Pjãy shrono bor Ä©k kjÄ©shko ga tja wopjlÌúe. Bor u ëre bomipjõy bebi» lÌe. Kuya lÌok ga «PjlÌúe» lÌe lÌok ba kong. 6 Eni ga Abraham opzrëno jek ba u roy, ga tjlÌẽ Sara kong ga «PjlÌung sho kjros bayo eeje. Sho lÌlÌrus, ga suzong. ¡Shäryos malÌinge!» lÌe. 7 LÌara eni ga opshino ey dwayo, ga jek öötong shäng ba söglÌa tjeng lÌishko, shara kjlÌara pjlÌú wlÌeniyo, twara ba parkaga kong, poshäryë jekdo wlÌo. 8 Eni ga dlÌi lÌi poshäryara pjir ga söra, twara Abrahamdë ba kong lÌok, ue lÌok wlÌo. Ãng nä dyo, öng nä dyo shor, e twara ba kong lÌok bakoe. Ië lÌöng kjor dorko wopro ga e shäng ba dë. 9 Iono lÌok pjir ga tjlÌẽ lÌok ba kong ga «¿Bop boy Sara kwonlÌlÌo?» «Shäng kjweshko, kjër roy» lÌe ba kong. 10 Domerga doglÌo mya lÌi, kjlÌara, e Jehová. TjlÌẽ Abraham kong ga «LÌu pjlÌara go ga pja Ä©n tjwe obi. Eshko ga bop boy Sara wlÌoshko wa tjeng kjlÌara domer tjän» lÌe. Kura Sararë kjër pjlÌor go, ba lÌanma kokso lÌëkong. Eshko dbaryo ga Abraham tjlÌablÌa, Sara bakoe. Ga Sara, ba dbar mokyo Ä©ya ame. E kjÄ©shko ga jar jong, ga wotjlÌÄ©k ga «Tja tjlÌablÌae. Bor lÌanma tjlÌablÌa bakoe. ¿Tja wa tjok sorë?» lÌe. Jar shäng lÌi kuya Jehovárë ga tjlÌẽ Abraham kong ga «¿Sara jar ega? ¿TjlÌablÌa kjÄ©shko ga wa tjok ga äe lÌere? 14 ¿LÌlÌëbo kjang, shäryako lÌlÌëm Jehová kong tjokde? LÌu pjlÌara go ga pja Ä©n tjwe obi. Eshko ga Sara wlÌoshko wa tjeng kjlÌara domer tjän» lÌe. 15 Kuya Sararë ga bangkjrara ara, ga tjlÌẽ ga «Tja jatong lÌlÌëme» lÌe. «Miydër pjir ga pja jatong» lÌe Jehovárë ba kong. 16 Iono lÌok pjir ga irbo shano to Sodoma kjokyo, ga wlÌobyara Abrahamdë irbo. 17 Eshko ga Jehová wotjlÌÄ©k ga «Abraham ber tjëyo kësbang, dbo ara data. Tja tjlÌẽno ba kong jlÌõkoyo ga ba kjÄ©shko ga tjëyo lÌöng kjrina kjrina kjok kjwang jÄ©kong lÌi kjimtër. E kjÄ©shko ga lÌlÌëye shäryër lÌi lÌër ba kong dey. 19 E kjroror nopga uunkong tjrëko, ba tjëyo tek ber ba irgo lÌi pÄ©ya bor kolÌë wlÌo, jëk lÌöng bëy wlÌo. Eni ga lÌlÌëye lÌoror lÌi shäryër uunkong. Kjroror parkë shäng bor tjok e kjÄ©shko» lÌe. 20 Eni ga Jehová tjlÌẽ ba kong ga «Sodoma sopga, Gomorra sopga, e roy owa. Kur ga lÌlÌëbo shärye lÌöng owa lÌi, e kësbang anmoyõ. 21 E kjÄ©shko ga tja jongya eshko roy kuror owa lÌi jlÌõre Ä©k wlÌo. Eni lÌlÌëm wlÌeni ga miydër eshko» lÌe. 22 Eshko ga domerga do pjök ba pjlÌoga lÌi jer Sodoma kjokyo, gueniyo Jehová beno shäng Abraham tjok obi. 23 Wop tjok ga Abraham tjlÌẽ ba kong ga «¿Nopga owa lÌi tjrëko nopga pjlÌo bek tjok wlÌeni ga pjip uunkongde? 24 ¿Kjok eshko nopga kjwe lÌöng pjlÌo bek sak shkëng (50) wlÌeni ga pjip jek enire? ¿Zröp nopga owa lÌöng lÌi tjokde? 25 Nopga pjlÌo bek shdum nopga owa lÌi tjok ga äe. Nopga pjlÌo bek lÌlÌgwep nopga owa lÌi dik ga äe. Rokër bop kong sira ga shäryëp eni lÌlÌëme. Pja nopga lÌöng kjok ëre kjing go lÌi lÌlÌgwega. Miydër ga pja kjok lÌlÌgwek beke» lÌe. 26 Kuya ga tjlÌẽ ba kong ga «Sodoma sopga wlÌẽnor pjlÌo bek lÌöng sak shkëng (50) wlÌeni ga epga kjÄ©shko ga shdun lÌlÌëme» lÌe ba kong. 27 Eshko ga tjlÌẽ ba kong obi ga «Tja jnep kësbang, pja bangkjrër lÌlÌëm wlÌeni. Pja Sbö, tja domer. Tja domer song, tjwlÌõ lÌlÌëme. 28 Kjwe shkëng (5) obi äär sak shkëng (50) wlÌo. ¿Shkëng (5) kjÄ©shko ga kjok pjip jek enire?» Kuya ga tjlÌẽ ba kong ga «WlÌẽnor pjlÌo bek lÌöng sak pkëng kjingsho shkëng (45) wlÌeni ga shdun lÌlÌëme» lÌe. 29 Eshko ga tjlÌẽ obi ga «WlÌẽp tjeng sak pkëng (40) erö dikjoyoe» lÌe. Kuya ga tjlÌẽ ba kong ga «Epga sak pkëng (40) lÌi kjÄ©shko ga shdun lÌlÌëme» lÌe. 30 Eshko ga tjlÌẽ ga «Rokër jek bop kong obi ga pja iirkë bor kong lÌlÌëm, rokër bop kong ara lÌi kjÄ©shko. ¿WlÌẽnop tjeng sak mya (30) erö wlÌeni ga lÌlÌëye shäryëp?» Kuya ga tjlÌẽ ba kong ga «Epga sak mya (30) lÌi kjÄ©shko ga shdun lÌlÌëme» lÌe. 31 Eshko ga tjlÌẽ obi ga «TjlÌapga, pja bangkjrër lÌlÌëm wlÌeni. ¿WlÌẽnop pjlÌo bek lÌöng sak pjök (20) erö wlÌeni ga lÌlÌëye shäryëp?» Kuya ga tjlÌẽ ba kong ga «Epga sak pjök (20) lÌi kjÄ©shko ga shdun lÌlÌëme» lÌe. 32 Eshko ga tjlÌẽ pjlÌara obi ga «TjlÌapga, pja iirkë bor kong lÌlÌëme. Kjakrokër bop kong pjir ëre döe. Pja barwër ame. ¿WlÌẽnop tjeng sak kjwara (10) wlÌeni ga lÌlÌëye shäryëp?» Kuya ga tjlÌẽ ba kong ga «Epga sak kjwara (10) lÌi kjÄ©shko ga shdun lÌlÌëme» lÌe ba kong. 33 Jehová tjlÌẽno ba kong pjir ga to ey dwayo, ga Abraham jek ba ushko iröng obi.