Génesis 16

1 Abram sök Canaán kjokyo lÌu pjlÌoglÌo sak kjwarashko (10) ga ba boy Saray wapga lÌlÌëm obi. Gueniyo ga walÌë Egipto so shäng kjlÌara ko Agar, e Saray parkaga tjwlÌẽk shäng pjir wlÌeniyo. PjlÌara ga Saray tjlÌẽ ba lÌanma kong ga «Tja kuzong. Jehová kjÄ©shko ga tja kjrong. E kjÄ©shko ga rokër bop kong ga pja pë Agar tjok. Ba kjÄ©shko ga tja wapga tjok kjwe» lÌe. Kuya ga «JölÌö» lÌe ba kong. Eni ga Agar twara Abram kong, pë ba tjok wlÌo. 4 Eshko ga pono ba tjok, ga beno shäng kjlÌaraso lÌlÌëme. Eshko jek lÌëkong ga ba pjlÌu Saray bangkjre ame. 5 Eni ga Saray tjlÌẽ ba lÌanma kong ga «¡Bop kjÄ©shko ga tja bangkjre ame! Twak tjarë bop kong, bop boy wlÌo. Era wlÌoshko dörö kjÄ©shko ga wotjlÌÄ©k ga e tjwlÌõ ara, bor kjinmo lÌe. Ãye diktong lÌi ë, pjare, de tja miydaga ber Jehovárë» lÌe. 6 Kuya ga tjlÌẽ ba kong ga «Tja kuzong. Bop parkaga lÌi shäng bop wlÌoshko. LÌlÌëye shäryëp woydë ba tjok lÌi miydaga ber pjarë» lÌe. Eshko jek lÌëkong ga Agar bokrotke Saraydë ara. E kjÄ©shko ga töktong to ey dwayo. 7 Jëk shäng kjok dogro no lÌlÌëmshko ga öötong woshtë sök di bäng buk kjwara lÌi zlÌong bäng, e buk irbo jek jong äär Sur kjokyo lÌi sor go. Eni ga wlÌẽna Jehová parkaga kjok dogo so lÌirë sök eshko. 8 Ga tjlÌẽ ba kong ga «Agar, ¿pja tek kjone dwayo? ¿Pja to kjone?» «Tja to shäng bor sogo Saray töywë» lÌe ba kong. 9 Kuya ga tjlÌẽ ba kong ga «Pja nom jek bop pjlÌu Saray ushko iröng obi. LÌlÌëye lÌe bop kong lÌi kolÌozong» lÌe. 10 Ga tjlÌẽ ba kong obi ga «Bop tjëyo tek ber bop irgo lÌi iër ber shdär träk lÌlÌëm, shtëy ga äär lÌlÌëme. 11 Pja shäng kjlÌaraso lÌlÌëme. LÌlÌono ga pja wa buk kjlÌara domer, e koiëp Ismael, pja woydë ara lÌi miyde Jehovárë pjir kjÄ©shko. 12 Bop wa, e ber shäng tjëkso lÌlÌëm, sëgro äya kjlÌoshko so wlÌeni. E ber nopga uunkong moskwo. Ãye wotjlÌÄ©k pjlÌú ba kong lÌlÌëme. E ber shäng ëngkjwë ba pjeyoga tjok Ä©yado» lÌe. 13 Kuya ga wotjlÌÄ©k ga «Tja Ä©na Sbörë, ga tja sök së obi» lÌe. E kjÄ©shko ga Jehová, e tjlÌẽno ba tjok lÌi kowara Sbö, Bor Ĩga. 14 E kjÄ©shko ga di bäng buk Cades kjokyo, Béred kjokyo, e tjrëko lÌi kowëba Sbö Sök Ĩyado, Bor Ĩga lÌi di bäng. 15 E irgo ga wa buk kjlÌara domer, ga koiara ba data Abramdë Ismael. 16 Eshko ga Abram lÌu pjlÌoglÌo sak kjwong kjingsho tjer (86).