Hechos 24

1 Ãötong dbargwo shkëng (5) ga syõshtaga kësbangyo ko Ananías lÌi öötong shäng kjok eshko, judío tjlÌapgaga kjok lÌlÌgwega wlÌeniyo kjong kjong tjok. Ga domer jek söra lÌok shäng kjlÌara obi ba tjok ko Tértulo. E Pablo rotaga, ba lÌlÌamo lÌöng lÌi kjÄ©shko wlÌo lÌe. Eni ga epga jek öötong lÌöng no ichaga lÌi shwoy, Pablo rotë wlÌo. 2 Ga Pablo rokara tjlÌapga lÌirë, ga söya lÌok tjwe shäng ba bokshto. Eshko ga Tértulo omrotë, tjlÌẽ Félix kong ga «TjlÌapga no ichaga, pja tjwlÌõ kësbange. Eeri ga öötong lÌu pjlÌoglÌo ara tjän ga tjawa lÌöng wlÌẽp, wopjlÌú bop kjÄ©shko, ga bop kjok miydë lÌi kjÄ©shko ga lÌlÌëbo shäryorop ara kjok ëreshko beno pjlÌú, owa lÌlÌëme. 3 E kjÄ©shko ga tjawa lÌöng wopjlÌú bop tjok. Enido kjone pogo ga pja roy lÌãywe borwa pjeyogarë pjlÌúe. 4 Gueniyo pja dbar jerwa ara lÌlÌëm wlÌo ga rokërwa bop kong ga tjawa tjlÌẽ lÌi kus sira. 5 »Domer kjwe miydororwa ga kjwe owa. To shäng kjok kjwang jÄ©kong judíoga barwë ara, shdöya wlÌo lÌe. Nopga lÌöng kjok ëreshko kowëba nazarenoga, domer kjwe ba kägäyo. 6 Borwa Sbö u lÌi ëmdë ga ie ber jong dboy Sbö kong ame wlÌo lÌara, ga sharorwa eshko e kjÄ©shko. Eni ga kjakrokos pjarë om go ba kong. Miydëp e go ga tjlÌõkwo lÌërwa lÌöng ba kjÄ©shko kës lÌi, e jlÌõe» lÌe. 9 Eshko ga judíoga lÌöng lÌi tjlÌẽ ga «Eni jlÌõe» lÌe lÌok eni. 10 Eni ga tjlÌapga lÌi orkwo pingö Pablo bët, pja tjlÌẽzong lÌoklÌo wlÌeni, ga Pablo tjlÌẽ ga «Miydër pjlÌú ga pja parkë sök jÅ©shko no lÌlÌgwega lÌu pjlÌoglÌo ara tjän. E kjÄ©shko ga tja opwlÌikë bop bokshto wlÌẽpe. 11 Eni ga tja tjlÌẽ lÌi jlÌõre miydëp woydë ga kjakrokëp ë pogo kong om go ga pjlÌúe. Eeri ga öötong dbargwo sak kjwara kjingsho pjök (12) ga tja öötong shäng Jerusalén kjokyo, Sbö poshrëk wlÌo. 12 Eshko ga tja wlÌẽna lÌok shäng tjlÌõkwo kjlÌopswë kar kar ëbo tjok lÌlÌëme. Ãye shdöror lÌlÌaw pogo lÌlÌëme. Sbö u zlÌong bäng ga lÌlÌëye shäryoror lÌlÌëm, judíoga syõ uyo roshko lÌlÌëm, shto oblÌë lÌlÌëm bakoe. 13 Tja rote lÌok lÌi lÌlÌëbo wlÌẽna jlÌõkoyo bor shdungko wlÌo drete. 14 »Gueniyo lÌër jlÌõkoyo ga nopga jëk lÌöng Irbo TjaglÌën lÌi go sorë ga tja omshäryë shäng eni. E kjÄ©shko ga bor rotagaga lÌöng kjwe tjlÌẽ ga tja jëk shäng Sbö tjok bëy lÌlÌëme lÌe, gueniyo borwa tjlÌapgaga tek dënashko so Sbö lÌi, e poshrër, kjok lÌlÌgwekklÌo tara Moisésdë lÌi, e jlÌõe lÌër uunkong baÄ©ya dik, ga kjibokwo tara Sbö tjlÌõkwo lÌagagarë lÌi, e jlÌõe lÌër bakoe. 15 Ga tja sök Sbö koshë ga shinmoga, e woshre iröng obi uunkong, pjlÌo bekde, de pjlÌo bek lÌlÌëmde, gueniyo woshre iröng obi. Kjwepga kjwe lÌöng omkoshë sorë ga tja omkoshë shäng eni bakoe. 16 E kjÄ©shko ga tja drön ara, tja ber pjlÌo bek Sbö bokso wlÌo, tja ber pjlÌo bek nopga bokso wlÌo bakoe. 17 »LÌu to jek pjlÌöböso ga tja öör jëktong shäng kjok shto oblÌë oblÌë ga tja jek öötong shäng iröng obi bor kjokshko, dbur twër oba song wlÌeniyo kong wlÌo, Sbö sëngglÌo sör, twër ba kong ba ushko wlÌo bakoe lÌoror. 18 Ga tja wlÌẽna kjwepgarë eshkoshko ga lÌlÌëye shäryërwa lÌara Moisésdë, tjawa äär Sbö poshrëk ba ushko ga pjlÌú wlÌo lÌi, e shäryër pjir shäng kjwlÌëe. Eshko ga nopga jëk lÌöng bor tjok ara lÌlÌëm, ga ëye ëng shdök lÌöng lÌlÌëm bakoe. 19 Eshko ga judíoga Asia so lÌöng kjlÌöbö, ga lÌlÌëye lÌër bop kong lÌi, e Ä©na lÌok pjire. Zok ga epga tjwayde lÌöng jÅ©shko om go, opping na bop bokshto, tja rote wlÌo. Kuya ga lÌlÌëbo shäryoror sit jlÌõkoyo, tja rote wlÌo wlÌeni ga lÌe lÌok om go ga pjlÌúe. 20 Eni lÌlÌëm ga shrono lÌöng kjwe, tja shäng ba bokshto no lÌlÌgwezlÌong shtoyoshko ga lÌlÌëye wlÌẽna bor tjok, tja shdungko wlÌeni ga lÌe lÌok bop kong ga pjlÌúe. 21 Gueniyo ga tja lÌe lÌok lÌi kjrinaso ga pjlÌúe. Tja shäng ba bokshtoshko ga tja tjlÌẽ ba kong dbo go ga “Tja wotjlÌÄ©k ga shji wolÌono ga dbar tjwe ga shji woshre Sbörë iröng obi lÌër. Ga tja iak shäng bomi bokshto lÌlÌgwemi wlÌo, tja wotjlÌÄ©k eni kjÄ©shko” lÌër ba kong eni eröe» lÌe. 22 Irbo TjaglÌën lÌe lÌi miyde Félixdë sök pjlÌúe. Eshko ga tjlÌẽ ga «LÌlÌgwer eniwa tjok lÌlÌëme. Iër ber TjlÌapga Lisias tjwe guing, ga lÌlÌgwer eshko jã» lÌe. 23 E irgo ga tjlÌẽ ëngkjwaga kägäyo shäng lÌi kong ga «Pablo kjwe ios ber shäng jÅ©shko dak dak lÌë, gueniyo rayos shäng iguing. Ga ëbo tjwe ba Ä©k ga som lÌlÌëm, sëÌya, kjimte woydë ga wẽyẽ» lÌe. 24 Ãötong dbar kjwöbö ga Félix äär shäng Pablo shwoy, ba boy Drusila tjok. WalÌë, e judío. Eshko ga Pablo rokara Félixdë jek ba shwoy. Ga Pablo lÌano ba tjok, shji mär Cristo Jesús go sorë kjÄ©shko. 25 Eshko ga Pablo tjlÌẽ ba kong ga «Shji woyde Sbörë ga shji jëk lÌöng pjlÌo bek, lÌlÌëbo shäryëy woydë owashko ga shji drön ëë, shäryëy lÌlÌëm wlÌo. Ga lÌlÌono ga shji lÌlÌgweya Sbörë» lÌe. LÌara eni lÌi kuya Félixdë ga beno shäng sëya lÌlÌëm, woydë arae. Eni ga tjlÌẽ ga «Ber eni guing. Pja nomo. Tja dbar tjok ga pja rokotë obi» lÌe. 26 E irgo ga Félix shäng Pablo koshë, kong dbur twe, raye wlÌo lÌe. E kjÄ©shko ga roke enido, lÌan ba tjok wlÌo. 27 Shärye beno shäng eni öötong lÌu pjlÌoglÌo pjök. E irgo ga Félix opshino ba shto dwayo, ga ãska beno sök Porcio Festo. Ga Félix ber pjlÌú judíoga tjok wlÌo lÌe ga Pablo iara beno shäng no shdÅ©zlÌong uyo roshko.