Mak 6

1 Jisas bɨne okok poÅɨd man anɨb ak kelɨgɨl, man ne Nasalet amnak. 2 Am mɨdɨl Juda añɨŠlep ñɨn awl ak apek, Juda apnan gɨpal kal ak amɨl, binɨb kuÅay ap yelak okok kɨlop takaw agñak. AgñaknɨÅ, nɨÅɨd ju dɨl wal agɨl agɨlak, Takaw anɨb ak akal nɨb nɨÅɨd anɨb agup agɨlak? Gos teplep akal nɨb nɨgup, tɨtay gɨl dup agɨlak? Tap mageptek taydɨl gup agɨlak? 3 Bɨ anɨb awl kapeda man awl nɨb nep, Maliya ñɨne olap agɨlak. Nɨmam ne Jemis, Josep, Judas, Saymon sek, nɨnay ne okok sek ayɨp mɨdobun awl agɨlak. Anɨb agɨl, nop gos tɨmel nɨÅɨd ma dɨlak. 4 Pen Jisas kɨlop agak, Bɨ God gos ñek agñeb ak, man wakay ogɨnap gɨ ajek, bɨawl chɨn agɨl dɨpal ak pen, man ne ke ak, kal ne ke ak, nɨmam ne ogɨnap mɨdel, yɨb ma yek takaw nop ak ma dɨpal agak. 5 Nop gos ma nɨgɨlak anɨb ak, tap mageptek ogɨnap gɨnɨmuÅ tek ma lak. Binɨb tap gak ogɨnap nep pen dɨnɨgek suÅ lak. 6 Pen Nasalet binɨb nop, God Ãɨne yɨbɨl agɨl gos ak ma nɨgelak, ne gos pal yɨbɨl lak. Bɨne anep umɨgan ak wog yɨp gɨnɨmɨb agɨl kɨlop agyokak (Matyu 10.5-15, Luk 9.1-6) Jisas pen kal man anɨb okok ajɨlɨg, binɨb okok kɨlop God takaw ak agñak. 7 Pen ñɨn olap bɨne anep umɨgan ak suk agek apel agak, Bɨ omɨÅal ak ke, bɨ omɨÅal ak ke man okok keke amnɨmɨb agak. Yad nɨbop agyoken, kɨles yad ak dɨl kɨcheki walɨjpal tap okok ag seÅ yokɨnɨmɨb agak. 8 Takaw olap pen agak, Amnɨg, tap ñɨÅeb, mani, wad sɨkol, tap okok dad ma amnɨmɨb agak. Yɨl kodɨm anep dad amnɨmɨb agak. 9 Tob tɨlup lɨl amnɨmɨb ak pen, chech nokom olap nep lɨl amnɨmɨb, ogɨnap sek dad ma amnɨmɨb agak. 10 Kal olap amem nɨbop ag denɨgel, kal anɨb anep mɨdɨl, amnɨg gɨnɨmɨb ñɨn anep amnɨmɨb agak. 11 Pen man olap amjakem nɨbop ma ag dɨl, takaw nɨbop ak ma nɨgenɨgel, man anɨb ak kelɨg amnɨg kɨlop agɨnɨmɨb, Takaw tep ak dad opun ma dɨpɨm tek, man nɨbop awl apon sɨlkul dayday tob chɨnop dup ak wik yokɨl amobun agɨnɨmɨb agak. Anɨb agɨl, wik yokɨl amnɨmɨb agak. 12 Jisas anɨb agek, kɨli man sɨkol keke amɨl, binɨb okok kɨlop takaw agñɨlɨg agɨlak, Tap si tap tɨmel gɨpɨm okok, God nop taynen anɨgɨpun agɨl, kelɨgɨnɨmɨb agɨlak. 13 Anɨb agɨl, binɨb kɨcheki walɨjpal mulɨk sɨkɨl yek okok, kɨcheki walɨjpal ag seÅ yokɨl, binɨb tap gak okok wel ñɨg lɨñel jak amelɨgɨpal. 14 Pen Jisas gak tek, takaw ak man okok kɨd kɨd amek, gapman bɨnonɨm Helod abe nɨgak. Binɨb okok, takaw anɨb ak ag amɨl apɨl gɨlɨg, ogɨnap agɨlak, Jon Bɨ Ãɨg Pakñeb kumek kamɨlak ak, tep tɨkjakɨl nɨm, ap tap mageptek anɨb okok geb agɨlak. 15 Ogɨnap pen agɨlak, Bɨ anɨb ak bɨnak Yilayja agɨlak. Ogɨnap agɨlak, Bɨ God gos ñek agñeb bɨlel yelɨgɨpal tek olap ap mɨdeb agɨlak. 16 Pen gapman bɨnonɨm Helod ne nɨÅɨd anɨb agak, Ak Jon Bɨ Ãɨg Pakñeb ned kuÅam tɨbɨlɨkɨnek anep tɨkjakɨl, ap anɨgeb agak. 17 Taynen anɨb agak? Ned Helod nɨmam Pilip bin ne Helodiyas nop si dak. Dek, Jon ne Helod nop agak, Nad namam olap bin ak dɨpan, ak teplep ma mɨdeb agak. Agek, bin Helodiyas Jon nop mɨlɨk nɨÅɨd agek, Helod bɨne ogɨnap agyokek, am Jon nop dad apɨl, nag lɨlak. Bin Helodiyas, Jon nop paklin agɨl gos nɨgak ak pen, ñagɨlɨnɨmuÅ tek ma yek. 20 Jon bɨ teplep yɨbɨl mɨdɨl, suÅtep yɨbɨl yolɨgup. Anɨgek, Helod ne Jon nop nɨÅɨd pɨlɨkak. Anɨb ak tek, Helod ne Jon nop kod mɨdtep gɨl, bin Helodiyas nop yaw agɨnɨmuÅ tek ma lak. Jon takaw ne tɨtay agek Helod nɨÅɨd, gos pal awl yɨbɨl lɨl, gos mɨÅel lak. Pen yad takaw nop ak nɨgin agak. 21 Bin Helodiyas pen Jon nop taydɨl paklɨnɨm agɨl, pel gos anɨb ak nɨg yolɨgup. Mɨd mɨd mɨnek olap, Helod nonɨm nop tɨkak ñɨn ak apek, tap awl ñɨÅɨnɨg, gapman bɨawl okok, bɨ chɨm kadɨŠgep bɨawl okok, bɨawl Galili plopens nɨb okok suk agek, tap awl ñɨÅɨnɨg owlak. 22 Ap tap ñɨÅɨlaknɨÅ, Helodiyas payne ap kɨgom pagɨl mɨñmɨñ gek, bɨawl ap yelak okok sek, Helod sek nɨgel kɨlop tep gak. Gek, Helod pay anɨb anop agak, Gɨpan anɨb ak tap tay agnɨge nep ñɨnɨgayn agak. 23 Pen takaw kɨles tɨmel yaw agɨl agak, NɨÅɨd yɨbɨl agebin, tap nɨm akal gos nɨÅɨd yɨp agnɨge, nep ñɨnɨgayn agak. Man awl kod mɨdebin ak gos nepan yɨp agenɨmɨn, nɨm ak nab awl tɨbɨlɨkɨl nep wakay olap agen, day ak nad dɨnɨgaban agak. 24 Anɨb agek, pay ak am nonɨm Helodiyas nop tap tay ak agnɨgɨnɨm agek agak, Jon Bɨ Ãɨg Pakñeb kɨmɨg won nop ak agɨnɨmɨn agak. 25 Agek, payne kasek gapman bɨnonɨm Helod yek ak amɨl agak, Yep won awl nep, Jon Bɨ Ãɨg Pakñeb kuÅam ak tɨbɨlɨkɨl, kɨmɨg won nop ak dɨl kɨnag mɨgan lɨl, dap yɨp ñɨnɨmɨn agak. 26 Anɨb agek, gapman bɨnonɨm Helod Jon nop nɨgek chɨb tɨmel gak ak pen, ne bɨawl okok nɨg yelaknɨÅ, pay anop tap tay yɨp agnɨge ñɨnɨgayn agak tek nɨÅɨd, 27 won anɨb ak nep bɨ chɨm kadɨŠgep ne olap agyokak. Agyokek, am Jon nag lɨlak mɨgan yek ak nop kɨmɨg won ak tɨbɨlɨkak. 28 Tɨbɨlɨkɨl, dɨl kɨnag mɨgan lɨl dad owak. Apɨl, pay anɨb anop ñek, ne dad amɨl, nonɨm nop ñak. 29 Pen Jon bɨne okok, nop kuÅam tɨbɨlɨkɨpal ak agel nɨÅɨd, am chɨp dad apɨl, kaw mɨgan ak kaw dɨlak. 30 Pen Jisas bɨ takaw nop dad ameb okok adɨkɨd apnan gɨl, binɨb okok kɨlop takaw agñɨlɨg tɨtay gɨlak okok, Jisas nop agñɨlak. 31 Pen binɨb kuÅay yɨbɨl nep amɨl apɨl gelak, Jisas bɨne anɨb okok ayɨp tap ñɨÅɨnɨgel tek ma lek, kɨlop agak, Chɨn binɨb ma mɨdebal nab okok amɨl, añɨŠlɨl yokɨp yonɨgun agak. 32 Anɨb agɨl, bɨne okok ayɨp bot dɨl amnɨlak, man binɨb ma yelak nab okok. 33 AmnɨlaknɨÅ, binɨb man awl anɨb okok Jisas ameb agɨl, ñɨg gol adek kanɨb pal ak kasek ned amɨl, Jisas bɨne okok ayɨp amnɨg gelak okok, ned am yelak. 34 Jisas amjakɨl bot ak kelɨgɨl nɨgak, binɨb okok kuÅay yɨbɨl yelak. Kɨli chag sipsip okok bɨ mukep kɨli olap ma mɨdeb tek ak yelak. Anɨb ak nɨgek chɨb gek, kɨlop takaw ogɨnap tapɨn agñɨ yek. 35 Sub saÅɨd amnaknɨÅ, bɨne okok apɨl nop agɨlak, Sub saÅɨd amnɨgeb agɨlak. Okol man nep nab okok nen, 36 binɨb okok agyoke, man kal yep wulep okol sek, man awl okol sek amɨl, tap mɨdup kɨli ogɨnap taw ñɨÅɨlaÅ agɨlak. 37 Agelak agak, Nɨbi ke kɨlop tap mɨdup ñɨnɨmɨb agak. Agek agɨlak, Anɨb apan ak, chɨn kab mɨdup 200 dad amɨl, tap mɨdup taw dad apɨl kɨlop ñɨnɨgun akaÅ agɨlak? 38 Agel, Jisas agak, Bilet nɨbi tɨtay mɨdeb am nɨgɨm agak? Agek am nɨÅɨd apɨl agɨlak, Bilet anep mamɨd ak, kubsal omɨÅal sek mɨdeb agɨlak. 39 Anɨb agelak agak, Binɨb okok agem, asɨk keke apnan gɨl, asɨÅap wɨj adek okok besɨg yelaÅ agak. 40 Agek, kɨlop agelak, ogɨnap 50 tek apnan gɨl, ogɨnap 100 tek apnan gɨl besɨgɨlak. 41 Pen Jisas bilet anep mamɨd ak sek, kubsal omɨÅal ak sek dɨl, kɨlan gɨl nɨÅɨd, God nop tep agɨl, bilet ak tɨpag bɨne okok kɨlop ñek, kɨli binɨb okok kɨlop bɨlok ñɨlak. Kubsal omɨÅal ak abe ñek, binɨb okok kɨlop bɨlok ñɨlak. 42 Ãelak, ñɨb gel gel kogmeg gak. 43 Tap dayday kelɨgɨlak okok, Jisas bɨne okok wad dɨl yɨg gel gel, wad anep umɨgan ak aplan jakak. 44 Tap ñɨÅɨlak ñɨn anɨb ak, bɨ okok nep nɨm 5,000 amnak. 45 Won anɨb ak, Jisas bɨne okok kɨlop ned taun Betsayda kɨd adaÅ amnɨlaÅ agɨl, kasek agek bot dɨl saÅɨdɨlak. SaÅɨdɨlaknɨÅ, binɨb okok kɨlop agek nop kelɨgɨl amnɨlak. 46 Agyokɨl, ne dum olap amɨl, God nop agɨnɨg amnak. 47 Kɨsɨlɨm ownɨg gak won ak, Jisas ne nokom ñɨg gol am yek, bɨne okok bot dɨl ñɨg cheb nab sɨÅadaÅ yelak. 48 Pen Jisas nɨgak, yɨgen ak amelak okok yɨl apek, koslam ñɨg wɨj pal lɨglɨg amnɨlak. Man tɨkɨnɨg gak won ak, ne ñɨg wɨj adek ak amɨl, kɨlop tawsak lɨl am nɨgak ak pen, 49 nop nɨgɨlak, EÅ chɨp kawnan agɨl, suk awl agɨlak. 50 Kɨli mɨdupsek nɨÅɨd anɨgɨl gos pal lɨl pɨlɨkelak, won anɨb ak Jisas kɨlop agak, Gos sek yenɨmɨb agak. Yad nep apebin, ma pɨlɨkɨnɨmɨb agak. 51 Agɨl, bot mɨgan amɨl kɨli ayɨp yek, yɨgen dek ak kelɨgak. Anɨgek, taydɨl anɨgup agɨl, gos kuÅay yɨbɨl nɨgɨlak. 52 Bilet dɨl binɨb kuÅay yɨbɨl bɨlok ñak ak nɨgɨlak ak pen, chɨbol kɨlop ak ma asɨkup tek, gos kɨlop pak ñɨÅak. 53 Pen ñɨg nab ak am am man Genesaled amjakɨl, bot ak tunɨg lɨlak. 54 Bot ak kelɨg amnɨlaknɨÅ, binɨb anɨb okok Jisas owup agel nɨÅɨd, 55 kasek man kɨd kɨd amɨl, binɨb tap gak okok kɨlop yɨl lɨl Jisas am yek okok dad amnɨlak. 56 Ãɨn anɨb okok Jisas man sɨkol okok akaÅ, taun okok akaÅ, man yokɨp okok amjakek, binɨb tap gak okok kɨlop dap binbɨ apnan gɨpal nab ak lɨlak. Lɨl, kɨles agɨl agɨlak, Nad mɨde binɨb tap gup okok, chech day nep okok dɨnɨgɨlaÅ agɨlak. Anɨb agelak, ne takaw kɨlop ak dɨl nɨg yeknɨÅ, binɨb nop dɨnɨgɨlak okok suÅ lak.