Mak 7

1 Bɨ Pelisi ogɨnap, bɨ kɨli Mosis takaw ñu kɨl tɨkak ak nɨgtep gep ogɨnap, kɨli Jelusalem nɨb Jisas yɨl apɨl 2 nɨgɨlak, Jisas bɨne ogɨnap tap ñɨÅɨnɨg ñɨn kɨli ma ñɨg lɨlak ak nɨm, nupɨs nɨsed sɨkop asɨk tep gɨl, tap ñɨbelɨgɨpal tek ma gɨlak. 3 Pelisi binɨb okok dɨl, Juda binɨb okok mɨdupsek, nap nɨsed sɨkop agelɨgɨpal tek nɨÅɨd, monmon ma gɨl, ñɨn ñɨg lɨ yok lɨl tap ñɨbal. 4 Kɨli maket amɨl nab sɨÅak mɨdɨl adɨkɨd amɨl, abe ñɨn ñɨg lɨ yok lɨl tap ñɨbal. Gos kɨli pal ogɨnap nupɨs nɨsed gos nɨgelɨpal pal abe nepal anɨb ak tek, tin, kɨnag, kap tap okok abe ñɨg lɨ yokɨl lɨpal. 5 Anɨb ak Jisas bɨne okok yokɨp ñɨÅɨlak anɨb ak nɨÅɨd, bɨ Pelisi okok sek, bɨ kɨli Mosis takaw ñu kɨl tɨkak ak nɨgtep gep okok sek nop agɨlak, Bɨ nad okok taynen bapi based sɨkop agɨlak tek ma gɨpal agɨlak? Ãɨn kɨli ñɨg ma lɨl tap ñɨbebal agɨlak. 6 Agelak, Jisas agak, Bɨ God gos ñek agñeb Aysaya, ne nɨbi bɨ takaw yepɨs apɨm okok nɨÅɨd yɨbɨl agɨl, buk Baybol ak kɨl tɨkɨl agak, God agup, Binɨb ogɨnap God Bɨawl chɨn, God Bɨawl chɨn apal ak pen, kɨli yokɨp takaw anep apal agup agɨl tɨkak agak. Yɨp gos ma yɨbɨl nepal agup agɨl tɨkak agak. 7 Kɨli yɨb yɨp dad aplanɨbal ak pen, bɨ takaw anep agñɨbal ak, agñɨl apal, Nɨm ak God takaw ne apal agup agɨl tɨkak agak. Anɨb ak, yɨb yɨp yepɨs dad aplanɨbal agup agɨl tɨkak agak. 8 Nɨbi God takaw ne ak kelɨgɨl, binɨb takaw apal ak dun agɨl, nap nased sɨkop agelɨgɨpal adek ak kɨdek gɨpɨm agak. 9 Jisas kɨlop tepayaÅ agɨl agak, Nɨbi takaw nɨbi ke anep nɨÅɨd apɨm anɨb ak, God takaw agup ak kelɨgɨpɨm agak. 10 Mosis takaw olap kɨl tɨkɨl agak, Nanɨm nap takaw agɨnɨmil tek nɨÅɨd, kɨlop dɨtep gɨnɨmɨb agak. Pen ñɨpay ogɨnap nonɨm nap kɨlop takaw tɨmel agenɨgel, paklem kumnɨgel agak. 11 Nɨbi pen taynen takaw anɨb ak tek ma agñɨbɨm agak. Nɨbi anɨgɨl apɨm, Bɨ olap nonɨm nap tap kɨlop ñɨbɨkop tek ak, kɨlop pen agup, Tap anɨb ak God nop ñin agɨl aglɨpin agup, 12 bɨ anɨb ak ne nonɨm nap tap ma gɨñonɨmuÅ apɨm agak. 13 Gɨpɨm anɨb ak, God takaw ne ak kelɨgɨl, nap nased sɨkop gelɨgɨpal adek ak nep gem amub agak. Nɨbi tap anɨb ak kuÅay nep gɨpɨm agak. 14 Jisas anɨb agɨl, binɨb okok kɨlop agek yek jɨj sɨÅak apel agak, Takaw agɨnɨgebin ak nɨbi nɨÅɨd, nɨgtep gɨnɨmɨb agak. 15 Tap ñɨbel nab ayaÅ amnɨgab ak gach ma yenɨgab agak. Nab ayaÅ nɨb seÅ ownɨgab anep nɨm, gach yenɨgab agak. 17 Jisas anɨb agɨl, binɨb okok kɨlop kelɨgɨl kal mɨgan amek, bɨne okok nop agɨlak, Takaw paladaÅ lɨl apan anɨb ak, jɨj ne ak tay agɨlak? 18 Agel agak, Kɨli ma nepal tek, nɨbi abe ma nepɨm akaÅ agak? Tap ñɨÅeb mɨdupsek okok, monmon ñɨbel kogmeg nab ayaÅ amek, God nɨgek gach ma yenɨgab agak. 19 Taynen? Tap ñɨbal anɨb okok, gos kɨli nab ayaÅ ma amnɨgab agak. Kogmeg nab ayaÅ yɨbɨl amek, chɨb sek kɨl yokɨnɨgabal agak. Jisas takaw agak anɨb ak, tap okok mɨdupsek ñɨÅeb nep, asɨkep ogɨnap ma mɨdeb. 20 Pen Jisas agak, Gos tɨmel nab kɨlop ayaÅ nɨb apek nɨm, tɨmel gel God nɨgek gach yenɨgab agak. 21 Binɨb okok nab kɨlop ayaÅ gos tɨmel owaknɨÅ, gɨ tɨmel gɨl, tap si dɨl, chɨp ñagɨl, bin si bɨ si gɨl, 22 tap chɨn ke kuÅay yɨbɨl dun agɨl gos nɨÅɨd, gɨ tɨmel yɨbɨl gɨl, takaw yepɨs agɨl, gos kɨli ke nɨÅɨd, tap okok yɨp tek yobɨkop agɨl, mɨlɨk nɨÅɨd binɨb agjuwɨl, monmon gɨl, yɨb ke dad aplanɨl tɨmel gep gos nokom nɨÅɨd gɨpal agak. 23 Tap tɨmel gɨpal anɨb okok, ke okok nɨb ma owup, gos tɨmel ak nab kɨli ayaÅ nɨb apek gɨ tɨmel gɨpal nɨm, God nɨgek gach mɨdeb agak. 24 Jisas Galili plopens kelɨgɨl, am taun Taya wulep okok amnak. Amɨl, binɨb okok ayɨp mɨñɨl ma nɨgɨnɨgel agɨl, kal mɨgan olap am we gɨl yek ak pen, we gɨl yonɨmuÅ tek ma lak. 25 Bin olap pen, payne nop kɨcheki abaÅ lak ak nɨm, Jisas owup agel nɨÅɨd, kasek am yek sɨÅak apyap pakɨl, 26 takaw kɨles tɨmel agɨl agak, Pay yɨp kɨcheki abaÅ lup ak, ge seÅ amnaÅ agak. Bin anɨb ak ne Juda mel olap. Nop tɨkɨlak Siliya plopens, taun ne nɨm Ponisiya. 27 Pen anɨb agek, Jisas nop agak, Chɨn ned tap mɨdup ñapay kɨlop ñɨnɨgun agak. Tap mɨdup ñapay chɨn okok ñeb ak dɨl chen mukon, tɨmel gɨnɨgab agak. 28 Agek, bin ak pen agak, Bɨawl. Ak tep apan ak pen, ñapay okok tap ñɨbel, dayday okok nep abañ muk okok yapek, chen okok ñɨbal sek agak. 29 Agek, Jisas takaw anɨb ak nɨÅɨd agak, Nad anɨb apan ak, pay nad kɨcheki mulɨk sɨkɨl mɨdeb ak, gesɨpin seÅ amub nen amnɨmɨn agak. 30 Agek, adɨkɨd amɨl nɨgak, kɨcheki kelɨg seÅ amek, payne mɨj adek ak kɨmɨgel kɨn yek. 31 Jisas taun Taya anɨb ak kelɨgɨl, am taun Saydon amɨl, man Dekapolis nab okok amɨl, Galili cheb amnak. 32 Am jakaknɨÅ, binɨb okok bɨ tɨmud pɨl gɨl takaw agtep ma golɨgup olap dad apɨl, Jisas nop agɨlak, Bɨ anɨb awl nop dɨnɨge suÅ laÅ agɨlak. 33 Agelak, Jisas bɨ anɨb anop poÅɨd keke sɨÅak amɨl, ñɨn mɨdup pal ak tɨmud mɨgan nop omɨÅal ak yokɨl, ñɨn mɨdup kɨñuk gɨl yalɨb nop ak dɨnɨgɨlɨg, 34 kɨlan gɨl God man ne alaÅ nɨÅɨd, mɨÅel gek añɨŠpogɨl agak, Epata agak. Epata agak takaw jɨj anɨb ak Pag yɨkan agak. 35 Anɨb agaknɨÅ, bɨ anɨb ak tɨmud mɨgan ak pag yɨkɨl, yalɨb nop gek suÅ laknɨÅ, takaw teplep yɨpɨd gɨl agak. 36 Anɨgek, Jisas kɨlop takaw anɨb ak binɨb okok ma agñɨnɨmɨb agak ak pen, kɨli amɨl binɨb kuÅay yɨbɨl agñɨlak. 37 Takaw anɨb ak agñel nɨÅɨd, gos pal awl lɨl agɨlak, Jisas tap okok mɨdupsek gup okok, tap teplep ak nep agɨlak. Binɨb tɨmud pɨl gup okok gek nɨgtep gɨpal, binɨb yalɨb mɨÅel gup okok gek, takaw agtep gɨpal agɨlak.