Mak 5

1 Jisas bɨne okok ayɨp bot mɨdɨlɨg, Galili cheb tɨkɨl, man Gelasa binɨb yelak kɨd adaÅ yɨl amjakɨlak. 2 AmjakɨlaknɨÅ, Jisas bot kelɨgɨl, won anɨb ak bɨ kɨcheki mulɨk sɨkɨl olap Jisas yek ak owak, chɨp kaw dɨlak okok nɨb owak. 3 Bɨ anɨb ak chɨp kamelɨgɨpal kab mɨgan okok nep kɨn ajolɨgup. Nop pel nag kɨles tɨmel dɨl, ñɨn tob okok lɨ bɨlɨkelɨgɨpal ak pen, nag kɨles tɨmel anɨb okok gek pugɨlɨkek amolɨgup. Golɨgup anɨb ak, chɨn bɨ anɨb ak nop tɨtay gɨnɨgun agɨl gos nɨgɨlak. Ne kɨles tɨmel gak ak, bɨ olap nop dɨnɨmuÅ tek ma yek. 5 Subnab maynab ayaÅ, chɨp kaw delɨgɨpal okok sek, dum okok sek suk ag ajɨlɨg, kab dɨl wak ne okok ke tɨbolɨgup. 6 Pen ñɨn anɨb ak ne Jisas nop pal chɨm nɨÅɨd, kasek yek sɨÅak apɨl kɨgom yɨmak. 7 Yɨmek, Jisas kɨcheki mulɨk sɨkak anop agak, Bɨ anɨb anop kelɨgɨl seÅ amnoÅ agak. Agek kɨcheki suk awl agɨl agak, Jisas. God bɨawl adek alaÅ Ãɨne agak. Yɨp tay gɨnɨg opan agak? Nep kɨles gɨl agnɨgebin, yɨp gɨ tɨmel ma gɨnɨmɨn agak. 9 Anɨb agek, Jisas nop agak, Yɨb nad tay agak? Agek agak, Kɨcheki kuÅay yɨbɨl mulɨk sɨkɨl tek ak, yɨb yad KuÅay Yɨbɨl agak. 10 Pen ne Jisas nop agak, Kɨcheki okok kɨlop palawl okok ma agyokɨnɨmɨn agak. Anɨb agɨl, agnɨgɨlɨg yɨbɨl yek. 11 Pen won anɨb ak, chag kuÅay yɨbɨl amɨl ñɨbelak pɨl sɨÅak ak nɨm, 12 kɨcheki okok Jisas nop agnɨgɨlɨg yɨbɨl agɨlak, Chɨnop age, am chag oklaÅ kɨlop mulɨk sɨkun agɨlak. 13 Anɨb agel, kɨcheki okok agyokek, bɨ anɨb mulɨk sɨkak ak nop kelɨgɨlak. Kelɨgɨl, am chag okok kɨlop mulɨk sɨkel, pɨgju mɨduÅ ayaÅ amɨl, gɨ dam ñɨg ayaÅ pakɨl, ñɨg ñɨbɨl mɨdupsek kum dɨlak. Chag anɨb okok, 2,000 tek yelak. 14 Pen bɨ chag mukep okok, am taun okok, man yokɨp okok takaw anɨb ak agñelak, binɨb okok am nɨgun agɨl owlak. 15 Jisas yek ak apɨl nɨgɨlak, bɨ kɨcheki kuÅay yɨbɨl mulɨk sɨkɨl yolɨgup anɨb ak, chech yɨmɨl gos nop pag yɨkɨl besɨgek, kɨlop jel gak. 16 Bɨ chag mukep okok ned yelak okok, kɨli binɨb kɨdek owlak okok kɨlop Jisas tɨtay gak ak agñɨlak. Tap nɨm akal tek bɨ anɨb mulɨk sɨkak ak nop gak, chag okok kɨlop tɨtay gak ak abe agñelak nɨÅɨd, 17 Jisas nop agnɨgɨlɨg yɨbɨl agɨlak, Man chɨnop awl kelɨgɨl amnoÅ agɨlak. 18 Agelak, Jisas bot dɨl amnɨg gaknɨÅ, bɨ gek suÅ lak ak kɨles gɨl agnɨgɨlɨg agak, Yad ayɨp amnɨgul akaÅ agak? 19 Agek agak, Mel. Kal nak amɨl, binɨb nak okok kɨlop, God nep chɨb nɨÅɨd tɨtay gup takaw ak, agñɨnɨmɨn agak. 20 Agek, bɨ anɨb ak man Dekapolis gɨ ajɨlɨg, Jisas nop tɨtay gak ak, binɨb okok kɨlop agñek nɨÅɨd, mɨdupsek gos pal lɨlak. 21 Jisas pen bot dɨl, tepayaÅ adɨkɨd Galili cheb pɨs gol adaÅ yɨl am mɨdaknɨÅ, binɨb kuÅay yɨbɨl apnan gɨlak. Pen Jisas ñɨg gol sɨÅak yek. 22 Anɨgɨl yek, bɨ olap owak, yɨb ne Jaylus. Ne Juda apnan gɨpal kal ak bɨawl kod yolɨgup. Apɨl Jisas nop nɨÅɨd, ap yek sɨÅak kɨgom yɨmɨl, 23 kɨles tɨmel gɨl agnɨÅɨd agak, Pay sɨkol yad ak kumnɨgeb agak. Nad ap nop dɨnɨge, jak amnaÅ agak. 24 Agek, Jisas tɨkjakɨl Jaylus ayɨp amnɨleknɨÅ, binɨb kuÅay yɨbɨl amɨl Jisas nop chɨchɨlok ñɨlɨg amnɨlak. 25 Pen bin olap, bin kanɨb padɨkaknɨŠyek, sap yeb anep umɨgan amnak. 26 Bin anɨb ak dokta okok kɨlop, yɨp gel suÅ laÅ agɨl, mani tawolɨgup ak pen, nop gel suÅ ma lek, nop tap awl yɨbɨl gak. 27 Pen ne Jisas golɨgup takaw ak agel nɨgak tek, am chech bad nop ak nep dɨnɨgen suÅ lɨnɨgab agɨl nɨgak. Nɨgek, binɨb kuÅay yelak nab ak, yek kud okok yɨl apɨl, chech nop ak dɨnɨgek, 29 won anɨb ak nop suÅ lak. Nab ne ayaÅ ke nɨgak nop suÅ lak. 30 Pen Jisas kɨles ne ogɨnap amnak nɨÅɨd, tɨg adɨkɨl binɨb okok kɨlop agak, Chech yɨp ak an dɨnɨgup agak? 31 Agek, bɨne okok agɨlak, Binɨb kuÅay yɨbɨl nep chɨchɨlok ñɨbal ak, taynen yɨp an dɨnɨgup agɨl ageban agɨlak? 32 Anɨb agel, Jisas takaw kɨlop agɨlak ak ma dɨl, an dɨnɨgup agɨl pɨyow nɨg yek. 33 Pen bin anɨb ak, nop tɨtay dak ak nɨÅɨd, pɨlɨkɨl jep dɨl, ap Jisas yek sɨÅak kɨgom yɨmɨl, nop suÅ lak takaw ak mɨseÅ agñak. 34 Jisas pen agak, Pay yad, nad gos sek yenɨmɨn agak. Yɨp gos gos lɨnepan tek, nep gek suÅ lup nen, amɨl mɨdtep gɨnɨmɨn agak. 35 Jisas takaw anɨb ak agaknɨÅ, Juda apnan gɨpal kal bɨawl ak Jaylus, bɨne ogɨnap kal ne nɨb apɨl agɨlak, Pay nak pɨsnep kumub agɨlak. Tisa nop age tob yul ma ownɨmuÅ agɨlak. Age adɨkɨd amnɨmuÅ agɨlak. 36 Anɨb agɨlak ak pen, Jisas takaw kɨlop ak ma dɨl, Jaylus nop agak, Ma pɨlɨkɨnɨmɨn, yɨp gos lɨnɨgɨnɨmɨn agak. 37 Pen binɨb okok kɨlop, anɨb okok aglɨl, Pita ak, Jemis ak, Jemis nɨmam Jon ak kɨlop nep poÅɨd amnak. 38 Juda apnan gɨpal kal bɨawl ak Jaylus, kal nop ak amjakɨl Jisas ne nɨgak, binɨb takaw pug agɨlɨg chaÅ awl lɨlɨg gɨ yelak. 39 NɨÅɨd, kal mɨgan ayaÅ amɨl agak, Taynen takaw pug agɨlɨg chaÅ lɨlɨg gebɨm agak? Pay ak ma kumub, yokɨp wɨsɨn kɨneb agak. 40 Anɨb agek, nop yɨmel agelak, kɨlop ag seÅ yokɨl, pay nonɨm nap bel ak dɨl, bɨne omɨÅal nokom ak dɨl, poÅɨd pay ak kal ñɨluk mɨgan dɨlel yek ayaÅ amnak. 41 Amɨl, ñɨn kɨd nop ak dɨl agak, Talida kowum agak. Takaw agak jɨj anɨb ak nɨm, Pay sɨkol. Nep agebin, tɨkjakan agak. 42 Agek, pay kasek tɨkjakɨl aplan apyan gaknɨÅ, kɨli nɨÅɨd ju dɨl wal awl yɨbɨl agɨlak. Pay anɨb ak, sub ne anep umɨgan amnak. 43 Pen kɨli anɨgelak, Jisas takaw kɨles agɨl agak, Gɨpin anɨb ak binɨb okok kɨlop mɨseÅ ma agñɨnɨmɨb agak. Anɨb agɨl agak, Pay anop tap mɨdup ogɨnap ñem ñɨÅaÅ agak.