Aposel 11

1 Pen Pita binɨb Juda mel okok kɨlop God takaw ak agñek dɨlak anɨb ak, bɨ Jisas takaw nop dad ameb okok sek, binɨb Jisas yɨl yelak Judiya nɨb okok sek nɨgɨlak. 2 Anɨb ak kɨdek Pita Jelusalem amek, Juda bɨ wak tɨbɨlɨkɨnɨgun agelɨgɨpal okok, nop takaw kuÅay agɨl 3 agɨlak, Nad taynen amɨl, binɨb wak ma tɨbɨlɨkɨpal okok ayɨp tap jɨmñɨl ñɨban agɨlak? 4 Anɨb agelak, Pita pen tap okok mɨdupsek gak agɨl kɨlop agñɨlɨg agak, 5 Yad taun Jopa mɨdɨl, God nop ag mɨdɨlɨg day nɨgɨnek, wad awl olap tek wɨsɨp alaÅ nɨb yɨp yɨl owak agak. 6 Apek, yad wad anɨb ak yek wulep sɨÅak amɨl nɨgɨnek, sab chag, yawl, yoy okok keke kuÅay yɨbɨl yek agak. 7 Takaw olap pen yɨp agak, Pita. Tɨkjakɨl tap ñɨÅeb anɨb pi okok pak ñɨÅan agak. 8 Agek pen agɨnek, Bɨawl, mel agɨnek agak. Chɨn Juda binɨb tap asɨŠanɨb okok yad ma ñɨbin agɨnek agak. Tap olap ñɨben, wɨdɨn mɨdup nak adek sɨÅak tep ma gup agɨnek agak. 9 Agen, takaw anɨb ak wɨsɨp adek alaÅ nɨb apɨl tepayaÅ agak, God tap tɨtay gek suÅ mɨdeb okok, tap asɨkep agɨl ma agɨnɨmɨn agak. 10 Day nɨgɨnek anɨb anep, tepayaÅ nɨÅɨd, tepayaÅ nɨÅɨd, tepayaÅ nɨÅɨd gɨnek agak. Pen won anɨb anep tap wad awl anɨb ak, adɨkɨd wɨsɨp alaÅ amnak agak. 11 Won anɨb ak, bɨ omɨÅal nokom kal chɨn mɨdonok ak apjakɨlak agak. Bɨ anɨb okok bɨawl Koniliyus, taun Sisaliya nɨb ak agyokek, yɨp poÅɨdɨnɨg owlak agak. 12 God Kawnan ak yɨp agak, Gos kuÅay ma nɨgɨnɨmɨn, kɨli ayɨp monmon amnɨmɨn agak. Anɨb agek, yad mam Jisas nop gos lɨnepal anep kagol nɨm okol ayɨp Koniliyus kal ak amnɨnok agak. 13 Amjakon, Koniliyus agak, Ensel olap kal mɨgan yad apɨl yɨp agak, Bɨ ogɨnap agenɨmɨn, taun Jopa amɨl, bɨ Saymon Pita apal ak nop poÅɨd ownɨgel agak. 14 Apel, nep Jisas takaw tep ak agñɨnɨgab agak. Agñek, takaw anɨb ak dem, God ne binɨb kal nad ayɨp mɨdebɨm okok mɨdupsek tɨg asɨk dek, binɨb ne yenɨgabɨm agak. 15 Koniliyus yɨp anɨb agek, yad jɨj gɨl takaw agɨneknɨÅ, God Kawnan ne ak chɨnop ned yokak tek, binɨb anɨb okok kɨlop abe yokak agak. 16 Yokek, Jisas chɨnop agak takaw ak gos nɨgɨnek agak. Ne agak, Jon binɨb kɨlop ñɨg pakñak, God ne pen Kawnan ne ak nɨbop pakñɨnɨgab agak. 17 Pen chɨn Bɨawl Jisas Klays nop gos lɨnɨgɨnok ñɨn ak, God Kawnan ne ak chɨnop yokɨp yokak tek, kɨlop abe yokak agak. Anɨb ak taydɨl God nop mel agɨnɨm agak? 18 Pita anɨb agek, bɨ nop takaw kuÅay agɨlak okok takaw anɨb ak nɨÅɨd, anɨb agɨlak, Gos nad ke nɨÅɨd, binɨb Juda mel okok kɨlop yɨl ma amnɨnak agɨlak. God kɨlop dɨnɨg, nep agek amnɨnak ak, takaw ma mɨdeb agɨlak. Anɨb agɨl, God nop tep agɨlɨg agɨlak, Chɨnop nep mel, binɨb Juda mel okok abe, tap si tap tɨmel gɨpun ak taynen anɨgɨpun agɨl kelɨgel, God kɨlop gek pelpel yenɨgabal agɨlak. 19 Pen Stipen nop paklak ñɨn ak, binɨb Jisas nop gos lɨnɨgɨlak okok, kɨlop abe gɨ tɨmel gel, pɨlɨk keke amnɨlak. Ogɨnap pɨlɨk man Ponisiya amnɨlak, ogɨnap man olap Sayplus amnɨlak, ogɨnap taun Adiyok amnɨlak. Amɨl, Jisas takaw teplep ak binɨb Juda mel okok kɨlop ma agñɨlak, Juda binɨb okok kɨlop nep agñɨlak. 20 Pen bɨ ogɨnap man Sayplus nɨb, ogɨnap taun Saylini nɨb pɨlɨk taun Adiyok amɨl, Bɨawl Jisas takaw teplep ak, Juda binɨb sek, Juda mel okok sek kɨlop agñɨlak. 21 God kɨles ne ayɨp mɨdaknɨÅ, takaw agñel, binɨb kuÅay yɨbɨl Bɨawl nop gos lɨnɨÅɨd, tap gɨ tɨmel gɨpal okok kelɨgɨlak. 22 Pen Klays binɨb ne Jelusalem pelpel apnan gɨpal okok, kɨli takaw anɨb ak nɨÅɨd, bɨ Banabas nop agel taun Adiyok amnak. 23 Ne bɨ tep, God Kawnan nop bak lek, Jisas nop kɨles gɨl gos lɨnɨgak. Ak nɨm, man Adiyok amjakɨl, God binɨb okok ayɨp nep yek nɨÅɨd, nop tep gak. Kɨlop takaw ogɨnap sek agñɨtep gɨlɨg agak, God nop dɨpɨm ak, ma kelɨgɨnɨmɨb agak. Nop chɨgɨl nep yenɨmɨb agak. Wog anɨb ak gaknɨÅ, binɨb kuÅay yɨbɨl Jisas nop gos lɨnɨgɨlak. 25 Banabas pen, Sol nop am dad owin agɨl, taun Tasus amɨl pɨyowak. 26 Pɨyow nɨÅɨd, poÅɨd adɨkɨd taun Adiyok owlek. Apɨl, sub nokom anɨb ak, Klays binɨb ne pelpel apnan gɨpal okok kɨlop God takaw tep ak agñɨlɨg yelek. Adiyok binɨb yokɨp okok, kɨli binɨb Jisas yɨl yelak okok kɨlop nɨÅɨd ned agɨlak, Kɨli Klisten binɨb mɨdebal agɨlak. 27 Ãɨn anɨb ak, bɨ God gos ñek agñeb Jelusalem nɨb ogɨnap, Adiyok owlak. 28 Apel, God Kawnan ak bɨ kɨli Agabus nop gos ñek, ne tɨkjakɨl agak, Yuwan awl yɨbɨl ak, man awl mɨdupsek gɨnɨgeb agak. Agek, agak tek yuwan awl yɨbɨl ak, kɨdek Lom gapman bɨnonɨm Klodiyus kod yolɨgup ñɨn ak owak. 29 Adiyok binɨb Jisas yɨl yelak okok, kɨli takaw anɨb ak nɨÅɨd anɨb agɨlak, Binɨb Jisas nop gos nɨgɨlak Judiya plopens mɨdebal okok, yuwan mɨdebal tek, chɨn nokom nokom kɨlop mani ogɨnap ñɨnɨgun agɨlak. 30 Anɨb agɨl, mani lɨ nan gɨl, Banabas ayɨp Sol ayɨp kɨlop ñɨl agɨlak, Dad amɨl, bɨ Klays binɨb ne okok kɨlop kod mɨdebal okok kɨlop ñɨnɨmil agɨlak.