Aposel 12

1 Ãɨn nab anɨb ak, gapman bɨnonɨm Helod, ne binɨb Klays yɨl yelak ogɨnap dɨl, kɨlop gɨ tɨmel yɨbɨl gɨnɨm agɨl nag lak. 2 Bɨne okok kɨlop agek, kɨli baynat dɨl Jemis nop pɨsnep puÅɨl lel kumak. Jemis, ne Jon nɨmam ne ak. 3 Helod agek anɨgelak, Juda binɨb okok tep agɨl nɨgɨlak. Pen anɨgɨl nɨgɨlak tek, Helod Pita nop abe agek, dɨ nag lɨlak. Gɨlak anɨb ak, Juda ñɨn awl kɨli Pasopa bilet ñɨbal ñɨn nab sɨÅak gɨlak. 4 Helod ne Pita nop anɨgɨl dam nag lɨl, bɨ chɨm kadɨŠgep anep jel pɨs kɨd ak kɨlop bɨlok tɨgawup tɨgawup lɨl, subnab maynab kod nep yenɨmɨb agak. Helod gos ne nɨgak ak, Pasopa ñɨn awl ak apɨl padɨkek yɨl, kɨdek nop dad binɨb yenɨgabal nab ak amɨl, kot gɨnɨgabun agɨl nɨgak. 5 Pen Pita anɨgɨl nag lɨl mɨdaknɨÅ, binɨb Jisas nop gos lɨnɨgɨlak okok, nop nen agɨl, God nop kɨles gɨl agnɨg yelak. 6 Pen gapman bɨnonɨm Helod ne Pita nop kot gɨnɨm agɨl nɨgak ñɨn ak, maynab ayaÅ nop nag kɨles tɨmel omɨÅal tun gɨlak. Tun gɨl, bɨ chɨm kadɨŠgep omɨÅal adaÅ adaÅ nɨg yɨleknɨÅ, Pita nab ayaÅ kɨnek. Bɨ chɨm kadɨŠgep ogɨnap seÅayaÅ mɨdɨl, kanɨbtub ak nɨg yelak. 7 Won anɨb ak, God ensel ne olap apɨl, kal mɨgan anɨb ak mɨlek pakñak. Pakñek, Pita tɨgɨlem nop pakɨl agak, Kasek tɨkjakan agak. Agek, nag kɨles tɨmel ñɨn nop tun gɨlak ak asɨkak. 8 Ensel ak nop agak, Sɨbnag nad ak pog lɨl, tob tɨlup ak lan agak. Agek, agak tek gek, ensel ak agak, Chech palawl ak le amnul agak. 9 Agek, chech palawl ne ak lɨl, kal mɨgan yek ak kelɨgɨl, ensel ak ayɨp saÅɨdɨlek. Ensel gak anɨb ak, Pita ne agnɨgak eÅ, ak day nɨgebin agɨl nɨgak. 10 Pen bɨ chɨm kadɨŠgep nɨg yelak kanɨbtub omɨÅal ak sɨl gɨl, kanɨb kɨles tɨmel seÅayaÅ ak ke yɨkaknɨÅ, seÅayaÅ amnɨlek. Amɨl, kanɨb nab okok amɨlɨg, won anɨb anep ensel ak Pita nop kelɨgɨl amnak. 11 Anɨgek, nɨÅɨd anɨb agak, Mɨñɨl nɨgtep gebin agak. Ak Bɨawl nep, ensel ne ak agyokek, apɨl gapman bɨnonɨm Helod yɨp nag kɨles lup ak wɨsɨkup agak. Gapman bɨnonɨm Helod sek, Juda binɨb okok sek tap yɨp gɨnɨg gɨpal ak, gɨnɨgel tek ma lup agak. 12 Anɨb agɨl, gos anɨb ak nɨgtep gɨl, bɨ Jon Mak nonɨm Maliya kal ak amnak. Kal anɨb ak binɨb kuÅay yɨbɨl apɨl, God nop agnɨg yelak. 13 Pita apɨl, kanɨb ak pak gigu gek, pay Loda, ne kal anɨb ak bin wog gɨñeb ak, kanɨb ak yɨkɨnɨg owak. 14 Apɨl, Pita meg mɨgan anep agek nɨgak. NɨÅɨd, mɨñmɨñ yɨbɨl gɨlɨg kanɨb ak sawl gɨl ma yɨkak, am binɨb okok kɨlop agak, Pita apɨl mɨdeb seÅayaÅ agak. 15 Agek agɨlak, Nep sawl lup ageban agɨlak. Anɨb agelak, kɨles yɨbɨl gɨl agak, Yepɨs ma apin. NɨÅɨd yɨbɨl apin agak. Pita mɨdeb seÅayaÅ agak. Agek agɨlak, Ak ensel ne ak tek lup agɨlak. 16 Pen Pita kanɨb ak tepayaÅ pak gigu gek, am kanɨb ak yɨkɨl nɨgɨlak, Pita ne ke ap yek nɨÅɨd, wal yɨbɨl agɨlak. 17 Wal agɨlaknɨÅ, kɨlop ñɨn tɨg mɨlɨch gɨl agak, Ma yɨbɨl agɨnɨmɨb agak. Anɨb agɨl, kalabus kal yeknɨÅ, God ensel olap yokek apɨl, nop tɨtay gɨl dad owak takaw ak, kɨlop agñak. Agñɨl agak, Nɨbi Jemis nop agñɨl, bɨ Jisas yɨl mɨdebal okol kɨlop agñɨl gɨnɨmɨb agak. Agɨl, kɨlop kelɨgɨl, wakay olap ke amnak. 18 Mɨnek man tɨkaknɨÅ, bɨ chɨm kadɨŠgep okok Pita ma yek nɨÅɨd, tay gup agɨl ag aplan apyan gɨ yelak. 19 Gapman bɨnonɨm Helod ne anɨb ak nɨÅɨd, Pita nop kasek pɨyow nɨÅɨd dad owɨm agek, pɨyow mel nɨgelak, bɨ chɨm kadɨŠgep okok kɨlop kot gɨl agek, bɨ anɨb okok kɨlop pɨsnep paklɨlak. Kɨdek Helod ne Judiya plopens kelɨgɨl, am taun Sisaliya yolɨgup. 20 Ãɨn anɨb ak gapman bɨnonɨm Helod, ne taun Taya binɨb okok sek, taun Saydon binɨb okok sek nɨgek, nop mɨlɨk yowak. Pen kɨli tap mɨdup delɨgɨpal, man Helod ne kodolɨgup ak. Anɨb ak Taya Saydon binɨb jɨmñɨl apɨl nop nɨgɨlak. Pen kɨli ned bɨ Blastus nop ap agnɨgelak, ne yaw agak. Bɨ anɨb ak, Helod kal nop kod yolɨgup. Agek, Helod nop am nɨÅɨd anɨb agɨlak, Chɨnop mɨlɨk ma nɨgɨnɨmɨn, kɨmɨgel jɨmñɨl yonɨgun agɨlak. 21 Helod takaw anɨb ak nɨÅɨd, ñɨn olap takaw agɨnɨgayn agɨl aglak. Ãɨn anɨb ak apek, bɨnonɨm kay lɨpal chech teplep yɨbɨl okok lɨl, bɨnonɨm besɨgep adek ak besɨgɨl, binɨb okok kɨlop takaw agñak. 22 Agñek agɨlak, Ak bɨ tek ma agup, God tek olap agup agɨlak. 23 Pen God nop kelɨgɨl, yɨb ne ak ke dad aplanak tek, won anɨb ak God ensel olap agyokek, ap nop pakek tap awl gɨl, gogajɨŠlek kumak. 24 Pen God takaw ak agñel amnaknɨÅ, man okok kɨd kɨd amnak. 25 Banabas ayɨp Sol ayɨp Jelusalem mɨdɨl, gɨnɨg owlek ak gɨjɨpul agɨl, Jon Mak nop poÅɨd adɨkɨd taun Adiyok amnɨlak.