Aposel 10

1 Pen Lom bɨ chɨm kadɨŠgep bɨawl olap, taun Sisaliya yolɨgup. Yɨb ne ak Koniliyus. Ne bɨ chɨm kadɨŠgep kod yolɨgup okok, kɨlop Yitali bɨ chɨm kadɨŠgep okok agelɨgɨpal. 2 Bɨawl Koniliyus anɨb ak, binɨb kal nop ap yelɨgɨpal okok ayɨp, God nop gos nɨÅɨd kɨdek gelɨgɨpal. Ne Juda binɨb yɨmgeptek okok, kɨlop mani tap okok monmon ñolɨgup. Pen ne God nop mɨnek mɨnek agolɨgup. 3 Mɨnek olap sub kɨyum gak won ak, day nɨgak, God ensel olap agyokek apɨl agak, Koniliyus agak. 4 Agek, nop nɨÅɨjsek lɨg pɨlɨkɨlɨg agak, Bɨawl. Yɨp taynen agak? Agek, ensel ak nop agak, Nad God nop agɨlɨg, binɨb yɨmgeptek okok kɨlop tap monmon ñɨlɨg gɨpan ak, nep sawl ma gup agak. 5 Nad bɨ ogɨnap age, am taun Jopa amɨl, bɨ Saymon Pita apal ak nop am agel ownɨmuÅ agak. 6 Ne bɨ olap ayɨp mɨdebil, ñɨg solwala gol ak agak. Bɨ olap anɨb ak, yɨb ne abe Saymon, bɨ chag bulmakaw wak wog golɨgup agak. 7 Pen ensel ak takaw anɨb ak agɨl amnaknɨÅ, Koniliyus ne bɨ wog gɨñeb ne omɨÅal ak sek, bɨ chɨm kadɨŠgep God nop gos nɨgak olap sek agek owlak. Bɨ chɨm kadɨŠgep anɨb ak, ne Koniliyus ayɨp mɨdɨl, nop wog gɨñɨtep golɨgup. 8 Apelak, ensel ak takaw tɨtay agak ak kɨlop agñɨ tep gɨl, agyokek taun Jopa amnɨg saÅɨdɨlak. 9 Am am kanɨb nab ak kɨnɨlak. Mɨnek am am, subnab awl alaÅ won ak, taun Jopa wulep wulep gɨlak. Won anɨb ak Pita, God nop agɨnɨg amnak, kal adek alaÅ. 10 Amɨl, God nop ag mɨdaknɨÅ, nop yuwan gak. Pen binɨb ne okok, tap dagɨl gɨlaknɨÅ, ne day nɨgak. 11 Day nɨÅɨd nɨgak, wɨsɨp alaÅ mɨgan yɨkɨl, tap olap wad awl tek ak alaÅ nɨb lum ayaÅ owak. 12 Wad mɨgan anɨb ak sab chag, yawl, yoy okok keke kuÅay yɨbɨl yek. 13 Takaw olap pen agak, Pita. Tɨkjakɨl tap ñɨÅeb anɨb pi okok pak ñɨÅan agak. 14 Agek pen agak, Bɨawl, mel agak. Chɨn Juda binɨb tap asɨŠanɨb okok yad ma ñɨbin agak. Tap olap ñɨben, wɨdɨn mɨdup nak adek sɨÅak tep ma gup agak. 15 Agek, takaw anɨb ak tepayaÅ agak, God tap tɨtay gek suÅ mɨdeb okok, tap asɨkep agɨl ma agɨnɨmɨn agak. 16 Day nɨgak anɨb ak, tepayaÅ nɨÅɨd tepayaÅ nɨÅɨd tepayaÅ nɨÅɨd gak. Won anɨb anep tap wad awl anɨb ak, adɨkɨd wɨsɨp alaÅ amnak. 17 Anɨgek, Pita day nepin anɨb ak tay gɨnɨgab agɨl, gos kuÅay nɨgak. Nɨg mɨdaknɨÅ, bɨ Koniliyus agyokek nop agnɨg owlak bɨ kab ak, kanɨbtub ak amjakɨlak. 18 Amjakɨl agɨlak, Bɨ Saymon, yɨb ne olap Pita apal ak, awl mɨdeb akaÅ agɨlak? 19 Pen Pita ne day anɨb ak nɨg yek, God Kawnan ak Pita nop agak, Bɨ omɨÅal nokom apɨl nep pɨyowebal agak. 20 Yad ke agen nep pɨyowebal anɨb ak, kɨlop gos kuÅay ma nɨgɨnɨmɨn agak. Tɨkjakɨl, ayaÅ amɨl, kɨli ayɨp amnɨmɨb agak. 21 Agek, ayaÅ amɨl kɨlop nɨÅɨd anɨb agak, Bɨ pɨyow nɨgebɨm ak nɨm, yad nokom agak. Yɨp takaw olap agɨnɨg opɨm akaÅ agak? 22 Agek agɨlak, Bɨawl Koniliyus, Lom bɨ chɨm kadɨŠgep bɨawl olap, ne chɨnop agyokek opun agɨlak. Ne bɨ teplep yɨbɨl, God nop gos nɨÅɨd kɨdek gek, Juda kay nop nɨgel tep gup agɨlak. God ensel ne olap apɨl nop agak, Nad bɨ ogɨnap agyoke, am Saymon Pita nop poÅɨd apel, takaw agɨnɨmuÅ ak nɨgɨnɨmɨb agak agɨlak. 23 Anɨb agel, Pita kɨlop agek kal mɨgan amɨl kɨnɨlak. Mɨnek Pita ayɨp, bɨ Jopa nɨb Jisas nop gos lɨnɨgɨlak ogɨnap ayɨp, Koniliyus agyokak bɨ tun ak ayɨp amnɨlak. Am am kanɨb nab ak kɨnɨlak. Mɨnek nɨm, taun Sisaliya amjakɨl, Koniliyus kal ak amnɨlak. 24 Pen Koniliyus ne Pita apeb agɨl, binɨb ne okok sek, numi nɨmam ne okok sek kɨlop suk agek apnan gɨl yelak. 25 Pita amɨl, kal mɨgan amnɨg gaknɨÅ, Koniliyus nop tep gak. Anɨgek, Koniliyus am tob agen amɨl, kɨgom yɨm gɨlɨg, Pita yɨb nop ak dad aplanak. 26 Anɨgek, Pita nop dɨ jakñɨl agak, Jakan. Yad God mel, yad bɨ yokɨp nen agak. 27 Agek jakaknɨÅ, takaw agɨlɨg kal mɨgan ayaÅ amnɨlek. Amɨl, Pita nɨgak, binɨb kuÅay yɨbɨl apnan gɨl yelak. 28 NɨÅɨd, kɨlop agak, Nɨbi ke nepɨm, chɨn Juda okok, binɨb Juda mel ogɨnap ayɨp yonɨgun tek ma lup agak. Kal kɨli binɨb Juda mel okok wɨlɨkɨl ayɨp ma yonɨgun tek lup agak. Pen God yɨp takaw olap agak ak nɨm, binɨb ogɨnap asɨŠmɨdebal agɨl, kɨlop asɨkɨnɨm tek ma lup agak. 29 Anɨb ak nɨÅɨd nɨm, Koniliyus takaw agup ak nɨÅɨd ma kelɨgɨpin, agup tek nɨÅɨd opin agak. Anɨb ak yɨp tay gɨnɨg agem opin agak? 30 Pita anɨb agek, Koniliyus agak, Yad bɨ anɨb okok nep agyokɨpin ñɨn anɨb ak, nab sɨÅawl sub kɨyum gak won awl tek, kal mɨgan ayaÅ God nop ag mɨdɨlɨg nɨgɨnek, bɨ chech kayɨg yɨbɨl yɨmak olap, apɨl yenek sɨÅak mɨseÅ lak agak. 31 Gɨl agak, Koniliyus. Nad God nop agɨlɨg, mani tap okok binɨb yɨmgeptek okok kɨlop monmon ñɨban ak, God nɨgup agak. 32 Anɨb ak nɨm, bɨ ogɨnap agyoke, taun Jopa amɨl, bɨ Saymon yɨb nop olap Pita apal ak, poÅɨd ownɨgel agak. Ne bɨ olap ayɨp mɨdebil, ñɨg solwala gol ak agak. Bɨ olap anɨb ak, yɨb ne abe Saymon, bɨ chag bulmakaw wak wog golɨgup agak. 33 Ensel ak yɨp anɨb agek, yad kasek bɨyad ogɨnap agen, nep am poÅɨd apel nɨm, yɨp tep gup agak. Kal awl God ayɨp mɨdobun tek, takaw mɨdupsek kɨlop agɨnɨmɨn agɨl nep agup ak, chɨnop age nɨgun agak. 34 Koniliyus anɨb agek, Pita agak, Yad mɨñɨl nepin. God chɨnop Juda binɨb nep din agɨl gos ak ma nɨgup agak. Binɨb man okok mɨdupsek dɨnɨgab agak. 35 Man okok mɨdupsek, binɨb nop gos nɨÅɨd muk ne okok apɨl gɨtep yɨbɨl gɨnɨgabal okok, kɨlop dɨnɨgab agak. 36 Pen God chɨnop Yislel binɨb dɨnɨg, takaw teplep agak ak nepɨm agak. Takaw anɨb ak anɨgɨl agñɨlak, God ne chɨn ayɨp kɨmɨgel mɨdon agɨl, Jisas Klays nop agyokek owak agɨlak agak. Jisas ne Bɨawl ak, chɨnop mɨdupsek kod mɨdeb agɨlak agak. 37 Tap anɨb anɨb gak ak man Yislel, bɨ ogɨnap agel nepɨm agak. Ned Jon Bɨ Ãɨg Pakñeb ak ñɨg pakñɨlɨg, takaw tep agñak agak. Kɨdek, tap anɨb okok jɨj gɨl gak, Galili plopens agak. Bɨ Jisas taun Nasalet nɨb, God ayɨp mɨdɨl nop aglup ak, God ne Kawnan ne ak Jisas nop yokek kod yek agak. Ne man okok ajɨl, binɨb yokɨp okok dɨtep gɨlɨg, binɨb kɨcheki bɨawl ak gek koslam yelak okok kɨlop gek, suÅ lak agak. Anɨgek, takaw anɨb ak ag dad amɨl, ag dad amɨl, binɨb Judiya mɨdebal okok mɨdupsek nɨgɨlak agak. 39 Pen Jisas, ne chɨn Juda binɨb man okok gɨ ajɨl, taun Jelusalem gɨ ajɨl gak gak tek, chɨn ke nɨgɨnok tek agebin agak. Nop mab bak alaÅ chɨpɨl pak tɨbɨk lel kumak ak pen, 40 ñɨn omɨÅal nokom mɨdɨl, God gek tepayaÅ tɨkjakɨl, apɨl mɨseÅ lek nɨgɨnok agak. 41 Binɨb mɨdupsek nop ma nɨgɨlak agak. God chɨnop binɨb ne aglup okok nep, nop yomek mɨseÅ nɨgɨnok agak. Chɨn nɨm ne kumɨl tɨkjakɨl, ayɨp jɨmñɨl tap ñɨÅɨnok agak. 42 Chɨnop agak, Takaw tep yad ak binɨb okok kɨlop agñɨtep gɨlɨg agɨnɨmɨb agak. Kɨdek God agek, bɨ aglup nokom nɨm ak, binɨb kumɨlak okok sek, binɨb kɨm yenɨgabal okok sek, kɨlop mɨdupsek tɨg asɨk bɨlokɨnɨgab agak. 43 Pen adek anɨb ak, bɨ God gos ñek agñeb okok mɨdupsek agɨlak, Klays ne apɨl gɨnɨgab tek, binɨb nop gos lɨnɨgɨnɨgabal okok, God kɨlop mɨdupsek tap si tap tɨmel gɨpal ak tɨg walɨg gɨyokɨnɨgab agɨlak agak. 44 Pen Pita anɨgɨl takaw ag mɨdaknɨÅ, binɨb mɨdupsek takaw anɨb ak nɨgɨlak okok, God Kawnan ak kɨlop bak lak. 45 Bak lek, takaw yɨbɨl keke agɨlɨg, God yɨb nop ak dad aplanɨlak. Anɨgelak, bɨ Juda Jisas nop gos lɨnɨÅɨd, Pita ayɨp owlak okok, kɨli judɨl nɨÅɨd anɨb agɨlak, God ne Kawnan ne ak, binɨb Juda mel okol kɨlop monmon yokek apɨl bak lup agɨlak. Pita pen agak, 47 God Kawnan ne ak chɨnop yokak tek, mɨñɨl binɨb okol kɨlop abe yokup agak. Anɨb ak ñɨg pakɨnɨg agel, binɨb ogɨnap kɨlop mel agɨnɨgel tek ma lup agak. 48 Anɨb agɨl, bɨne ogɨnap agek, Jisas yɨl mɨdebal agɨl, kɨlop ñɨg pakñɨlak. Pakñelak agɨlak, Pita. Ãɨn kab olap chɨn ayɨp yenɨmɨn agɨlak.