Aposel 9

1 Pen Sol binɨb Jisas yɨl yelak okok kɨlop paklin agɨl, pel kɨles yɨbɨl golɨgup. Mɨnek olap am bɨ God nop sɨbogep bɨawl yɨbɨl anop agak, 2 Yɨp mɨj ogɨnap kɨl tɨkñenɨmɨn, dad Juda apnan gɨpal kal keke mɨdeb taun Damaskus amnɨgayn agak. Amɨl, kɨlop ñɨnɨgayn agak. Mɨj anɨb ak tɨkɨl agɨnɨmɨn, Nɨbi Juda apnan gɨpal kal man Damaskus nɨb opɨm okok, binɨb Bɨawl kanɨb tep ne ameb apal ogɨnap yenɨgel, Sol nop agɨnɨmɨb agɨl tɨkɨnɨmɨn agak. Agem, nag lɨl, dad Jelusalem ownɨmuÅ agɨl tɨkɨnɨmɨn agak. 3 Anɨb agek, mɨj tɨkñaknɨÅ, dad taun Damaskus amnak. Wulep wulep gaknɨÅ, mɨlek awl ak wɨsɨp alaÅ nɨb nop nɨgak. 4 Nɨgek, Sol apyap man ayaÅ pakaknɨÅ, takaw olap agak, Sol. Sol. Yɨp taynen pel pakɨnɨg gɨpan agak? 5 Agek agak, Bɨawl. Nad an agak? Agek agak, Yad Jisas, yɨp pel paklɨnɨg gɨpan ak nep agebin agak. 6 Anɨb agɨl agak, Nad tɨkjakɨl, taun Damaskus amɨl, bɨ olap ap nep takaw agɨnɨmuÅ tek nɨÅɨd gɨnɨmɨn agak. 7 Pen bɨ Sol ayɨp owlak okok, ne apyap pakaknɨÅ, takaw mɨdup anep nɨÅɨd, bɨ nonɨm ak ma nɨÅɨd, gos pal lɨl takaw ogɨnap ma yɨbɨl agɨlak. 8 Ne anɨgɨl apyap pakɨl, tɨkjakɨl nɨgak, wɨdɨn nop ak pɨsnep koy gak. Anɨgek, bɨne ayɨp owlak okok, ñɨn kɨd nop ak dɨl, poÅɨd Damaskus amnɨlak. 9 Nop anɨgɨl wɨdɨn koy gek, ñɨg, tap mɨdup tap okok ma ñɨbɨl, ñɨn omɨÅal nokom yokɨp nep yek. 10 Pen bɨ Jisas yɨl yek ak olap, ne Damaskus anɨb ak yek. Yɨb ne ak Ananayas. Ne day nɨgak, Bɨawl nop agak, Ananayas agak. Agek, Ananayas ne agak, Bɨawl. Yad mɨdebin agak. 11 Agek, Bɨawl ne agak, Sol bɨ man Tasus nɨb ak, ne day nɨgup agak. Day nɨgup ak, nop am dɨnɨgaban, wɨdɨn koy gak ak suÅ lɨnɨgab agak. Ne mɨñɨl yɨp agnɨgɨlɨg mɨdeb, Judas kal ak agak. Anɨb ak nad kanɨb Yɨpɨd apal ak amɨl, Judas kal amjakɨl kɨlop agɨnɨmɨn, Sol nop nɨgɨnɨg apebin agɨnɨmɨn agak. 13 Bɨawl anɨb agek, Ananayas agak, Bɨawl. Yad nepin, binɨb kuÅay yɨbɨl apal, Bɨ Sol anɨb ak binɨb nep yɨl mɨdebal okok, kɨlop pel gɨ tɨmel yɨbɨl gup man Jelusalem apal agak. 14 Ne mɨñɨl owup awl, yokɨp ma owup agak. Bɨ God nop sɨbogep bɨawl okok, takaw kɨlop ak nɨÅɨd, chɨn binɨb nep agnɨÅɨd yɨb nep apun okok, chɨnop nag lin agɨl owup agak. 15 Ananayas anɨb agek, Bɨawl agak, AmnoÅ agak. Bɨ anɨb anop wog ogɨnap pɨsnep aglɨpin agak. Ne takaw tep yɨp ak, binɨb Juda mel okol kɨlop agñɨl, gapman bɨnonɨm okol kɨlop agñɨl, Yislel binɨb okol kɨlop agñɨl gɨnɨgab agak. 16 Pen ne yul awl dɨl mɨÅel awl dɨlɨg, wog yad anɨb ak gɨnɨgab agak. Anɨb okok nop gɨnɨgab ak, nop yomnɨgayn agak. 17 Pen Ananayas anɨgɨl day nɨÅɨd, Judas kal ak amɨl nɨgak, Sol yek. Nop dɨlɨg agak, Mam Sol agak. Bɨawl Jisas kanɨb nab mɨseÅ gek nɨgɨnak ak, yɨp agyokek apebin agak. Wɨdɨn tep ak nɨÅɨd, God Kawnan ak abe dɨnɨmɨn agak. 18 Anɨb agaknɨÅ, tap bad tek wɨdɨn nop yu gɨl yek ak, wanɨg yowaknɨÅ, day wɨdɨn nɨgak. Won anɨb anep tɨkjakek, Ananayas Sol nop ñɨg pakñak. 19 Ãɨg pakñek, Sol tap ñɨbek nop kɨles ñak. Sol God takaw agñak, taun Damaskus Pen ñɨn ogɨnap, Sol ne binɨb Jisas yɨl yelak okok ayɨp taun Damaskus yolɨgup. 20 Mɨdɨl, Juda apnan gɨpal kal okok amel, Jisas takaw ak binɨb okok kɨlop agñɨl agak, Jisas, ne God Ãɨne yɨpɨd gɨl yɨbɨl agak. 21 Anɨgɨl agñek, binɨb mɨdupsek nɨÅɨd ju dɨlɨg agɨlak, Bɨ anɨb awl, binɨb Jisas nop agnɨÅɨd yɨb nop apal okok, kɨlop gɨ tɨmel golɨgup, man Jelusalem agɨlak? Chɨn nɨÅɨd apun akaÅ agɨlak? Mɨñɨl ogɨnap sek nag lɨl, dam Jelusalem bɨ God nop sɨbogep bɨawl okok kɨlop ñin agɨl owup tek lup agɨlak. 22 Sol ne Jisas takaw ag dad amɨl agak, Bɨ God nop aglup ak nɨm, Jisas nokom agak. Takaw anɨb ak kɨles gɨl yɨpɨd gɨl yɨbɨl agak. Agek, bɨ Juda Damaskus yelak okok, takaw olap pen agnɨgel tek ma lak. 23 Pen kɨdek mɨd dad amɨl, Juda kay apnan gɨl, takaw ag adek nokom lɨl agɨlak, Sol nop paklɨnɨgun agɨlak. 24 Takaw agɨlak anɨb ak Sol nɨgak. Man awl anɨb ak, kab wali awl yɨbɨl gɨ kuskus gɨlak ak nɨm, kanɨb tam ajelɨgɨpal okok, Sol nop ñagun agɨl, subnab maynab ñɨluk lɨ yelɨgɨpal. 25 Anɨgelak mɨnek olap, maynab ayaÅ bɨ takaw nop nɨgelɨgɨpal okok, kɨli nop wad mɨgan awl ak yɨgɨlak. Yɨgɨl, nag tun gɨl, lɨpɨg alaÅ nɨb ayaÅ dɨyokelak amnak. 26 Pen Sol Jelusalem amɨl, binɨb Jisas yɨl yelak okok ayɨp jɨmñɨl yonɨgun agɨl nɨgak. Kɨli pen nop nɨÅɨd, bɨ anɨb awl Jisas yɨl ma yek, chɨnop paklɨnɨg nep owup agɨl, pɨlɨkɨlak. 27 Pɨlɨkelak, Banabas, ne Sol nop dad, bɨ Jisas takaw nop dad ameb okok yelak ak amɨl, kɨlop agak, Bɨ anɨb awl mɨnek olap taun Damaskus amnɨg, kanɨb nab ak amek, Jisas mɨseÅ gɨl nop takaw ogɨnap agek nɨgak agak. Kɨdek Damaskus binɨb kɨlop ma pɨlɨkɨl, Jisas takaw tep ak monmon yɨbɨl agñak agak. 28 Banabas anɨb agek, Sol nop delak, kɨli ayɨp Jelusalem mɨdɨl, Bɨawl takaw tep ak ma pɨlɨkɨl, monmon yɨbɨl agñak. 29 Pen bɨ Juda ogɨnap, Glik takaw agɨlak okok, ne ayɨp penpen ag amɨl apɨl gɨl, pɨsnep paklun agɨl gos ak nɨgɨlak. 30 Pen bɨ Jisas nop gos lɨnɨgɨlak ogɨnap, takaw anɨb ak nɨÅɨd, nop poÅɨd dam taun Sisaliya amɨl, agyokel taun Tasus amnak. 31 Ãɨn anɨb ak, Klays binɨb ne Judiya plopens, Galili plopens, Samaliya plopens pelpel apnan gɨpal okok, kɨli mɨdtep gɨlak. God Kawnan ak kɨlop kod mɨdaknɨÅ, God takaw ma kelɨgɨl, dɨtep yɨbɨl gɨnɨgun agɨl agɨlak. Anɨgɨl gos sek mɨdɨl kɨles gɨl jak tep gɨl mɨdɨl, binɨb kuÅay yɨbɨl Jisas nop dɨlak. 32 Pita ne man keke nɨg ajolɨgup. Anɨgɨl nɨg ajɨl, mɨnek olap binɨb Klays yɨl mɨdebal okok kɨlop nɨgin agɨl, taun Lida amnak. 33 Man anɨb ak, bɨ ñɨn tob kumek olap, mɨj adek nep kɨn yek, sap yeb anep jel ak yek. Yɨb ne Ayniyas. 34 Pita bɨ anɨb anop agak, Ayniyas. Tap nep gup ak, Jisas Klays gek suÅ lɨnɨgab agak. Jakɨl, mɨj ak pal tep gan agak. Anɨb agaknɨÅ, nop suÅ lɨl tɨkjakak. 35 SuÅ lek gɨ ajek, taun Lida binɨb okok sek, taun Salon binɨb okok sek nop nɨgɨlak tek, tap tɨmel gɨpal okok kelɨgɨl, Bɨawl nop nokom gos nɨgɨlak. 36 Bin Jisas yɨl yek olap taun Jopa yek. Bin anɨb ak yɨb ne Tabita. Pen Glik takaw agɨl, nop Dokas agɨlak. Ne binɨb okok kɨlop kod mɨdtep gɨl, binɨb yɨmgeptek okok kɨlop wog gɨñolɨgup. 37 Pen Pita taun Lida mɨdaknɨÅ, bin anɨb ak mɨñak dɨl kumak. Kumek, chɨp ñɨg pakñɨl dam lɨlak, kal mɨgan adek alaÅ. 38 Binɨb Jisas yɨl yelak okok, takaw olap nɨgɨlak, Pita ap yek man Lida. Taun Lida anɨb ak, taun Jopa bak sɨÅak yek. Kɨli nɨÅɨd, bɨ omɨÅal yokel, amɨl agɨlek, Nad chɨl ayɨp kasek ape amnun agɨlek. 39 Agel Pita tɨkjakɨl, kɨlimɨÅal ayɨp Jopa amnak. Amɨl, nop poÅɨd, Tabita kumak ak dam lɨlak kal mɨgan adek alaÅ amnɨlak. Pen bin kaÅɨl ap yelak okok, bin kumak anɨb ak ned kɨm mɨdɨlɨg chech tap kɨlop yokɨp gɨñolɨgup okok, kɨli Pita nop yomɨlɨg chaÅ lɨlak. 40 Ne pen binɨb ap yelak okok kɨlop ag seÅayaÅ yokak. Yokɨl, kɨgom yɨmɨl, God nop agɨl, tɨg adɨkɨl chɨp nɨgɨlɨg agak, Tabita. Tɨkjakan agak. Agek, bin anɨb ak Pita nop nɨÅɨd, tɨkjakɨl besɨgak. 41 Pita ñɨn kɨd nop ak dɨl, dɨ jakñɨl, am binɨb Klays yɨl yelak okok sek, bin kaÅɨl okok sek, kɨlop agek apel agak, Tabita awl agak. 42 Pen Pita anɨgek, takaw anɨb ak taun Jopa binɨb mɨdupsek nɨgɨlak. NɨÅɨd, binɨb kuÅay yɨbɨl kɨli Bɨawl nop gos lɨnɨgɨlak. 43 Pen Pita ne taun Jopa anɨb ak, bɨ chag bulmakaw wak wog golɨgup olap ayɨp ñɨli pel yelɨgɨpil. Bɨ anɨb ak yɨb ne Saymon.