ⴰⵡⴰⵍⴻⵏ ⵉⵡⴻⵥⵏⴻⵏ 11

1 ⵍⵎⵉⵣⴰⵏ ⴰⵖⴻⵛⵛⴰⵛ ⴷ ⵏⵏⵄⵉ ⵉ ⵙⵉⴷⵉ, ⵎⴰⵛⴰ ⴰⵥⵔⵓ ⵏ ⵍⴻⵡⵣⴻⵏ ⵏⵉⵛⴰⵏ ⵉⵜⵜⴰⴼ ⴰⵔⴹⴰ ⵏⵏⴻⵙ. 2 ⵎⴰⵍⴰ ⵜⵓⵙⴰ-ⴷⴷ ⵏⵏⴼⴰⵅⴻⵜ, ⵜⵓⵙⴰ-ⴷⴷ ⵓⵍⴰ ⴷ ⵍⴻⴼⴹⵉⵃⴻⵜ, ⵎⴰⵛⴰ ⵖⴰⵔ ⵉⵎⵡⴰⴹⵄⴻⵏ ⵜⴻⴵⴰ ⵜⵉⵖⵉⵜ. 3 ⵍⴻⵚⴼⴰⵢⴻⵜ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵜⵏⴻⴷⴷⴻⵀ ⵉ-ⵜⴻⵏ, ⵎⴰⵛⴰ ⵜⴰⵃⵔⴰⵢⵎⴻⵛⵜ ⵏ ⵉⵖⴻⴷⴷⴰⵔⴻⵏ ⵜⴰⵍⴻⴷⴷⴻⴵ ⵉ-ⵜⴻⵏ. 4 ⴰⴳⵍⴰ ⵡⴰⵔ ⵉⵏⴻⴼⴼⴻⵄ ⵖⴰⵔ ⵡⴰⵙⵙ ⵏ ⵓⴷⵓⵇⵇⴻⵣ ⵏ ⵓⴼⵓⴳⴻⵎ, ⵎⴰⵛⴰ ⵜⴰⵙⴻⴳⴷⴰ ⵜᵉⵜⵜⴼⴻⴽⴽⴰ ⵣⵉ ⵍⵎⴻⵡⵜ. 5 ⵜⴰⵙⴻⴳⴷⴰ ⵏ ⵡⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵉⵜⵜⴰⵔⵔⴰ ⴰⴱⵔⵉⴷ ⵏⵏⴻⵙ ⵏⵉⵛⴰⵏ, ⵎⴰⵛⴰ ⴰⵄⴻⴼⴼⴰⵏ ⵉⵡⴻⵟⵟⴰ ⵙ ⵜⵓⵄⴻⴼⴼⵏⴰ ⵏⵏⴻⵙ. 6 ⵜⴰⵙⴻⴳⴷⴰ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⴷ ⵜⴻⵏ ⵜⴼⴻⴽⴽ, ⵎⴰⵛⴰ ⵉⵖⴻⴷⴷⴰⵔⴻⵏ ⴰⴷ ⵜⵜⵡⴰⵛⴰⵔⴼⴻⵏ ⴷⴻⴳ ⵓⵎⴻⵥⵔⵉ ⵏⵙⴻⵏ. 7 ⵎⴰⵍⴰ ⵉⵎⵎⵓⵜ ⴱⵏⴰⴷⴻⵎ ⴰⵄⴻⴼⴼⴰⵏ, ⵉⴼⵏⴰ ⵍⴰⵢⴰⵙ ⵏⵏⴻⵙ, ⵓⵍⴰ ⴷ ⵎⵉⵏ ⵜⵜⵔⴰⵊⴰⵏ ⵢⴻⵔⵢⴰⵣⴻⵏ ⴷⴰⵢⵙⴻⵏ ⵜⴻⵔⵢⴰⵙⵜ ⴰⴷ ⵉⴼⵏⴰ. 8 ⴰⵎⵙⴻⴳⴳⴻⴷ ⴰⴷ ⴷⴷ-ⵉⵜⵜⵡⴰⴼⴻⴽⴽ ⵣⵉ ⵍⴻⵃⵚⴰⵔⴻⵜ, ⵓⵛⴰ ⵅⴻⵏⵏⵉ ⴰⵄⴻⴼⴼⴰⵏ ⴰⴷ ⴷⴷ-ⵢⴰⵙ ⴷⴻⴳ ⵡⴻⵎⵛⴰⵏ ⵏⵏⴻⵙ. 9 ⴰⵎⵏⴰⴼⴻⵇ ⵉⵜⵜⴰⵔⴻⴷⴷⴻⴵ ⵊⵊⴰⵔ ⵏⵏⴻⵙ ⵙ ⵓⵇⴻⵎⵎⵓⵎ ⵏⵏⴻⵙ, ⵎⴰⵛⴰ ⵉⵎⵙⴻⴳⴳⴰⴷⴻⵏ ⴰⴷ ⵜⵜⵡⴰⴼⴻⴽⴽⴻⵏ ⵙ ⵜⵓⵙⵙⵏⴰ. 10 ⵜⴰⵏⴷⵉⵏⵜ ⵜᵉⵜⵜⴻⵙⵍⵉⵡⵍⵉⵡ ⵎⴰⵍⴰ ⵉⵎⵙⴻⴳⴳⴰⴷⴻⵏ ⴰⵇⴰ ⴰⵜⴻⵏ ⵎⵍⵉⵃ, ⵓ ⵎⴰⵍⴰ ⵜⵜⵡⴰⵀⴻⵍⵍⴽⴻⵏ ⵉⵄⴻⴼⴼⴰⵏⴻⵏ, ⴰⵇⴰ ⴷⵉⵏ ⴰⵙⵍⵉⵡⵍⴻⵡ. 11 ⵜᵉⵜⵜⵡⴰⵙⵙⴳⴻⵄⵄⴻⴷ ⵜⴻⵏⴷⵉⵏⵜ ⵙ ⵍⴱⴰⵔⴰⴽⴰ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ, ⵎⴰⵛⴰ ⵙ ⵓⵇⴻⵎⵎⵓⵎ ⵏ ⵉⵄⴻⴼⴼⴰⵏⴻⵏ ⴰⴷ ⵜᵉⵜⵜⵡⴰⵀⴷⴻⵎ. 12 ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⵛⴰ ⵡⵓⵍ ⵉⵎⵜⴻⵏ, ⵉⵙⵙⴻⵃⵇⴰⵔⴰ ⵊⵊⴰⵔ ⵏⵏⴻⵙ, ⵎⴰⵛⴰ ⴰⵔⵢⴰⵣ ⵡⴻⵏⵏⵉ ⵖⴰⵔ ⵉⴵⴰ ⵍⴻⴼⵀⴰⵎⴻⵜ ⵉⵜⵜⴻⵙⵇⴰⵔ. 13 ⵡⴻⵏⵏⵉ ⵉⴳⴳⵓⵔⴻⵏ ⴷⴰ ⴷ ⴷⵉⵀⴰ ⵙ ⵜⴻⵅⴱⴰⵔⵊⵉⵜ, ⵉⵜⵜⵄⴰⵔⵔⴰ ⵎⵉⵏ ⵉⵏⵏⵓⴼⴼⴰⵔⴻⵏ, ⵎⴰⵛⴰ ⵡⴻⵏⵏⵉ ⵉ ⴷⵉ ⵉⴵⴰ ⴰⵔⵔⵓⵃ ⴷⴰⵢⴻⵙ ⵍⴰⵎⴰⵏ, ⴰⵇⴰ ⵉⵙⵙⵏⵓⴼⴼⴰⵔⴰ ⵜⴰⵎⴻⵙⵍⴰⵛⵜ. 14 ⵎⴰⵍⴰ ⵡⴰⵔ ⴷⵉⵏ ⴰⴷⴻⴱⴱⴰⵔ, ⵉⵡⴻⵟⵟⴰ ⵍⴳⴻⵏⵙ, ⵎⴰⵛⴰ ⴰⴷ ⵢⵉⵍⵉ ⵓⵙⴻⵏⵊⴻⵎ ⵙ ⵍⴻⵎⵖⴰⵔⴻⵜ ⵏ ⵓⵎⵛⴰⵡⴰⵔ. 15 ⵡⴻⵏⵏⵉ ⵉⴹⴻⵎⵎⵏⴻⵏ ⵍⴱⴰⵔⵔⴰⵏⵉ, ⵡⴰⵔ ⴷⴷ ⴰⵙ ⵜᵉⵜⵜⴻⴼⴼⴻⵖ ⵛⴰ ⵎⵍⵉⵃ, ⵎⴰⵛⴰ ⵡⴻⵏⵏⵉ ⵉⵛⴰⵔⵔⵀⴻⵏ ⵉⵏⵏⵉ ⵉⵜⵜⴻⴳⴳⴻⵏ ⵜⵉⵛⵜⵉ ⵅ ⵓⴼⵓⵙ, ⴰⵇⴰ-ⵜ ⴷⵉ ⵍⴰⵎⴰⵏ. 16 ⵜⴰⵎⵖⴰⵔⵜ ⵜᵉⵜⵜⴰⴼ ⴰⵔⴹⴰ, ⵜᵉⵟⵟⴻⴼ ⴷⵉ ⵍⵄⴻⵣⵣ ⵏⵏⴻⵙ, ⵎⴰⵛⴰ ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ ⵜⵜᵉⵟⵟⴼⴻⵏ ⴷⴻⴳ ⵡⴰⴳⵍⴰ. 17 ⴱⵏⴰⴷⴻⵎ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵉⵜⵜⴻⴳⴳ ⵍⵅⴰⵔ ⵉ ⵍⴻⵄⵎⴰⵔ ⵏⵏⴻⵙ, ⵎⴰⵛⴰ ⴰⵇⴻⵙⵙⴰⵃ ⵉⵜⵜⵖⴻⵣⵣⴰ ⴰⵢⵙⵓⵎ ⵏ ⵢⵉⵅⴻⴼ ⵏⵏⴻⵙ. 18 ⴰⵄⴻⴼⴼⴰⵏ ⵉⵎⴻⵊⵊⴰⵔ ⵍⵖⵉⴵⴻⵜ ⵏ ⵍⵖⴻⵛⵛ, ⵎⴰⵛⴰ ⵡⴻⵏⵏⵉ ⵉⵣⴰⵔⵔⵄⴻⵏ ⵜⴰⵙⴻⴳⴷⴰ, ⵉⵎⴻⵊⵊⴰⵔ ⵉⵛⵜ ⵏ ⵍⵎⵓⵏⴻⵜ ⵉⵎⴻⵜⵏⴻⵏ. 19 ⵜⴰⵙⴻⴳⴷⴰ ⵏⵉⵛⴰⵏ ⵜᵉⵜⵜⴰⵡⵉ ⵖⴰⵔ ⵜⵓⴷⴰⵔⵜ, ⵡⴻⵏⵏⵉ ⵢⴰⵔⴻⴷⴷⴼⴻⵏ ⵍⵖⴰⵔ, ⵢⴰⵔⴻⵣⵣⵓ ⵍⵎⴻⵡⵜ ⵏⵏⴻⵙ. 20 ⵉⵏⵏⵉ ⵖⴰⵔⵙⴻⵏ ⵓⵍ ⵉⴼⴰⵔⵖⴻⵏ ⴰⵇⴰ ⴰⵜⴻⵏ ⴷ ⵏⵏⵄⵉ ⵉ ⵙⵉⴷⵉ, ⵎⴰⵛⴰ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵏⴻⵜⵜⴰ ⵢⴰⵔⴻⵟⵟⴰ ⴷⴰⵢⵙⴻⵏ. 21 ⵙ ⵜⵉⴷⴻⵜⵜ, ⴰⵄⴻⴼⴼⴰⵏ ⵡⴰⵔ ⵉⵜⵜⵖⵉⵎⵉ ⴱⵍⴰ ⵍⴻⵅⵍⴰⵚ, ⵎⴰⵛⴰ ⵜⴰⵔⵡⴰ ⵏ ⵉⵎⵙⴻⴳⴳⴰⴷⴻⵏ ⴰⴷ ⵜⵜⵡⴰⵙⵙⵏⴻⵊⵎⴻⵏ. 22 ⴰⵎⴻⵛⵏⴰⵡ ⵉⵛⵜ ⵏ ⵜⵅⴰⴷⴻⵏⵜ ⵏ ⵡⵓⵔⴻⵖ ⴷⵉ ⵜⵉⵏⵣⴰⵔ ⵏ ⵢⵉⵍⴻⴼ, ⴰⵎⵎⵓ ⵉ ⵜⴻⴵⴰ ⵉⵛⵜ ⵏ ⵜⴻⵎⵖⴰⵔⵜ ⵜⴻⵛⵏⴰ ⵡⴰⵔ ⴷⵉ ⵉⴵⴰ ⵓⵎⴻⵢⵢⴻⵣ. 23 ⵎⴻⵥⵔⵉ ⵏ ⵉⵎⵙⴻⴳⴳⴰⴷⴻⵏ ⵎⵖⵉⵔ ⵖⴰⵔ ⵎⵉⵏ ⵉⵚⴻⴱⵃⴻⵏ, ⵎⴰⵛⴰ ⵍⴰⵢⴰⵙ ⵏ ⵉⵄⴻⴼⴼⴰⵏⴻⵏ ⴰⵇⴰ-ⵜ ⵏⵀⵍⴰ ⵍⴻⵄⴱⴰⵔ. 24 ⴰⵇⴰ ⴷⵉⵏ ⵉⵊⵊⴻⵏ ⵡⴻⵏⵏⵉ ⵉⴱⴻⵟⵟⴰⵏ ⵙ ⵡⴻⵛⵔⵉⵎ, ⵡⴰⵅⵅⴰ ⴰⵎⴻⵏⵏⵉ ⵉⵜⵜⵡⴰⵔⵏⵉ ⴰⵙ ⵄⴰⴷ ⴽⵜⴰⵔ, ⵓ ⴰⵇⴰ ⴷⵉⵏ ⵉⵊⵊⴻⵏ ⵡⴻⵏⵏⵉ ⵉⵎⴻⵏⵏⵄⴻⵏ ⴽⵜⴰⵔ ⵅ ⵎⵉⵏ ⵉⵛⵓⵡⵡⴰⵔⴻⵏ, ⵡⴰⵅⵅⴰ ⵎⴰⵏ ⴰⵢⴰ ⵉⵏⴻⴷⴷⴻⵀ ⵖⴰⵔ ⵣⵣⴻⵍⴹ. 25 ⵍⴻⵄⵎⴰⵔ ⵏⵏⵉ ⵉⵜⵜⴱⴰⵔⴽⴻⵏ ⴰⴷ ⵉⵜⵜⵡⴰⵙⵙⵊⵉⵡⴻⵏ, ⵓ ⵡⴻⵏⵏⵉ ⵉⵜⵜⵉⵛⴻⵏ ⴰⵎⴰⵏ, ⴰⴷ ⴰⵙ ⵉⵎⵎⴻⵡⵛ ⵡⴰⵎⴰⵏ ⵉ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ. 26 ⵡⴻⵏⵏⵉ ⵉⵜⵜⵅⴻⵎⵎⴰⵍⴻⵏ ⵉⵎⴻⵏⴷⵉ, ⵉⵏⴻⵄⵄⴻⵍ ⵉ-ⵜ ⵛⵛⴻⵄⴱ, ⵎⴰⵛⴰ ⵍⴱⴰⵔⴰⴽⴰ ⴰⴷ ⵜⵉⵍⵉ ⵅ ⵓⵣⴻⴵⵉⴼ ⵏ ⵡⴻⵏⵏⵉ ⵉⵣⵏⵓⵣⴰⵏ ⵉⵎⴻⵏⴷⵉ. 27 ⵡⴻⵏⵏⵉ ⵉⵜⵜⵛⴻⵟⵟⴰⵔⴻⵏ ⴷⵉ ⵟⵟⵡⴻⵄ ⵏ ⵎⵉⵏ ⵉⵚⴻⴱⵃⴻⵏ, ⵢⴰⵔⴻⵣⵣⵓ ⵎⵉⵏ ⵢⴰⵔⴹⴰⵏ, ⵎⴰⵛⴰ ⵡⴻⵏⵏⵉ ⵉⵜⵜⵃⴰⵎⴰⵏ ⵍⵖⴰⵔ, ⴰⴷ ⵜ ⵉⵍⵇⴻⴼ. 28 ⵡⴻⵏⵏⵉ ⵉⵜⵜⵛⴰⵍⴻⵏ ⵅ ⵡⴰⴳⵍⴰ ⵏⵏⴻⵙ, ⴰⴷ ⵉⵡⴹⴰ, ⵎⴰⵛⴰ ⵉⵎⵙⴻⴳⴳⴰⴷⴻⵏ ⵜⵜⵏⴻⵄⵏⵉⵄⴻⵏ ⴰⵎ ⵉⴼⴻⵜⵡⴰⵏ ⵉⵣⵉⵣⴰⵡⴻⵏ. 29 ⵡⴻⵏⵏⵉ ⵉⵀⴻⴽⴽⵡⵍⴻⵏ ⴰⵢⵜⴱⴰⴱ ⵏ ⵜⴰⴷⴷⴰⵔⵜ ⵏⵏⴻⵙ, ⴰⴷ ⵉⵡⴰⵔⵜ ⴰⵙⴻⵎⵎⵉⴹ, ⵓ ⴰⴱⵓⵀⴰⵍⵉ ⴰⴷ ⵢⵉⵍⵉ ⴷ ⴰⵎⵙⴻⵅⵅⴰⵔ ⵏ ⵡⴻⵏⵏⵉ ⴷⵉ ⵉⴵⴰ ⵡⵓⵍ ⴰⵎⵉⵖⵉⵙ. 30 ⵍⵖⵉⴵⴻⵜ ⵏ ⵓⵎⵙⴻⴳⴳⴰⴷ ⴷ ⵉⵛⵜ ⵏ ⵜⵛⴻⵊⵊⴰⵔⵜ ⵏ ⵜⵓⴷⴰⵔⵜ, ⵡⴻⵏⵏⵉ ⵢⴰⵔⴻⴱⴱⵃⴻⵏ ⵍⴻⵄⵎⵓⵔ ⴰⵇⴰ-ⵜ ⴷ ⴰⵎⵉⵖⵉⵙ. 31 ⵅⵣⴰⵔ, ⴰⵇⴰ ⴰⴷ ⵉⵜⵜⵡⴰⵅⴻⴵⴻⵚ ⵓⵎⵙⴻⴳⴳⴻⴷ ⴷⵉ ⵜⴻⵎⵎⵓⵔⵜ, ⵅⴻⵏⵏⵉ ⵎⴰⵀⵓ ⴰⵄⴻⴼⴼⴰⵏ ⴷ ⵓⵎⴻⴷⵏⵓⴱ.