Rom 6

1 Ei nga, tÊn akup namba uⱡ itmin? Got nga wamp poⱡ ti uⱡ ei, kakina itangga nimbun, tÊn uⱡ kit mbÊ, rÊk rÊk etÊp mint mbin ei? 2 Ei kapⱡa mon! TÊn uⱡ kit etmin mbÊ, rop kondpÊn pora ndurmun. Ei kÊn, akup tÊn uⱡ kit mbÊ, aldpa iti nÊtmin. 3 TÊn Kraist kÊn tÊk tenda etÊk nu tÊndÊtÊng ei kÊn, Kraist kurum uⱡ ila, nu titmin ei kÊn tÊn kurmun ku. 4 TÊn nu titmin uⱡ ila, Kraist Jisas on etÊk angÊndÊtÊng on kut ila kunda koⱡpÊn mana purmun. I itmÊn uⱡ ila, Kraist ni koⱡpa pitim ei, Tipam nga uⱡ eng nui mbÊ nga ronduⱡ ila, ⱡoporpa tÊpa mundrum. Ei mel, tÊn i ku etpÊn uⱡ nga kunt nga kont mba mul uⱡ ei moⱡpÊn mint mbin. 5 Nambuⱡ emel, Kraist kurum uⱡ ila, tÊn kurmun ku. Ei mel ku, wote ⱡoporpa tÊpa mundrum ei mel, tÊn i ku etpa, ⱡoporpa tÊpa mundangga kont mbun muⱡmin. 6 TÊn pÊnmÊn ei, tÊn nga mbo kÊng unt nga kÊⱡ, Kraist elim nga nde peta ila rok kondrung ei kÊn pendÊk rorung. I etÊng uⱡ ei ndi, tÊn nga uⱡ kit etmin kÊng unt nga kÊⱡ nga ronduⱡ ei, kuⱡangga kÊn, uⱡ kit mbÊ nga aldpa kindmant indi nÊndmin. 7 Ei nambuⱡ emel, wamp ti, korum ant ei kÊn, wamp ei uⱡ kit nga ronduⱡ ila, aldpa imp muⱡi nambrÊm. 8 Wote, tÊn Kraist kÊn kurmun ei nga, elim kÊn kont mbun muⱡmin nimbun mondÊp pilip mormin. 9 Ei nambuⱡ emel, akup tÊn pÊnmÊn ei, Kraist ni koⱡnga, wote ⱡoporpa tÊpa mundrum. Ei nga, aldpa kuⱡi naⱡÊmba, wote wamp kui nga uⱡ ei ndi, wu ei, rÊp iti natÊmba mbÊ. 10 Ei nambuⱡ emel, Jisas tÊngÊnda kurum uⱡ ei ndi, uⱡ kit nga ronduⱡ ei, tÊpa mana ndupa, wote akup, kont mba morum uⱡ ei, Got kÊn morum. 11 Ei mel ku, enim uⱡ kit mbila nga kolk, wote Kraist kÊn kup etÊk mormin uⱡ ila, Got kÊn kont mbun mormun nÊk pilik muⱡÊi! 12 Ei kÊn, uⱡ kit mbÊ ndi, enim nga mbo kÊng kÊⱡ, rÊp iti nÊtangga nÊk, kÊng kÊⱡ nga kandpa kom pindi uⱡ kit mbÊ kandÊk, yant ti nÊteing. 13 Muna enim nga kÊmp ki na mbÊ nga ti uⱡ kit itangga nÊk, nguk rukÊr ndui nÊndÊi! Enim koⱡÊp kont purmun nÊk pilik, enim nga min ei kÊn, kÊng kÊⱡ kÊn pÊkÊ, Got nga uⱡ kun kai mbÊ itÊi! 14 Ei nambuⱡ emel, enim mi ik ei nga mana orunga muⱡi nambÊrmÊn. Enim Got nga wamp poⱡ ti uⱡ ei nga mana orunga mormin. Ei nga, uⱡ kit mbÊ ndi, enim rÊp iti nÊtangga! 15 Ei kÊn, tÊn etÊp itmin mel nant? TÊn mi ik ei nga mana orunga, muⱡi nambÊrÊm mon! Got nga wamp poⱡ ti uⱡ ei nga mana orunga mormun! Ei kÊn, uⱡ kit mbÊ etpÊn mint mbin ei? Ei mon! 16 Enim pilik mormin ei, enim wamp nam ti ndi, elim wu nuim ti kÊn, ngumba rukÊr ndupa, elim kindmant wamp muⱡimp nÊtÊm ndam, wamp ei, wu nuim ei nga kindmant wamp kupa ei morum. Ei mel ku, wamp ei, uⱡ kit mbÊ nga kindmant endÊtÊm ndam, wamp kui nga uⱡ ei, punt ropa ngorum. Wote, Got nga ik ei, teng ndurum ndam, Got nga kuimp keta ila wamp ei kun kai ei morum. 17 Enim unt uⱡ kit mbÊ nga kindmant wamp mbÊ morung. Wote Got nga ik ei, mbo endÊtÊng ei kÊn, ik kupa ei, mundmong ila pilik tÊtÊng. Ei kÊn, akup Got kÊn angge namÊn! 18 Enim uⱡ kit mbÊ nga kan ila pelingina kÊn, Got ndi, kan tinga ndupa mundrum ila, akup uⱡ kun kai mbÊ nga kindmant wamp mbÊ mormin. 19 Na ndi, enim nga numan ei, ronduⱡ pi napÊrÊm ei nga kandÊp kÊn, ik wei wei etÊk pilik ting ei mel nÊnt. Enim unt ui mbÊ kÊn, en enim nga kÊng kÊⱡ pÊkÊ, uⱡ minÊpi kit mbÊ nga kindmant wamp muⱡmin nÊk nguk rukÊr ndurung. Uⱡ etÊng ni mel ku, akup enim nga kÊng kÊⱡ, uⱡ wingti kun kai mbÊ nga kindmant wamp muⱡmin nÊk nguk rukÊr ndÊi. 20 Enim unt uⱡ kit mbÊ nga kindmant wamp morung ni kÊn, uⱡ kun kai ei nga kindmant wamp muⱡi nambrÊng. 21 Unt nga uⱡ mat, akup pipil kÊnmin mbÊ etÊng ei kÊn, namba mel ei tÊtÊng? Uⱡ mbÊ etÊng ila, wamp kui nga uⱡ ei mepa urum. 22 Wote akup, enim Got ndi, uⱡ kit nga kan ila tinga ndupa tilinga, enim Got nga kindmant wamp mormin. Uⱡ ei nga puⱡ ei, enim Got nga uⱡ mbÊ mint etÊk molk kÊn, uⱡ nga kÊnt nga kont mul uⱡ ei ting. 23 Ei kÊn, uⱡ kit ei ndi, punt ropa, wamp kui nga uⱡ ei ngorum. Wote, Kraist Jisas tÊn nga Nuim kÊn tÊp tenda etÊp mormÊn uⱡ ila, Got ndi tÊn uⱡ nga kÊnt nga kont mul uⱡ ei, wei gem ngurum.