Rom 7

1 AngmÊn, enim mi ik pili wu kÊⱡ ndi, pÊtmin ni, wamp ti kont morum ei kÊn, mi ik ei ndi, rÊp etÊm. Wote, wamp ti korum ei kÊn, mi ik ei ndi, rÊp iti natÊtÊm. Uⱡ ei enim pili napÊtmÊn ei? 2 Uⱡ ei mel, amp wu purum ti nga wam kont morum ei kÊn, mi ik ei ndi, kan mel kuⱡpa tenda elinga mormbil. Wote, wam wu ei, kont moⱡangga kÊn, wu elpa ti pum kandÊk, wu amp ndenggÊⱡa ni, uⱡ ti enim ning. Wote, wam korum ei kÊn, amp ei wam kÊn, tÊpa tenda etÊm uⱡ ei, pora nÊtÊm ila, amp wiya morum. Wote mi ik ei ndi, imp muⱡi nambÊⱡmba. Amp ei mba, wu elpa ti pum kandÊk, wu amp ndenggÊⱡa ni, uⱡ ti enim ning mel mon. 4 Ei mel ku, na nga angmÊn! Kraist nga kÊng ila, tÊn tÊpÊn rÊmp nduⱡmÊn ei kÊn, mi ik ei nga ronduⱡ ei pora nitim. Akup tÊn koⱡpa, kont mba morum wu ei nga wamp raⱡpÊn, Got nga kongun kindmant endpÊn muⱡmin. 5 Unt tÊn mbo wamp raⱡpÊn murmÊn ni kÊn, mi ik ei ndi, kunt kan elinga, punt timin ei nga numan ngurmin. Wote kÊmp ki na mbÊ ndi, kongun etÊp kai mundmin ni kelpÊn, wamp kui nga uⱡ mbila rukÊr mbun itmin. 6 Ei kÊn, uⱡ unt nga mat ndi, tÊn imp murum uⱡ nimbÊ, wak ropÊn, rop kondpÊn pora ndurmun. Ei nga, akup tÊn mi ik kÊⱡ ndi, imp moⱡangga, uⱡ unt nga mbÊ nga kindmant indimin mel kapⱡa mon. TÊn uⱡ kont paka mat, Muⱡnga Wingti ei ndi, mbo rondum ei mel itimin. 7 Ei nga, tÊn ndi namba nimin? Mi ik ei, elim uⱡ kit nimin ei? Ei kapⱡa mon! Nambuⱡ emel, mi ik ei, pi napilinga ndam, uⱡ kit iti uⱡ ei, kandÊp mbi ndui nandÊⱡmina, mi ik ei ndi, kum pindi nÊpÊndi nÊtÊm uⱡ ei, ni nandilinga ndam, na ndi, kum pindi uⱡ ei, etÊp mor nÊmp pili napilimba. 8 Mi ik ei, pi napilinga ndam, uⱡ kit iti uⱡ mbÊ koⱡnga. Wote, mi ik ila mendpÊⱡ, uⱡ kit iti uⱡ ei, ruk omba, kunt kan elinga, na nga numan rukrÊng orunga, kandpa kum pindi uⱡ minal etÊp mor. Mi ik ei, pi napilinga ndam, uⱡ kit iti uⱡ mbÊ koⱡnga. 9 Unt mi ik ei, pili napilip wei mur. Wote, mi ik ni ekit oⱡnga, uⱡ kit iti uⱡ mbÊ, omba mot nitim ila, na koⱡÊp pora ndur. 10 Mi ik ei ndi, na rÊp etpa, kont mul uⱡ ei, tÊpa ngumba nÊmp pit. Ni wote, aldpa na kÊn wamp kui nga uⱡ ei, mepa urum. 11 Nambuⱡ emel, uⱡ kit ei, mi ik ila rukÊr omba kongun etpa, na tÊpa tiki ponduⱡnga, mi ik ei ndi, na ropa kundrum. 12 Ei nga, mi ik elim kai wingti, wote mi ik petÊm mbÊ pora, kun kai petÊm. 13 Ei kÊn, Got nga mi ik kai kÊⱡ ndi elinga, na wamp kuⱡi uⱡ ei kandÊp tit ei? Ei mon! Uⱡ kit mbÊ ndi itim. Uⱡ kit ei ndi, uⱡ kai titim ila ruk omba, kongun elinga kÊn, wamp kul uⱡ ei, na kÊn urum. Ei kÊn, uⱡ kit mbÊ nga puⱡ ei, tÊpa mot ndumba pilpa itim. Ei nga, mi ik petÊm mbÊ ndi, uⱡ kit iti uⱡ ei, ama uⱡ kit wei nimba, tÊpa mot ndurum. 14 TÊn pÊtmÊn ni, mi ik mbÊ pora, muⱡnga nga ik petÊm. Wote, na numan unt nga mbÊ, tep mor ei, uⱡ kit mbÊ ndi, tÊpa kan nguⱡnga kindmant etÊp mur. 15 Na nanim uⱡ kai itimp nÊmp pÊt uⱡ mbÊ iti natÊt. Wote, uⱡ kit iti nÊtimp nÊmp pÊt uⱡ mbÊ, na etÊp ku mor. Nambuⱡ emel, uⱡ mbÊ et nda? Na pili napÊnt. 16 Na ndi, iti nÊtimp nÊmp pÊt uⱡ kit mbÊ, pilip kelip et ei kÊn, na ora ndupa, mi ik ei kun petÊm nÊmp kandÊr. 17 Ni kÊn, uⱡ kit et mbÊ, nanim ndi iti natÊt. Wote uⱡ kit iti uⱡ ei, na kÊn petÊm ei ndi etÊm. 18 Na pÊnt mel, na nga mbo kÊng tila uⱡ kai mbÊ pi napÊtÊm nÊmp pÊt. Nambuⱡ emel, uⱡ kai mbÊ elimba nÊmp pÊt. Ei wote, itimp mel kapⱡa iti natÊtÊm. 19 Ei kÊn, uⱡ kai ti itimp nÊmp pÊt uⱡ ei, wote iti natÊt. Uⱡ kit ti iti nÊtimp nÊmp pÊt ei, wote et. 20 Ei nga, na ndi, iti nÊtimp nÊmp pÊt uⱡ kit mbÊ, wote et. Uⱡ mbÊ na ndi, iti natÊt mon! Uⱡ kit iti uⱡ ei, na kÊn rukÊr petÊm, ei ndi etÊm. 21 Na uⱡ kai mbÊ, itimp ku nÊmp pÊt. Wote, na nga et uⱡ kit mbÊ, kandÊr mel, uⱡ kit mbÊ, na kÊn rÊmp nimba petÊm. 22 Na nga muⱡnga ei ndi, Got nga mi ik mbÊ, pilip numan ndi kor. 23 Wote, na kandÊr mel, na nga kÊmp ki na mbila, uⱡ elpa ti ndi pepa, na nga numan kun ei kunt kan elinga, uⱡ kit iti uⱡ mbÊ ndi, na nga kÊmp ki na mbila petÊm ei ndi, na tÊpa kan ngumba pendpa ku etÊm. 24 Na wu kit ei, na wamp kui nga kÊng tep mor ila, nam ndi, etpa tÊmba nda? 25 Uⱡ ei, tÊn nga wu Nuim Jisas ndi, tÊn tÊpa rapundÊmba ei nga nÊmp kÊn, Got kÊn angge nÊnt. Na nga numan kun ei ndi, Got nga mi ik mbÊ, pilip kindmant endÊt. Wote, na nga kÊng orunga, mi ik petÊm mbÊ ndi, na uⱡ kit mbÊ iti nilinga, kindmant endÊp mor.