Rom 5

1 Ei nga akup, tÊn Got kÊn mondÊp pÊtmÊn uⱡ ila, Got ndi, tÊn wamp mbÊ, kun kai nÊtÊm. Uⱡ ila nga, tÊn nga Nuim Jisas Kraist ei ndi, Got kÊn etpa numan tenda pendilinga mormun. 2 Wote, wu tenda ei ndi, tÊn mondÊp pÊtmÊn uⱡ ila, Got nga wamp poⱡ ti uⱡ ila mepa rukÊr puⱡnga akup mormun. Mondpa pili ei ndi elinga, Got ndi, tÊn etpa eng nondÊmba. Ei nga, ambÊⱡÊp paⱡpÊn nokundpÊn mormun. 3 Uⱡ ei nga mint mon, tÊn mbun kandÊp tÊtmÊn ei kÊn, ambuⱡpÊn paⱡpÊn ku mormun. Ei nambuⱡ emel, mbun kandÊp tÊtmÊn mbÊ ndi elinga, tÊn Got nga uⱡ mbila ronduⱡ mbun mormun. 4 Ronduⱡ mbun mormun uⱡ ila, Got ndi, pilpa kai pÊtÊm. Wote, pilpa kai pÊtÊm uⱡ ei ndi, tÊn etpa peng kont tÊmba nÊmp pilpÊn nokundÊp mormÊn. 5 I nÊmp pitmin uⱡ ei ndi, tÊn mbun ti natÊtmÊn. Ei nambuⱡ emel, Got ndi, elim nga wamp numan ngui uⱡ ei tÊn nga mundmong ila, Muⱡnga Wingti nga ronduⱡ ei ndi, oi ndupa pinditim. 6 TÊn unt wening elinga, pilip rundÊp murmÊn ei kÊn, Kraist ni, tÊn wamp meka rui mbÊ nga Got ndi, ui pinditim ila kurum. 7 Wamp ti ndi, wamp kun kai ti nga rapundpa koⱡmba uⱡ ei nga mbun etpa tetÊm. Wote, wamp ti ndi kapⱡa, wamp kai ti nga tÊpa rapundpa koⱡmba uⱡ ei, kapⱡa elinga mint. 8 Wote, tÊn uⱡ kit mbÊ pikÊ, tepÊn murmÊn ei kÊn, Kraist ni, tÊn nga nindpa kurum! Ni kÊn, Got ndi, tÊn numan ngorum uⱡ ei nga ronduⱡ ei, tÊn tÊpa ora ndurum. 9 Elim kurum uⱡ ei ndi, tÊn Got kÊn etpa kun kai mundrum. Ei nga akup, tÊn pilip kun etÊp mormun ei, Got nga popÊⱡ ei om kÊn, tÊn etpa peng kont tÊmba. 10 TÊn unt, Got nga el rui wamp kÊⱡ murmÊn ei, wote elim nga kangÊm kurum uⱡ ei ndi, tÊn etpa, elim nga wamp mÊn kÊⱡ mundrum. Akup tÊn, Got nga wamp mÊn kÊⱡ mormun ei kÊn, Kraist nga uⱡ nga kÊnt nga kont morum uⱡ ei ndi, Got ndi, tÊn rÊk rÊk etpa peng kont tÊmba ei nga mormÊn. 11 Wote, ei mint mon! Got ndi, tÊn nga Nuim Jisas Kraist ei kÊn itim uⱡ ila, Kraist ndi, tÊn etpa, Got kÊn mÊn mundrum. Uⱡ ei nga, tÊn Got kÊn ambÊⱡÊp paⱡÊp mormÊn. 12 Ei nga, ya mÊi kona ila, wu tenda ti ndi, ⱡawa elinga, uⱡ kit mbÊ rukÊr urum. Wote, uⱡ kit ei ndi, wamp kui nga uⱡ ei mepa urum. Uⱡ puⱡ ila, wamp kaⱡpa tÊpa urum ei kÊn, wamp kui nga uⱡ ei pepa mint urum. Ei nambuⱡ emel, wamp mbÊ pora, uⱡ kit etÊng ei nga. 13 Mi ik kÊⱡ ngui ngÊngi kÊn, uⱡ kit mbÊ, unt kuimp tepa pitim. Wote, mi ik mat pi napÊtÊm kona mbila, uⱡ kit mbÊ, Got ndi, kandpa kui etÊm. 14 Wote, Andam nga murum ui ei kÊn omba, Moses moⱡpa kurum ruk ui ila, wamp kui nga uⱡ ei ndi, wamp mbÊ pora rÊp itim. Wote Andam ndi, Got nga ik ei tÊpa roi ndupa, uⱡ kit itim ei mel, iti natÊtÊng wamp mbÊ pora, wamp kui nga uⱡ ei ndi, rÊp itim. Wote, wu akil tepa omba ni nga, Andam ni, unt to tÊndpa murum. 15 Wote Andam ndi, itim uⱡ kit ei kÊn, Got nga wamp poⱡ tÊtÊm uⱡ raⱡ elpa elpa. Wu tenda ei nga uⱡ kit ila wamp minal korung uⱡ ei kupa. Wote, Got nga wamp poⱡ ti uⱡ ronduⱡ ila, Jisas Kraist wu tenda ei, Got ndi, wamp mbÊ kÊn, wei gem nguⱡnga, wamp minal nga ⱡawa mbÊ, wak rundrum ila, wamp kui nga uⱡ ei, tÊpa mana ndurum. 16 Andam wu tenda ei nga uⱡ kit tenda itim ila punt ropa ngurum uⱡ ei, Got nga wamp kÊmp ti uⱡ ei ndi, wamp minal nimba kit monduⱡnga kolk mint ormÊn. Wote Got ndi, tÊn wei gem ngurum uⱡ ei, Kraist ndi, tÊn wamp mbÊ nga uⱡ kit minal etmin mbÊ, pendpa kelpa etpa kun kai mondpa, kont mul uⱡ eng nui kai ti ngurum. 17 Wu tenda ei nga uⱡ kit itim ei ndi, wamp kui nga uⱡ ei ndi, wamp mbÊ pora rÊp itim. Wote, wu tenda Jisas Kraist nga itim uⱡ ronduⱡ ei ndi, wamp kui nga uⱡ ei, tÊpa mana ndurum. Ei nga, wamp mat Got ndi, kun kai muⱡeing nimba etpa tÊtÊm wamp mbÊ, rÊk rÊk Kraist kÊn kont puk molk mint ping. 18 Ei kÊn, wu tenda ei nga uⱡ kit itim ila mÊi kona wamp mbÊ pora kit morung. Ei mel ku, Kraist nga uⱡ kun kai tenda itim ei ndi, mÊi kona wamp mbÊ pora, etpa kun mundpa kont mul uⱡ ei ngurum. 19 Wu tenda ei nga ik tÊpa roi ndurum uⱡ ila wamp mbÊ pora kit morung. Ei mel ku, wu tenda ei nga ik pilpa ti uⱡ ei ndi, wamp minal Got kÊn etpa kun kai randÊmba. 20 TÊpa roi ndui uⱡ ei, kakina etmba ei nga, mi ik ei, mim etpa ngurum, uⱡ kit kakina itim. Wote, uⱡ kit ei ndi, wamp rÊp elinga, wamp kui nga uⱡ ei kandÊk tÊtÊng. Ei kÊn, Got nga wamp etpa ti uⱡ ei, ama kakina etpa mam itim. Ei mel, Got nga wamp poⱡ etpa ti uⱡ ei ndi, wamp etpa kun kai mondpa, mepa pangga, tÊn nga Nuim Jisas Kraist ei ndi, uⱡ nga kÊnt nga kont mul uⱡ ei tÊpa ngumba.