Repeleisen 20

1 Wote, na kÊndÊr mel, anggelo ti, muⱡ kona wak ropa mana urum ei ndi, mÊi ila kut tepa mint purum ei nga ki ei kÊn, kan sen mam kat kÊn, ambuⱡpa mepa urum. 2 Anggelo ei ndi, wimbÊ mam ti tÊpa, imp moⱡpa, tepa morum ei, unt kor nga murum ei, wimbÊ ei nga mbi ei, Seitan. Ni kÊn, anggelo ei ndi, wimbÊ ni, pana 1,000 kan manga ila piyangga nimba, tÊpa kan ngurum. 3 Wote, anggelo ni ndi, Seitan ropa tÊpa, kut mam ila mana ndupa pendpa, kumba ropa gi ndurum. Ei nambuⱡ emel, Seitan ndi, aldpa wamp mbÊ kÊn andpa, ik kol rui narÊpa, kan manga ila piyangga, pana 1,000 omba pangga nimba itim. Wote, pana kÊⱡ omba pangga kÊn, kan tinga nduk mundangina kÊn, ui onunga kot ila ekit omba, wamp mbÊ kÊn, kona mbila andÊmba. 4 Wote, na kÊndÊr mel, wu nuim mbÊ nga rÊpÊndi pol mat tetÊm ila, wu mat morung. Got ndi, wu kÊⱡ wamp kÊmp ti, uⱡ ei nga ronduⱡ ngurum. Wote, na kÊndÊr mel, wamp minal Jisas mondÊk pilik, mbi paka rondÊk, Got nga ik ei, ronduⱡ ambÊⱡÊngina, el rui wamp mbÊ ndi rok, nuim kan puⱡa rorung mbÊ nga min mbÊ kÊndÊr. Wamp mbÊ ndi, mel rakra ei kep, mel rakra ei nga to tÊndÊk mim etÊng mel ei, mbi paka rundi nandrÊng. Wote, mel rakra ei nga tip timal ei, en enim nga mÊi ombÊl na, ki na mbila kep, ti natÊtÊng ku. Wamp mbÊ, ⱡoprÊk kont molk, Kraist kÊn rÊp rok, pana 1000 wu nuim mumuk ralk morum. 5 Wamp ⱡoprÊk kont mul uⱡ ei, wamp kÊⱡ ndi, kuimp tek etÊng. (Wote, wamp wei mat unt korung nimbÊ, pana 1000 omba puⱡnga kÊn, ⱡoprÊk kont morung.) 6 Wamp namin kat kuimp tek ⱡoprÊk kont morung wamp kÊⱡ memp kai mbÊ tÊk, wingti ralk muⱡeing. Wote wamp ndip kona ila puk kormÊn ei nga ronduⱡ ei ndi, wamp rÊⱡaip kÊⱡ ÊmbÊⱡi nambuⱡmba mon! Wamp kÊⱡ Got kÊn Kraist raⱡ nga pris rÊⱡaip kÊⱡ molk, Kraist elim kÊn wamp rÊp itangina, pana 1000 omba mba. 7 Wote, pana 1,000 ei omba pangga kÊn, kut kumba ei, tÊk mundangina, Seitan ni, kan manga wak ropa omba mba. 8 Seitan ndi, andpa mÊi kona mbila wamp mbÊ kÊn, ik kol ropa kongun etmba uⱡ ei, Gok kÊn, Meikok kona raⱡ nga wamp rÊⱡaip mbÊ kÊn etmba. Nu ÊldÊ ila ku ok minal tetÊm ni mel, wamp rÊⱡaip minal ei, i iteing nimba Seitan ndi, tÊpa tenda etmba. 9 Ei kÊn, wamp rÊⱡaip minal mbÊ ndi, Got nga kona peng numan ngurum ei kÊn, elim nga wamp mbÊ kunda, tÊk pok etÊk muⱡÊngina, wi muⱡ ila ndip ti mana omba kÊn, wamp mbÊ nomba pora ndurum. 10 Ni kÊn, wamp mbÊ, ik kol ropa ngurum Seitan ei, Got ndi, ropa tÊpa, ndip kut mam ku salpa nomba, kondpa morum ila mana ndurum. Kona ila, mel rakra ni kÊn, ik kol painui wu ei kÊn kunda, ndip ila unt ropa mundrum. Wote, mel raldika kÊⱡ, rumbuldi rÊnggilmÊ raⱡ, rÊk rÊk mindil nok mint muⱡing. 11 Wote, na kÊndÊr mel, rÊpÊndi pol kurÊmÊⱡa mam ti titim ila wamp ti murum. Ni kÊn, wu ei nga kuimp keta ila muⱡ mÊi raⱡ wei ai etÊnggil muⱡÊnggil kona ti, ti nÊtÊtÊm. 12 Ni kÊn, na kÊndÊr mel, wamp nuim na, kurpa na, korung nimbÊ pora, rÊpÊndi pol titim ei nga, kuimp keta ila anggÊtÊng. Ei kÊn, buk titim nimbÊ, kumba tÊtÊng. Wote buk ti, wamp kont mul buk ni kumba tÊtÊng. Ni kÊn, wamp korung nimbÊ, en enim nga uⱡ etÊng mbÊ mel, buk ila mbi rok mana ndurÊng ei mel, kÊmp titim. 13 Ni kÊn, num kuta ei ndi, wamp kuⱡi mormin mbÊ pora, yant ndupa ngurum. Wote wamp kÊmp titim wu ei ndi, wamp mbÊ nga pora, uⱡ etÊng mbÊ mel, pilpa kÊmp titim. 14 Ei kÊn, wamp kuⱡi uⱡ ei ndi, wamp tepa morum mbÊ mepa omba ngurum. Wote wamp kuⱡi mbÊ mormin kona ei ndi, i ku etpa, elim nga tepa morum wamp mbÊ mepa omba ngurum. 15 Ni kÊn, rÊk rÊk kont mba mul buk ila mbi muⱡi nÊmbrÊm wamp ei, ndip mam ei nga kut ila, tÊpa mana ndurum.