Repeleisen 19

1 Wote, ui ei kÊn, na kum tep pit mel, wi muⱡ ila wamp puⱡi molk, wi ronduⱡ rok, nÊk mel, “TÊn ndi, Got nga mbi paka rundamÊn! Wamp Etpa Ti Uⱡ, uⱡ rÊpÊndi mbÊ nga puⱡ wu, wote uⱡ ronduⱡ pi mbÊ pora, tÊn nga Got ei kÊn puⱡ petÊm. 2 Got ndi, ik kupa ei kÊn, nombuⱡa mam kun ila wamp kÊmp tÊtÊm. Amp wapra mbi purum ei ndi, mÊi kona wamp mbÊ pora, etpa kit mondrum. Uⱡ ila, Got ndi, amp ei, ropa ndip kÊrÊm. Amp wapra ei ndi, Got nga kongun wamp mbÊ, ropa kundrum uⱡ ⱡawa ila, Got ndi, punt ropa pora ndurum.” nÊtÊng. 3 Ni kÊn, aldpa wi muⱡ ila wamp nimbÊ ndi wi rok, nÊk mel, “TÊn Got nga mbi paka rundamÊn! Kona peng ou ndip nonum ei nga ikil enim ei, rÊk rÊk oⱡa mint pangga!” nÊtÊng. 4 Wote, rÊp wu 24 ni kÊⱡ kÊn, mel tÊmbÊkak kat, kont mormin ni kÊⱡ kÊn kunda, Got nga rÊpÊndi pol ila morum ei nga kuimp keta ila rumÊⱡi pek, mbi paka rondÊk, nÊk mel, “TÊn Got nga mbi paka rundamÊn! Ei kupa,” nÊtÊng. 5 Wote, Got nga rÊpÊndi pol ila nga wamp ti ndi, wi ropa, nimba mel, “Enim Got nga kongun wamp mbÊ, Got kÊn mundmong itÊi! Enim wamp kurpa na, nuim na mbÊ pora, tÊn nga Got nga mbi paka rundÊi!” nitim. 6 Na kum tep pit mel, wamp puⱡi mÊk rok molk, ik nÊtmÊn uⱡ ei mel nÊnmÊn. Nu ndi ropa, ik nÊtÊm uⱡ ei mel nitim. Kona muⱡ gaⱡa nimba enim. Uⱡ mbÊ etpa nÊk mel, “TÊn Got nga mbi paka rundamÊn kÊn, Nuim tÊn nga Got Ronduⱡ Purum ei, akup Nuim Mumuk muⱡangga! 7 TÊn akup ambuⱡpa paⱡpÊn numan kai pilpÊn, Got elim nga mbi paka rondpÊn i tÊmin. Ni kÊn, Sipsip Waⱡ ei nga amp tÊmba ui ei, nondpa oⱡnga kÊn, amp tÊmba ei nga, tÊpa kun etpa morum. 8 Got ndi, amp ei, wal pÊki kurmÊⱡa eng nui kai kat, amp ei pÊkangga nimba ngurum. Wal pÊki kÊⱡ, eng nomba rÊⱡang mba etÊm kÊⱡ. Wal pÊki kurmÊⱡa eng nui kai kÊⱡ to tÊndpa mel, Got nga uⱡ kun kai mbÊ, pep rok etmin wamp kÊⱡ,” nÊtÊng. 9 Wote, anggelo ti ndi, na kundpa nimba mel, “Nim ndi, ik nÊnt ei mel, mon rui! ‘Sipsip Waⱡ ei nga amp tÊmba kona ila rÊng nuing wamp mbÊ Got ndi, wi rangga uing wamp mbÊ, numan kai pilik muⱡing,’” nitim. Wote, na kundpa nimba mel, “Ik ei, Got nga ik kupa mendpÊⱡ ei!” nitim. 10 Wote na ndi, anggelo ei nga kÊmp puⱡ ila mura rop mondÊp, mbi paka rundimp nÊmp elimba mel, wote anggelo ei ndi, na kundpa, nimba mel, “Nim ndi, uⱡ ei mel iti nÊti mon! Na nim nga kongun wu ei, wote nim nga ÊngÊnÊl mbÊ nga kunda kongun endÊt. Enim ndi, Jisas nga mbi paka rondÊk mondÊk pilik itÊi! TÊn ndi, Got tenda ei nga mint, elim nga mbi paka rundmÊn. TÊn pÊtmÊn uⱡ ei, Muⱡnga Wingti ei ndi, wamp mat muⱡnga nguⱡnga kÊn, pai nok wamp ik mbo endÊtmin,” nitim. 11 Wi muⱡ ei, kumba tilinga, kng os kurmÊⱡa ti kÊndÊr. Wu ti, kng os mbuⱡ ming ila morum ei nga mbi tek, ei mel nitmin. Wu ei ndi, kongun mbÊ rÊp Etpa Kai Mondpa, Uⱡ Kupa mbÊ mint etpa. Wote wamp mbÊ, kÊmp tÊtÊm uⱡ ei, rÊk rÊk uⱡ kun kai mbila mint pilpa el rorum. 12 Wu ei nga mong raⱡ, ndip mel nomba rÊⱡang purum ila, wu nuim mumuk mbÊ nga wÊna mondurmin ei nga puⱡi, elim nga peng ila mundrum. Wu ei nga kÊng ila mbi ti rok mondrung ei, elim mint pÊtÊm. Wamp elpa mbÊ ndi, mbi ei pili napÊtmin mon! 13 Elim nga wal pÊki roⱡ pÊkrÊm kÊⱡ mema ndi, ⱡumÊi rurum kÊⱡ mbi tek, Got Nga Ik, ei nÊtmin. 14 Muⱡ kona ila el wu mbÊ, kng os kurÊmÊⱡa mbuⱡ ila molk, wu ei, pep rok akil tek purung. Wu mbÊ nga kÊng mbila, wal pÊki kurmÊⱡa eng nui kai mat, pakÊk purung. 15 Wote, koiya rukÊm mul ti, wu kuimbal purum ei nga keta ila ekit omba kÊn, mÊi kona wamp mbÊ pora, koiya ruⱡ ei ndi, ropa int pendÊmba. Got nga ronduⱡ ei, tÊmbÊⱡ mel ambuⱡpa moⱡpa, wamp mbÊ rÊp etmba. Wote, wain mong mbÊ, kambilik nim nim nduⱡmina, wain nu ei, tÊk nimba ekit orung ni mel, Got Ronduⱡ Purum ei nga popÊⱡ ei, i ku etmba. 16 Wu ei nga wal pÊki roⱡ na, kÊmp mbÊⱡaimp na mbila, elim nga mbi ei, mon rok mondrung ei ndi, nimba mel, “Wu nuim mumuk mbÊ nga Wu Nuim Mumuk ei, wote wu nuim mbÊ nga Wu Nuim ei morum!” nitim. 17 Wote, na moⱡÊp kÊndÊr mel, anggelo ti, kona ant ila oⱡa morum ei ndi, wi ronduⱡ ropa, nimba mel, “Oⱡa waka ila kÊi mbÊr nÊk andÊrmÊn mbÊ kundpa, Got nga rÊng mam ila ning wÊi! 18 Wu nuim mumuk mbÊ nga kÊng na, el wu nuim na, el wu na, kng os na, kng os mbuⱡ ila mormin wu na, kindmant kongun wu na, wote wu mat roldÊnga mormin wu na, wu kurpa na, wote wu nuim na mbÊ nga pora, kÊng mint mbÊ ok, ning wÊi!” nitim. 19 Wote, na kÊndÊr ei, mel rakra ni kÊn, mÊi kona wu nuim mumuk mbÊ kÊn, en enim nga el wu na mbÊ kunda ok, mÊk rok pora ndurÊng. Wu mbÊ ndi, kng os ila murum wu ei kÊn, elim nga el wu mbÊ kÊn, el iting pilik ok morung. 20 Wote, wu ei ndi, ik kol painui wu ni kÊn, mel rakra ni kÊn kunda, tÊpa kan ngurum. Ik kol painui wu ni ndi, mel rakra nga kuimp keta ila itim. Uⱡ rÊpndi mat kol ropa wamp mat, mel rakra ei nga tip timal tÊtÊng mbÊ kÊn, wote mel rakra ei nga to tÊndÊk mim etÊng mel ei nga, mbi paka rondÊk etÊng wamp mbÊ, uⱡ rÊpndi kol mbÊ ndi, tÊpa tiki pundrum. Wote, mel rakra ni kÊn, ik kol painui wu ni kÊn, kont mondÊk tÊk, ku salpa ila nip mam ti, nomba kondpa guk nimba murum ila, tÊk mana ndurÊng mbÊ kÊn, kng owa rakra na, mel raⱡ akup kont morum mbila mint. Mel raⱡ rok tÊk, ndip mam ti nomba, ku salpa kÊn kondpa petÊm kut ila mana ndurÊng. 21 Wu ti, kng os ila oⱡa murum wu ni nga koiya rukÊm mul ti, keta ila ekit orum ni ndi, mel rakra ei nga wamp mbÊ, ropa konduⱡnga kÊn, kÊi mbÊ ndi ruk ok, wamp mbÊ nga kÊng mint mbÊ, nok pilÊng kondrung.