Repeleisen 21

1 Wote, na kundÊr ei, muⱡ kona kont ei kÊn, mÊi kont ei kÊn, ekit orÊnggil. Ni kÊn, mul kona unt nga ei kÊn mÊi kona unt nga ei kÊn, wei ai etÊnggil. Wote num kuta ei muⱡi nÊmbrÊm. 2 Ni kÊn, Got nga Kona Peng Wingti Jerusalem kont ei, na kÊndÊr. Kona peng Jerusalem ei, Got kÊn tepa, wote muⱡ kona wak ropa mana urum. Kona peng ou ei, amp wendÊp na ti, wu manga mba pilpa kÊn, kÊng orunga moke etÊm uⱡ ei mel itim. 3 Wote, na kum tep pit mel, Got nga rÊpÊndi pol ila, wi ti, ronduⱡ urum ei ndi, nimba mel, “Enim akup pilÊi! Got nga moⱡmba kona ei, akup wamp mbÊ nga ruk ting ila tetÊm. Got elim wamp mbÊ kÊn, pepa muⱡangga kÊn, wote wamp mbÊ, elim nga wamp muⱡing. Got elim wamp mbÊ kÊn muⱡangga, wote elim, wamp mbÊ nga Got ei moⱡmba. 4 Wamp mbÊ nga mong mbila, ka nu mana mbÊ, Got ndi, kil ngumba. Ei kÊn, wamp kuⱡi uⱡ ei kÊn, mbun mindil orum tÊk, ka iti uⱡ mbÊ pora nimba. Uⱡ unt nga mbÊ, pora nimba, wote ti natÊmba,” nitim. 5 Wamp ti, rÊpÊndi pol ila murum ni ndi, nimba mel, “Nim pili! Na ndi, mel mbÊ pora, kont nga mim ent. Nim ndi, na nga ik nÊnt ei, mon rokÊn pindi! Nambuⱡ emel, ik ei ama kupa mint! Ik ei, wamp mbÊ ndi pora, mondÊk piling!” nitim. 6 Wote, wu ni ndi, na kundpa, nimba mel, “Mel mbÊ pora, etÊp pora ndÊnt. Mel mbÊ nga pora, na kuimbal, wote omba, akil tep mor ku. Uⱡ mbÊ pora, na ndi, puⱡ mondÊp etÊp, wote etÊp pora ndur. Wamp nam ti, nu waka kuⱡÊm ndam, na ndi, wamp kont mba mul nu pukpa omba, mint mul ei, wei kuⱡÊp nguimp. 7 Wamp nam ti, el etpa int pendÊm ei ndi, na nga nguimp nit mel mbÊ tÊmba. Wote wamp ei, na nga kangambuⱡa ei muⱡangga, na elim nga Got ei muⱡimp. 8 Wote, wamp mat na kÊn mundmong etÊk, mondÊk pili napilik, uⱡ kit elpa elpa mbÊ, puⱡ pendÊk etÊk, wamp mat rok kondÊk, wapra rok, kupna ambulk, kur kit mbi paka rondÊk, ik kol rok eng wamp mbÊ nga puk muⱡing kona ei, kut mam tila ku salpa ndip ti, nomba kondpa morum kona ila muⱡing. Kona ei wamp kolk pora nduing kona ei, kona ila wamp mbÊ, uⱡ nga kunt nga mindil tÊk mint ping,” nitim. 9 Wote, anggelo 7 kat Got nga popÊⱡ kit ming 7 kat, ambulk mormin kÊⱡ nga tenda ti ndi omba, na kundpa, “Nim akup na kÊn wana! Sipsip Waⱡ ei nga amp tÊmba enim uⱡ ei, nim tÊp ora ndamp!” nitim. 10 Wote, Muⱡnga Wingti ei ndi, na etpa ronduⱡ munduⱡnga kÊn, anggelo ni ndi, na mepa wi komnga mong mam nila, oⱡa mba kÊn, Jerusalem Kona Peng Wingti ni, Got kÊn muⱡ ila tepa mana urum kona peng ni, na tÊpa ora ndurum. 11 Got nga rÊⱡang mam ei ndi, kona peng ei, rÊⱡang minal ngurum uⱡ ei ti, elpa mel. Ku jaspa ei, ku moni ou nduk ndi, rarÊp rok, tÊk etmin ku ei, kiraipa muraipa etÊm uⱡ ni mel, kona peng ei, i itim. 12 Kona peng ei nga ku paⱡa mam mat, wi oⱡa kila petÊm ila, keta puⱡ puⱡ 12 tetÊm. Wote, anggelo 12 kat keta puⱡ puⱡ mbila tenda tenda nÊk rÊp etÊng. Isrel wamp rÊⱡaip 12 kÊⱡ nga mbi mbÊ, keta puⱡ puⱡ 12 kÊⱡ ila murum ku. 13 Kona peng ei nga, al ant oⱡa orum kona, orunga keta puⱡ puⱡ raldika tetÊm. Wil ont mana purum kona orunga keta puⱡ puⱡ raldika ku tetÊm. Wote, met orunga keta puⱡ puⱡ raldika ku tetÊm. Wote, wi orunga keta puⱡ puⱡ raldika ku tetÊm. 14 Kona peng ei nga ku paⱡa mbÊ, ambuⱡpa ronduⱡ mundÊmba uⱡ ei, ku 12 kat ndi ambrÊm. Sipsip Waⱡ ei nga nombuⱡa rung wu 12 kÊⱡ nga mbi mbÊ, ku kÊⱡ ila murum. 15 Wote anggelo, na kÊn ik nitim ei ndi, gol tÊmbÊⱡ ei, ambuⱡpa morum ei ndi, kona peng ei kÊn, paⱡa keta puⱡ puⱡ na mbÊ, to romba ei nga tepa murum. 16 Kona peng ei nga punt, tÊmbÊkak kÊⱡ ruⱡ purum na, oⱡa mana na mbÊ to tenda mint pitim. Anggelo ei nga tÊmbÊⱡ ei ndi, tÊpa kona peng ei, to rurum ei nga to ei, 15,000 kilomita mel ruⱡ purum. 17 Anggelo ei ndi, kona peng ei nga rukÊr orunga to rurum ei, 72 mita mel, ruⱡ purum. To rurum tÊmbÊⱡ ei, wamp ndi, kona peng to rormin uⱡ ei mel, anggelo ei ndi, to rurum. 18 Kona peng ei paⱡa itim uⱡ ei, Got ndi, ku jaspa mbila paⱡa etpa, gol mbÊ ndi, kona peng ei mim elinga, rÊⱡang mba kiraipa muraipa itim. 19 Kona peng ei, Got ndi, paⱡa itim puⱡ ei, ku elpa elpa mat ku moni ou nduk, rarÊp rok tÊk etmin mbÊ nga. Ku eng nui kai kuimbal ei nga mbi, jaspa nitim. MerÊng orunga ku muk ei nga mbi, sapaiya. Ku 3 ei nga mbi ei, aket, wote ku 4 ei nga mbi, emeral. 20 Ku kunt pendpa, kurÊmÊⱡa pendpa iti 5 ei nga mbi ei, saroniks. Ku kunt 6 ei nga mbi ei, kaniliyan. Ku plawa kuk 7 ei nga mbi, krisolait. Ku 8 ei, nde ongum wening mbo tinga ei mbi ei, beril. Ku 9 ei plawa kuk kÊng tÊtÊm mbo ti nga mbi ei, topas. Ku 10 ei nga mbi ei, krisopres. Ku 11 ei nga mbi ei, aiyasint. Ku kunt 12 mbo ti nga mbi ei, ametis, nitim. 21 Kona peng ei nga paⱡa keta puⱡ puⱡ kumba 12 kÊⱡ, tÊtpal kurmÊⱡa ronduⱡ 12 kat ndi, mim etÊk, rukÊr nombuⱡa mam mbÊ, ku gol eng nui mbÊ ndi, mim etÊk tetÊng ei kÊn, kiraipa muraipa etpa titim. 22 Manga wingti ei ruk, kona peng ila ti nÊtÊtÊm, mon. Nambuⱡ emel, Nuim Got Ronduⱡ Purum ei kÊn, Sipsip Waⱡ ei kÊn kunda, manga wingti mel mormbil. 23 Kona peng ei, ant, kalimp na ti ndi, rÊⱡang ngui nganggÊrÊm, mon. Nambuⱡ emel, Got elim nga rÊⱡang ei ndi, kona peng ei, rÊⱡang nguⱡnga kÊn, Sipsip Waⱡ ei ndi, kona peng ila kiya nomba morum. 24 Ei kÊn, wamp rÊⱡaip mat pora, ruk kona peng ei nga rÊⱡang ila nombuⱡa Ênding. MÊi kona wu nuim mumuk mbÊ ndi, en enim nga mel kai mbÊ mek ok, kona peng ila uing. 25 Ui mbila rÊk rÊk kona peng ei nga keta puⱡ puⱡ kumba ei, ÊngÊndi nÊngÊnding. Keta puⱡ puⱡ kumba ei, rÊk rÊk wei tepa mint mba. Ei nambuⱡ emel, kona peng ila rumbÊⱡ ti rui narÊmba, mon! 26 Wamp mbÊ nga kÊng ou ndurmÊn mel na, wamp nga mbi ou ti, ku moni na mel mbÊ pora, mek kona peng ila mukÊr ping. 27 Wote, mel ⱡar muⱡ na, wamp mat uⱡ kit mbÊ etÊk, ik kol rok etmin mbÊ pora, kona peng ila rukÊr pi nÊping, mon! Sipsip Waⱡ ei nga wamp kont mba mul buk ila mbi ropa, mana ndupa mundrum wamp mbÊ mint, kona peng ila mukÊr ping.