Repeleisen 18

1 Wote, ui ei kÊn, na kandÊr mel, anggelo ti, muⱡ kona wak ropa, mÊi kona ila mana urum. Anggelo ei nga ronduⱡ mam ti mepa, elim nga kÊng ila rÊⱡang puⱡnga kÊn, mÊi kona ila rÊⱡang mam ti ngurum. 2 Wote, anggelo ni ndi, ronduⱡ ke nimba wi ropa nimba mel, “Kona peng ou Bapilon ni kit moⱡpa, uⱡ mbuⱡ nimba mana purum. Kona ni, muⱡnga kit mbÊ kÊn, uⱡ ⱡar mul kit mbÊ kÊn, kui kit elpa elpa mbÊ kÊn, kona ou ila peka rok muⱡing. 3 Uⱡ ei, nambuⱡ emel, wamp mbÊ ndi pora, kona peng ei, wapra amp mel randÊk, nu wain ronduⱡ mat nok, wote mÊi kona wu nuim mumuk mbÊ ndi, kona peng ei wapra amp mel randÊk. Kongun etÊk, ku moni puⱡi ambulk etmin uⱡ ei ndi, uⱡ kit mbÊ nga pipil kuⱡi nalk etmin,” nitim. 4 Wote, na pit mel, wi muⱡ ila ik ti ku ndi wi ropa, nimba mel, “Enim na nga wamp mbÊ ye! Kona peng ou ei, wak rok kelik, ok ekit pÊi! Enim wamp mbÊ kona peng ei kÊn, rÊp rok molk, uⱡ kit mbÊ iting uⱡ ei mon! 5 Kona peng ou ei nga uⱡ kit mbÊ moⱡpa, oⱡa omba wi muⱡ kona punum. Kona peng ou ei nga uⱡ kit mbÊ, Got ndi, pilpa uⱡ mat etmba enim. 6 Amp wapra ei enim kÊn, uⱡ kit etÊm ei mel mendpÊⱡ, elim kÊn punt rok ngui! Amp ei, elim kÊn, punt rok ngÊk kÊn, mbuⱡ ila raⱡ etÊk pendÊk ngÊi!! Amp ei, elim nga nu ming ila, enim ndi, punt rok, nu ronduⱡ pi, enim ngurum ei mel ngok, wote mbuⱡ ila nu ei, etÊk ronduⱡ minal endÊk raⱡ indÊi! 7 Amp wapra ei mel minal tepa, elim nga kÊng orunga mepa oⱡa mba, ambuⱡpa paⱡpa murum. Elim nga uⱡ kit etÊm ila, enim ndi, punt rok mindil mat minal ngangina kÊn, ka rom ropa itangga. Amp wapra ei ndi, nimba mel, ‘Na amp nuim mumuk ei, wamp nuim mbÊ nga nde pol ila mor. Na amp wiya ti mon! Mbun mindil mbÊ, na kÊn ui nawÊrÊm ama mon!’ nitim. 8 Uⱡ ei nga, uⱡ kit elpa elpa mat, rumbÊⱡ tenda ila elim kÊn omba. Kui puⱡi omba, kona kump kun puⱡi tepa tangga kÊn, wamp puⱡi ka etÊk mindil nuing. Kona peng ou Bapilon ei, ndip ndi nomba pora ndumba. Ei nambuⱡ emel, Nuim Got ronduⱡ minal pi ei ndi, kona peng ou Bapilon ei, kit muⱡangga nitim ei mel etmba,” nitim. 9 MÊi kona ila wu nuim mumuk mbÊ ndi, amp wapra ei kÊn, wapra rok uⱡ kit minal etÊng mbÊ ndi, kona peng ou ei, ndip nomba ikil oⱡa wangga kandÊk kÊn, ka rom rok muⱡing. 10 Ei kÊn, kona peng ou ei, mindil tÊm uⱡ mbÊ, wu nuim mumuk mbÊ ndi kandÊk, ruⱡ etÊk molk, nÊk mel, “Nim Bapilon kona peng mam peng ronduⱡ ni, ant tenda ila uⱡ kit mbÊ nga, nim etÊn ei nga, ndip nonum ei, ka nÊk kont kuⱡing,” nÊtÊng. 11 MÊi kona mbila wu mel pi mbÊ ndi, kona peng ou ei, ndip nom uⱡ ei kandÊk, mbun tÊk ka iting. Ei nambuⱡ emel, en enim nga mel tetmÊn mbÊ, rarÊp rok ting wamp ti mon! 12 RÊng rarÊp ruing ninmÊn mbÊ, ku gol na, silpa na, ku eng nui kai na, tÊtpal ronduⱡ na, muⱡ mbal kurÊmÊⱡa eng nui kai na, muⱡ mbal kunt elpa elpa mbÊ kÊn, nde ronduⱡ mura rui mat kÊn, kng elepant gu mbila, mim etmin mel mbÊ kÊn, nde mat ku moni ou ndupa purum mbÊ kÊn, bras na, ain na, ku mon rui mbÊ kÊn, mel mat kunda ku, nde kÊng mura rui na, kupna na, paura mura kai rui na, kopung mura rui ronduⱡ kai na, kopung na, wain na, plawa na, wit na, kng kau na, sipsip na, kng os na, wil kar na, kongun kindmant wamp na, kont mormin wamp mbÊ pora, rarÊp rok ting kona ti mon! 14 Wote, wu mel pi mbÊ ndi, nÊk mel, “Nim nga numan ei ndi, mel mat timp nÊtÊn mbÊ, mba wei ai enim. Nim nga mel eng nui kai ku moni ou ndupa mba etÊm mel mbÊ, ndip nomba pora ndumba, wote kandkÊn ti nÊtÊn,” nÊtÊng. 15 Bapilon kona peng ila wu mel pi mbÊ ndi, kongun etÊk, ku moni ou nduk tÊk etmin mbÊ ndi, kona peng ei, ndip nangga kandÊk, mundmong etÊk kÊn, ruⱡ etÊk molk mbun mindil mbÊ, tÊk ka etÊk kont kulk muⱡing. 16 Wamp mbÊ ndi, nÊk mel, “Bapilon kona peng ei kandÊk, kont enim ei, ka nÊk muⱡing. Unt kona peng ei, wal pÊki kurÊmÊⱡa eng nui kai na, muⱡ mbal kunt elpa elpa mat kÊn, gol na, ku ronduⱡ mat kÊn, tÊtpal na mel ronduⱡ mat ndi, kona peng ei ou ndupa titim. Akup ndip nonum uⱡ ei nga kont enim. 17 Bapilon kona peng ei, ant mong tenda ila mint, ku moni na mel ronduⱡ mbÊ pora, ndip nurum,” nitim. Nu sip nga ambuⱡpa tÊpa kun etÊm rÊp wu na, sip ila wu mat puk kona peng mat ila andÊk etmin na, sip ila kongun tÊk rapÊndÊk etmin wu na, num kuta ila andÊk ku titmin wu mbÊ pora, Bapilon kona peng ila ruⱡ etÊk, kandÊk muⱡing. 18 Wote, wamp mbÊ ndi, ndip nomba ikil oⱡa oⱡnga kandÊk, nÊk mel, “Bapilon kona peng mam ni, ndip nomba pora ndunÊm ei ka! Wote, kona peng nam ti, Bapilon kona peng ei mel temba nda?” nÊtÊng. 19 Wote, wamp nimbÊ ndi, ui pakÊk kont kulk, ka etÊk, nÊk mel, “Bapilon kona peng ei nga kont mam ti, enim nÊk morung. Wu mel pi mbÊ ndi, num kuta ila nu sip mek andÊk, ku moni puⱡi kona peng ila tÊk etmin wu mbÊ ndi, en enim kont enim nÊk morung. Ant mong tenda ila Bapilon kona peng ei, ndip nomba pora ndurum. 20 Wote, enim Got nga muⱡ kona wamp na, painui wamp na, nombuⱡa rung wamp na mbÊ, akup Bapilon kona peng ei, uⱡ enim ei nga ambulk palk muⱡÊi! Nambuⱡ emel, Got ndi, kona peng ei nga uⱡ kit mat, enim kÊn itim mbÊ, kÊmp tÊpa punt ronum,” nÊtÊng. 21 Ni kÊn, ik ni nimba pora nduⱡnga kÊn, wote anggelo ronduⱡ ti ndi, ku mam wit kÊiya rok tÊmin ni mel ti tÊpa, num kuta ila ropa mana ndupa, nimba mel, “Ku mam ei, rop mana mundunt uⱡ ei mel etÊk, Bapilon kona peng ronduⱡ rok mundangina, mba nu ila mana pangga kÊn, wote wamp mbÊ ndi, kÊni nÊkÊning. 22 Uⱡ ei nga, Bapilon kona peng ila ruk, gita na, pikul na, kowa pela ming ik ni na, kinan kai mat nÊk etmin mbÊ, kapⱡa pi nÊpiling. Wamp mat kongun iting mbÊ nga man ik tÊk pora nduk etÊng wamp mbÊ kÊn, ku mam wit kÊiya rok etmin mel mbÊ, Bapilon kona peng ila ruk tepa, ik nimba iti natÊmba mon! 23 Wote, lam kiya nomba rÊⱡang mba etÊm ei pora nitim. Wote, wu amp tÊk amp wu nguk iting ik nÊk etmin mbÊ, kona peng ila rukrÊng pi nÊpiling. Unt wu mel pi mbÊ ndi, wu nuim mel molk, kona peng ila wamp nga kuimp keta ila etÊng. Wote nim ndi, ik kol rokÊn wamp mbÊ kÊn, uⱡ kit mat itÊn ku. 24 MÊi kona mbila el puⱡa wamp mbÊ ndi, wamp mat pora rok kondrung. Uⱡ mbÊ nga puⱡ ei, Bapilon kona peng ila mint pitim. Bapilon kona peng ou ni pora nilinga, wote painui wu na, Got nga wamp mbÊ nga mema oi ndurum,” nitim.