Repeleisen 17

1 Wote, anggelo 7 kÊⱡ nga ming 7 ambulk mormin kÊⱡ nga ti ndi omba, na kundpa, nimba mel, “Nim ya ila ui! Amp wapra mbi purum ni, nu mam mbila nga oⱡa orunga ila morum ei, kit moⱡmba enim uⱡ ei, nim tÊp ora ndamp ui! 2 MÊi kona mbila, wu nuim mumuk na, wamp mbÊ ndi pora, amp wapra ei kÊn, wapra rok etmin. Uⱡ ei ndi, wamp mbÊ ropa wÊlÊ munduⱡnga nu wain na mat nok, numan mbo pili napilik andurmin, ei mel etmin,” nitim. 3 Wote, Muⱡnga Wingti ei ndi, na etpa ronduⱡ mundpa kÊn, mepa mba kona kui waka tila purum. Kona ila na mbo kÊndÊr mel, amp ti, mel rakra kunt ti nga murum. Mel rakra kunt ei nga kÊng mbila, mbi elpa elpa mat morum mbÊ ndi, Got kÊn nimba kit mondpa murum. Mel rakra kunt ei nga peng 7 anggilpa, kom 10 ÊnggÊtÊm. 4 Amp wapra ni, muⱡ kunt ti kÊn, muⱡ kung ti kÊn, paⱡpa gol ndi, mim etÊng mel mat kÊn, tÊtpal ronduⱡ mat kÊn, ku eng nui mat kÊn, paⱡpa murum. Gol ming ti, ki orunga ambuⱡpa morum ila, Got nga kuimp keta ila, uⱡ kit gar mul etmin mbÊ kÊn, amp ei kÊn wapra rok, uⱡ kit etmin mbÊ kÊn, ming ila peka ropa morum. 5 Amp wapra ni nga mÊi ombil ila, mon rok mondÊk kÊn, ik ek rok, nÊk mel, “Wapra rui uⱡ mbÊ nga, Bapilon Kona Ou ei, kona mam ei tetÊm,” nÊtÊng. 6 Wote, na kÊndÊr mel, amp ei ndi, Got nga wamp mbÊ kÊn, wote Jisas kÊn rÊk rÊk mondÊk pilik etmin wamp mbÊ, ropa kundrum. Amp ei ndi, wamp mbÊ nga mema mbÊ, kuⱡpa noⱡnga kÊn, amp ei wÊlÊ purum. Uⱡ ei, na kandÊp kÊn, rut nÊmp, numan ou ndup pit. 7 Wote, anggelo ei ndi, na kundpa nimba mel, “Nambuⱡ emel, nim numan ou ndukÊn pilkÊn morÊn? Mel rakra ei nga peng 7 anggilpa, kom 10 anggilpa etÊm ei ndi, amp wapra ei mepa purum. Uⱡ ei nga puⱡ ei, mo ropa tetÊm ei, na ndi, nim kundÊp namp. 8 Nim ndi, mel rakra unt kont moⱡnga, kundrÊn ni, akup muⱡi nambÊⱡÊmba. Wote, mÊi ila kut kepa mba, pora ni nandÊtÊm kut ila, oⱡa omba kÊn, wote kit moⱡmba ei nga mba enim. Got ndi, unt muⱡ mÊi raⱡ iti nÊti kÊn, mÊi kona wamp mbÊ nga mbi mat, Got nga Buk Wingti ila ropa mundi nÊmÊndrÊm. Wamp mbÊ ndi, mel rakra ei kandÊk, min ngÊn munding. Ei nambuⱡ emel, mel rakra ei, unt murum, akup muⱡi nambrÊm, wote aldpa oⱡa wangga kÊning. 9 “Wamp nam ti ndi, pilpa kungÊndi kai pem ei ndi, uⱡ puⱡ mbÊ, pilpa mbi ndumba. Mel rakra ei nga, peng 7 kÊⱡ mel to rondpa kÊn, komnga 7 kÊⱡ. Amp wapra ei, komnga mong 7 kÊⱡ ila, oⱡa morum ei, wu nuim mumuk 7 kÊⱡ mormin. 10 Wu nuim mumuk 5 kÊⱡ korung. Tenda ti akup morum. Wu ti, nuim mumuk muⱡi nÊmbÊⱡi kokila, wote oⱡa omba nuim mumuk onunga koⱡ moⱡpa kÊn, wote pora nimba. 11 Mel rakra ti unt murum, wote akup muⱡi nambÊrÊm. Unt wu nuim mumuk 7 kÊⱡ nga 8 ei, el elim wote kit moⱡmba, ei nga mba. 12 “Nim ndi, kom 10 kat kÊndrÊn ni kÊⱡ, to rondpa kÊn, wu nuim mumuk 10 kÊⱡ, wamp rÊp iti uⱡ ei nga, oⱡa ui nawÊrÊng. Wote wu kÊⱡ, mel rakra ei nga ronduⱡ mbÊ tÊkÊn, ant mong tenda ila mint, mel rakra ei kÊn kunda, nuim mumuk muⱡing. Wote muⱡi nÊmbÊⱡing, mon! 13 Wu nuim mumuk 10 kÊⱡ, numan tenda mint pilik, en enim mbi ou tÊk, wamp rÊp iti uⱡ ei nga ronduⱡ ei, mel rakra ei nguing. 14 Wu mbÊ kÊn, mel rakra ei kÊn kunda molk, Kng Sipsip Waⱡ ei kÊn el iting. Wote, Sipsip Waⱡ ei ndi, wu mbÊ kÊn, mel rakra ei kÊn, ropa mana ndumba. Wu Nuim Mumuk mbÊ nga wu nuim mumuk oⱡa orung ei, Nuim mbÊ nga pora nuim oⱡa orung ei. Wamp mat elim ndi, kÊmp ropa, wi ropa rukÊr tilinga, elim nga ik ei, rÊk rÊk pep rok iting mbÊ, Sipsip Waⱡ ei kÊn kunda molk, mel rakra ei kÊn el iting,” nitim. 15 Wote, anggelo ei ndi, na kundpa, nimba mel, “Nim kan uⱡ ei, amp wapra ti, nu mam ila oⱡa morum. Uⱡ ei ndi, to ropa, wamp mÊi kÊmp elpa elpa, wamp kÊng elpa elpa ti mat kÊn, ik elpa elpa ni mbÊ nga minal morung. 16 Wote, mel rakra kom 10 mul kat kÊndrÊn kÊⱡ, amp wapra ei kÊn, el puⱡa wamp mormin. Amp wapra ei, rok kit mondÊk, wal pÊki na mel mbÊ, tÊk mundÊk kelik, kÊng mint mbÊ tÊk nok, ombil mbÊ ndip kalk iting. 17 Got elim nga numan mbo ei, wu nuim mumuk 10 kÊⱡ nga pilpa kungÊndi ila nguⱡnga kÊn, Got ndi, pitim uⱡ ei mel iting. Ei kÊn, wu nuim mumuk 10 kÊⱡ, numan tenda pangga kÊn, en enim nga wamp rÊp it. Uⱡ ei nga ronduⱡ ei, mel rakra ei ngangina, tepa muⱡangga mba, Got nga ik nitim mbÊ omba kupa etmba. 18 Nim ndi, amp wapra kÊndrÊn ei, to ropa kÊn, mÊi kona ila kona peng ou ti, wu nuim mumuk mormin mbÊ nokundrum uⱡ ei mel,” nitim.