Matyu 14

1 Ui ei kÊn, Galili kona ei, nÊkÊndrÊm wu Erot ni, Jisas nga timan ei pilpa, elim nga kongun wu ni kÊⱡ kundpa, nimba mel, “Wu ei, wamp nu ti ndi, wu Jon ni, ⱡoporpa oⱡa moⱡpa, wamp kui nga ronduⱡ ei, tepa uⱡ wengÊndupa mbÊ, enim nÊmp pÊnt,” nitim. 3 Ei mel nitim, ei nambuⱡ emel, unt Erot elim ndi nilinga, Jon ni tÊk imp molk, kÊmp ki raⱡ kan ngÊk, mek kan manga ila pendÊtÊng. Uⱡ ei mel itim, ei nambuⱡ emel, elim nga ÊngÊn Pilip nga ambÊm Erotiyas nga ik ei, kum tepa itim. 4 Jon kan ngui ngÊngi ui ei kÊn, Jon ndi, Erot kundpa, “Nim amp ei tÊkÊn mekÊn andrÊn ei, ⱡawa etÊn ei ka!” nitim. 5 Erot popÊⱡ koⱡpa, Jon rop kundimp nimba pitim ei, wote Jura wamp mbÊ nga mundmong itim. Ei nambuⱡ emel, wamp mbÊ ndi, Jon ei, en enim nga painui wu muⱡ ti, mondpÊn mormÊn nÊk pÊtÊng ei nga. 6 Erot elim metÊng ui ni, ekit urum ei kÊn, kng rÊng mbÊ kui elingina, wamp tÊma ok, nok morung ila, Erotiyas mbuⱡam amp wendÊp ni, moke etpa, pena omba, welt rÊrÊm ila, Erot ndi kandpa, numan ndi koⱡpa, mi tepa nimba mel, “Nim namba mel ti nin ei nguimp mint,” nitim. 8 Amp ni nga mam ndi, kunt punt ropa nimba mel, “Ming tila, wamp nu tindi wu Jon ei nga peng ei, poⱡa rokÊn, mekÊn okÊn ngui!” nitim. 9 Wu king Erot ni, ik ei pilinga, mundmong ei mi elinga, ei pilpa kelpa ninim ei mel, tÊk ngÊi nitim. Ei nambuⱡ emel, unt wamp tÊma mbÊ nga kuimp keta ila, mi tepa nitim ei nga, wu mat tÊpa munduⱡnga, kan manga ila puk, Jon nga peng ei rok, poⱡa rok, mek ok, amp wendÊp ei nguⱡina, mepa mba mam ngurum. 12 Jon nga on ni, elim nga kitip kÊni wu ni kÊⱡ ndi ok, tÊk mek puk on etÊk pendÊk, wote puk, Jisas kundÊk nÊtÊng. 13 Jon ni rorung timan ei pilpa, Jisas murum kona ni, wak ropa mba, nu kanu ila rukÊr mba, num noi orunga, kona tiyu nimba tÊtÊm tila purum. Wamp morung nimbÊ ndi, Jisas purum ik ni pilik, pep rok akil tek, Jisas purum kona nila purung. 14 Jisas nu kanu ila ekit omba, wamp num pitim ila, kandpa kont ndi koⱡpa, kui peng itim wamp nimbÊ etpa titim. 15 Kona ant ni mana puⱡnga, elim nga kitip kÊni wu kÊⱡ ndi ok elim kundÊk nÊk mel, “Kona kui waka ila, ant ei mana punum ei kÊn, wamp mbÊ pÊi nÊkÊn, mundana puk, manga rÊⱡaip nondpa moⱡum mbila, rÊng rarÊp rok iteing,” nÊtÊng. 16 Wote Jisas ndi, punt ropa nimba mel, “Wamp mbÊ pi nÊpeing, mon. Enim ndi, wamp mbÊ nuing rÊng mat ngÊi!” nitim. 17 “Wote, tÊn rÊng mat, tep mul mel bret 5 kat kÊn, oma raⱡ kÊn mendpÊⱡ, tepÊn mormÊn ei ka!” nÊtÊng. 18 Wote Jisas ndi, nimba mel, “Tek mormin rÊng kÊⱡ mek ok, na ngÊi!” nitim. 19 Wamp num ni, numa pana ila, “Mana muⱡÊi!” nimba. Wote, bret 5 ni kÊⱡ kÊn, oma raⱡ kÊn, tÊpa ambuⱡpa, muⱡ ila oⱡa ndupa kandpa, Got kÊn angge nimba. Atinga ropa, bret nimbÊ, ambuⱡpa puk ropa, elim nga kitip kÊni wu mbÊ, ngumba nimba mel, “Wamp mbÊ, mok rok ngÊi!” nitim. 20 Wamp morung nimbÊ, pÊkÊ nok pilÊng kundÊk, kapⱡa endÊtÊng. Noⱡina mba mana tÊtÊm nimbÊ, kitip kÊni wu kÊⱡ ndi, kowa wal 12 rakÊⱡina, peka rÊrÊm. 21 RÊng norung wamp mbÊ nga, amp, kangambuⱡa, wamp ei, kÊmp rui narÊk, wu mint kÊmp rorung ei, wu 5000 itim. 22 Wote, Jisas ei ndi, elim nga kitip kÊni wu kÊⱡ ok, nu kanu ila rukÊr pok, kuimp tek puk, “Num Galili noi orunga muⱡÊi! Elim wamp mbÊ pÊi nÊmp mundÊp, akil tep wamp,” nitim. 23 Wamp mbÊ pÊi nimba pendpa, elim komnga tila oⱡa mba, atinga romba pilpa purum. Kona ni rumbÊⱡ rÊrÊm ei kÊn, elim ni kou murum. 24 Wote, ei kÊn ku, kitip kÊni wu ni kÊⱡ puk, num Galili rÊk ila pelingina, kona kÊpkÊ mam ti omba, nu ndi ropa elinga, nu kanu kÊⱡ ropa, noi ya itim. 25 Kona rangÊmba pilpa, ⱡant gu nitim ni kÊn, Jisas nu ndi pol ila, elim nga kitip kÊni wu kÊⱡ morung nila urum. 26 Wote, kitip kÊni wu ni kÊⱡ Jisas nu ndi, ila urum ni kandÊk, mundmong minal etÊng. “Ei kur ti, onum kant ei ka!” nÊk runga etÊk, ke nÊtÊng. 27 Ni kÊn mint, Jisas ndi, wu kÊⱡ kundpa nimba mel, “Mundmong iti nÊtÊi! Ei na ont, ronduⱡ puk muⱡÊi!” nitim. 28 Wote Pita ndi, ik punt ropa nimba mel, “Nuim ye! Ei nim kupa em ndam, na nim int on ei mel, nim ndi, na ui nana wamp!” nitim. 29 Jisas ndi nimba mel, “Un ka!” nitim. Nilinga, Pita ndi, nu kanu kÊⱡ wak ropa, ekit mba, nu ndi pol ila, kump kambilpa, Jisas murum ila purum. 30 Mba kÊndrÊm mel, kÊpkÊ ei ndi, nu ndi, ei ropa pÊnin ndupa, mepa urum ila kandpa, mundmong itim. Ei kÊn, elim ni nu ila mana tilinga, ke nimba mel, “Nuim ye! Na etkÊn tin ka!” nitim. 31 Na kÊn, tÊngÊnda mint Jisas ndi, elim nga ki ni norung ndupa, Pita ambuⱡpa, oⱡa tÊpa nimba mel, “Nim nga mondpa pili ama mel wei kot kant ei ka! Nambuⱡ emel, numan ÊkpÊk tin?” nitim. 32 Wote, wu ni raⱡ okÊⱡ, nu kanu nila rukÊr puⱡÊnggila, kona kÊpkÊ ni, kÊr nimba titim. 33 Ei kÊn, kitip kÊni wu nu kanu ila morung ni kÊⱡ ndi, Jisas nga mbi paka rondÊk, nÊk mel, “Kupa, nim Got nga kangÊm ei!” nÊtÊng. 34 Wu ni kÊⱡ, num ei poⱡa rok, pok noi Genesaret kona ila purung. 35 Wote, kona ila nga wamp nimbÊ ndi, Jisas kandÊk poⱡ nduk, kona nimbila rung mundÊk, kui peng em wamp mbÊ, mek wei nilingina, mek orung. 36 Kona ila wamp nimbÊ ndi, kui peng itim wamp mbÊ, nim nga wal pÊki punt orunga, mint minda ndeing nÊk, Jisas kÊn mawa etÊng. Wote, minda ndurÊng wamp mbÊ, kui nimbÊ, tÊngÊnda mint pora nitim.