Matyu 15

1 Wote, Jerusalem orunga wu Perisi kat kÊn, Moses nga mi ik mbo wu kat kÊn ok, Jisas waldÊk, nÊk mel, “Nim nga kitip kÊni wu kÊⱡ ndi, tÊn nga anda kouwÊmÊn kÊⱡ nga ik mbo endÊtÊng kÊⱡ, tÊk roi nduk, rÊng nuing etÊk, ki ⱡumÊi rui narÊk normin ei? Nambuⱡ emel etmin?” nÊtÊng. 3 NÊtÊng ni, Jisas ndi, punt ropa nimba mel, “Enim wote, Got nga mi ik ei, pep rui narÊk, en enim nga anda kouwÊmÊn mbÊ nga mi ik pep rormin. Ei nambuⱡ emel etmin? 4 Wote, Got ndi nimba mel, ‘Nim nga manÊm tipanÊm raⱡ tÊkÊn ou ndui!’ Wote, ‘Wamp nam ti ndi, elim nga mam kep, tipam kÊn kep, ik kit nÊm ndam, wamp ei rok kundeing,’ nÊtÊm. 5 Wote enim ndi, ik ti mel ku mbo endÊk, wote wamp ti ndi, mam tipam raⱡ kundpa, mel ei ni enmbil nguⱡmba. Ei wote, tÊp Got ngÊnt ei ka nÊtÊm ndam, wote enim nga ik mbo endÊtmin ei ndi, elim nga mam tipam raⱡ tÊpa, rÊpndi napÊndrÊm. Ik i etÊk, mbo endÊtmin mbÊ ndi, Got nga mi ik ei, pep rui narÊk, en enim nga ik mbÊ mendpÊⱡ pep rormin. 7 Enim ik kol nga puⱡ wu mbÊ ye! Enim nga puⱡ ei, unt painui wu Aisaiya ndi, ei mel nimba mot ndurum! 8 ‘Wamp mbÊ ndi, na keta kÊng ila, mbi mundÊrmÊn. Wote numan ei, na kÊn roⱡ etpa tetÊm. 9 Na nga mbi paka rondÊrmin uⱡ ei pendÊk kileing. Ei nambuⱡ emel, mÊi kona wamp nga mi ik mim etmin mbÊ, mbo rondÊk tÊk, Got nga randÊk etmin!” nitim. 10 Wote, wamp minal morung nimbÊ, wi ropa kundpa nimba mel, “Ik nÊnt kÊⱡ pilik kungÊndÊi! 11 Wamp nga keta ila, mana purum mel mbÊ ndi, wamp etpa ⱡar mundi namÊndrÊm. Wote, keta ila ekit orum mel mbÊ ndi, wamp etpa ⱡar mondrum,” nitim. 12 Wote, elim nga kitip kÊni wu ni kÊⱡ ndi ok, Jisas kundÊk nÊk mel, “Nim nga ik nÊn ei ndi, Perisi wu kÊⱡ pilik kit pÊnmin ei, pÊn muna mon nda?” nÊtÊng. 13 Wote Jisas ndi, ik punt ropa nimba mel, “Na nga muⱡ kona Wuta ei ndi, kongun kona ila mel mat elim ndi, mbo rui nÊrÊrÊm mbÊ, elim ndi, nangga runggulk munding. 14 Enim numan ou nduk pili nÊpÊlÊi! Wu kÊⱡ, rÊp wu mong tÊtÊm kÊⱡ, mong ti wu ti ndi, ti ki ambuⱡpa mepa purum ndam, raⱡ kunda kut ila mana pinggil,” nitim. 15 Wote, Pita ei ndi, waldpa nimba mel, “Nim ik ek ron ei nga puⱡ ei, nÊkÊn mot ndui,” nitim. 16 Wote Jisas ndi, nimba mel, “Enim ik ek ei nga puⱡ ei kep, pilik kun iti natÊnmin ku ei? 17 Wote kep, mel ti keta ila mana purum ei, mba kitim ila tepa, wote te raⱡpa omba ekit purum ei, enim pilik kun iti natÊnmin ku ei? 18 Wote, mel mat keta ila, ekit orum ei mundmong ila pepa orum mbÊ ndi, wamp etpa ⱡar mondrum. 19 Wote, wamp nga mundmong ila numan kit pepa ekit orum kÊⱡ ndi, elinga wamp rok kondÊk, kandÊk kom pendÊk, kindÊp nok, ik kol rok, wamp mat kÊn ik kit nÊk, uⱡ kit mbÊ etÊk etmin. 20 Got nga kuimp keta ila uⱡ kÊⱡ ndi, wamp etpa ⱡar mondrum. Wote, rÊng ti ki ⱡumÊi rui narkÊn nun uⱡ ei ndi, nim etpa kit mundi namÊndÊmba,” nitim. 21 Jisas murum kona ni, wak ropa mba kona peng Taiya kÊn Sairon raⱡ nga, kona ÊldÊ tetÊm mbila purum. 22 Kona ila Keinen amp ti, ekit omba wi ropa nimba mel, “Nuim ye! Nim Depit nga kangÊm ei, na kont kun ka! Na nga mbuⱡam ambuⱡa ei, kur kit rukÊr orunga moⱡnga, ambuⱡa ei, etpa kit mondrum,” nitim. 23 Ik nitim ni, Jisas ndi, ik ti punt rui nÊrÊrÊm. Wote, elim nga kitip kÊni wu ni kÊⱡ ndi, ik mana tek nÊk mel, “Kelpa pangga ni! TÊn pep ropa, ka etpa onum ei mon!” nÊtÊng. 24 Ei kÊn, Jisas ndi, punt ropa nimba mel, “Isrel wamp mbÊ, kng sipsip mel tiki polk andÊrmÊn ei nga nimba, Got ndi, na tÊpa mundrum,” nitim. 25 I nitim ik ni, amp ni pilpa omba, Jisas nga kÊmp puⱡ ila rumaⱡi pepa nimba mel, “Nuim ei! Na tÊkÊn rÊpÊndÊn ka!” nitim. 26 Wote Jisas ndi, ik punt ropa nimba mel, “Kangambuⱡa mbÊ nga rÊng mbÊ tÊpÊn owa mbÊ ngÊmÊn ndam, kapⱡa iti natÊmba,” nitim. 27 Amp ni ndi, “Nuim ye! Ik ei piram nÊn ei wote, owa mbÊ ndi, en enim nga puⱡ wu mbÊ, rat pol ila molk, rÊng noⱡina nurpÊn, mana purum mbÊ, tÊk normin ku ni ka!” nitim. 28 Wote Jisas ndi, nimba mel, “Nim nga mondpa pili ei, ronduⱡ purum kant ei kÊn, nim nga numan ngÊn uⱡ ei mel etmba,” nitim. Ni kÊn mint, amp ei nga mbuⱡam nga kui ni wang nitim. 29 Jisas murum kona ni, wak ropa omba, Num Galili ÊldÊ orung purum. Wote komnga tila oⱡa mba, muⱡ tÊpa mana murum. 30 Ila wamp minal ruk ok, wamp on por mul na, mong ti wamp na, ik ni nÊni wamp na, elkÊna rumbÊⱡi wamp na, uⱡ elpa elpa itim wamp na nimbÊ mek ok, Jisas nga kÊmp puⱡ ila monduⱡnga, etpa titim. 31 Wamp wei nimbÊ, min ngÊn minal mundrÊng. Ei nambuⱡ emel, ik ni nÊni wamp mbÊ, ik nÊtÊng. Ki rumbÊⱡi wamp omba kun purum. On por murum wamp mbÊ, nombuⱡa andrÊng. Mong ti wamp mbÊ, kona kandrung. Isrel wamp nga Nuim Got ei nga mbi paka rondrÊng. 32 Wote Jisas ndi, kitip kÊni wu ni kÊⱡ wi ropa ruk tÊpa nimba mel, “Na wamp mbÊ nga kont enim. Ei nambuⱡ emel, na kÊn moⱡina rumbÊⱡ raldika omba pum. Ei nga akup, nuing mel ti tek muⱡi nambÊrmÊn. Kump kun pÊi mang kona pÊi, nint ndam, nombuⱡa mam paka ila kÊmp kun ndi, kÊmp ambuⱡmba ei mon,” nitim. 33 Wote, kitip kÊni wu ni kÊⱡ ndi waldÊk nÊk mel, “Ya kona kui wak ila, rÊng nant ila pem ei nga wamp rÊⱡaip mam ei, rÊng ambuⱡpÊn kapⱡa indimin ei nga nÊn?” nÊtÊng. 34 Wote Jisas ndi, “Enim bret namba iti tek mormin?” nimba wuldÊtÊm. Ni kÊn, wu kÊⱡ ndi, punt rok nÊk mel, “Bret 7 kat kÊn oma kÊralt tetÊm ei ka!” nÊtÊng. 35 I nilingina, Jisas ndi, wamp num ni pora, mana muⱡÊi, nimba. Bret 7 ni kÊⱡ kÊn, oma ni kuraⱡ kÊn tÊpa ambuⱡpa, Got kÊn angge nimba, puk ropa, elim nga kitip kÊni wu ni kÊⱡ ngurum. Wote wu ni kÊⱡ ndi, mok rok wamp nimbÊ ngorung. 37 Wote, wamp morung nimbÊ, pÊkÊ nok pilÊng kunduⱡina, mana tÊtÊm mbÊ, aprÊk tÊk kowa wal 7 mel rok peka rondrÊng. 38 RÊng norung ei, amp kangambuⱡa nimbÊ, kÊmp rui narÊk wu mint kÊmp rorung ei mba, 4,000 ei mel itim. 39 Wote Jisas ndi, wamp nimbÊ peing nimba mundpa, elim ni nu kanu ila omba, rukrÊng mba, noi Makadan ni kona ila purum.