Luk 20

1 Wote ui ti kÊn, Jisas ndi, manga wingti ou nila, wamp mbÊ ik mbo endpa, RÊnang lk Kai mbÊ nga ik puⱡ mbÊ, nimba ngumba murum. Ni kÊn, wu pris kuimbal mat kÊn, mi ik mbo wu na, manga wingti rÊp wu mat kunda, Jisas murum nila orung. 2 Wote, wu mat ndi, Jisas kundÊk, nÊk mel, “Nim ronduⱡ nant ei nga, tek molkÊn uⱡ mbÊ en? Nam ndi, nim ronduⱡ ngÊⱡnga, uⱡ mbÊ en ei, tÊn kundkÊn nin ka!” nÊtÊng. 3 Wote Jisas ndi, ik nÊtÊng ni, punt ropa nimba mel, “Na ndi, enim ik ti waldÊp nÊnt ei, na kundÊk nÊi! Unt Jon ndi, wamp nu tinditim uⱡ ei, Got nga muⱡ ila uⱡ ei, muna mÊi kona wamp nga uⱡ ei nda?” nitim. 5 Wote, wu nimbÊ ndi, en enim ik palk nÊk mel, “TÊn ndi, Got nga muⱡ kona uⱡ ei, nimÊn ndam, wote Jisas ndi, tÊn kundpa, nimba mel, ‘Enim nambuⱡ emel, Jon nga ik ei, mondÊk pili napÊtmÊn nimba.’ 6 Wote tÊn ndi, ‘MÊi kona wamp nga uⱡ ti nimÊn ndam,’ wamp mbÊ ndi pora, ik ei pilik kÊn, tÊn ku ndi ruing. Nambuⱡ emel, wamp mbÊ ndi, Jon ei, painui wu ti nÊk pÊtmÊn,’” nÊtÊng. 7 Uⱡ ei nga pilik kÊn, Jisas nga nitim ik ni, punt rok nÊk mel, “Jon wamp nu tinditim uⱡ ei, kona nant orunga kandpa titim ei, tÊn pili napÊtmÊn,” nÊtÊng. 8 Wote Jisas ndi, wu nimbÊ, kundpa nimba mel, “Enim ninmin uⱡ ei mel ku, na nga ronduⱡ tep moⱡÊp, kongun etÊp et uⱡ mbÊ, enim kundÊp ni nÊnimp mon ku!” nitim. 9 Wote Jisas ndi, ik ek ti ropa, wamp mbÊ, kundpa nimba mel, “Wu ti ndi, nde wain pana ti raⱡpa pendpa kÊn, wu mat ndi, kongun etÊk ku moni tÊk, elim nga mat tÊndÊk, teing nimba ngumba pendpa, mang kona ila wak ropa, kona elpa tila mba, ui ruⱡ etpa murum. 10 Wote, wain mong ranggÊk ting ui ei kÊn, elim nga wain pana ila, elim wain mong mat ranggÊk ngeing nimba kongun wu ti, tÊpa mundrum. Wote, wain pana ila morung wu nimbÊ ndi, kongun wu ni, tÊmbÊⱡ rok, pep rorung ila wu ni, kelpa wei yant urum. 11 Wote, elim nga kongun wu ti, ku tÊpa mundrum ila urum. Wu ni, i ku etÊk rok, kit mondÊk, makrÊk mundrÊng ila, kelpa wei yant urum. 12 Wote, elim nga kongun wu ti, ku tÊpa mundrum ila urum. Wu ni, rok kit mondÊk, tÊk ekit kundrung. 13 Wote, wain pana puⱡ wu ni ndi, elim nimba mel, ‘Akup na nambuⱡ ti, itimp nda? Na nga kang wu numan ngur ei mint, tÊp mundamba kÊn, wu ei nga nim ik ei, tÊk ou nduk, kum tek piling nÊmp pÊnt!’ nitim. 14 Wote, wain pana rÊp etÊng wu nimbÊ ndi, kandrÊng mel, kangÊm wu ni urum ila, en enim ik mat nÊk mel, ‘Wain pana ei, kang wu ei ndi moⱡpa, wote tÊmba uⱡ ei mon. TÊn ndi, wu ei rop kondpÊn, wain pana ei tÊndÊn ndi, rÊp itÊmin,’ nÊtÊng. 15 Wote, wu nimbÊ ndi, kang wu ni, wain pana nila rok, tÊk ekit nduk, wote rok kondrung. Wote, wain pana puⱡ wu ei ndi, wu mbÊ kÊn, namba uⱡ ti etmba nda, nimba? Jisas ndi, wamp morung mbÊ, waldpa nimba mel, “Puⱡ wu ei ndi, wain pana rÊp wu mbÊ, ropa kondpa kÊn, wote wain pana mbÊ tÊpa, wu mat elpa rÊp iteing nimba ngumba,” nitim. Wamp nimbÊ ndi, Jisas nga nitim ik ni, pilik nÊk mel, “Uⱡ ei mel kapⱡa iti natÊmba!” nÊtÊng. 17 Wote Jisas ndi, wamp nimbÊ, kandpa kÊn, nimba mel, “Enim mon nÊng ndam, wote Got nga Buk Wingti ila ik morum kÊⱡ nga puⱡ ei, etÊk ning mel nant? ‘Manga rÊki wamp mbÊ ndi, nde ti, kit nÊk, wak rok mundÊk, ketÊng nde ni ndi, akup manga ei, ambuⱡpa ronduⱡ mundpa morum,’ nÊtÊm. 18 Wote, wamp nam ti, ku pol ila tÊpa kawa ndupa, rom ndam, wamp ei, ondpa kel kel etmba. Wote ku ei ndi, mana omba wamp ti, rom ndam, wamp ei ropa, nem nem ndupa tÊmba,” nitim. 19 Wote, mi ik mbo wu na, wu pris na mbÊ molk pÊtÊng mel, Jisas ndi, ik ek ropa nitim ei, en enim kundpa nitim. Nambuⱡ emel, enim pilik kÊn, Jisas tÊpÊn imp muⱡmin nÊk pÊtÊng. Ni wote, wamp mbÊ nga mundmong endÊtÊng. 20 Ni kÊn, Jisas nga itim uⱡ mbÊ, tÊk kongundÊk rÊp etÊk kÊn, wu mat kandÊk tÊk, Jisas nga itim uⱡ mbÊ, tÊk mundeing nÊk tÊk mundrÊng. Wu kit mbÊ ndi, kun kai ralk molk kÊn, Jisas ik mat nimba ⱡawa tangga, imp moⱡpÊn wu gapman kuimbal ei nga, kot endangga nÊk etÊng. 21 Wote, wu nimbÊ ndi, Jisas ni, waldÊk nÊk mel, “Ik mbo wu ye! TÊn ndi, pÊnmÊn ei, nim ndi, wamp mbÊ ik kun kai mat mint kundkÊn ni, kun en. Wote nim ndi, wamp nuim mbÊ nga mundmong indi nandÊn, mon. Nim ndi, Got nga ik kupa petÊm mbÊ mel, wamp ik mbo endÊn. 22 Akup nim ndi, namba nÊkÊn pÊn? TÊn ndi, wu nuim mumuk Sisa ku moni takis nguimin uⱡ ei, kapⱡa muna mon, nda?” nÊtÊng. 23 Wote, wu mbÊ nga kol rok nÊtÊng ik ni, Jisas ndi, pilpa pora ndupa kÊn, nimba mel, “Ku moni ti na, tÊk ora ndÊi! Wamp kuimp keta ti kÊn, mbi kÊn morum ei, wamp nam nga nda?” nitim. Ni kÊn, wamp mbÊ ndi, ik punt rok, nÊk mel, “Wu nuim mumuk Sisa nga kuimp keta morum,” nÊtÊng. 25 Wote Jisas ndi, wamp mbÊ, kundpa nimba mel, “Enim ndi, Sisa nga mel mbÊ kandÊk kÊn, Sisa ngÊk, wote Got nga mel mbÊ kandÊk, Got ngÊk itÊi!” nitim. 26 Jisas nga punt ropa nitim ik ni ndi, wu mbÊ nga numan orunga roⱡnga, wamp morung ni kÊⱡ ndi, Jisas imp muⱡing ei nga, uⱡ ⱡawa ti kandÊk, ti natÊk kÊn, ik ti ni nandÊtÊng. 27 Wote, Sarusi wu rÊⱡaip mat, Jisas murum kona nila orung. (Wu mbÊ ndi, wamp korung nimbÊ, ⱡoprÊk yant ui nÊwing, nÊtmÊn.) 28 Wu nimbÊ ndi, Jisas waldÊk, nÊk mel, “Ik mbo wu ye! Moses nga mi ik ila ik ti, mon ropa pinditim ei ndi, nimba mel, ‘Wu ti ndi, amp tÊpa mondpa, kangambuⱡa mi naimbÊpa kuⱡangga kÊn, wote ÊngÊn wu ti ndi, amp wiya ei, tÊpa ÊngÊn nga koⱡ ila kangambuⱡa mendÊmba,’ nÊtÊm. 29 Kona tilinga, wu ÊngÊnÊl 7 kat morung. Wu komun ei ndi, amp titim. Amp ei, kangambuⱡa mi naimbÊpa, kurum. Wote, wu ÊngÊn ti ndi, amp wiya ei, tÊpa kÊn, kangambuⱡa mi naimbÊpa, kurum. Wote, wu ÊngÊn merÊng orunga ti ndi, i etpa amp ei titim. Wote, wu ÊngÊnÊl 7 kÊⱡ ndi pora, amp ei, tÊk kapⱡa endÊk kÊn, kangambuⱡa mi naimbÊk kolk pora ndurÊng. 32 Wote, akil tepa, amp wiya ni, kurum ku. 33 Wu 7 kÊⱡ ndi, amp ei, tÊk mek andrÊng. Ei nga wote, wamp korung mbÊ, ⱡoprÊk kont moⱡÊng ui ei kÊn, amp ei, wu nam nga moⱡmba nda?” nÊtÊng. 34 Wote Jisas ndi, wu nimbÊ, kundpa nimba mel, “Akup nga ui ila wamp kont molk kÊn, wu amp nÊk mormin. 35 Wamp korung mbÊ nga mat, Got ndi, muⱡ kona teing nimba pitim mbÊ, wote ⱡoporpa kont mondum ei kÊn, wu amp mel rÊp rok, muⱡi nÊmbÊⱡing mon. 36 Got ndi, wamp on kona mbila, ropa rut ndangga kÊn, anggelo ralk, Got nga kangambuⱡa mel mbÊ muⱡing. Wote aldpa, kuⱡi nÊⱡing, mon. 37 Wamp kui mbÊ, ⱡoprÊk kont muⱡing uⱡ ei nga, Moses ndi, tÊn kÊn nimba pora ndurum. Nde waⱡ kat ndip nurum ila, ik timan unt nga kÊⱡ nga, Moses ndi, nimba mel, ‘Wu Nuim ei, Eiparam, Aisak, Jekop na kÊⱡ nga Got ei!’ 38 Wamp mbÊ pora, Got elim nga kuimp keta ila kont mint muⱡing. Uⱡ ei nga, Got ei, wamp kui mbÊ nga Got ti, mon!” nitim. 39 Wote, Jisas nga ik nitim nimbÊ, mi ik mbo wu mat ndi, punt rok, nÊk mel, “Ik mbo wu ye! Nim ik kai mat punt ron ei ka!” nÊtÊng. Wote wu nimbÊ ndi, Jisas murum nila mundmong endÊk, ik mat waldÊk ni nandÊtÊng. 41 Wote Jisas ndi, Perisi wu mbÊ, kundpa nimba mel, “Nambuⱡ emel, wamp mbÊ ndi, Got nga ngurum wu Kraist ei kundÊk, Depit kangÊm nÊtmin nda? 42 Buk Sam ila, Depit elim ndi, nimba mel, ‘Oⱡa Nuim ei ndi, Na nga Nuim ei kundpa, Na nga ki mbo orunga okÊn muⱡana, 43 Na ndi, nim nga el puⱡa wamp mbÊ, tÊp nim nga kÊmp mundin ei nga, nde pol mel indimp,’ nitim. 44 Depit elim ndi, Kraist nga nindpa kÊn, elim nga Wu Nuim ei nitim. Ei nambuⱡ emel, wamp mbÊ ndi, aldpa Kraist kundÊk, Depit kangÊm nÊtmin nda?” nitim. 45 Wamp mbÊ ndi, Jisas ik nitim nimbÊ, pilik moⱡÊngina, Jisas ndi, elim nga kitip kÊni wu ni kÊⱡ, kundpa nimba mel, “Enim ndi, mi ik mbo wu mbÊ nga pilik, tÊk mendÊk muⱡÊi! Wu mbÊ ndi, wal pÊki roⱡ mbÊ mint, numan ngÊk pakÊk andÊk kÊn, wamp mou rok molk etmin kona mbila, en enim tÊk ou nduk, rawe etÊk, numan ning ngÊk pilik etmin. Wote, atinga manga kel mbila puk, nde pol kuimbal mbila, wamp kÊnangina mint muⱡmin nÊk pilik numan ngÊk etmin. Wote, wamp rÊng nok etmin mbila puk, nde pol kuimbal molk etmin. 47 Wote, amp wiya mbÊ tÊk, wÊlÊ mundÊk kÊn, kng mel mbÊ kindÊp nok tÊk, atinga ruⱡ wei mat, ik kol rok rormin ku. Got nga wamp kÊmp tÊmba ui ila, wu mbÊ, mbun mindil mam mat ting,” nitim.