Luk 19

1 Wote Jisas ni, Jeriko nila rukÊr omba, wote ronggÊt ekit mba, pilpa purum. 2 Wote, kona peng ila ku takis tÊtmÊn wu mbÊ nga wu kuimbal ei, mbi tek, Sakiyas nÊtmÊn. Wu ei, kng mel mbÊ nga kapⱡa etÊm wu ni, ila murum. 3 Wote, wu ei ndi, Jisas ei, wu nam ti nda, nÊmp kÊnimp nimba itim ni, wote kÊni nÊkÊndrÊm. Ei nambuⱡ emel, elim wu etÊmp ei nga, wamp minal morung mbÊ ndi, Jisas rok ngÊk morung. 4 Ei kÊn, kanmba pilpa rundpa kÊn, Jisas wote omba mba, nombuⱡa mam nila, tÊkrÊpa kuimp tepa mba, nde Sikamor ila oⱡa mba, Jisas kÊnimp nimba murum. 5 Wote Jisas ni, int kona nila mba kÊn, tÊpa oⱡa ndupa, Sakiyas kandpa, nimba mel, “Sakiyas, nim tÊkÊrkÊn mana wana! Akup na, nim nga mang kona ila mbuⱡ muⱡÊmbil,” nitim. 6 Wote, wu Sakiyas ni, tÊkrÊpa mana omba, Jisas ni, rawe etpa, numan mam ti ngumba, tÊpa mepa purum. 7 Wote, wamp ila morung nimbÊ ndi, uⱡ itim ni kandÊk, popÊⱡ kulk, kon kon nÊk mel, “Ya wu ei, uⱡ kit etÊm wu ni nga manga ila, manga tÊma punum,” nÊtÊng. 8 Wote, wu Sakiyas ni, oⱡa anggilpa, Nuim ei kundpa, nimba mel, “Nuim ei, nim pÊn ye! Akup ant ila mint, na nga kng mel tep mor mbÊ, rÊk ila kÊmp tÊp wamp kurpa mbÊ nguimp. Wote, wamp mat, tÊp kum ngui randÊp, mel mat, kol rop nÊmp tit mbÊ, wamp mbÊ, punt rop int ndup, tÊmbÊkak mel indimp,” nitim. 9 Jisas ndi, int ndupa wu ni, kundpa nimba mel, “Got nga wamp etpa ti uⱡ ni, ya manga ila akup om. Ei nambuⱡ emel, ya wu ei, unt wu Eiparam nga mondpa pilpa uⱡ itim ei mel ku enim. Wu ei, Eiparam nga pundÊn kupa ei. 10 MuⱡÊl Wu Kupa ei, nombuⱡa tiki purmin wamp mbÊ, kurÊp kandÊp etÊp, rukÊr timp nimba, mana urum,” nitim. 11 Wote wamp nimbÊ, ya ik kÊⱡ pilik moⱡina, Jisas ndi, ik ek kat, aldpa rurum ku. Ei nambuⱡ emel, Jisas Jerusalem kona ila nondpa urum. Ei nga wote, wamp mbÊ ndi pilik, Got nga wamp tÊpa mumuk rui uⱡ ni, akup ila tÊngÊnda mint ekit omba, enim nÊk pÊtÊng. 12 Ei kÊn, Jisas ndi, nimba mel, “TÊnggÊt kÊn, wu nuim ti, mÊi kÊmp ronggÊt mba, elim ni etÊk, wu king mundangina, wote yant omp, elim nga mÊi mang kona ila king muⱡimp nimba purum. 13 Ei nga, mba etpa kÊn, elim nga kindmant wu 10 kat, wi ropa tÊpa, ku moni K200 nimba elpa elpa ngumba kÊn, kundpa nimba mel, “Ya ku moni kÊⱡ ndi, kongun etÊk muⱡÊi!” nitim. 14 Ei kÊn, elim nga, mÊi puⱡ wamp nimbÊ ndi, elim numan ngui nganggÊk, nombuⱡa rung wu kat, akil tek tÊk mundÊk, nÊk mel “Wu ei, tÊn nga wu king muⱡi nÊmbÊⱡangga mon!” nÊtÊng. 15 Ni wote, wu ni, etÊk wu king monduⱡina, wote yant urum. Omba moⱡpa kÊn, elim nga kindmant wu nimbÊ, elim nga ku moni ngurum nimbÊ nga kongun etÊk, mat pendÊk kandÊk tÊtÊng, muna mon nda, nimba kÊnimp nimba orung. 16 Wu kuimp tepa ni ndi, omba nimba mel, “Nuim ye! Nim na ku moni ngurum ni kÊⱡ ndi, kongun etÊp ku K2000 pendÊp ngÊnt,” nitim. 17 Elim nga wu king ni ndi, int ndupa, nimba mel, “Na nga kindmant wu kai ei, nim mel kel mbÊ nga rup etkÊn, kai mundÊn. Ei nga, akup ya kona peng 10 kat nim rÊp itÊn!” nitim. 18 Wote, wu merÊng orunga ni ndi omba, nimba mel, “Wu Nuim ye! Nim nga ku moni ni kÊⱡ ndi, kongun etÊp ku moni K1000 kat pendÊp ngont,” nitim. 19 Wote, elim nga wu ou ni ndi, punt ropa nimba mel, “Nim ya kona peng 5 kat rÊp iti!” nitim. 20 Wote, kindmant wu ti ndi omba, nimba mel, “Wu nuim ye! Nim nga ku moni ni kÊⱡ na ndi, mep mbÊ muⱡ mbal ila kom rop tit tetÊm. 21 Na nim nga mundmong indÊt. Ei nambuⱡ emel, nim wu pundma rorun ei nga. Nim mel rukÊr ndukÊn, ti natÊtÊn mel mbÊ kÊn, polkÊn tetÊn omba, nim mel rÊⱡi narÊrÊn mbÊ, akÊkÊn tÊkÊn, etÊn ni nga pilip it,” nitim. 22 Elim nga wu nuim ni ndi, punt ropa, nimba mel, “Nim nga ik mong nÊn kÊⱡ ndi, ninim kÊmp timp, nim kindmant wu kit ye! Nim pÊtÊn ei, na wu pundma rop, mel na rukÊr ndup, ti natÊt mbÊ, ekit tÊp omba, wote mel na rÊⱡi narÊr mbÊ, akup tÊp et, nim pÊtÊn ei ka! 23 Wote, nambuⱡ emel, na nga ku moni kÊⱡ nim ndi, mek pukÊn, ku moni manga ila ti nÊtÊn? Telina ndam, wote na nanim yant omp ku moni mbuⱡ ila, mat pendÊp tilmba ni ka!” nitim. 24 Wote, wamp mat anggilik morung nimbÊ, kundpa nimba mel, “Ya wu ei nga ku moni mbÊ, tÊk mek puk, ku K2000 pendpa ngum wu ni, ngÊi!” nitim. 25 Wote, wamp nimbÊ ndi, nÊk mel, “Wu nuim ye! Wu ei, ku moni K2000 unt tepa moⱡum ni ka!” nÊtÊng. 26 Wote Jisas ndi, wamp morung nimbÊ, kundpa nimba mel, “Wamp ti mel mat tepa moⱡum ndam, na ndi, wamp ei, mel mat ou ndup nguimp. Wote wamp ti, mel mat tepa muⱡi nambÊⱡÊm ndam, mel on nga etpa tepa moⱡum mbÊ, nanÊm rukÊr timp. 27 Wote, na nga el puⱡa wamp mbÊ ndi, na en enim nga wu king muⱡi nÊmbÊⱡeimp nÊk pÊtÊng wamp mbÊ, enim ndi, tÊk mek ok, na nga kuimp keta ila rok kundÊi!” nitim. 28 Jisas ni, ik nimba pora ndupa kÊn, wote omba kuimp tepa, Jerusalem nombuⱡa mam nila, pep ropa oⱡa purum. 29 Wote omba, Betpeis kÊn, Betani kona raⱡ nga Olip Komnga ila nondpa omba kÊn, elim nga kitip kÊni wu raⱡ tÊpa, kuimp tepa mundpa, nimba mel, “Enmbil pukÊⱡ, kona ila nga kÊnanggila kÊn, kng donggi pela ti, mbuⱡ ila molk Êndi nandÊrmin ti, kan kulk pinding ei, ei kan potÊkÊⱡ mekÊⱡ ya wÊl! 31 Kan pÊtanggila kÊn, wamp mat ndi, enmbil waldÊng ndam, enmbil ndi, int ndukÊⱡ, nÊkÊⱡ mel, ‘Wu Nuim ei ndi, kongun mat itimp nilinga, ombÊⱡ tin mbÊⱡ nÊl,’” nitim. 32 Wote, wu ni raⱡ pukÊⱡ kandrÊnggil mel, Jisas ndi, nitim uⱡ ni mel itim. 33 Wu ni raⱡ pukÊⱡ, kng donggi ni, kan potÊkÊⱡ moⱡÊnggila kÊn, kng puⱡ wu ni ndi, wu raⱡ, waldpa nimba mel, “Kng donggi ei, nambuⱡ emel, kan potÊnmbil?” nitim. 34 Wu raⱡ ndi, int ndukÊⱡ, nÊkÊⱡ mel, “Wu Nuim ei, kongun mat itimp nilinga, ombuⱡ tÊnmbÊⱡ,” nÊtÊnggil. 35 Kng donggi ni, mek okÊⱡ Jisas ngukÊⱡ kÊn, en enmbilinga wal pÊki mbÊ, potÊkÊⱡ kng donggi mbuⱡ ila tekÊⱡ kÊn, wote Jisas ni, tÊkÊⱡ kng donggi mbuⱡ ila mondrÊnggil. 36 Wote Jisas ni, kng donggi mbuⱡ ila moⱡpa, oⱡnga kÊn, wamp mbÊ ndi, Jisas ni, tÊk Wu Nuim mondÊk, en enim nga wal pÊki mbÊ, potÊk nombuⱡa mam ila kumbÊlÊk tetÊng. 37 Wote Jisas ni, Olip Komnga ei nga nombuⱡa tepa mana ndurum kona nila oⱡnga kÊn, kitip kÊni wamp puⱡi orung nimbÊ ndi, puⱡ mondÊk ambulk palk, Got nga mbi ronduⱡ paka rondrung. Ei nambuⱡ emel, uⱡ rÊpÊndi minal itim kandrÊng ei nga etÊng. 38 Wu Nuim ei nga mbi ila om wu king ei, Got ndi memp pindangga! Muⱡ kona ila moⱡpa kundi uⱡ mbÊ, kupÊn mba tiyangga. Wote, Got nga mbi ou ei, tepa mint pangga!” nÊtÊng. 39 Ni kÊn, Perisi wu mat ndi, wamp morung nimbila, anggilik molk, Jisas kundÊk nÊk mel, “Ik mbo wu ye! Nim nga kitip kÊni wamp mbÊ, raka nÊk muⱡeing nin ka!” nÊtÊng. 40 Jisas ndi, punt ropa, nimba mel, “Na enim kundÊp nÊnt. Wamp mbÊ, raka nÊk moⱡÊng ndam, wote ya ku mbÊ ndi, kapⱡa ke nÊk, na nga mbi paka runding mint,” nitim. 41 Wote Jisas ni, Jerusalem nondpa omba kÊn, kona peng ou ni kandpa, kont kuⱡpa ka itim. 42 Wote Jisas ndi, nimba mel, “Omba nim ndi, ya akup ant ila, moⱡpa kundi uⱡ ei nga puⱡ ei, kanduⱡina ndam, kapⱡa elinga. Wote, akup nim mong ti, wamp mel kapⱡa morÊn ei ka! 43 Wote, ui mat nim kÊn omba. Ei kÊn el rui wamp mbÊ ndi, nim nga ku paⱡa petÊm ila, mÊi mbo rok, mek oⱡa ok ni, tÊk rÊk nduk, el kilanda muⱡangina, nim ekit pukÊn itin, nombuⱡa mam ti, ama ti natÊmba. 44 Wamp mbÊ ndi, nim kÊn nim nga ku paⱡa rukÊr mormin wamp mbÊ, pÊkÊ rok pora nduing. Ku paⱡa ei nga, na mel ni ti, ama muⱡi nambÊⱡÊmba. Ei nambuⱡ emel, Got ndi, nim etpa tÊmba urum ui ni, kandkÊn poⱡ ndui nÊndrÊn!” nitim. 45 Wote Jisas ni, manga wingti ou ila mukÊr mba, mukÊr kng sipsip na mel mbÊ nga rarÊp rok morung wamp mbÊ, ropa makrÊpa, pena ndupa nimba mel, “Buk Wingti ila, Got ndi, nimba mel, ‘Na nga manga ei, atinga manga! Wote enim ndi, kandÊk kelik tÊk mel rarÊp manga randÊnmin ei ka!’” nitim. 47 Ui mbila rÊk rÊk, Jisas manga wingti ou ila moⱡpa, wamp ik mbo inditim. Ni kÊn, wu pris kuimbal morung, mi ik mbo wu na, wu nuim na mat morung nimbÊ ndi, Jisas rop kundmin nÊk pilik, nombuⱡa mat kurÊrÊng. 48 Wote, wamp mbÊ ndi, Jisas nga ik nitim mbÊ nga ti, wak rui narÊpÊn pilmin mint nÊk pÊtÊng. Wote, wu nuim mbÊ ndi, Jisas ruing ei nga ⱡawa mat kandÊk ti natÊtÊng.