Luk 21

1 Ui ti kÊn, manga wingti ou nila mba moⱡpa, kÊndrÊm mel, ku moni ou nduk ambÊrmin wamp nimbÊ, nde ket nila angge ku moni ngorung. 2 Ui ni kÊn, amp wiya kurpa ti, ku kuⱡi kel raⱡ mepa omba, nde ket ila mana nduⱡnga kÊndrÊm ku. 3 Uⱡ ni, Jisas ndi, kandpa moⱡpa, nimba mel, “Na ndi, enim ik kupa ti kundÊp nÊnt. Amp wiya kurpa ei, ku moni ngunum ei ndi, moni minal mundÊnmÊn wamp mbÊ, tÊpa mana ndupa ngunum. 4 Ku moni ou nduk ambÊrmin wamp mbÊ ndi, ku moni mat, mang kona tek, ku moni mat mek ok, Got kÊn angge nÊk ngÊnmÊn. Wote, amp wiya ei, elim rÊng nomba ku ti mon, tepa moⱡum ku moni waⱡum, kuraⱡ pÊi mepa omba ngunum,” nitim. 5 Wote, wamp mat ndi, manga wingti ou ni, kandÊk nÊk mel, ku eng nui kai mat kÊn, mel kai mat, Got kÊn angge nÊk ngÊk, manga wingti ou ei, ou nduk etmin ei ka, nÊtÊng. 6 Wote Jisas ndi, wamp nimbÊ, kundpa nimba mel, “Akup enim ndi, mel mbÊ, kandÊk ninmin. Wote ui ti om ei kÊn, ku ti natÊmba, mon. Wote, ku mbÊ pora, mana mba,” nitim. 7 Wote, wamp nimbÊ ndi, Jisas waldÊk, nÊk mel, “Ik mbo wu ye! Nim uⱡ nÊn mbÊ, nant kÊn pemba nda? Namba uⱡ ti unt itangga, tÊn kandÊp muⱡamina kÊn, wote uⱡ nÊn mbÊ, ekit omba nda?” nÊtÊng. 8 Wote Jisas ndi, nimba mel, “Enim pilik, tÊk mendÊk muⱡÊi! Wamp mat ndi, ik kol rok, na nga mbi tek, nÊk mel, ‘Na wu Jisas ont. Ui nimbÊ, akup nondpa pora nimba,’ enim ning. I nÊng ndam, enim ik ei, pilik pep rui nÊrÊi mon!’ 9 Ei, enim kÊn, pilangina kÊn, el mam mat enmin nÊng ndam, enim mundmong iti nÊtÊi mon! Uⱡ mbÊ, kuimp tepa ekit omba, wote muⱡ mÊi raⱡ ui ila, tÊkrÊpa pora ni nanÊmba mon!” nitim. 10 Wote Jisas ndi, wamp ni kÊⱡ, kundpa nimba mel, “Wu rÊⱡaip kat ndi, wu rÊⱡaip kat kÊn el iting. Wu king ti nga rÊⱡaip kat ndi, wu king ti nga rÊⱡaip ei kÊn, el iting ku. 11 Wote, kona kilimbÊmp mam mat etpa, kump kun mat tiyangga. Wote, kona mat ila kui mam mat, kandÊk ting ku. Wi muⱡ ila uⱡ to elpa elpa mat kandÊk, wote uⱡ elpa elpa mat ndi, tÊn etpa mundmong endÊmba ku. 12 “Wote uⱡ mbÊ, nondpa ui nÊwangga kÊn, enim tÊk imp molk, etÊk kit munding. Wote, enim manga wingti mbila, mek mukÊr puk kot endÊk, kan ngÊk iting. Uⱡ ei, nambuⱡ emel, na nga mbi enim kÊn tetÊm ei nga kandÊk, tÊpÊn mana nduimin nÊk enim, mek wu king na, gapman na mbÊ nga kuimp keta mbila, mek ping. 13 Uⱡ mbÊ, ekit om ei kÊn, enim ronduⱡ mundÊk molk, RÊnang Ik Kai mbÊ nÊk ngÊi! 14 Wote enim ndi, namba ik mat, punt ropÊn nimin nda nÊk, numan ou nduk pili nÊpilÊi! 15 Ui ila nanim ndi, enim nga numan ila ik kai mat ning mbÊ, mbo rÊndamba kÊn ning. Wote, enim nga el rui wamp mbÊ ndi, enim nga nÊng ik ei, tÊk roi nduk rok, mana nduk iti nÊtÊng. 16 Enim nga tipamÊl mamÊl na, ÊngÊnÊl na, wamp puⱡ na, mema tenda wamp ni mbÊ ndi, enim wamp mat tÊk, el rui wamp mbÊ ngangina, enim rok kunding. 17 Wote, wamp mat ndi, enim kÊn popÊⱡ mondÊk iting uⱡ ei, nambuⱡ emel, na nga mbi ei, enim kÊn tiyangga kandÊk iting. 18 Wote, enim nga peng ndi tenda ti, ama mana pi napÊmba mon. 19 Uⱡ eng ei ndi, en enim nga wamp kont mul uⱡ ei, etÊk ting, ronduⱡ mundÊk molk, en enim nga kont mba mul uⱡ etÊk, peng kont ting. 20 “Wote, enim molk kÊnangina kÊn, el wu mat ok, Jerusalem kona peng ou ei, tÊk pok eng ndam, kona peng ei, etÊk kit munding ui ei, nondpa tangga iting. 21 Ui ei kÊn, Juriya kona ila wamp mbÊ, nung nÊk, komnga mong mbila oⱡa ping. Wote, Jerusalem kona peng ou ila wamp mbÊ, kona peng ei, wak rok, kona mat ila ekit ping. Kona peng ei nga ekit orunga petmin wamp mbÊ, wote ok, rukÊr pi nÊping. 22 Wamp nga uⱡ kit etmin mbÊ, ui ei kÊn, Got ndi, punt rondÊmba. Ik ei, Got nga Buk Wingti ila petÊm uⱡ ei, wote omba kupa etmba. 23 Akup ui ila, amp mat kangambuⱡa mondÊk mormin. Wote, amp mat kangambuⱡa aim nguk mormin mbÊ, mbun ting. Mbun mindil mam mat, mÊi kona ila pem ei kÊn, Got nga popÊⱡ ei, wamp mbÊ kÊn punt romba. 24 Ui ei kÊn, el rui wamp mbÊ ndi, wamp mat koiya ndi rok kunding. Wote, wamp mat tÊk mek puk, mÊi kÊmp mat ila kan nguk mundangina ping. Ik nÊpÊl wamp mbÊ ndi, Jerusalem kona peng ei, rok wapra pendÊk muⱡangina, en enim nga ui ni wei pora noimba. 25 “Uⱡ i tangga kÊn, oⱡa muⱡ ila ant, kalimp na, mipil na mbila, uⱡ elpa elpa mat itangga kÊn, mÊi kona ila pora, num kuta rÊk nangga, wamp mbÊ ndi, pilik min ngÊn mundÊk, mundmong etÊk muⱡing. 26 Wamp mbÊ ndi, uⱡ em ei kandÊk, namba uⱡ mat enim nda nÊk, mundmong etÊk muⱡangina kÊn, mil mal tÊpa ropa mundÊmba. Wote ni kÊn, muⱡ ila mipil mbÊ roka nimba. 27 Uⱡ mbÊ kandÊk muⱡangina, wote Got nga kangÊm Jisas Kraist ni, kopa pol ila rÊpÊndi rÊⱡang mbÊ, tÊpa pakÊpa wangga kÊning. 28 Wote uⱡ mbÊ, puⱡ mondpa tangga kÊn, enim wamp mbÊ ndi, anggilik molk, oⱡa nduk kandÊk muⱡangina kÊn, Got ndi, enim etpa rukÊr tÊmba ui ei, nondpa omba, pora nimba,” nitim. 29 Wote Jisas ndi, ik ek ti ropa, wamp mbÊ, kundpa nimba mel, “Enim nde ui kÊⱡ kandÊk kÊn, nde mat kÊnÊi! 30 Nde ui mÊn etÊm uⱡ ei kandÊk kÊn, akup kona ant mba enim nÊtmin. 31 Uⱡ ei mel ku, enim ndi, kÊnangina uⱡ mbÊ mel, pem ndam, Got nga wamp tÊpa mumuk rui uⱡ ei, nondpa omba, pora nimba ei nga etmba. 32 Na ndi, ik kupa ti, enim kundÊp nÊnt! Akup nga ui ila mormin wamp mbÊ nga mat, kolk pora ni nÊnangina kÊn, uⱡ mbÊ mel pemba. 33 Wote ui ei kÊn, muⱡ mÊi raⱡ pora nimba. Wote, na nga ik ei, pora ni nanÊmba,” nitim. 34 “Uⱡ ei nga, enim wamp mbÊ pilik, tÊk mendÊk muⱡÊi! Enim rÊng na, nu ronduⱡ na mbÊ, ou nduk nui nandÊk, mÊi kona mel mbÊ nga mint, numan ngui nganggÊk muⱡÊi! Wote, enim uⱡ mbÊ ndi, mana tÊm ndam, Got nga ui ei, tÊngÊnda mint ekit omba, enim kui mil mel, pira tepa romba. 35 MÊi kona mbila mormin wamp mbÊ pora, Got nga ui ei ndi, kandpa tÊmba. 36 Enim rÊk rÊk uⱡ mbÊ nga kandÊk, tÊk mendÊk, Got kÊn atinga rÊk rÊk rok, ronduⱡ tÊk itÊi! I eng uⱡ ei ndi, MuⱡÊl Wu Kupa om ei kÊn, elim nga kuimp keta ila ronduⱡ mundÊk, anggilik muⱡing,” nitim. 37 Ui mbila rÊk rÊk, Jisas ndi, manga wingti ou ila wamp mbÊ, ik mbo endpa kÊn, rumbÊⱡ rurum ei kÊn, Olip Komnga ila oⱡa mba, moⱡmba purum. 38 Wamp mbÊ ndi, mÊkÊlmÊ unt, manga wingti ou ila ok, Jisas nga ik nitim mbÊ, pilik kun etÊng.