Jon 17

1 Wote, Jisas ndi, ik nimbÊ, nimba pora ndupa, tÊpa oⱡa ndupa, muⱡ kona kandpa, nimba mel, “Wuta ye! Ui ei, nondpa enim, nim nga uⱡ eng nui mbÊ kangnÊm kÊn, etkÊn mot ndui! Wote kangnÊm ndi, nim nga uⱡ eng nui mbÊ, etpa mot ndumba! 2 Nim ndi, kangnÊm ronduⱡ ngurun ei ndi, mÊi kona wamp mormÊn mbÊ pora, rÊp etmba. Ei nga, wamp mat ninim ndi, kangnÊm ngurun nimbÊ, uⱡ nga kÊnt nga kont mul uⱡ ei ngumba. 3 Wote, uⱡ nga kÊnt nga kont mul uⱡ ei, ei mel, nim Got kupa morÊn nÊk pilik, wote Jisas Kraist nim ndi, tÊkÊn mundrun nÊk piling. 4 Na ndi, nim nga uⱡ eng nui mbÊ, ya mÊi kona ila tÊp ora ndur. Nim nga kongun na ngurun nimbÊ, etÊp pora ndont. 5 Wuta, muⱡ mÊi raⱡ pi nÊpi kÊn, na nga uⱡ eng nui mat, nim kÊn kunda tep murumbÊⱡ. NimbÊ, akup nanim ngui! 6 Nim ndi, mÊi kona ila wu mat, ekit tÊkÊn, na ngurun wu nimbÊ, nim nga mbi ei, pileing nÊmp kundÊp nit. Wu mbÊ, nim nga mbÊ, wote nim ndi, tÊkÊn na ngurun. Wu mbÊ ndi, nim nga ik ei, pilik teng ndurmin. 7 Nim ndi, mel mat, na ngorun mbÊ, akup nim kÊn tepa orum nÊk pÊtmÊn. 8 Nim nga ik, na nÊkÊn ngurun nimbÊ, kundÊp nilimba, pilik tÊtmÊn. Na nim kÊn moⱡÊp ur. Wote nim ndi, na tÊkÊn mundrun nÊk, ik kupa ei, mondÊk pÊtmÊn. 9 Na ndi, wu kÊⱡ nga nindÊp atinga ront. MÊi kona wamp mbÊ nga mon. Nambuⱡ emel, wu kÊⱡ nim nga. 10 Na tep mor mel mbÊ, nim nga. Wote nim tekÊn morÊn mbÊ, na nga. Mel mbÊ ndi, na nga mbi ei, etÊk eng nondÊrmÊn. 11 Akup na mÊi kona wak rop, nim kÊn uimp. Wote wu kÊⱡ, mÊi kona ila muⱡing. Wuta Wingti ye! Nim nga ronduⱡ, na kÊn tetÊm ila ku, wu kÊⱡ rup etkÊn, kai mundi! Nim kÊn, na kÊn, tenda purum ei mel, wu kÊⱡ i ku etÊk muⱡeing. 12 Na wu kÊⱡ kÊn, murmÊn ei kÊn, nim nga mbi ronduⱡ ei tÊp, wu kÊⱡ rÊp etÊp kai mundÊr. Na ndi, wu kÊⱡ, rÊp etÊp kai mondÊⱡÊmba. Wu ti, tiki puⱡi pi nÊpÊrÊm. Wote, wamp tenda ti, mba tiki purum ei, kit moⱡmba wamp ei, Buk Wingti ila petÊm ik ei omba, kupa etmba ei nga etmba. 13 Ei nga, akup na nim kÊn uimp. Ya mÊi kona ila moⱡÊp, ik nÊnt mbÊ ndi, na nga ambuⱡpa pÊl uⱡ ei, wu kÊⱡ nga numan orunga, peka ropa muⱡangga. 14 Nim nga ik ei, nÊmp nguⱡmba mÊi kona wamp mbÊ ndi, wu kÊⱡ numan ngui nganggÊrmÊn. Ei nambuⱡ emel, na mÊi kona wu ti mon. Ei mel, wu kÊⱡ mÊi kona wu kat mon. 15 Ya mÊi kona ila wu kÊⱡ, ekit tÊn nÊmp waldÊp ni nanÊnt. Wote wu kÊⱡ, wu kit ei ndi, etpa kit mondÊmba ei nga rÊp etkÊn, kai mundun nÊmp nÊnt. 16 Na ya mÊi kona ila wu ti mon. Ei mel ku, wu kÊⱡ, ya mÊi kona ila wu kat mon ku. 17 Nim nga ik kupa ei ndi, wu kÊⱡ mbo endkÊn, etkÊn wingti rundi! Nambuⱡ emel, nim nga ik ei ama kupa. 18 Na mÊi kona ila, nim ndi, tÊkÊn mundrun ei mel, na ndi, wu kÊⱡ mÊi kona ila tÊp mundunt. 19 Na nga mul uⱡ ei, wu kÊⱡ nga nindÊp, nim ngunt. I ent uⱡ ei ndi, wu kÊⱡ etpa, nim nga wu wingti kupa kÊⱡ mundangga! 20 Na ndi wu kÊⱡ nga mendpÊⱡ, atinga rui narÊnt mon. Ya wu kÊⱡ nga ik ei, pilik tÊk, na mondÊk piling wamp mbÊ nga pendÊp atinga rondÊnt. 21 Wuta, na nim kÊn moⱡmba, nim na kÊn morÊn ei mel nÊnt, Wamp mbÊ i ku etÊk, muⱡeing nÊmp atinga rondÊnt. Wamp tenda mel ralk, moⱡÊng uⱡ ei ndi, mÊi kona wamp mbÊ, ora nduk, nim ndi, na tÊkÊn mundrun nÊk, mondÊk piling. 22 Nim nga mbi ei, tÊp ou ndup, uⱡ ronduⱡ na ngurun nimbÊ, wamp kÊⱡ ngur. Nambuⱡ emel, nim na kÊn numan tenda petÊm ei mel, wamp kÊⱡ numan tenda pangga muⱡeing. 23 Na wamp kÊⱡ kÊn mor. Wote nim na kÊn morÊn. Wote, nim ndi, na numan ngorun ei mel, wamp kÊⱡ i ku etkÊn, numan ngana, numan tenda pangga muⱡeing. Wote mÊi kona wamp mbÊ ndi kandÊk kÊn, nim ndi, na tÊkÊn mundrun nÊk pileing. 24 Wuta! Nim ndi, wamp kÊⱡ na ngurun ei nga, na mor kona ila rÊp rop muⱡÊmin. Ila molk, na nga uⱡ eng nui nim ndi, ngurun mbÊ kÊneing. Nambuⱡ emel, muⱡ mÊi raⱡ pi nÊpi kÊn, nim ndi, na numan ngurun. 25 Uⱡ kun kai mbÊ nga Wuta, mÊi kona wamp mbÊ ndi, nim pili napÊtmÊn. Na ndi, nim nga pÊⱡ ei pÊt. Wote nim ndi, na tÊkÊn mundrun uⱡ ei, wamp kÊⱡ ndi pÊtmÊn. 26 Na ndi, nim nga mbi ei, wamp kÊⱡ kÊn, etÊp tÊp pena ila mot ndur. I et ei mel, rÊk rÊk etamba. Nim ndi, na numan ngurun uⱡ ei, wamp kÊⱡ kÊn, i ku etpa piyangga! Wote na wamp kÊⱡ kÊn muⱡimp,” nitim.