Jon 18

1 Wote Jisas ni, atinga ropa pora ndupa kÊn, kitip kÊni wu ni kÊⱡ, tÊpa mepa, nu Kitron puⱡa ropa, noi orunga pana ti titim nila purung. 2 Kona nila ui mat kÊn, Jisas elim nga kitip kÊni wu kÊⱡ kÊn, puk ku etÊng. Ei nga, Jisas ruk murum wu Juras ni ndi, kona ei tÊpa mindÊtÊm. 3 Ni kÊn, wu Juras ni, wu pris kuimbal na, Perisi na nimbÊ ndi molk, el wu na, manga wingti rÊp wu na mat kÊn tÊk, kup endÊtÊng. Wu nimbÊ, el mel mbÊ tÊk, kiya kandÊk, mek wi pana nila purung. 4 Uⱡ pemba nimbÊ, Jisas ndi, pilpa pora ndupa, oⱡa moⱡpa nimba mel, “Enim nam kurÊnmÊn ye?” nitim. 5 Wote, wu nimbÊ ndi, punt rok nÊk mel, “Nasaret wu Jisas,” nÊtÊng. Jisas ndi, punt ropa nimba mel, “Na ya mor ei ka!” nitim. Jisas ruk murum wu Juras ni, kunda ila morung. 6 Wote Jisas ndi, nimba mel, “Na ya mor,” nitim. Ni kÊn, wu nimbÊ int puk, mÊi ila ropa munduⱡnga puk petÊng. 7 Wote aldpa, Jisas ndi waldpa nimba mel, “Enim wu nam andÊk kurÊnmÊn,” nitim. Wote, wu nimbÊ ndi, kundÊk nÊk mel, “Nasaret wu Jisas,” nÊtÊng. 8 Jisas ndi, nimba mel, “Na unt enim kundÊp nÊnt ni, enim kurÊk onmÊn wu ei, na mor. Ei nga, ya wu kÊⱡ, wak rok mundÊi!” nitim. 9 Ik i etpa nitim ni, elim nga ik unt nitim ni, omba kupa etangga, nimba nitim. “Wuta! Nim ndi, na ngurun wamp nimbÊ nga ti, wak rui narÊnt!” nitim. 10 Ni kÊn, Saimon Pita koiya ruⱡ ti, tepa murum ni ndi, tÊpa nont ndupa, Pris kuimbal ei nga kindmant wu ni nga kum mbo orunga, ropa puⱡa rurum. Kindmant wu ni nga mbi ei, Malkus. 11 Jisas ndi, Pita kundpa, nimba mel, “Koiya ei, elim petÊm kona ila mana nduk pindi! Wuta ndi, na mindil mam ngumba ei, ti nÊteimp nÊkÊn en ei?” nitim. 12 Wote, el wu nimbÊ kÊn, en enim nga wu kuimbal ni kÊn, wote rÊp wu na orung nimbÊ ndi, Jisas tÊk imp molk, kan ngurung. 13 Jisas ni, kuimp tek, wu Anas ni kÊn, mek purung. Wu ni, Kaiyapas nga kulpam ei, pana ni kÊn, wu ei pris wu kuimbal murum. 14 Kaiyapas ni, wu ei ndi, Jura wamp mbÊ, man ngumba nimba mel, ‘wu tenda ti ndi, wamp mbÊ nga tÊpa rak ndupa, koⱡnga ndam, kapⱡa nitim,’ nitim. 15 Saimon Pita kÊn, kitip kÊni wu ti kÊn, Jisas mek purung ni mel, akil tekÊⱡ purÊnggil. Pris wu kuimbal ni ndi, kitip kÊni wu ti, kandpa mbi ndurum ni, murÊk ui nilinga purum. 16 Saimon Pita ni, paⱡa keta puⱡ puⱡ nila, pena orunga murum. Ni kÊn, Pris wu kuimbal ei nga pÊⱡ petÊm kitip kÊni wu ni, yant omba, amp ti, keta puⱡ puⱡ rup itim ni, kundpa Pita murÊk wangga ni nilinga, murÊk urum. 17 Amp ni ndi, Pita waldpa nimba mel, “Nim ya imp moⱡÊng wu ei nga kitip kÊni wu ti, nÊmp pÊnt ei ka!” nitim. Pita ndi, punt ropa, nimba mel, “Mon, na mon!” nitim. 18 Kona ni, Êt itim ila, kongun wu na, rÊp wu na nimbÊ, ndip kalk pendÊk, ndip pilik morung. Pita ni, el elim ila, ndip pilpa murum ku. 19 Pris wu kuimbal ni ndi, Jisas elim nga ik mbo inditim. Wote, kitip kÊni wu ni kÊⱡ nga waldpa nitim. 20 Wote Jisas ndi, punt ropa, nimba mel, “Na ndi, rÊk rÊk atinga manga na, manga wingti ou na mbila, Jura wamp ok, mou rok morung ila, wamp pora pileing nÊmp ik mbo indÊt. Ik ti mou rop ni nÊndÊt. 21 Na wote, nambuⱡ emel waldÊn? Na ik nÊmp ngur pÊtÊng wamp mbÊ, waldÊkÊn pila! Na ndi, kundÊp nit ik mbÊ, pilik mormÊn,” nitim. 22 Wote Jisas ndi, ik i etpa nilinga, manga wingti rÊp itim el wu ti ndi, ki ⱡÊrwÊ ndi ropa, nimba mel, “Pris kÊⱡ nga wu kuimbal morum ei, nambuⱡ emel nÊn?” nitim. 23 Jisas ndi, punt ropa, nimba mel, “Na ndi, ik ti nÊmp ⱡawa mundunt ndam, ya wamp mormÊn mbÊ kundkÊn ni! Wote, na ik kun ti, nint ku ndam, na nambuⱡ emel ron?” nitim. 24 Wote, Jisas nga ki raⱡ kan ngurung ni mel pelinga, Anas ndi, kelpa wu Kaiyapas pris kuimbal murum nila, tÊpa munduⱡnga, mek purung. 25 Pita ni, ndip pilpa murum ila, wamp mat ndi, waldÊk nÊk mel, “Nim wu ei nga kitip kÊni wu ti, nÊmp pÊnmÊn ei?” nÊtÊng. Pita ndi, nimba ronduⱡ mundpa, “Na mon!” nitim. 26 Wu Pris kuimbal ei nga kindmant wu ti, Pita ndi, ropa kum ei, puⱡa rurum. Wu ni nga rÊⱡaip tenda ila wu ti ndi, nimba mel, “Nim wi pana ila wu ei kÊn, kunda moⱡÊng ni ka!” nitim. 27 Aldpa Pita ndi, na mon nilinga, tÊngÊnda mint, kÊi kulda rurum. 28 Jisas ni, Kaiyapas nga manga ila murum ni, tÊk mek, wi gapman kona peng ila purung. Ei kÊn, mÊkÊlmÊ unt, Jura wu nimbÊ, murÊk pi naprÊng. Ei nambuⱡ emel, en enim murÊk mbun ndam, aldpa ⱡar muⱡangga. Wote Pasopa rÊng nui nÊnmin nÊk, pilik etÊng. 29 Ni kÊn, Pailot ndi, pena mba wamp morung mbÊ, waldpa nimbÊ mel, “Enim uⱡ puⱡ, nant ila wu ei, mek onmÊn ei?” nitim. 30 Wamp nimbÊ ndi, punt rok nÊk mel, “Wu ei nga ⱡawa ti, pi napilinga ndam, mep ui nawÊⱡÊmina,” nÊtÊng. 31 Ni kÊn, Pailot ndi, nimba mel, “Enim nga mi ik petÊm ei mel, nÊk tÊk kun mundeing mek pÊi!” nitim. Wote, Jura wu nimbÊ ndi, nÊk mel, “Rom gapman ndi, wamp ti, rok kundi ni nandÊtÊm,” nÊtÊng. 32 Uⱡ ei, Jisas elim ruing ei mel, unt nimba mot ndurum, ni mel wote, kupa itim. 33 Pailot ni, elim kot pÊtÊm manga ila murÊk mba, Jisas wi ropa tÊpa mundpa, waldpa nimba mel, “Nim Jura wamp mbÊ nga wu peng mumuk ei?” nitim. 34 Jisas ndi, punt ropa, nimba mel, “Int ik nÊn ei, ninim nÊn, muna wamp mat ndi, nilingina, nÊn ei?” nitim. 35 Wote Pailot ndi, punt ropa, nimba mel, “Nim ndi, na Jura wu ti, nÊkÊn pÊn ei? Nim nga wamp na, en enim nga Pris kuimbal na mbÊ ndi, nim tÊk, na nga ki ila tÊndÊng. Ei nga, nim namba uⱡ ⱡawa ei in?” nitim. 36 Wote Jisas ndi, punt ropa, nimba mel, “Na nga wamp tÊpa mumuk rui uⱡ ei mÊi kona ila ti natÊtÊm. Na nga wamp tÊpa mumuk rui uⱡ ei, mÊi kona ila telinga ndam, na nga kongun wamp mbÊ ndi, Jura wamp mbÊ kÊn, el pendÊk, na kelip int timin nilingina. Ei nga, na nga wamp tÊpa mumuk rui uⱡ ei ya ila ti natÊtÊm mon!” nitim. 37 Wote Pailot ndi, waldpa nimba mel, “I ndam, nim wu nuim mumuk ti pÊnt ei ka!” nitim. Jisas ndi, punt ropa, nimba mel, “Nim ndi, na wu nuim mumuk nÊn ei ka! Ik kupa ei nga, para ndup nimp ei nga, na mÊi kona ila metÊng. Ik kupa ei nga, wamp ti ndi, na nga ik ei pilpa tÊmba,” nitim. 38 Pailot ndi, waldpa nimba mel, “Ik kupa nant ei nga nÊn ei?” nitim. Nimba pendpa, pena mba, Jura wu nimbÊ kundpa nimba mel, “Na ya wu ei nga uⱡ ⱡawa ti, kandÊp ti natÊnt mon! 39 “Wote, enim nga Pasopa rÊng normin ui ila, rÊk rÊk kan manga wu ti, tÊp ekit ndup ngur ni mel ngamp, nÊk piling ndam, Jura wamp mbÊ nga king wu ei, ngamp ei?” nitim. 40 Ni kÊn, wamp mbÊ ronduⱡ ke nÊk, “Int wu ei mon! TÊn nga wu Barapas wangga!” nÊtÊng. (Barapas ni punt wu ei).