Jon 16

1 “Enim nga mondpa pili ei, ropa mbuⱡ mbaⱡ iti nÊtangga nÊmp kÊn, enim ik mbÊ kundÊp nÊt. 2 Enim atinga manga ila, ui nÊweing nÊk, enim rok pep ruing. Wote, wamp mat ndi, enim rok kondÊk kÊn, Got nga uⱡ kun kai ti, endÊnmÊn nÊk piling, ui ei nondpa onum. 3 Uⱡ mbÊ enim kÊn iting. Ei nambuⱡ emel, Wuta kep, na kep, pilik mbi ndui nandÊrmÊn. 4 Wote na ndi, enim ik mbÊ, unt kundÊp nit. Wote, uⱡ mbÊ pemba ei nga, ui ei, ekit om kÊn, enim ndi, kundÊp nÊnt ik mbÊ, wote molk piling. Enim ik mbÊ, unt kundÊp ni nÊndÊt. Ei nambuⱡ emel, na enim kÊn kunda murmÊn. 5 Wote akup, na tÊpa mundrum puⱡ wu ei kÊn punt. Wote, enim kÊⱡ nga ti ndi, na waldÊk nÊk mel, ‘Nim nant ila pun?’ nÊk, ni naninmin. 6 Ei nambuⱡ emel, enim ik kundÊp nÊnt nimbÊ nga, enim munt mindil tÊnmÊn. 7 Wote, ik kupa ei, enim kundÊp nÊnt. Na enim nga nindÊp, enim wak rop mbi. Wote, na pi nÊpÊnt ndam, enim TÊpa RapÊndÊmba Wamp ei, ui nawÊmba. Wote na punt ndam, enim TÊpa RapÊndÊmba Wamp ei, enim kÊn tÊp mundimp. 8 Wote, wamp ei om kÊn, mÊi kona wamp mbÊ nga uⱡ kit etmin mbÊ kÊn, uⱡ kun kai etmin mbÊ kÊn, wote Got nga wamp mbÊ kÊmp tÊmba. 9 Wote akup ei kÊn, uⱡ kit mbÊ etÊk mormÊn. Ei nambuⱡ emel, na mondÊk pili napilik mormÊn. 10 Uⱡ kun kai mbÊ, tÊpa pena ila pendÊmba. Ei nga, na Wuta kÊn punt. Wote, na kÊni nÊkÊning. 11 Got nga wamp mbÊ, kÊmp tÊtÊm uⱡ ei, wote tÊpa pena ila pendÊmba. Nambuⱡ emel, mÊi kona uⱡ kit etmin mbÊ nga wu peng ei, tÊpa mana ndurum. 12 Na nimp ik puⱡi petÊm. Ei nga wote, akup enim pilik tÊk, kapⱡa indi nÊnding. 13 Wote, Muⱡnga Kupa ei om kÊn, enim nombuⱡa kupa kun kai ila, tÊpa kun mundÊmba. Elim nga numan ila, ik ti oⱡa tÊpa ni nanÊmba. Uⱡ wote, pemba mbÊ nga pilpa kandpa etÊm ei mel nimba. 14 Na nga ik mbÊ, tÊpa enim kundpa nimba. Nambuⱡ emel, uⱡ ei ndi, na nga mbi ei, tÊpa ou ndupa, paka rondÊmba. 15 Wuta nga mel mbÊ pora, na nga. Ei nga, na ndi, nÊmp kÊn, na nga ik mbÊ, Muⱡnga ei ndi, tÊpa enim kundpa nimba. 16 Ui onunga wei kot ila, na kÊni nÊkÊning. Wote, aldpa ui onunga wei kot ila, na kÊning,” nitim. 17 Kitip kÊni wu ni kÊⱡ ndi, en enim nÊk mel, “Ui onunga wei tila na kÊni nÊkÊning. ‘Wote ui onunga wei kot ila, na aldpa kÊning,’ ninim. Wote, aldpa tÊn kundpa, ‘Na Wuta kÊn mbi,’ ninim. Ei, etpa ninim mel nant nda? 18 Wote, ui onunga wei kot ninim ei, etpa ninim mel nant nda? Ik ninim ei nga puⱡ ei, tÊn pilip rundÊnmÊn,” nÊtÊng. 19 Jisas elim wuldÊng pilik, etÊng ei nga, pilpa nimba mel, “‘Ui onunga wei kot ila, na kÊning. Wote, ui onunga wei kot ila, na aldpa kÊni nÊkÊning’ nÊnt. Ik ei nga, en enim tek rombulk nÊnmin ei? 20 Enim ik kupa ei, kundÊp nÊnt. Enim ka etÊk, moⱡangina kÊn, wote mÊi kona wamp mbÊ ndi, ambulk palk muⱡing. Enim mindil nok muⱡangina, wote numan kai piling uⱡ ei, ekit omba. 21 Amp ti, kangambuⱡa memba ui ei, nondpa elinga, kangambuⱡa mbuⱡ rorum. Wote, mepa tÊpa kÊn, mindil norum uⱡ ei, tÊpa apra ndupa, na nga kangambuⱡa ti, mÊi kona ila mint nimba, numan ndi korum. 22 Ei mel ku, akup, enim munt mindil enim. Wote, na enim kÊnt ei kÊn, enim nga numan orunga ambuⱡpa pÊl uⱡ ei pemba. Ambuⱡpa pÊl uⱡ ei, wamp ti ndi, roldpa ti natÊmba. 23 Wote ui ei, ekit om ei kÊn, enim ndi, na kÊn mel ti mawa iti nÊting. Na ik kupa ei, enim kundÊp nÊnt. Na nga mbi tek angÊndÊk, Wuta kÊn mawa eng ei mel pilpa ngumba. 24 Unt ui ei kÊn, omba akup ui ila, enim ndi, na nga mbi ila, mel ti mawa iti natÊtÊng. Mawa etÊk kÊn, mel ti tÊng ei kÊn, enim nga numan orunga, ambuⱡpa pÊl uⱡ ei, peka ropa pemba. 25 “Na nÊt ik mbÊ, ik ek rop, enim kundÊp nÊt. Wote, ui ti om kÊn, enim ik ek rop, ni nÊnimp mon! Na ndi, Wuta nga ik kun ei, enim kÊn para ndup nimp. 26 Wote ui ei, ekit om kÊn, enim ndi, na nga mbi tek angÊndÊk, Wuta kÊn atinga rong ndam ting. Ei nÊmp kÊn, na ndi, enim nga nindÊp Wuta kÊn atinga rundimp ni nanÊnt. 27 Nambuⱡ emel, Wuta elim ndi, enim numan ngurum. Ei nambuⱡ emel, enim ndi, na numan ngÊk, na Got kÊn moⱡÊp, mana ur nÊk mondÊk pÊtmÊn. 28 Na Got kÊn moⱡÊp, ya mÊi kona ila mana ur. Wote akup, ya mÊi kona wak rop, Wuta kÊn mbi,” nitim. 29 Wote, kitip kÊni wu ni kÊⱡ ndi, nÊk mel, “Akup nim ik ek rui narkÊn, ik kun mint nÊn. 30 Akup tÊn pÊnmÊn ei, nim uⱡ mbÊ nga pora pilkÊn ketÊn, wamp ti ndi, nim ik mat waldpa, ni nanÊmba. I en uⱡ ei ndi, nim Got kÊn molkÊn urÊn nimbun, nim mondÊp pilip mormÊn,” nÊtÊng. 31 Wote Jisas ndi, punt ropa, nimba mel, “Enim ndi, na akup mondÊk pÊnmÊn ye! 32 Ui ti omba ei, akup kor om. Enim ndi, na wak rok, mbuⱡ mbaⱡ nÊk, elpa elpa mang kona ping. Na mendpÊⱡ mondÊk, kelik ping. Wote, na mendpÊⱡ muⱡi nÊmbÊⱡimp. Nambuⱡ emel, Wuta na kÊn morum. 33 Na enim ik i etÊp kundÊp nÊnt. Ei ndi, enim nga numan ei, na kÊn tiyangina, wang nangga. Enim mÊi kona uⱡ mbÊ ndi, etpa mindil kundÊmba. Wote, enim ronduⱡ mundÊk muⱡÊi! Ya mÊi kona uⱡ kit mbÊ, na ndi, rop mana ndunt,” nitim.