Jon 11

1 Betani kona ila Lasarus ni, wu ti murum wu ei, kui rurum. Wote, kona ila amp Mariya kÊn, ÊngÊn amp Mata kÊn pek morunggil. 2 Amp Mariya ni, Jisas nga kÊmp ila kopung mura rui mat, oi ndupa kandpa, wote elim nga peng ndi kÊⱡ ndi, kil ngurum amp ni nga kimin ni, kui rurum. 3 Amp ni raⱡ ndi, Jisas kÊn rung mundkÊⱡ nÊkÊⱡ mel, “Nuim ye! Nim nga wu mÊn mondpÊn ni, kui rom,” nÊtÊnggil. 4 Wote, Jisas ndi, ik ni pilpa nimba mel, “Lasarus kui rom uⱡ ei, wamp kormin ei nga kui ti rui narÊm. Uⱡ ei, Got nga ronduⱡ ei, etpa mot ndangga, Got mbi ou tÊmba ei nga em. Wote, Got kangÊm ei, uⱡ ila ku, mbi ou tÊmba,” nitim. 5 Jisas ndi, amp Mata kÊn, ÊngÊn kÊn, Lasarus kÊn numan minal ngurum. 6 Jisas ndi, Lasarus kui rurum ik ei pilpa, wote murum kona ila moⱡnga, rumbÊⱡ raⱡ omba purum. 7 Wote, elim nga kitip kÊni wu ni kÊⱡ, kundpa nimba mel, “Juriya kona ila kelip int pamin!” nitim. 8 Ni kÊn, kitip kÊni wu ni kÊⱡ ndi, punt rok nÊk mel, “Ik mbo wu ye! Jura wamp mbÊ ndi, nim ku ndi ruimin nÊng ni, wote nim kona ila noi pamin nin ye?” nÊtÊng. 9 Jisas ndi, punt ropa nimba mel, “RumbÊⱡ tenda ila ant mong 12 petÊm. Ei nga, wamp nam ti, rÊnggilmÊ nombuⱡa andrÊm ei, kÊmp nduma rui narÊrÊm. Ei nambuⱡ emel, wamp ei mÊi kona ei nga rÊⱡang ei, kandpa andrÊm. 10 Wote, wamp nam ti, rumbÊⱡ ila nombuⱡa andrÊm ni, kÊmp nduma rorum. Ei nambuⱡ emel, wamp ei nga rukÊr orunga rÊⱡang ti mon,” nitim. 11 Jisas ndi, i nimba kÊn, wote nimba mel, “TÊn nga wu mÊn Lasarus ni, ur petÊm. Wote na ndi, mbo rop rut nduimp punt,” nitim. 12 Ni kÊn, kitip kÊni wu ni kÊⱡ ndi, punt rok nÊk mel, “Wu Nuim ye! Wu ei, ur pem ndam, wote rut nimba,” nÊtÊng. 13 Lasarus kurum ni, Jisas ndi, wei ur petÊm nitim. Ni kÊn, kitip kÊni wu ni kÊⱡ ndi, mbo kun ur pelinga, ninim nÊk pÊtÊng. 14 Wote, nimba mot ndupa nimba mel, “Lasarus ni koⱡum. Ei nga, na enim nga pilip kÊn, pi napÊⱡÊmba, wu ei koⱡum. Uⱡ ei, na numan enim. Nambuⱡ emel, enim mondÊk piling ei nga, akup pamin,” nitim. 16 Tomas, wu pÊklÊm nÊtÊng ni ndi kundpa nimba mel, “TÊn nga wu ei koⱡum ei mel, tÊn kÊⱡÊmÊn pamin,” nitim. 17 Ni kÊn, Jisas mba kÊndrÊm ni, Lasarus kurum on etÊng ni, rumbÊⱡ tÊmbÊkak omba purum. 18 Betani kona ei, ruⱡ mel puk, Jerusalem ekit purmin mel itim. 19 Jura wamp mam ti ok, Mata kÊn Mariya raⱡ nga kimin kurum ni nga kont kulk, koⱡa manga rÊp rok muⱡing orung. 20 Molk pÊtÊng mel, Jisas onum nÊtÊng. Mata ndi pilpa, mba nombuⱡa ila kandÊp timp nimba puⱡnga, Mariya ni mang kona murum. 21 Mata ndi, Jisas kundpa, nimba mel, “Nuim ye! Nim ya moⱡina ndam, na nga kimin wu ei kuⱡi naⱡÊnga. 22 Wote akup na pÊnt ei, nim ndi, Got kÊn mel ti mawa etkÊn nin ndam, nin mel ei ngumba,” nitim. 23 Jisas ndi, kundpa nimba mel, “Kemina rut kitip kÊni wu mbÊ nimba, oⱡa moⱡmba,” nitim. 24 Mata ndi, int ndupa, nimba mel, “Ui pora nim ei kÊn, rut nimba oⱡa moⱡmba ei, na pÊnt,” nitim. 25 Jisas ndi, Mata kundpa nimba mel, “Rut nimba oⱡa mul uⱡ ei kÊn, wote kont mba mul uⱡ raⱡ nga puⱡ ei, na kÊn petÊm. Wamp nam ti, na mondpa pilim ei, koⱡum ndam kep, na kÊn kont moⱡpa mint mba. 26 Wote, wamp nam ti, kont moⱡpa, na mondpa pilim ndam, kuⱡi naⱡÊmba. Ik ei, nim mondkÊn pÊn ei?” nitim. 27 Ni kÊn, Mata ndi, punt ropa nimba mel, “Kupa, Nuim ye! Nim Got nga kangÊm ei, ya mÊi kona ila omba, nimbun nokÊndÊrmÊn wu mendpÊⱡ ei, ik nÊn ei, kupa mondÊp pÊnt,” nitim. 28 Wote Mata ndi, int mba ÊngÊn amp Mariya ni, wi ropa ol tepa, kundpa nimba mel, “Ik mbo wu ni, omba moⱡpa, nim kÊnimp nimba, waldpa morum,” nitim. 29 Ik ni, Mariya pilpa tÊkrÊpa oⱡa moⱡpa, Jisas murum nila purum. 30 Jisas ni, mang kona ila ui nÊwÊrÊm. Mata kandpa titim kona nila murum mint. 31 Ni kÊn, Jura wamp mat, Mariya kÊn koⱡa manga rÊp rok morung nimbÊ ndi, kandrung ei, amp ni oⱡa moⱡpa, tÊkrÊpa pena purum ila kandÊk, akil tek purung. Wamp nimbÊ ndi, wamp on kona ila, ka etmba punum nÊk pÊtÊng. 32 Wote Mariya ndi, Jisas murum kona nila mba, Jisas kandpa tÊpa kÊn, kÊmp puⱡ ila kopÊtÊm. Ropa mondpa, nimba mel, “Nuim ye! Nim ya ila moⱡina ndam, na nga kimin wu ei, kuⱡi naⱡÊnga,” nitim. 33 Ni kÊn, Mariya ka elinga, Jura wamp rÊp rok orung nimbÊ, ka ku elingina, Jisas kandpa, kont kurum. 34 Jisas ndi wamp nimbÊ kundpa nimba mel “Wu ei kona nant ila angÊndÊng?” nitim. Wamp nimbÊ ndi, punt rok nÊk mel, “Wu Nuim ye! Ya okÊn kÊni!” nÊtÊng. 35 Ni kÊn, Jisas ka itim. 36 Uⱡ itim ni, Jura wamp nimbÊ, kandÊk nÊk mel, “Wu ni, numan minal ngorum ei, kanmin mon!” nÊtÊng. 37 Wote, wamp mat ndi, nÊk mel, “Wu mong titim ti, etpa piral ndurum ni ka! Ei mel ku, wote akup, Lasarus koⱡum ei, unt oⱡnga ndam, etpa ti natilinga ei?” nÊtÊng. 38 Aldpa, Jisas nga mundmong ni, mi elinga, wu on etÊng kona ila purum. Ku manga ila, on etÊng ei nga keta puⱡ puⱡ ila ku ti ndi, ⱡÊrÊk nduk pendÊtÊng. 39 Ni kÊn, Jisas ndi, nimba mel, “Ku ei tÊk mundÊi!” nitim. Wote, amp Mata ndi, punt ropa nimba mel, “Nuim ye! Wu on ei, on kona ila telinga, rumbÊⱡ tÊmbÊkak omba pum. Ei nga, elkÊⱡ kit ti, romba ei ka!” nitim. 40 Aldpa Jisas ndi, nimba mel, “Nim mondkÊn pili, Got nga uⱡ rÊpndi mat etmba, kÊnin nit ni ka!” nitim. 41 Wote, ku ni tÊk munduⱡngina, Jisas tÊpa oⱡa ndupa, kandpa nimba mel, “Wuta, na nga rÊk rÊk ik kum tetÊn ei nga, nim kÊn angge nÊnt. 42 Na nga ik ei, nim rÊk rÊk kum tetÊn ei na pÊt. Wote, akup na nÊnt ei, ya wamp mbÊ ndi kandÊk, nim ndi, na tÊk mundrun nÊk, pilik mondÊk pileing nÊmp nÊnt,” nitim. 43 Ik nimba pora ndupa, ronduⱡ wi ropa nimba mel, “Lasarus nim ekit wu!” nitim. 44 Wu kurum angÊndÊtÊng ni, muⱡ ndi, kÊmp ki na, kuimp keta kum rorung nimbÊ, pÊi oⱡa moⱡpa, ekit urum. Jisas ndi, nimba mel, “Kan pilinga nduk, mundangina omba pangga!” nitim. 45 Jura wamp puⱡi amp Mariya kÊning pilik, orung nimbÊ ndi, Jisas uⱡ itim ni kandÊk, wote mondÊk pÊtÊng. 46 Wote, wamp mat ndi, int puk Jisas itim uⱡ nimbÊ, Perisi wu nimbÊ kundÊk nÊtÊng. 47 Ni kÊn, Perisi wu na, Pris wu kuimbal ni kÊⱡ puk, kaunsil kÊⱡ kÊn mou rok nÊk mel, “Wu ei ndi, uⱡ ronduⱡ mat enim ei ka! TÊn ndi, namba uⱡ ti itmin nda? 48 Wote, tÊn ndi, wu ei, wak ropÊn mundmin ndam, wamp mbÊ pora, wu ei mondÊk pilik, pep rangina, Rom el wu mbÊ ndi, rÊk ok, tÊn nga manga wingti ei, etÊk kit mondÊk, tÊn Jura wamp mbÊ, rok wapra pinding,” nÊtÊng. 49 Ui ei kÊn, Kaiyapas ni, wu ti, Pris kuimbal murum ei ndi, nimba mel, “Enim uⱡ mbÊ nga ti, pilik kun iti natÊtmin ei ka! 50 Wamp kump kÊm kuⱡing ei mon. Wu tenda ti, wamp mbÊ nga nindpa kuⱡangga,” nitim. 51 Ik nitim ni, elim nga numan ila ni nÊndÊtÊm mon. Ui ei kÊn, elim wu pris kuimbal murum ei nga pai nomba, Jisas ni, Jura wamp mbÊ nga kan endpa, koⱡmba ei nga nitim. 52 Ik nitim ei, Jura wamp kÊⱡ nga mendpÊⱡ mon. Got nga wamp kona elpa elpa mbila mormin mbÊ, kÊmp kÊm tÊpa, tenda etmba ei nga nitim. 53 Ui ni kÊn, Jura wu nuim nimbÊ ndi, Jisas ruimin nÊk mÊi rorung. 54 Ei kÊn, Jisas ndi, Jura wamp mbÊ nga kuimp keta ila, mot nga Êndi nandpa, kelpa kona kui waka tila, kona peng ti mbi tek ‘Epraim,’ nÊtmin ila, elim nga kitip kÊni wu kÊⱡ kÊn, rÊp ropa murum. 55 Ui ni kÊn, Jura wamp mbÊ nga Pasopa rÊng mormin ui ou ei, nondpa elinga, kona elpa elpa nimbila, wamp puⱡi en enim nga uⱡ ⱡawa mbÊ, wak ropÊn, Got nga kuimp keta ila kai muⱡmin nÊk, Jerusalem kona ila purung. 56 Ni kÊn, Jura wamp nimbÊ, manga wingti ou nila molk, en enim waldÊk nÊk, int yant etÊk, nÊk mel, “Akup nga ui ou ila, Jisas omba muna mon nda, nÊk ko tÊk morung,” nÊtÊng. 57 Wote Perisi na, wote Pris wu kuimbal nimbÊ ndi, ik ti, nÊk mel, “Wamp nam ti ndi, Jisas kona nant tila moⱡangga, kanÊng ndam, tÊkrÊk mint en enmin ok, kundÊk nangina, wu ei tÊp imp muⱡmin,” nÊtÊng.