Jon 10

1 Jisas ndi, nimba mel, “Na ik kupa ei nÊnt. Wu ti ndi, kng sipsip petmin kona ila nga keta puⱡ puⱡ ila rukÊr pi napÊpa, kona elpa tila ku rukÊr pum ndam, ei kÊndÊp wu, ei mba. 2 Wote wu ti, kumba keta puⱡ puⱡ kupa ila kun rukÊr pum ei, kng sip sip rÊp wu mendpÊⱡ ei mba. 3 Wote kumba keta puⱡ puⱡ rÊp wu ei ndi, kumba tÊpa telinga, rÊp wu ei ndi, kng sipsip mbÊ, mbi telinga, ik ei pilik mbi nduk, wote akil tek purmÊn. 4 Wote, mepa pena omba, elim kuimp telinga, kng sipsip mbÊ, elim pep rok akil tetmÊn. Ei nambuⱡ emel, en enim nga rÊp wu ei nga ik ei, pilik mbi ndurmÊn. 5 Wu elpa ti kÊn, pep rok pi napÊk, nung nÊk, elpa elpa ping. Ei nambuⱡ emel, wu ei nga ik ei pilik, mbi ndui nandÊrmÊn,” nitim. 6 Jisas ndi, ik ek ropa nitim ik ei, pilik kun iti natÊtÊng. 7 Jisas ndi, aldpa nimba mel, “Na ik kupa ei, enim kundÊp nÊnt. Na ei, sipsip nga kumba keta puⱡ puⱡ ei mor. 8 Na tÊk akil nduk, unt kuimp tek orung wu nimbÊ, kÊndÊp wu mbÊ orung. Wote, kng sipsip mbÊ ndi, wu mbÊ nga ik nÊtÊng ei pilik, teng ndui nandrÊng. 9 Kumba keta puⱡ puⱡ ei, na mor. Ei nga, wamp nam ti, keta puⱡ puⱡ ila rukÊr om ndam, etÊp timp. Wote, keta puⱡ puⱡ ila ku, pena manga etpa, rÊng kai mbÊ, kandpa tÊpa nomba. 10 KÊndÊp wu ei ndi, kng sipsip mbÊ kÊndÊp nomba, ropa kondpa, pora ndumba ei nga mint orum. Wote, na mana ur ei, wamp kont molk mint ping ei nga nÊmp ur. 11 Na kng sipsip rÊp wu kai ei mor. Sipsip rÊp wu kai ei ndi, sipsip mbÊ nga nÊndpa, koⱡmba ei nga morum. 12 Sipsip rÊp itangga nÊk, kandÊk tÊtmÊn wu ei ndi, owa rakra orum kandrum ei kÊn, kng sipsip mbÊ, wak ropa purum. Nambuⱡ emel, kng sipsip mbÊ, elim nga mon. Wote, elim rÊp wu kai ti mon. I elinga, owa rakra ei ndi, omba kng sipsip ti roⱡnga, mat mbÊⱡ mbaⱡ nÊtmÊn. 13 Kng sipsip rÊp itangga nÊk, kandÊk tÊtmÊn wu ei purum. Ei nambuⱡ emel, elim ku moni nga kongun etÊm ei ndi, sipsip kÊⱡ nga pili napÊtÊm. 14 Na kng sipsip rÊp wu kai ei mor. Wuta ndi, na pÊtÊm. Ei mel, na ndi, Wuta pÊt ku. Wote, ei mel ku, na ndi, na nga kng sipsip mbÊ pilip moⱡmba, wote na nga kng sipsip mbÊ ndi, na pÊtmÊn. Na sipsip mbÊ nga nÊndÊp kuⱡimp mor. 16 Na nga kng sipsip mormÊn mbÊ nga mat, paⱡa ekit orunga mormÊn. Kng sipsip mbÊ, na ndi, tÊp mep rukÊr wamba. Na nga ik ei, pilik ting. Wote, unt nga mormÊn mbÊ kÊn, paⱡa tenda ila muⱡangina, rÊp wu tenda ei ndi rÊp etmba. 17 Na nga kont mul uⱡ ei, wak rop, wote yant timp. Ei nambuⱡ emel, Wuta ndi, na numan ngorum. 18 Wamp ti ndi, na nga kont mba mul uⱡ ei, tÊpa mundÊmba mel, kapⱡa mon! Na nga ronduⱡ ila, na nga kont mba mul uⱡ ei, wak ruing. Nanim pint mel ku, wak rop, wote nanim pint mel ku, yant timp. Uⱡ ei, Wuta ndi, na man ngumba iteimp nitim ei mel ku itimp,” nitim. 19 Ik nitim ni, Jura wamp pilik wamp oi nduk, rÊⱡaip raⱡ etÊk morung. 20 Ni kÊn, wamp ou ndupa ndi, nÊk mel, “Wu ei kur kit mondpa, wote kekilip ropa ninim ik mbÊ, nambuⱡ emel, kum tenmin ei?” nÊtÊng. 21 Wote, wamp mat ndi, nÊk mel, “Wu ti, kur kit mondpa ik ei mel, kapⱡa ni nanÊmba. Wote, kur kit ei ndi, mong ti wamp ei, nambuⱡ etpa, mong ei, etpa piral ndumba?” nÊtÊng. 22 Kona ⱡapta rurum ni kÊn, Jerusalem kona ila manga wingti ou anggÊtÊm ei nga kumba tÊtÊng ui ni, ekit urum. 23 Ni kÊn, manga wingti ei nga kÊkaⱡ ekit orunga, titim nimbÊ nga ti mbi tek, ‘Solomon nga kÊpkÊ titim muⱡmÊn kona nila, Jisas andpa murum. 24 Kona nila moⱡnga, Jura wamp nimbÊ ndi, Jisas tÊk pok etÊk molk, waldÊk nÊk mel, “TÊn ndi, nim wu nam ei, etÊp pilmin nimbun elimina, ui mbÊ ruⱡ enim? Nim kupa Kraist Got nga ngurum wu ti ndam, nÊk kÊn, piral ndana pilamin,” nÊtÊng. 25 Jisas ndi, punt ropa nimba mel, “Na uⱡ et mbÊ, enim kundÊp nit ni, wote enim na mondÊk pili napÊtmin. Na Wuta nga mbi ila uⱡ et mbÊ ndi, na nga mbi ei, nimba mot ndurum. 26 Enim ndi, na mondÊk pili napÊnmin. Ei nambuⱡ emel, enim na nga sipsip mat mon. 27 Na nga sipsip mbÊ ndi, na nga ik ei pilik, mbi ndÊⱡÊngina, na ndi, en enim pÊt. Wote, na pur mel akil tek ormÊn. 28 Na nga sipsip mbÊ, uⱡ nga kÊnt nga kont mba mul uⱡ ei ngur. Ei nga, kuⱡing mel mon. Na nga ki ila ambÊⱡÊp mor mbÊ wamp ti ndi, roldpa tÊmba mel, kapⱡa mon! 29 Wuta ronduⱡ pi wu, oⱡa orunga ei ndi, kng sipsip mbÊ, na ngurum. Ei nga, elim nga ki ila, roldÊk ting mel, kapⱡa mon! 30 Wuta kÊn, na kÊn tÊl, wu tenda raⱡ mormbÊⱡ,” nitim. 31 Ni kÊn, aldpa Jura wamp nimbÊ ndi ku aprÊk tÊk, Jisas ku ndi ruing pilik etÊng. 32 Jisas ndi, wamp nimbÊ, kundpa nimba mel, “Enim Wuta nga kongun kai mbÊ mint, etÊp tÊp ora ndÊr. Ei nga, uⱡ nant ei nga, pilik, na ku ndi ruing enmin?” nitim. 33 Aldpa, Jura wamp mbÊ ndi, punt rok nÊk mel, “Nim uⱡ kai mbÊ etÊn ei nga, nim ku ndi rui nÊrmÊn. Nim mÊi kona wu mendpÊⱡ ni, wote ninim tÊkÊn, Got randÊn ei nga, nim ku ndi ruimin enmin,” nÊtÊng. 34 Ni kÊn, Jisas ndi, punt ropa nimba mel, “Enim nga mi ik ila mon ti petÊm ei ndi, nimba mel, ‘Enim mÊi kona wamp mbÊ, got ku morum,’” nitim. 35 TÊn pÊnmÊn ei, Buk Wingti ila ik petÊm ei kupa. Uⱡ nga pemba ei nga petÊm. Wote, Got elim nga ik ei, nimba ngurum wamp mbÊ, Got ndi, mbi tepa, ‘got’ nÊtÊm. 36 Wote, na Wuta ndi, mbi ropa tÊpa, mÊi kona ila tÊpa mundrum. Ei nga, na ndi, nanim Got kangÊm nÊnt. Ei nga, nambuⱡ emel, enim ndi, na Got tÊp mana ndont nÊnmÊn. 37 Wuta nga kongun ronduⱡ mat, na ndi iti nÊtÊnt ndam, enim na kÊn mondÊk pili nÊpilÊi! 38 Wote na ndi, Wuta nga kongun ronduⱡ mat elimba. Wote enim ndi, na nga ik ei mondÊk pili nÊpiling ndam, na nga uⱡ rÊpndi et mbÊ, onunga kot tÊk mendÊk, mondÊk pilÊi! Ei etÊk kÊn, Wuta ei, na kÊn morum. Wote na ei, Wuta kÊn mor uⱡ ei pilik kun iting," nitim. 39 Wote aldpa, tÊp imp muⱡmin nÊk elingina, kiyang nimba omba, ekit purum. 40 Ni kÊn, Jisas nu Joran aldpa puⱡa ropa, noi orunga mba, wu Jon ndi, unt wamp nu tinditim kona nila mba murum. 41 Wamp minal Jisas murum nila, rÊk ok molk, nÊk mel, “Jon ndi, uⱡ rÊpndi mat iti nÊtÊtÊm. Wote, wu ei nga ik mat ninditim mbÊ, akup omba, kupa enim,” nÊtÊng. 42 Wote, wamp minal ila morung nimbÊ ndi, wu ei mondÊk pÊtÊng.