Jon 12

1 Pasopa rÊng normin ui ou ni nga rumbÊⱡ 6 pelinga, Jisas ni, wÊl Betani kona ila Lasarus wu kurum ti, ropa rot ndurum ni nga kona ila purum. 2 Ni kÊn, Jisas nga rÊng kandrung. Amp Mata ndi, rÊng nimbÊ, mok roⱡnga, Jisas kÊn Lasarus raⱡ, rat pol nila morunggil. 3 I etÊk moⱡÊngina, Amp Mariya ndi, kopung mura rui kai ming ti, ku moni minal purum ti, mepa omba, Jisas nga kÊmp pol nila, oi ndupa mondpa, wote elim nga peng ndi ni kÊⱡ ndi, kil ngurum. Manga ni, kopung ei ndi, mura kai ropa murum. 4 Wote, Jisas nga kitip kÊni wu, rÊk moⱡmba wu, Juras Iskariyot ni ndi, nimba mel, “Kopung ei ndi, ku moni K300 tÊpÊn, wote ku moni mbÊ, wamp kurpa mbÊ, mok ropÊn nguimin. Ei nambuⱡ emel en?” nitim. 6 Ik i etpa nitim ei, nambuⱡ emel, elim ku moni nga kum mepa nitim. Wamp kurpa norum mbÊ nga mon. Elim nga mendpÊⱡ pilpa nitim. 7 Jisas ndi, nimba mel, “I ni nÊni! Na kuⱡimp ei nga, na nga kÊng kÊⱡ, kopung kandpa tÊpa kun endnim. 8 Na enim kÊn moⱡÊp, mint pi nÊpimp. Wote, wamp kurpa mbÊ, enim kÊn rÊk rÊk muⱡing,” nitim. 9 Jisas Betani kona ila mba murum ni, Jura wamp rÊⱡaip ou ndupa ndi, pilik akil tek purung. Wamp purung ni, Jisas purum ni nga mendpÊⱡ pilik, pi napÊrÊng. Lasarus on kona ila, Jisas ndi, ropa rut ndurum ni, kÊning pilik purung. 10 Ni kÊn, Pris wu kuimbal nimbÊ ndi, Lasarus ni, kunda rop kundmin nÊtÊng. Ei nambuⱡ emel, Jisas ndi, Lasarus ropa rut ndurum uⱡ ni, Jura wamp mbÊ ndi kandÊk, en enim nga wu nuim nimbÊ, wak rok Jisas mondÊk pÊtÊng. 12 UtÊma orunga, Jisas ni, Jerusalem yant urum. Ni kÊn, Jura wamp minal, Pasopa rÊng normin ui ou ila orung, wamp nimbÊ ndi pÊtÊng. 13 Wamp nimbÊ ndi, yaⱡa omung ranggÊk tÊk, nombuⱡa mam nila pÊkaimp rok, ke nÊk, Got nga mbi paka rondÊk, nÊk mel, “Got nga mbi paka ramin! Got nga mbi ila, tÊpa angÊndpa onum wamp ei, Got ndi, memp pindangga! Isrel wamp mbÊ nga Wu King ei, Got ndi, memp pindangga!” nÊtÊng. 14 Ui ni kÊn, Jisas ndi, kng donggi mbuⱡ ila moⱡpa urum. 15 Buk Wingti ila nitim ni mel, “Nim Saiyon kona ye! mundmong iti nÊti! Akup kng donggi kokila ti nga mbuⱡ ila moⱡpa onum ei, nim nga Wu King ei onum,” nÊtÊm. 16 Elim nga kitip kÊni wu nimbÊ ndi, uⱡ etÊng nimbÊ, pilik kun iti natÊk morung. Wote, akil tepa, Jisas ⱡoporpa oⱡa moⱡpa, muⱡ kona purum ni kÊn, Buk Wingti ila nÊtÊm ik, wote wamp ndi, etÊng uⱡ nimbÊ, piral nilinga, pilik kun etÊng. 17 Jisas ndi, Lasarus ni, on kona ila ropa rÊt nduⱡnga, kandrung wamp nimbÊ ndi, uⱡ itim nimbÊ, wamp mat kundÊk nÊtÊng. 18 Wamp minal ndi ok, Jisas rawe etÊk tÊtÊng. Ei nambuⱡ emel, Jisas ndi, uⱡ rÊpndi ti etpa, Lasarus on kona ila ropa rÊt ndurum ei nga etÊng. 19 Wote, Perisi wu nimbÊ ndi, ol tek, int yant etÊk nÊk mel, “TÊn namba uⱡ itmin? Mul kÊmp mbila wamp mbÊ pora, wu ei kÊn puk kenmin. TÊn uⱡ ti kanda iti nÊtmin ei, kanmin mon!” nÊtÊng. 20 Pasopa rÊng normin ui ou nila, Grik wu mat, Jerusalem kona ila, Got nga mbi paka rundmin nÊk purung. 21 Wote, Galili nga Betseita kona ila wu Pilip murum nila, puk nÊk mel, “Wu nuim ye! TÊn Jisas kÊnmin onmÊn ei ka!” nÊtÊng. 22 Pilip ndi mba, Andru kundpa nilinga, rÊp rokÊⱡ, Jisas kundkÊⱡ, ninggil purÊnggil. 23 Jisas ndi, punt ropa nimba mel, “MuⱡÊl Wu Kupa ei, akup mbi ou tÊmba ui ei, nondpa enim. 24 Enim ik kupa ei, kundÊp nÊnt, wit mong tenda ti, mÊi ila mana mba, kuⱡi naⱡÊⱡÊm ndam, elim tenda ei ku pemba. Wit mong ti, mÊi ila mana mba, koⱡum ndam, wit minal milÊ ropa, oⱡa omba, rÊng mong ou ndupa rorum. 25 Wamp nam ti, elim nga kont mul uⱡ ei, ambuⱡpa gi ndum ndam, kont mba mul uⱡ ei, kandpa ti natmba. Wote, wamp nam ti, elim nga mul uⱡ ei, wamp mat nga nindpa, wak rom ndam, uⱡ nga kÊnt nga kont mul uⱡ ei, kandpa tÊmba. 26 Wamp nam ti, na nga kongun indimp nimba pilim ei, na kÊn pep ropa wangga! Na munt kona ila rÊp ropÊl muⱡÊmbil. Na nga kongun endim ti, Wuta ndi, tÊpa ou ndumba,” nitim. 27 Jisas ndi, nimba mel, “Akup na nga mundmong ei, mi enim ei nga, akup na namba nimp? Wuta o, na kÊn pemba enim uⱡ ei, tÊkÊn munda, ei mon! Uⱡ pemba enim ei nga na ur. 28 Wuta o, nim nga mbi ei, oⱡa mba piyangga!” nitim. Ni kÊn, muⱡ ila ik ti, mana ndupa nimba mel, “Na nga mbi ei, etÊp tÊp oⱡa mundÊr. Ei mel ku, oⱡa mba piyangga!” nitim. 29 Wamp minal morung nimbÊ ndi, muⱡ ila ik nitim ni pilik, nÊk mel, “Kona guⱡ gaⱡa ninim!” nÊtÊng. Mat ndi, nÊk mel, “Anggelo ti, Jisas kÊn ik ninim!” nÊtÊng. 30 Wote, Jisas ndi, nimba mel, “Ik ei ndi, na tÊpa rapÊndÊmba ui nawÊnÊm. Ik ei ndi, enim tÊpa rapÊndÊmba, ei nga onum. 31 Akup ui ila, Got ndi, mÊi kona wamp mbÊ kÊmp tÊmba. Wote, mÊi kona ila mel mbÊ, nokÊndrÊm wu nuim ei, ropa mana ndumba. 32 Na nanim mÊi kona ila oⱡa tÊng ei kÊn, na ndi, wamp mbÊ pora etÊp rukÊr timp,” nitim. 33 I nitim ik ei, elim etpa koⱡmba mel nant ei nga pilpa nitim. 34 Wote, wamp nimbÊ ndi, punt rok nÊk mel, “TÊn nga mi ik ei ndi, nimba mel, ‘Got nga ngurum wu ei, kuⱡi naⱡÊmba,’ uⱡ nga moⱡmba nÊtÊm. ‘Wote nim ndi, MuⱡÊl Wu Kupa ei, mÊi kona oⱡa ting nÊn ei? MuⱡÊl Wu Kupa ei nam?’” nÊtÊng. 35 Jisas ndi, punt ropa nimba mel, “Ui onunga wei kot ila, na nga rÊⱡang ei, enim kÊn temba. Akup rÊⱡang tÊnÊm ei kÊn, ping kona tila pÊi. Wote, rumbÊⱡ ei ndi, enim tÊpa kum rui narangga! Nambuⱡ emel, rumbÊⱡ ila nombuⱡa ila purum wamp ei, elim purum kona ei pili napilpa purum. 36 Akup rÊⱡang ei, tek mormun ei kÊn, mondÊk pilÊi! I etÊk kÊn, enim rÊⱡang ei nga wamp muⱡing,” nitim. Jisas ndi ik ei, nimba pora ndupa kÊn, wamp nimbÊ, wak ropa, elim kiyang nimba mba, mo rurum. 37 Wote Jisas ndi, uⱡ rÊpndi minal itim ni, wamp nimbÊ ndi kandÊk, mondÊk pili napÊtÊng. 38 Wote, Painui wu Aisaiya nga nitim ik ni, omba kupa itim. Aisaiya ndi, nimba mel, “Wu Nuim ye! ik nimÊn ei, wamp namin ndi, pilik ting? Got ndi, wamp namin elim nga ronduⱡ ei, tÊpa ora ndurum?” nitim. 39 MondÊk pili napÊtÊng uⱡ ei nga painui wu Aisaiya ndi, aldpa nimba mel, 40 “Got ndi, wamp mbÊ etpa, numan ku randpa, etpa mong tÊndpa elinga, wote pilik kun iti natÊk, kandÊk mbi ndui nandÊk enmin. Got ndi, nimba mel, na nambuⱡ etÊk numan ropÊl rok, rukrÊng wangina, na ndi, etÊp timp,” nitim. 41 Aisaiya ndi, Jisas nga uⱡ eng nui mbÊ, ur kump mel etpa kandpa kÊn, ik ei nitim. 42 Ni kÊn, Jura wu nuim mat ou ndupa, Jisas mondÊk pÊtÊng. Wote, nÊk ekit ndui nandrÊng. Ei nambuⱡ emel, Perisi wu mbÊ ndi, en enim atinga manga mbila, mon ning nÊk pÊtÊng. 43 Uⱡ etÊng ei, Got ndi, numan ngangga nÊk, uⱡ ti iti natÊk, wamp mbÊ ndi, numan ngeing nÊk etÊng. 44 Jisas ndi, ik oⱡa ndupa nimba mel, “Wamp ti, na mondÊp pilim ti, na mint mon. Wote na tÊpa mundrum wu ei, kunda mondpa pilangga ku.” nitim. 45 Wamp nam ti, na kandpa mbi ndum ndam, na tÊpa mundrun wu ei, kandpa mbi ndurum ku 46 Na ya mÊi kona ila rÊⱡang ei, mana ur. Ei nga, na mondpa pilim wamp ti, aldpa rumbÊⱡ ila muⱡi nambÊⱡmba. 47 Wamp nam ti ndi, na nga ik ei pilpa, pep rui narÊm ndam, wamp ei na ndi, kÊmp ti nÊtimp. Na ya mÊi kona ila wamp kÊmp timp ei nga, ui nÊwÊr. Wamp etÊp timp pilip mana ur. 48 Wamp nam ti na tÊpa mbuⱡ ngumba. Na nga ik ei, tÊpa roi ndum ndam, wamp ti ndi, elim kÊmp tÊmba. Ui pora nim ei kÊn, na nga ik nÊnt ei ndi, el elim kÊmp tÊmba. 49 Ya ik nÊnt mbÊ, nanim ni nanÊnt. Na tÊpa mundrum Wuta ei ndi, man ngumba ni nilinga, nÊnt. 50 Na pÊnt ei, Wuta nga man ik ei ndi, uⱡ nga kÊnt nga kont mul uⱡ ei, tÊpa ngumba. Na nÊnt ik mbÊ, Wuta ndi, na kundpa nilinga nÊnt," nitim.