Ipru 9

1 Got nga nimba mÊi rÊrÊm uⱡ unt nga ila, elim nga mbi paka runding ei mel, ya mÊi kona ila to ropa ngurum. 2 Wote, wamp mbÊ ndi, muⱡ manga ti rakÊk kÊn, manga kÊkaⱡ kuimbal ila nga rat pol na, bret na, kiya kandÊk, Got nga kuimp keta ila, mek puk tek etmin. Kona ei kundÊk, Manga KÊkaⱡ Wingti, nÊtmin. 3 Manga Kukaⱡ rukÊr orunga tila, muⱡ mbal ti, ku kuipa rok mondÊrmin. Kona ei mbi tek, Manga KÊkaⱡ Wingti Kupa, ei nÊtmÊn. 4 RukÊr orunga kona ila, tindiⱡim kai purum rat pol tetÊm kÊⱡ, gol ndi, mim etÊk, eng nondrÊng kÊⱡ, tetÊm ku. Wote, nimba mÊi rui ik ei nga nde kes kÊⱡ nga rukÊr orunga ila, rÊng ‘Mana,’ unt norung ei nga petÊm, gol ming ti, titim ku. Wote, wu Eron nga ÊpÊⱡ ila, nde kit kit mat, unt oⱡa urum. Wote, Got nga mi ik mon ropa ngurum ku roⱡiya raⱡ, petÊm ku. 5 Wote, anggelo mel raⱡ to rok, etÊk ou nduk, nde kes punt oⱡa orunga mondÊrmin raⱡ ndi, to ropa mel, Got nga uⱡ eng nui mbÊ, ila tetÊm. Anggelo mel raⱡ nga mana orunga ila, nde kes pip rormÊn kona ila, wamp nga uⱡ kit mbÊ, wak rundangga nÊk, etÊng kona ei titim. Wote, akup tÊn ndi, uⱡ ei nga pora, para ndup ni nÊnmin. 6 Wu pris mbÊ ndi, uⱡ mbÊ mel etmin, rÊk rÊk ui mbila puk, muⱡ manga kÊkaⱡ ekit orunga ila, mukÊr puk, en enim nga kongun mbÊ etmin. 7 Wote, Wu Pris Kuimbal tenda ei mint, mbi paka manga kÊkaⱡ wingti kupa ila mukÊr purum. Uⱡ ei, pana tenda ila, mukÊr mba tenda ku etÊm. Wei nÊwÊ mukÊr pi napÊrÊm, mon! Kng mema kuⱡpa mepa mba kÊn, elim nga uⱡ kit etÊm mbÊ kÊn, wote wamp mbÊ nga uⱡ kit etmin mbÊ, pili napilik etmin mbÊ, Got ndi, etpa tangga nÊk, kalk tindiⱡim mundrum. 8 Uⱡ ei nga, akup Muⱡnga Wingti ei ndi, tÊn tÊpa ora ndupa mel, mbi paka manga kÊkaⱡ kuimbal ei, pris kongun etÊk mint mormin. Ei nga, mbi paka Manga Kukaⱡ Wingti Kupa ei nga, mukÊr mbin nombuⱡa mam ila, tÊn kapⱡa pi nÊpÊmÊn mon. 9 Uⱡ etÊk ormÊn mbÊ, akup ui ei nga to rondÊk etmin. Unt kng meme na mat, Got kÊn angge nÊk nguk, kalk tindiⱡim mundÊk etÊng. Wote, mel mbÊ ndi, mbi paka rorung wamp mbÊ nga numan orunga, tÊpa kun kai mundi nÊmÊndrÊm mon. 10 Uⱡ etmin ei nga, unt kÊng orunga tÊn kun mundÊk muⱡing ei nga mi ik mat nguⱡnga, wamp mbÊ ndi, rÊng nok, nu nok, kÊmp ki Êlki rok, rÊng nuing ei nga ui mat pendÊtmÊn. Wote ui tila, Got ndi, mbi paka rui uⱡ ei nga etpa kai mondÊmba. 11 Wote, akup mbi paka rui uⱡ ei, omba kun kai enim. Ei nambuⱡ emel, Kraist ei, wi mul kona ila nga, mbi paka manga kupa ingk ila murÊk mba, Pris Kuimbal moⱡpa, kongun elinga enim. Mul kona mbi paka manga ei, wamp nga ki ila rÊki nÊkÊrÊng. Wote, mÊi kona ila mbi paka manga ti mon ku. 12 Kraist ndi, kng meme na, kau waⱡ na mbÊ nga mema mbÊ ndi, Got kÊn angge nimba, kaⱡpa tindiⱡim mundpa tepa, Got nga Manga Kukaⱡ Wingti Kupa ila, mukÊr pi nÊpÊrÊm, mon! Jisas elim nga mema ei, tÊngÊnda mint oi ndupa kÊn, kona wingti kupa ila rukÊr mba, Kraist nga wamp etpa ti uⱡ nga kÊnt nga kont mul uⱡ ei, tÊn nga nimba nombuⱡa ei tÊpa titim. 13 Unt wamp mbÊ ndi, kng meme na, kng kau na mbÊ nga mema mbÊ tÊk, wote kng kau waⱡ rok ndip karÊng, ndip tap mbÊ kÊn, tÊk wamp mbÊ nga kÊng orunga, eng nangga nÊk, oi nduk ndanda ndurÊng. 14 Uⱡ etÊng mbÊ, Kraist nga mema oi ndurum uⱡ ei ndi, ropa mana ndurum. Kraist nga uⱡ kit ti iti nÊtÊtÊm, ama mon! Muⱡnga Wingti rÊk rÊk kont morum ei ndi, Jisas nga kont mul uⱡ ei, Got kÊn angge nimba kaⱡpa tindiⱡim mundrum. Jisas elim nga mema oi ndurum uⱡ ei ndi, tÊn nga numan orunga mint ⱡumÊi rui nÊrÊrÊm mon. TÊn nga numan orunga uⱡ kit etmÊn mbÊ, kunda ⱡumÊi roⱡnga kÊn, tÊn ndi uⱡ kit mbÊ wak ropÊn, Got rÊk rÊk kont morum ei nga kongun endmin. 15 Uⱡ puⱡ ila nga, Kraist ei, wamp kÊn, Got kÊn, rÊk ting ila moⱡpa, nimba mÊi rui uⱡ kont ei, etpa ronduⱡ mundrum. I elinga, wamp namin mat, Got ndi, wi ropa titim wamp mbÊ, uⱡ nga kÊnt nga kont mul uⱡ ei nga memp teing nimba, mÊi rurum ei ting. Uⱡ ei mel pemba. Ei nambuⱡ emel, Kraist kurum uⱡ ei ndi, wamp mbÊ nimba mÊi rui uⱡ unt nga ila molk, uⱡ kit etÊng mbÊ, kil ngumba tÊpa mundrum. 16 Wu ti ndi, nimba kÊn, na kunt ndam, na nga moiya mel mbÊ nam tÊmba. Mon ropa pendpa nimba mÊi rorum. Wote, tipam korum kÊn, kangÊm ndi, tipam nga nimba mÊi rorum ik ei, pep ropa kÊn, tipam nga moiya mel mbÊ tÊtÊm. 17 Wote, wu ei korum ei kÊn mint, elim nga nimba mÊi rorum ik ei ronduⱡ purum. Nimba mÊi rorum wu ei, kont morum ndam, nimba mÊi rorum ik ei nga, ronduⱡ ti mon. 18 Uⱡ ei mel ku, kng mbÊ rok kondÊk kÊn, mema mbÊ kulk, tÊk oi ndurmin ila nga, nimba mÊi rui uⱡ unt nga, ei ronduⱡ purum. 19 Unt kuimp tepa Moses ndi, mi ik mbÊ, wamp mbÊ kÊn, mbo endpa pora ndupa kÊn, wote kng meme, na kng kau waⱡ nga mema mbÊ, kuⱡpa tÊpa mbo nu ila, tÊpa tenda etpa oi ndupa, nde Isop puⱡa ila nga, kng sipsip ndi mbÊ tÊpa, kan ropa mondpa kÊn, kng mema ming ila mana ndupa, wote oⱡa tÊpa buk na, wamp morung kona mbila, kopung kÊⱡeing nimba ropa mundrum. 20 Wote Moses ndi, kng mema ei ropa mundpa, nimba mel, “Got nga nimba mÊi rurum ik, enim pep ruing nitim ni, akup kng mema ei ndi, etpa ronduⱡ mundnÊm,” nitim. 21 Wote Moses ndi, kng mema kuⱡpa tÊpa manga wingti ei kÊn, wote rukÊr orunga tetÊm mel mbÊ kÊn pora, ropa mundpa nimba mel, mel mbÊ pora mema ei ndi, mint etpa eng nondÊmba. 22 Mi ik ei, kng mema rok mundrÊng ila mel mbÊ pora, omba kai etmba. Wote, mel ti kuⱡi naⱡÊpa mema oi ni nanim ndam, Got ndi, wamp mbÊ nga uⱡ kit mbÊ, wak rundi nandÊmba. 23 Ya mÊi kona ila manga wingti ei kÊn, mel rukÊr orunga tetÊm ei mbÊ pora, muⱡ kona ila mel tetÊm mbÊ nga, to rondpa telinga, Moses ndi, kaⱡpa tinditim mundi uⱡ itim mel mbÊ ndi, etpa eng nÊndrÊm. Wote, muⱡ kona ila mel mbÊ, etpa eng nondÊmba uⱡ ei, muⱡ kona ila kaⱡpa tindiⱡim mundi uⱡ ronduⱡ, elim ti ndi, ku etmba. 24 TÊn pÊtmin ei, Kraist ni, wamp ndi, muⱡ kona mel ei nga to tÊndÊk, manga wingti rakrÊng tila, murÊk pi nÊpÊrÊm mon! Ei elim muⱡ kona ila, kun mba, tÊn tÊpa rapÊndÊmba ei nga, Got nga kuimp keta ila morum. 25 Pana ui mbila rÊk rÊk, Jura wu pris kuimbal mbÊ ndi, kng mema kulk tÊk, Got kÊn kaⱡpa tindiⱡim mundÊnmÊn nÊk, Got nga Manga KÊkaⱡ Wingti Kupa ila, mek purmin. Kng mema ei, en enim nga mema ti mon! Wote Jisas ndi, uⱡ etÊng ei mel iti nÊtÊtÊm, mon! Jisas el elim Got kÊn angge nimba ngumba purum. Angge nimba ui mat ou ndupa, ngui ngÊnggÊrÊm mon! 26 Muna ei mel elinga ndam, Got ndi, muⱡ mÊi raⱡ puⱡ mondpa itim ei kÊn, mindil pepa mint oⱡnga. Wote, uⱡ ei kelpa, akup ui pora nimba elinga, tÊngÊnda mint mÊi kona ila mana omba, wamp nga uⱡ kit mbÊ, pendÊp kilimp nimba, elim nga kÊng kÊⱡ uⱡ kÊrÊm. 27 Wamp mbÊ pora, kolk raⱡ indi nÊnding mon! TÊngÊnda mint kuⱡangina, wote Got ndi, wamp mbÊ pora, kÊmp tÊmba. 28 Uⱡ ei mel ku, Kraist ndi, elim nga kÊng kÊⱡ, wamp minal nga, uⱡ kit etmin mbÊ, pendÊp kilimp nimba, Got kÊn tÊngÊnda mint, kaⱡpa tindiⱡim mundrum. Kraist aldpa yant omba ei, uⱡ kit mbÊ nga nimba ui nawÊmba mon! Wamp elim nokundÊk mormin mbÊ, etpa tÊmba ei nga omba.