Ipru 10

1 Wote, Moses nga mi ik petÊm kÊⱡ, uⱡ kupa ingk mat, wote ekit omba ei nga, unt to ropa waka ndurum. Uⱡ kupa mbÊ, ekit ui nÊwÊrÊm mon! Got kÊn angge nÊk, kalk tindiⱡim mundi uⱡ ei, pana ui mbila rÊk rÊk etmin. Uⱡ etmin ei ndi, mbi paka rormÊn wamp mbÊ, Got kÊn nondpa ping. Uⱡ ei ndi, numan orunga tÊpa kun mundi namÊndrÊm. 2 Moses nga mi ik mbÊ ndi, Got nga mbi paka rondÊrnÊm, wamp mbÊ nga uⱡ kit etmin mbÊ, kupa etpa eng nondÊⱡnga ndam, uⱡ kit mat etmin nÊk, numan ou ndupa pili napilingina, wote kaⱡpa tindiⱡim mundi uⱡ ei pora nilinga. 3 Uⱡ ei mel mon. Pana ui mbila pora, kng kaⱡpa tindiⱡim mundÊrmÊn uⱡ ei ndi, wamp mbÊ nga uⱡ kit mbÊ, ropÊl rok piling ei nga ngurmin. 4 Nambuⱡ emel, kng meme na, kng kau pela na mbÊ nga mema kulk tÊk, Got kÊn angge nÊk, kalk tindiⱡim mundÊrmÊn uⱡ ei ndi, wamp mbÊ nga uⱡ kit etmin mbÊ, pora ni nandÊtÊm mon! 5 Wote, uⱡ puⱡ ila, Kraist ni, mÊi kona omba etpa kÊn, Got kundpa, nimba mel, “Nim ndi, kaⱡpa tindiⱡim mundi uⱡ na, angge nÊk ngui uⱡ na mbÊ numan mundi namÊndÊn. Wote nim ndi, na nga kÊng kÊⱡ tÊkÊn kun etkÊn ngurun. 6 Kng mat tÊk rat pol mbila, kalk tindiⱡim mundÊrmin uⱡ mbÊ kÊn, wote uⱡ kit mbÊ pendpa kilinga nÊk, kalk tindiⱡim mundÊrmÊn uⱡ mbÊ, nim ndi, numan ngui nganggÊrÊn mon!” nÊtÊm. 7 Wote na ndi, nÊmp mel, “Unt Got nga Buk Wingti ila, mi ik nÊtÊm ni mel, ‘Akup na ndi, Got nim nga numan ei, pep ruimp pilip ont,’” nÊtÊm. 8 Kraist ndi, kuimp tepa nimba mel, “Kaⱡpa tindiⱡim mundi uⱡ, wote Got kÊn angge nÊk, mel ngormÊn uⱡ mbÊ pora, nim ndi, numan ngui nganggÊrÊn. Wote, rat pol wingti ila, kng ndip karmin uⱡ, wote uⱡ kit wak rok, kalk tindiⱡim mundÊrmin uⱡ mbÊ, nim ndi, numan ngui nganggÊrÊn ku. Wote, mi ik ila, uⱡ mbÊ iteing nitim ndam kep, Kraist ndi, pilpa kelpa ik kÊⱡ,” nitim. 9 Wote Kraist ndi, nimba mel, “Na ya ila mor. Na ont ei ndi, omp nim nga numan pin ei mel, pep ruimp pilip ont,” nitim. Ei nga, Got ndi, unt kng kalk tindiⱡim mundÊk etÊng uⱡ mbÊ mundpa kelpa, Kraist nga kaⱡpa tindiⱡim mundrum uⱡ ei, tÊpa kona koⱡ ila titim. 10 Nambuⱡ emel, Jisas Kraist ndi, Got nga numan pÊtÊm uⱡ mbÊ, pep ropa kÊn, elim nga kÊng kÊⱡ, Got kÊn tÊngÊnda mint, kaⱡpa tindiⱡim mundrum. Uⱡ itim ei ndi, tÊn wamp mbÊ pora, Got nga rÊⱡaip ila, etpa wamp wingti rundrÊm. 11 Unt Jura wu pris mbÊ ndi, ui mbila pora rÊk rÊk ok, rat pol wingti ila anggilik, en enim nga kaⱡpa tindiⱡim mundi kongun tenda ni ku rÊk rÊk etÊng. Uⱡ ei ndi, wamp mbÊ nga uⱡ kit etmin mbÊ, wak rui nÊrÊrÊm mon! 12 Wote Kraist ndi, el elim nga kÊng kÊⱡ wak ropa, kaⱡpa tindiⱡim mundi uⱡ tenda ei mint, etpa uⱡ kit mbÊ pendpa kitim. Uⱡ kai ei, ui mbila pora tepa mint purum. Wote akup, Got nga ki mbo orunga morum. 13 I etpa moⱡpa pangga, Got ndi, Kraist nga el rui wamp mbÊ tÊpa, elim nga kÊmp puⱡ ila, mondÊmba ei nga nokundpa morum. 14 Kraist ndi, el elim nga kÊng kÊⱡ tÊngÊnda mint, kaⱡpa tindiⱡim mundrum. Uⱡ ei ndi, wamp etpa wingti rÊndrÊm mbÊ, rÊk rÊk kun kai muⱡeing nimba itim. 15 Wote, Muⱡnga Wingti ei ndi, ik kÊⱡ tÊn kundpa nÊtÊm. Kuimp tepa nimba mel, Nuim ei ndi, nimba mel, “Ui ei om ei kÊn, na nga nÊmp mÊi ruimp ik ei, wamp mbÊ kÊn, nimp uⱡ ei, na nga mi ik mbÊ, wamp mbÊ nga mundmong rukÊr orunga nÊmp pendÊp, wote numan mbo ila, mon rop pindimp,” nÊtÊm. 17 Wote aldpa, nimba mel, “Wamp mbÊ nga uⱡ kit etmin mbÊ, wak rondÊp, wote uⱡ kit min eng pi etmin mbÊ, na ndi, numan ou ndup pili nÊpilimp ku,” nÊtÊm. 18 Got ndi, wamp mbÊ nga uⱡ kit etmin mbÊ, pendpa kitim, wote Got kÊn angge nÊk, kaⱡpa tindiⱡim mundi uⱡ ti, aldpa etÊk, wamp mbÊ nga uⱡ kit mbÊ, pendÊk kiling mel kapⱡa mon! 19 Wamp angmÊn, Jisas nga mema oi ndurum uⱡ ei ndi, tÊn nga uⱡ kit mbÊ wak rundrÊm. Ei nga akup, tÊn Got nga Manga KÊkaⱡ Wingti Kupa ila, rukÊr mbin uⱡ ei nga mundmong ti iti nÊtmin. 20 TÊn kapⱡa, kona wingti kupa ila rukÊr mbin uⱡ ei, Got kÊn nondpa muⱡing uⱡ ei nga, nombuⱡa kont ti ropa titim. Kona wingti ila, muⱡ mbal mam ti, manga kumba mel angÊndÊtmÊn ila purum. Muⱡ mbal ei, elim nga kÊng kÊⱡ. 21 TÊn nga Wu Pris Kuimbal Ou ti morum ei ndi, Got nga manga ila wamp rÊⱡaip mbÊ pora nokÊndrÊm. 22 Ni kÊn, Jisas nga mema oi ndurum uⱡ ei ndi, tÊn nga uⱡ kit rukÊr orunga mbÊ â±¡umÊi rurum. Wote, tÊn nga kÊng orunga mbo nu kai ei ndi, ⱡumÊi rormÊn. Ei kÊn, tÊn nga numan orunga uⱡ kit mbÊ wak ropÊn, Got kÊn minal mondpÊn pilpÊn, Got kÊn nondpa pamin. 23 Nambuⱡ emel, Got nga nimba mÊi ropa itimp nitim uⱡ kÊⱡ, ama kupa etmba mint. Ei nga, tÊn etpa tÊmba nimbun nokundpÊn mormÊn uⱡ ei, ambuⱡpÊn gi ndupÊn, mundmong iti nÊtmin. 24 Ei kÊn, tÊn ndi, wamp angmÊn mbÊ, kont kÊⱡpÊn, numan ngumbun, uⱡ kai mat tÊp rapÊndÊp itÊmin. 25 TÊn Got nga wamp mou rormÊn uⱡ ei, wamp mat etmin uⱡ ni mel, wak rui nÊrÊmin mon. Ei nambuⱡ emel, Nuim ei nga yant omba Ui Ou ei, nondpa enim. Ei nga, tÊn ndi, wamp mat nimbun ronduⱡ mundpÊn muⱡmin. 26 Kraist nga ik kupa ei, pilpÊn pora ndupÊn kÊn, wote wak ropÊn mundpÊn kelpÊn, uⱡ kit mbÊ aldpa imÊn ndam, wote kaⱡpa tindiⱡim mundi uⱡ ti ndi, tÊn nga uⱡ kit mbÊ, aldpa wak rondÊmba mel, kapⱡa mon! 27 Wote, tÊn Got kÊn el puⱡa wamp muⱡmÊn ndam, ui mam ti pem ei kÊn, Got ndi, tÊn wamp mbÊ pora, kÊmp tÊpa, wote Got tÊk mbuⱡ ngÊng wamp mbÊ, tÊpa ndip kona ila mundÊmba. Uⱡ ei nga, tÊn mundmong etpÊn muⱡmÊn. 28 Unt tÊn pÊtmÊn ni, unt Moses nga mi ik kÊⱡ, wamp ti ndi, ropa puⱡa rurum ndam, wote wamp raⱡ muna raldika ndi molk, kupa em nÊtÊng ei kÊn, wamp ei kont kuⱡi nalk, rok kondrung. 29 Wote, Got KangÊm tÊpa mbuⱡ ngum wamp ei kÊn, namba uⱡ ti etmba nda? Jisas Kraist nga nimba mÊi rui mema oi ndurum ei, wamp ei etpa kun kai mundrum. Uⱡ ei tÊpa mel wei randpa, wote Muⱡnga Wingti wamp pol ti uⱡ ei, nimba kit mondpa etÊm wamp ei nga, mbun mindil mam ti tÊmba uⱡ ei, tÊk mendÊk pilÊi! 30 Ei nga, tÊn pÊnmin ei, Got ndi, nimba mel, “Wamp nga uⱡ kit etmin mbÊ nga punt ropa ngui uⱡ ei, nanim ndi, punt rop nguimp,” nÊtÊm. Aldpa nimba mel, “Nuim ei ndi, elim nga wamp mbÊ, el elim ndi, kÊmp timp!” nÊtÊm. 31 Ei nga, tÊn Got rÊk rÊk kont morum ei nga ronduⱡ ei, wak rumÊn ndam, tÊn kit muⱡmin ei nga, pilpÊn mundmong etpÊn, elim pilip muⱡmin. 32 Enim unt Got nga rÊⱡang ei, rukÊr tÊtÊng uⱡ ei mel pilÊi! Ui ei kÊn, wamp mat ndi, enim mbun mam mat ngurung. Ei kÊn, enim ndi, mbun mam mbÊ tÊk, ronduⱡ mundÊk morung. 33 Ui mat kÊn, wamp mbÊ ndi, enim tÊk wamp nga kuimp keta mbila oⱡa angÊndÊk, ik kit nÊk ngÊk, mbun ngÊk etÊng. Wote ui mat kÊn, wamp mat mbun tÊk morung mbila, enim kunda molk, mbun mbÊ tÊk rapÊndÊk etÊng. 34 Wote enim ndi, kan manga ila petÊng wamp mbÊ, kont kolk etÊng. Ui mat kÊn, enim nga mel tek morung mbÊ, roldÊk tÊtÊng ei kÊn, enim ndi, numan kai pendÊk wak rorung. Uⱡ etÊng, ei nambuⱡ emel, enim ndi, pÊtÊng ei, enim nga mel kupa ingk mbÊ, rÊk rÊk tetÊm mint nÊk pilik etÊng. 35 Ei nga, unt enim ronduⱡ mondÊk pÊtÊng uⱡ ni, wak rui nÊrÊi, mon! Nambuⱡ emel, uⱡ etÊng ni ndi, enim mel minal mat ting. 36 Enim nokÊndÊk molk, ronduⱡ mundÊk muⱡÊi! Got nga numan pÊtÊm uⱡ mbÊ pep rÊi. Wote Got ndi, enim mel kai mat nguimp nitim mel mbÊ kai ngangga ting. 37 Ei nga, Buk Wingti ila, nimba mel, “Ui ei ruⱡ etpa pi napÊtÊm mon. Uimp nitim wu ei omba mint. Enim nukundi nakÊndÊmba mon! 38 Na nga wamp kun kai mbÊ mondpa pili uⱡ ila kont puk muⱡing. Wote wamp ti, na tÊpa mbuⱡ ngum ndam, na ndi, wu ei kÊn numan kit pilimp,” nitim. 39 Wote, tÊn Got tÊp mbuⱡ ngumbun, kit muⱡmin wamp kat mon! TÊn Got kÊn mondÊp pilamina, etpa tangga, kunt muⱡmin wamp kÊⱡ mormÊn.