Ipru 8

1 Ik nÊnmÊn ei nga puⱡi ei mel, tÊn nga wu pris kuimbal ti, Got wu nga ronduⱡ ei nga ki mbo orunga, Wu Nuim Mumuk nga rat pol ila, muⱡ kona morum. 2 Got nga manga wingti ila, pris kongun ei nga etpa morum. Got nga manga kupa ti, muⱡ kona ila morum. Ei wamp ti ndi, rÊki nÊkÊrÊm, mon. Got elim ndi rÊkrÊm itim. 3 Wu minal pris kuimbal morung mbÊ ndi, Got nga manga wingti ila, Got kÊn mel mat angge nÊk nguk, kalk tindiⱡim mundÊi nilinga, kalk tindiⱡim mundrÊng. Ei nga, wote tÊn nga wu Pris Kuimbal Jisas moⱡpa kÊn, el elim mel mat kaⱡpa tindiⱡim mundrum ku. 4 Ya mÊi kona ila, Jisas moⱡnga ndam, wu pris kuimbal muⱡi nambÊⱡnga. Ei nambuⱡ emel, ya mÊi kona ila wu pris kuimbal mat molk, pora nduk kÊn, unt nga mi ik ei ndi, pris molk kongun etÊng uⱡ ei mel ku, wote Got kÊn angge nÊk mel mbÊ ngurmin. 5 Unt wu pris mbÊ ndi, mbi paka manga mbila kongun etÊng. Uⱡ ei, wi muⱡ kona tetÊm ei mel, to rok ya mÊi kona ila etÊng. Ei mel ku, Got ndi, unt Moses kundpa, nimba mel, “Nim ndi, mbi paka runding ei nga muⱡ manga ti, rÊkÊn ndam, wi Sainai Komnga ila, mi ik nim nimp ngur, ni mel pilkÊn kai etkÊn, to rokÊn rÊki!” nitim. 6 Wote, akup Jisas ndi, pris kongun itim uⱡ ei ndi, wu pris unt nga morung mbÊ, ropa mana ndurum. Ei nambuⱡ emel, Jisas elim Got kÊn, wamp kÊn, ruk ting ila moⱡpa kÊn, nimba mÊi rui ik unt nga ei, ropa mana ndupa kÊn, kont nga nimba mÊi rurum. Uⱡ ei ndi, unt nga uⱡ kÊⱡ, ropa mana ndurum. 7 Nimba mÊi rurum ik unt nga kÊⱡ, ⱡawa pi napilinga ndam, Got ndi, ik kont nga nimba mÊi rurum uⱡ ei, iti natilinga. 8 Wote Got ndi, wamp nga uⱡ ⱡawa etÊng ila, kandpa nimba mel, “Ui ti om kÊn, na ndi, Isrel wamp na, Jura wamp na mbÊ kÊn, nÊmp mÊi ruimp uⱡ kont nga ti itimp. 9 Nimba mÊi rui uⱡ, unt nga anda kouwÊmÊn kÊⱡ kÊn, it uⱡ ei mel, uⱡ kont nga kÊⱡ kÊn kapⱡa mon. Unt nga uⱡ it ei kÊn, wamp mbÊ ki ambÊⱡÊp mep puⱡmba, Isip kona wak rok purung. Wote ei kÊn, na nga nÊmp mÊi rÊr uⱡ kÊⱡ kandÊk, pep rui narÊrÊng. Na ndi, wamp mbÊ wak rÊr,” nÊtÊm. 10 Nuim ei ndi, ik ti nimba mel, “Ui ei pora nangga kÊn, wote ui om ila, akup na ndi, Isrel wamp mbÊ kÊn, nimba mÊi rui uⱡ kont ti itimp ei. Na nga mi ik mbÊ, wamp mbÊ nga pilpa kungÊndi ila, etÊp pendÊp, wamp mbÊ nga numan mbo ila, rukÊr mon rop pindamba kÊn, na wamp mbÊ nga Got ei muⱡamba. Wote wamp mbÊ, na nga wamp muⱡing. 11 Ui ei kÊn, wamp mat ndi, mat ik mbo endÊk nÊk mel, ‘Enim ndi, Nuim ei pilik mormin ye! NÊk, uⱡ ti iti nÊtÊng mon. Nambuⱡ emel, wamp ou, kel, nuim, kurpa mbÊ ndi, na pilik pora nduing. 12 Nambuⱡ emel, na ndi, wamp mbÊ kont kuⱡÊp, uⱡ kit eng mbÊ wak rondÊp, wote wamp nga uⱡ kit etmin mbÊ, na ndi, pili nÊpilimp mon!” nÊtÊm. 13 Got ndi, nimba mÊi rurum ik kont nga ei ndi, nimba mÊi rui ik unt nga kongun itim ei omba, pora nimba. Uⱡ ei ndi, uⱡ unt nga mbÊ, etpa pora ndumba.