Aposel 8

1 Stipen rok kondrung uⱡ ei, Sol ndi, kapⱡa nimba pitim. Ui ei kÊn, Jerusalem kona ila Got nga rapa tenda wamp mbÊ kÊn, uⱡ mbun mindil pi mat, ekit urum. Nuim ei, mondÊk pÊtÊng wamp nimbÊ, nung nÊk, kona elpa elpa Juriya kun, Sameriya kÊn, titim kona nimbila purung. Jisas nga nombuⱡa rÊng wu ni kÊⱡ mint, Jerusalem kona ila int morung. 2 Got tÊk ou ndurmÊn wamp mat ndi, Stipen kurum ei nga koⱡa manga molk, wote on ni, mek puk angÊndÊtÊng. 3 Ni kÊn, Sol ni, wu ei ndi, Got nga rapa tenda wamp mbÊ, ropa etpa kit mundimp nimba, manga elpa elpa mbila mba, mondpa pili wu amp mbÊ pora, imp moⱡpa, tÊpa pena ndupa, kan manga ila mundrum. 4 Mondpa pili wamp nimbÊ, nung nÊk kona mbila elpa elpa purung. Puk kÊn, Got nga RÊnang Ik kai ei, nÊk mek ekit purung. 5 Wote, Pilip ni, wu ei ndi, Sameriya orunga mba kona peng tila, Jisas nga RÊnang Ik Kai ei, wamp mbÊ pileing nimba mbo rundrum. 6 Kona ila wamp minal ndi, Pilip nga uⱡ rÊpndi, Nuim ei nga ronduⱡ ila itim kandÊk, ik nitim nimbÊ pilik, kum tek kai mondÊk morung. 7 Wote, Pilip ndi nilinga, wamp mat, kur kit rukÊr murum nimbÊ, ke nÊk wamp nimbÊ, wak rok ok, ekit purung. Omba ui ei kÊn ku, wamp elkÊna rambuⱡpa, etpa kit murum nimbÊ nilinga, omba kun purum. 8 Uⱡ ei elinga kÊn, kona peng ila nga wamp mbÊ ndi, numan mam ti ngorung. 9 Sameriya kona peng ila ku, wu ti murum ei, mbi tek, Saimon nÊtÊng. Wu ei ndi, kum kundrum uⱡ mbÊ ndi, wamp mbÊ kandÊk min ngÊn mundÊk elingina, elim wu nuim ti mor, nitim. 10 Wote, kona ila wamp ou kel, nuim kurpa nimbÊ ndi, wu Saimon nga uⱡ itim mbÊ kandÊk pilik, tÊk nÊk mel, “Wu ei, Got nga ronduⱡ ti mbi tek, ‘Ronduⱡ Ou Ti,’ nÊtmÊn ni tepa morum,” nÊtÊng. 11 Saimon nga kum kundrum uⱡ elpa elpa mbÊ elinga, ui ruⱡ etpa omba purum. Uⱡ mbÊ, wamp mbÊ ndi kandÊk, min ngÊn mondÊk, ik kum tek morung. 12 Wote, wu Pilip ndi, Got nga wamp tÊpa mumuk rui uⱡ ei kÊn, wote Jisas nga mbi ei kÊn, RÊnang Ik Kai ei, kundpa nitim ni kÊn, wu amp raⱡ ik ei pilik tÊk, wote nu tÊtÊng. 13 Wote Saimon elim, Pilip nga ik nitim nimbÊ pilpa tÊpa, Got kÊn mondpa pitim. Wote nu tÊpa kÊn, Pilip kÊn moⱡpa, uⱡ rÊpndi mat, Nuim ei nga ronduⱡ ila, itim nimbÊ kandpa, min ngÊn mundrum. 14 Jisas nga nombuⱡa rung wu nimbÊ ndi, Jerusalem kona ila molk pÊtÊng mel, Sameriya wamp nimbÊ, Got nga ik ei, pilik tÊng nÊtÊng. Ni kÊn, Pita kÊn Jon raⱡ kona ila nga pÊl nÊk tÊk mundrung. 15 Wote, wu raⱡ ndi, Sameriya kona ila pukÊⱡ kÊn, mondpa pili wamp nimbÊ, Muⱡnga Wingti ei, teing nÊkÊⱡ, Nuim ei kÊn, atinga rorÊnggil. 16 I etÊnggil, ei nambuⱡ emel, wamp mbÊ, Jisas nga mbi ila mint, nu tÊk kÊn, wote Muⱡnga Wingti ti natÊtÊng. 17 Wote ni kÊn, Pita kÊn Jon raⱡ ndi, mondpa pili wamp mbÊ nga peng ila ambuⱡunggila, Muⱡnga Wingti oⱡnga tÊtÊng. 18 Saimon ndi, moⱡpa kÊndrÊm mel, mondpa pili wamp nimbÊ nga peng ila ambuⱡunggila, Muⱡnga Wingti tÊtÊng uⱡ ni kandpa, Pita kÊn Jon raⱡ nga ronduⱡ ei, elim ngÊnggil nimba, ku moni mat nguimp nimba pilpa, waldpa nimba mel, “Enmbil uⱡ mbÊ nga ronduⱡ ei, na nganggila kÊn, wote na ndi, i ku etÊp, wamp mat nga peng mbila Êmbuⱡamba, Muⱡnga Wingti teing ku,” nitim. 20 Wote Pita ndi, Saimon kÊn, ik punt ropa, nimba mel, “Nim kÊn nim nga ku moni ei kÊn, ndip kona ila pinggil. Nambuⱡ emel, nim pÊn ei, Got nga memp kai ei, nim nga ku moni ei ndi, kapⱡa rop rui nÊrÊn mon! 21 TÊn Got nga kongun enmin ila, nim ruk ila muⱡÊn mel kapⱡa mon. Ei nambuⱡ emel, nim nga mundmong rukÊr orunga, Got nga numan pÊtÊm ei mel pi napÊtÊm mon. 22 Ei nga, nim numan ropul rokÊn, uⱡ kit ei, wak rokÊn, Nuim ei kÊn, atinga rana, nim nga numan kit pÊn ei, wak rondÊmba. 23 Ei nambuⱡ emel, na ndi, nim kant ei, nim nga numan ei, kng yuwi na ni mel, uⱡ kit mbÊ ndi, ambuⱡpa kum ropa petÊm ei ka!” nitim. 24 Wote Saimon ndi, Pita kÊn, Jon raⱡ kundpa, nimba mel, “Wu raⱡ ye! Na nga nÊkÊⱡ, Nuim ei kÊn atinga ranggila, Nuim ei ndi, na kont kuⱡpa, na nga uⱡ ninimbil mbÊ, na kÊn pi nÊpangga,” nitim. 25 Pita kÊn Jon raⱡ ndi, Nuim ei nga ik puⱡ mbÊ, wamp mbÊ kÊn nÊkÊⱡ pendkÊⱡ, wote Jerusalem kona ila, int purÊnggil. PukÊⱡ kÊn, Sameriya kona kel kel tÊtÊm mbila, wamp ou ndupa, Nuim ei nga RÊnang Ik Kai mbÊ, nÊkÊⱡ ngorunggil. 26 Ni kÊn, Nuim nga anggelo ti ndi, Pilip kundpa, nimba mel, “Nim tÊkÊn kona etkÊn pukÊn, nombuⱡa mam ti, Jerusalem kona ou ila tepa mba, Gasa kona purum ila pi!” nitim. 27 Ei kÊn, Pilip tÊpa kun etpa mba, nombuⱡa ila, Itiyopiya kona wu ti kandrum. Wu ei, wu oⱡa orunga ei, Itiyopiya kona amp Kuin ei nga ku moni rÊp inditim. Wu ei, Jerusalem kona ou ila mba, Got nga mbi paka rondpa pendpa, wote mang kona mbi nimba, elim nga kar mel kng os ndi, kondpa tÊtÊm mel ila urum. Ni kÊn, elim oⱡa moⱡpa, pai nui wu Aiseiya nga mon rurum ik ni, kÊmp ropa purum. 29 Wote ila nga, Muⱡnga Wingti ndi, Pilip kundpa, nimba mel, “Nim kar mel punum mel kÊⱡ ila, nondpa pi,” nitim. 30 Pilip nondpa mba, kum tÊpa pim mel, wu ni, painui wu Aiseiya nga mon rurum ik ni, kÊmp ropa purum. Pilip ndi, wu ni waldpa, nimba mel, “Nim ik mong kÊmp ron kÊⱡ, pilkÊn kun en ei?” nitim. 31 Wu ei ndi, nimba mel, “Na pilip kun itimp mel nant? Wamp ti ndi, na ik puⱡ kÊⱡ, ropul ropa nimba ngum ndam, pilimp ei ka!” nitim. Wote, Pilip wu ni ndi, oⱡa tÊpa mepa purum. 32 Ik mong, Itiyopiya wu ei, kÊmp rurum ei mel, “Wu ei kng sipsip na ti, rok kunding pilik mek purmun ni mel kapⱡa. Wote, kng sipsip waⱡ na ti, elim nga ndi mbÊ, purⱡina rowa ndupa, uⱡ ti iti natÊpa, raka nimba morum. Ei mel ku, wu ei ik ti ni nÊndÊtÊm. Elim tÊk mana nduk, kot itim ik mbÊ, kapⱡa mon nÊtÊng. Wamp ti ndi, kapⱡa wu ei nga wamp rÊⱡaip mbÊ, pilik mbi ndui nÊnding. Ei nambuⱡ emel, wu ei nga mÊi kona ila moⱡpa, urum ui ei pora nitim,” nitim. 34 Wote, ku moni rup etÊm wu ni ndi, wu Pilip waldpa, nimba mel, “Painui wu ei ndi, nam kundpa nÊnÊm? Elim nga, muna wamp elpa ti nga pilpa nitim nda? Na kundkÊn nin ka!” nitim. 35 Wu Pilip ik puⱡ mondpa nitim ei, wu ni nga ik mong kÊmp rurum nila nimba mba, wote Jisas nga rÊnang ik kai mbÊ kundpa nitim. 36 Ei mel nÊkÊⱡ, nombuⱡa mam ila okÊⱡ, wote nu ti omp purum nila ruk oⱡunggila, wu ni ndi, Pilip waldpa, nimba mel, “Ya ei nu ei ka! Namba mel ti ndi, na imp moⱡangga, nu ti nÊtimp nda?” nitim. [ 37 Wu Pilip ndi, wu ni i kundpa, nimba mel, “Nim nga numan orunga mondkÊn pin ndam, kapⱡa nu tÊn!” nitim. Wote elim ndi, punt ropa, nimba mel, “Na kupa pÊnt, Jisas Kraist ei, Got nga kangÊm ei,” nitim.] 38 Wote, Itiyopiya wu ni ndi, kar mel purÊnggil mel, ni kÊⱡ ambuⱡnga, wu raⱡ mana okÊⱡ, nu ila mana pukÊⱡ, Pilip ndi, wu ni, nu tinditim. 39 Wote, wu ni raⱡ, nu ila ekit oⱡunggila, Nuim ei nga Muⱡnga Wingti ei ndi, Pilip ni, kiyang nimba tÊpa, mepa purum. Wu ni, Pilip kÊni nakÊndrÊm ei nga, nimba pi nÊpÊtÊm. Elim numan kai pilpa, mang kona purum. 40 Wu Pilip elim kandrum ei, elim ni, Asotas ni, kona ila murum mel itim. Kona ila moⱡpa, mbi nimba mba mel, nombuⱡa ruk ting kona peng kel kel titim mbila, Jisas nga RÊnang Ik Kai mbÊ, wamp mbÊ kÊn, nimba ngumba mint mba, Sesariya ekit purum.