Aposel 9

1 Wote, ruk ui nimbila ku, Sol ndi, Nuim ei nga kitip kÊni wamp mbÊ, rop kondÊp mint, wang nduimp nimba pilpa omba, wu pris mbÊ nga wu kuimbal ei, murum kona ila mba, elim waldpa, mon ti ropa, Damaskas kona ila atinga manga mbila pora ndangga, kona mbila wamp mat kÊnamba, Jisas nga ik nÊtÊm ei mel, pep rong ndam, wamp mbÊ imp moⱡÊp, tÊp mep, Jerusalem yant uimp nitim. 3 Ei mel nimba, Damaskas ni kona ila, nondpa puⱡnga, ama tÊngÊnda mint, Sol urum kona ila, rÊⱡang mam ti, muⱡ kona ila ropa mana urum. 4 RÊⱡang ei ndi, Sol ropa monduⱡnga mba, mÊi ila pepa pitim mel, ik ti ndi, elim mbi tepa, nimba mel, “Sol, Sol! Nambuⱡ emel, na rok kongundÊn?” nitim. 5 Sol ndi, punt ropa nimba mel, “Nuim ei nim nam?” nitim. Wote, ik urum ei ndi, punt ropa nimba mel, “Na Jisas nim ndi, rok kongundun wu ei ka! 6 Ei nga, nim oⱡa molkÊn, Damaskas kona peng ila rukÊr pi! Kona ila, nim namba uⱡ itin mbÊ mel, kundÊk ning,” nitim. 7 Sol kÊn rup rok purung wu nimbÊ, ik ti ni nandÊk morung ik ei pÊtÊng. Ei wote, wamp ti, kÊni nakÊndrÊng. 8 Wote, Sol oⱡa moⱡpa, mong raⱡ ndi, kona kÊnimp nimba itim ni, kapⱡa iti nÊtÊtÊm. I elinga, ki ambulk mek, Damaskas kona ila purung. 9 Ui ei kÊn, Sol nga mong raⱡ ropa tilinga, rÊng nu raⱡ, nÊi nandpa pelinga, rumbÊⱡ raldika omba purum. 10 Got nga kitip kÊni wu ti mbi tek, Ananaiyas nÊtÊng ni, Damaskas ni, kona ila murum. Wu ei ur kump etpa kÊndrÊm ei, Nuim ndi, elim kundpa nimba mel, “Ananaiyas!” nitim. Ik punt ropa nimba mel, “Nuim ye! Na ya mor ei ka!” nitim. 11 Wote, Nuim ei ndi, kundpa nimba mel, “Nim tÊkÊn kun etkÊn met, Nombuⱡa Kun nÊtmÊn kona ila pukÊn, wu Judas nga manga ila, Tarsas kona ila, wu ti mbi tek, Sol, nÊtmÊn wu ei, omba morum nÊkÊn waldÊkÊn pili! Wu ei atinga ropa morum. Wu ei, ur kump etpa kanum ei, Ananaiyas ni wu ti, mukÊr omba, elim nga mong ei, piral nangga nimba, ki raⱡ ndi, peng ila ambuⱡmba ei, unt ur kump etÊp kanim,” nitim. 13 Ananaiyas ndi, punt ropa nimba mel, “Nuim ye! Wamp mbÊ ndi, na kundÊk wu ei ndi, nim nga mondpa pili wamp met, Jerusalem mormin mbÊ, etpa kit mondrum nÊtÊng, pit. 14 Wote akup, wu pris kuimbal kÊⱡ kÊn, nimba kun mundpa tepa, ya Damaskas kona ila, nim nga mbi paka rondÊrmin wamp mbÊ, tÊpa kan ngumba pilpa om,” nitim. 15 Wote, Nuim ei ndi, Ananaiyas kundpa, nimba mel, “Nim pa! Na ndi, wu ei to rop tint wu ei, na nga kongun wu moⱡmba. Wu ei ndi, na nga mbi ei, wamp rÊⱡaip elpa na, wote wu king na, Israel wamp mbÊ kÊn, na nga mbi ei, tÊpa pena ila pendpa nimba. 16 Wote, na nga mbi ila, mindil nomba mbÊ, nanim ndi, tÊp ora nduim,” nitim. 17 Wote Ananaiyas mba, manga ila murÊk mba, elim nga ki raⱡ tÊpa, Sol nga peng ila ambuⱡpa, Sol kundpa, nimba mel, “Ana Sol! Nuim Jisas ndi, elim nim ya uimp nÊkÊn urum ila, nim nombuⱡa paka ila kundrum. Wu Nuim ei ndi, na tÊpa mundum. Wu ei ndi, nim aldpa mong raⱡ piral nangga, kÊnÊn nitim. Wote nim, Muⱡnga Wingti ei ndi, peka rangga nimba, na tÊpa munduⱡnga ont,” nitim. 18 Ama tÊngÊnda mint, Sol nga mong raⱡ ila, oma kundun na ni mel mat, ndiⱡimp nimba, mana puⱡnga, wu ei nga mong raⱡ piral nilinga, kona mbÊ aldpa kundrum. Wote oⱡa anggilinga, nu tinditim. 19 Wote, rÊng nomba elinga, elim nga ronduⱡ ei, yant urum. Sol Ei Ndi, Nuim Ei Nga Ik Ei, Damaskas Wamp MbÊ, Nimba Ngurum Sol ndi, Damaskas kona ila, mondpa pili wamp mat kÊn, rumbÊⱡ mat moⱡpa kÊn, atinga manga mbila mba, ik pÊⱡ mat nimba, mot ndupa, Jisas ei, Got nga KangÊm ei nitim. 21 Ni kÊn, ik pÊtÊng wamp mbÊ ndi, min ngÊn mondÊk waldÊk, nÊk mel, “Jerusalem kona ila wu ei ndi, Jisas nga mbi paka rondÊk etÊng wamp mbÊ, ropa kundpa itim wu waⱡÊm ei, nÊmp kanmin ei, muna mon? Wote akup, ya Damaskas kona ila wamp kan ngumba, mepa Pris kuimbal kÊⱡ kÊn, pi napÊmba om nda?” nÊtÊng. 22 Wote, Sol nga ik ei, ama ronduⱡ puⱡnga, Jisas ei, wu Got ngurum wu Kraist nitim. Ei nga, Jura wamp Damaskas moⱡung mbÊ ndi, Sol nga ik ei, punt rok ning mel iti nÊtÊtÊm. 23 Wote, rumbÊⱡ mat ou ndupa omba puⱡnga kÊn, Jura wu nimbÊ, ik nÊk pendÊk, nombuⱡa mam ti kandÊk tÊk, Sol rop kundmin nÊtÊng. 24 Wote, Sol wu kÊⱡ nga ik nÊk pendÊtÊng ei pitim. Rumbuldi rÊnggilmÊ mbÊ, Sol rop kundmin nÊk, kona ou ei nga, keta puⱡ puⱡ ila nokÊndrÊng. 25 Wote, i elingina rumbÊⱡ tila, Sol nga ik pep rorung wu nimbÊ ndi, Sol ku paⱡa etÊng nila, kelwa wal kat ila, Sol rukÊr mba moⱡnga, kan kulk, kan punt raⱡ ambulk molk, raka raka nÊk, wak rok paⱡa ekit orunga mundrung. 26 Wote, Sol Jerusalem kona ila mba, kitip kÊni wamp mbÊ kÊn, kup itimp nimba pitim ni, wote wamp nimbÊ, Sol nga mundmong etÊk, wu ei, nuim ei nga kitip kÊni wu kupa ti, nÊk pili napÊtÊng. 27 Wote i elinga, Barnapas omba, Sol tÊpa rapundpa mepa mba, Jisas nga nombuⱡa rung wu kÊⱡ kÊn purum. Mba Sol, nuim ei nombuⱡa mam ila, Nuim ei kandpa, ik ranggÊpa itim ni mel, ik timan mbÊ ropa, nombuⱡa rÊng wu kÊⱡ ngurum. Wote Sol, Damaskas kona ila, Nuim ei nga ik ei ronduⱡ mondpa nimba itim uⱡ mbÊ, Barnapas ndi, timan rurum ku. 28 I etpa nilinga, Sol ni, rukÊr tilingina, Jerusalem tetÊm kona mbila pora mba, Nuim ei nga mbi ila, ik puⱡ mbÊ ronduⱡ mundpa, mbo inditim. Sol ik ronduⱡ mundpa, nimba mba kÊn, Grik ik nÊtmÊn Jura wamp mbÊ kÊn, ik mel itim ila, wamp mbÊ ndi, rok kunding pilik etÊng. Ni kÊn, mondpa pili wamp mbÊ, etÊk tÊk mendÊk kÊn, wote Sol ni, Sesariya kona ila mek puk, Tarsus kona ila, tÊk munduⱡina purum. 31 Ei kÊn, Juriya, Galilee, Sameriya mbi paka rormin kona nimbÊ pora, moⱡpa kundi ui kai ti kandÊk tÊtÊng. Ni kÊn, kona ila wamp mbÊ, Muⱡnga Wingti ndi, etpa ronduⱡ munduⱡnga, Nuim ei nga mundmong etÊk, mana orunga moⱡÊngina, wamp puⱡi ruk ok, mbi paka rorung. 32 Pita ik mbo endpa, kona mbila pora ÊndrÊm. TÊnggÊt kÊn, Got nga wamp met Lira morung kÊⱡ kanÊmba purum. 33 Kona ila mba kÊn, Einiyas ni, wu ti kÊndrÊm. Wu ei nga kÊng mbÊ, moiya rurum ila, rupⱡaima ila mint pelinga, pana 8 omba purum. 34 Wote Pita ndi, wu ei kundpa, nimba mel, “Einiyas, Jisas Kraist ndi, nim aldpa etpa kai mondnum. Oⱡa molkÊn, nim nga rupⱡaima kÊⱡ tÊkÊn kun iti!” nitim. TÊngÊnda mint, Einiyas oⱡa murum. 35 Wote Lira, Saron kona raⱡ ila, pÊtmÊn wamp mbÊ, wu ei kandÊk kÊn, numan ropÊl rok, Nuim ei kÊn, rukÊr purung. 36 Wote Jopa ni, kona ila mondpa pili amp ti, mbi tek, Tabita, nÊtÊng ei murum. (Wote, Grik ik ila, mbi tek, Dokas, nÊtÊng). Amp ei, uⱡ kai mbÊ rÊk rÊk etpa, wamp kurpa mbÊ, tÊpa rapundpa itim. 37 Ui ei kÊn, amp ni kui kandpa, tÊpa kurum. On ei, nu tendÊk mek, manga kÊkaⱡ oⱡa orunga, tila tetÊng. Jopa ni kona ei, Lira kÊn, nondpa mel titim. Wote, Jopa mondpa pili wamp kÊⱡ, Pita omba, Lira ni kona ila murum ei, pilik kÊn, wu raⱡ tÊk nombuⱡa rung mundÊk ei mel waldÊk, nÊk mel, “PÊt pÊt, ama akilma, ya tÊn mormin ila ui!” nÊtÊng. Pita nombuⱡa rung ik ei, pilpa tÊpa kÊn, elim tÊpa kun etpa, wu raⱡ kÊn purum. Pita kona ila mba, ruk puⱡnga, tÊk mek manga kÊkaⱡ oⱡa orunga ila purung. Ei kÊn, amp wiya ou ndupa, Pita murum nila molk, pok etÊk, ka etÊk mel, amp Dokas kont moⱡpa kÊn, wal pÊki ou kel mim itim nimbÊ, Pita tÊk ora nduk etÊng. Wamp nimbÊ, Pita ndi, tÊpa pena ndupa, elim mura koptÊm ropa mondpa, atinga rurum. Wote, tÊpa ropÊl ropa, amp on ei, kundpa nimba mel, “Tapita, nim oⱡa moⱡa!” nitim. I nilinga, amp ni, mong raⱡ makilpa, wote Pita kandpa kÊn, amp ei oⱡa murum. 41 Pita ndi, amp ei, ki ambuⱡpa tÊpa, oⱡa mundrum. Wote amp ni, etpa kont mondpa kÊn, mondpa pili wamp na, amp wiya na nimbÊ, wi ropa rukÊr tÊpa, etpa kont titim amp ni, en enim ngurum. Uⱡ itim ni nga, timan ik ei, Jopa kona ila tepa ndaip nitim ila, wamp mbÊ pora, Nuim ei kÊn, mondÊk pÊtÊng. Jopa kona ila, Pita ni, Saimon, nÊtmÊn wu ti, kng kau kÊng mim etÊm wu ni kÊn, pepa moⱡnga, rumbÊⱡ ou ndupa omba purum.