1 Korin 11

1 Na Kraist nga kitip kandÊp pep ror ei mel ku, enim na ent uⱡ mbÊ mel, kandÊk pep rÊi! 2 Na enim kÊn kai pÊnt, ei nambuⱡ emel, enim na pilik mbi nduk, wote enim ik mbo indÊt uⱡ mbÊ, kandÊk tÊk pep rok etÊk mormin. 3 Wote, ik ti enim pilik teing nÊmp nÊnt ei, wu nga peng ei Kraist. Wote, amp nga peng ei wu. Wote, Kraist nga peng ei Got. 4 Wu nam ti ndi, wamp moⱡung tila atinga romba muna, Got nga painui ik kat nimba ila, peng wÊna mondpa, em ndam, elim nga wu peng Kraist ei nga mbi ei, etpa kit mondÊmba. 5 Wote, amp nam ti, wamp moⱡung kona tila, peng kum rui narÊpa, atinga romba muna, Got nga ik kat nimba em ndam, amp ei ndi, elim nga wam etpa pipil kundrum. Amp ei nga uⱡ ⱡawa em ei nga pipil ei, amp ti, peng pek ropa, wei mondpa pipil korum ei mel kapⱡa. 6 Amp ti, elim nga peng ei, kum rui narÊm ndam, peng ndi kÊⱡ, pek rangga! Wote, amp nam ti, elim nga peng ndi kÊⱡ, pek romba, ei nga pipil em ndam, peng ei kum rangga! 7 Wu mbÊ, peng kum ruing mel kapⱡa mon! Nambuⱡ emel, wu ei, Got elim ronduⱡ mba, mon purum ei mel, pilpa wengÊndupa to ropa mim itim. Wote amp ei, wu ei nga ronduⱡ petÊm ei mel, to ropa mim itim. 8 Ei nambuⱡ emel, Got ndi, wu mim itim ei, amp ei nga kÊng ila ekit tÊpa, mim iti nÊtÊtÊm mon! Wu ei nga kÊng ila, amp ei mim itim. 9 Wote Got ndi, amp ei nga pilpa keⱡ rondpa, wu ei mim iti nÊtÊtÊm mon! Got ndi, wu ei nam kÊn, tÊp kup indimp nimba kÊn, amp ei mim itim. 10 Uⱡ puⱡ ei kÊn, wote anggelo mbÊ nga nindpa kÊn, amp ei, wam nga ronduⱡ ila mana orunga morum uⱡ ei, tÊpa ou ndupa kÊn, elim nga peng ei kum rangga! 11 Wote, akup Nuim ei kÊn mormÊn puⱡ orunga ndi, pepa kÊn, amp ndi, wu wak ropa, elim mendpÊⱡ moⱡmba mel kapⱡa mon! Wote, wu ei ndi, amp ei, wak ropa, elim mendpÊⱡ moⱡmba mel, kapⱡa mon ku. 12 Ei nga, uⱡ puⱡ ila, unt Got ndi, wu ei nga kÊng ila, amp ei mim itim. Ei mel ku, amp nga kÊng ila wu metmÊn. Uⱡ mbÊ, Got elim kÊn tepa orum. 13 Amp ti, peng kum rui narÊpa, Got kÊn atinga romba, ei kapⱡa mon ei? En enim nga numan orunga, kÊmp tÊk waldÊk pilÊi! 14 TÊn wamp nga ik nimbun uⱡ enmin mbÊ ndi, el elim ndi, enim waka ndupa, wu peng kandÊⱡ metmin mbÊ, kapⱡa mon nÊtmÊn. Ei wote, amp peng kandÊⱡ orum ni, kai nÊk pÊtmin. Nambuⱡ emel, Got ndi, amp mbÊ peng panda reing nimba kÊn, peng kandÊⱡ piyangga, nimba itim. 16 Ei nga wote, wamp nam ti ndi, ik mbÊ el rop mondÊp nimp nin ndam, elim pilpa kai itangga! TÊn kep, wote Got nga rapa tenda ila wamp mbÊ kep, uⱡ elpa mat, mondÊp pili napÊtmÊn. 17 Man ik merÊng orunga, enim nÊmp nguimp ent uⱡ ei, na enim kaip nÊndÊp ik ti, ni nanÊnt. Ei nambuⱡ emel, enim mbi paka rundÊmÊn nÊk, ruk ok, mou rormin ei kÊn, uⱡ ⱡawa mat ou ndupa etmin. 18 Ik ti, na kuimp tek nÊtÊng pit ei, enim Got nga rapa tenda wamp nÊk ok, mou rormin ku. Ei wote, enim nga ruk ting ila, ik petÊm, oi rok tÊk mormin. Ei na pÊnt ei, ik mat kupa mel enim. 19 Ei nambuⱡ emel, tÊn mbi paka rormÊn uⱡ ei, pilip kun etmin. Wamp mat, Got kÊn oi kan pendÊk mormÊn wamp kÊⱡ, i kÊmp tÊpÊn, kandÊk kun itmin. 20 Ei kÊn, enim wamp ok, tÊk tenda etÊk, mou rormin ei kÊn, enim Nuim ei nga RÊng Mong nuing ei nga ui nawÊrmÊn mon. 21 Ei nambuⱡ emel, enim rÊng normin ei kÊn, wamp ti nga nukÊndi nakÊndÊk, elpa elpa mek ormin ei mel ku noⱡnga, wamp mat kump kun kuⱡina, mat nu nok kekilip rormin. 22 Enim mang kona nu nok, rÊng nok iting manga mat mon ei? Muna Got nga manga wingti ei, mel nuwa ti nÊk pilik, rÊng mek ui nawÊrmÊn wamp mbÊ etÊk, pipil kunding pilik etmin ei? Enim uⱡ etmin ei nga, etÊp nimp mel nant? Enim kaip nindimp ei? Ei kapⱡa mon, ei ka! 23 Na ik kÊⱡ, nuim ei kÊn pilip tÊp, enim kÊn mbo indÊt. Nuim Jisas rumbuldi Juras ndi, ruk murum ni kÊn, bret ti tÊpa ambuⱡpa, Got kÊn angge nimba, wote puk ropa, nimba mel, “Ya ei, na nga kÊng ei, enim nga nÊmp ngunt. Uⱡ ei, enim etÊk kÊn, na tÊk mindÊi!” nitim. 25 RÊng mong nok pora nduⱡungina kÊn, uⱡ tenda ei ku etpa, nu wain ming ei, oⱡa tÊpa, nimba mel, “Ya nu ming ei, na nga mema ei morum. Got nga nimba mÊi rui uⱡ kont ei, enim kÊn ent. Ui mbila rÊk rÊk uⱡ ei mel ku etÊk kÊn, na pilik mint itÊi!" 26 Ui mbila rÊk rÊk bret ei nok, nu ming ila nu nok etÊk kÊn, Nuim ei nga kurum ik ei, nÊndÊk muⱡangina mba, elim om ui ei kÊn, kandÊk teing. 27 Ei kÊn, wamp nam ti ndi, elim nga orunga pilpa kai iti natÊpa, Nuim ei nga kÊng ei kÊn, mema ei kÊn, tÊpa nom ndam, wamp ei ndi, Nuim ei nga kÊng ei kÊn, mema ei kÊn, etpa kit mondÊmba ei nga, wamp ei, uⱡ kit etÊm. 28 Ei nga, wamp pora kuimp tek, en enim nga orunga pilik kai etÊk kÊn, wote bret ei, tÊk nok, nu ming ila, nu nok itÊi! 29 Ei nambuⱡ emel, wamp nam ti, Nuim ei nga kÊng ei kÊn, mema ei kÊn, mel raⱡ nga puⱡ ei, pilpa kun iti natÊpa norum ei, Got nga wamp kÊmp tÊtÊm uⱡ ei, elim ndi, rukÊr tÊtÊm. 30 Nambuⱡ emel, uⱡ puⱡ ei nga, enim nga ruk ting ila, wamp ou ndupa, ronduⱡ pi napÊⱡnga kÊn, kui kandÊk tÊtmÊn, wote wamp mat kormin. 31 Ei kÊn, tÊn nga orunga, unt kÊmp tÊpÊn, kai imÊn ndam, Got ndi, tÊn nga uⱡ ⱡawa ti, kÊni nakÊnÊm ndam, tÊn kÊmp ti natÊmba. 32 Wote, tÊn uⱡ ⱡawa enmin mbila, Got ndi, kÊmp tÊpa kandpa, tÊn etpa kit mondum ndam, uⱡ ila, tÊn elim nga kangambuⱡa mel tÊmbÊⱡ ropa, tÊpa kun mundrum. Uⱡ ei etpa kÊn, tÊn mÊi kona wamp mbÊ kÊn kunda, kit muⱡi nÊmbÊⱡeimin nimba etÊm. 33 Ei nga, angmÊn enim mou rok, Nuim ei nga rÊng mong ei, nuing ei kÊn, ÊngÊnÊl mat ui nawÊng ndam, nÊk ndÊi mint. 34 Wote, wamp nam ti, kump kun rom ndam, mang kona rÊng nomba wangga! Nambuⱡ emel, wamp ruk ok, mou rong ila wamp ei, Got ndi, kÊmp ti nÊtangga. Uⱡ mat tetÊm mbÊ, na int enim kÊn omp kÊn, tÊp kun mundeimp.