1 Korin 10

1 Ei nga, angmÊn! Enim ndi, unt tÊn nga anda kouwÊmÊn wamp mbÊ, Moses moⱡnga kÊn, etÊng uⱡ mbÊ pilik mek int puk pilÊi! Wamp pÊnmÊn mbÊ, kona kupa kat ndi, rÊp elinga, num kuta kunt ni, ruk ila oi ndupa telinga, wamp nimbÊ pÊk ekit purung. 2 Kona kopa kÊn, num kuta kÊn mel raⱡ ila, morung wamp mbÊ, nu tÊk, Moses tÊk, en enim nga wu nuim mondrung. 3 Wamp mbÊ pora, Got nga Muⱡnga ei ndi, rÊng ngurum. 4 Wote wamp pora, Muⱡnga nga na, nu ei norum. Wote ei kÊn, wamp mbÊ pora, Got nga Muⱡnga ku ila, nu omba, purum ei norung. Ku ila nga nu pukpa oⱡnga kulk norung ku ei, Kraist elim mendpÊⱡ. 5 Ni kÊn, uⱡ kai mbÊ, Got ndi, ora ndurum kep, wamp minal ndi, Got nga ik tÊk roi nduⱡina, elim ndi, kona kui waka purung mbila, ropa kundpa telinga, kolk warkele etÊng. 6 Uⱡ itim mbÊ ndi, tÊn akup ora ndupa, wamp mat unt uⱡ kit mbÊ etÊk, numan pendÊtÊng ei mel, tÊn akup iti nÊtmin. 7 Wote, Isrel wamp mat ndi, nde mel mat mim etÊk mondÊk, mbi paka rorung ei mel, tÊn iti nÊtmin. Buk Wingti ila nimba mel, “Wamp mat mana molk, nu rÊng mbÊ nok, ui kai ti, ekit onum nÊk, ambulk palk, wapra rok etÊk morung,” nÊtÊm. 8 TÊn wapra rui uⱡ kit mbÊ nga unt etÊng ei mel, iti nÊtmin. Unt wamp 23,000 uⱡ ei elingina, rumbÊⱡ tenda ila, kolk pora ndurÊng. 9 Wote tÊn ndi, Nuim ei, oⱡa tÊpÊn kÊni nÊkÊnmin, unt etÊng wamp mat mbÊ, wimbÊ ndi, ropa kundrum. 10 Wamp mat unt, Got kÊn ik kungÊndi wungÊndi nilingina, wamp ropa kundi Anggelo ei ndi, wamp mbÊ ropa kundrum. Uⱡ ei mel, tÊn iti nÊtmÊn. 11 Uⱡ itim mbÊ, wamp mat kandÊk, pileing nimba, ora ndupa itim. Wote, tÊn akup mÊi kona ila mormÊn wamp mbÊ, ik mbÊ pilip tÊmin nÊk, mbi rok mana ndurÊng. 12 Ei kÊn, wamp nam ti ndi, ronduⱡ mundÊp, angÊnt nÊkÊn pin ndam, mana pin ei nga, tÊkÊn mendkÊn muⱡi! 13 Oⱡa tÊpa kÊni numan mat orum nimbÊ, nim kÊn mendpÊⱡ mon, wamp kÊn pora omba, mel nim kÊn orum. Wote Got ndi, nimba mÊi ropa ik nitim mbÊ petÊm. Ei nga, nim wak rui narÊmba. Wote, oⱡa tÊpa kÊni uⱡ mat, ekit om ndam, elim ndi, nombuⱡa mam mat, ropa tÊndangga, nim ronduⱡ mundkÊn muⱡin. 14 Ei nga, na nga angmÊn! Got kol ropa mbÊ nga mbi paka rui uⱡ mbÊ, wak rui! 15 Na enim kundÊp nÊnt ik ei, enim numan kun pÊtmÊn wamp kÊⱡ ndi, kÊmp tÊk pilik kai itÊi! 16 Wain nu ming ei, memp petÊm ila tÊn ndi, angge nimbun Kraist nga mema ila, tÊn tÊpa tenda etÊm. Bret ei, tÊn ndi, pok rormÊn ei ndi, tÊn tÊpa tenda etÊm. Memp petÊm nu ming ei, Got kÊn atinga roⱡmina, memp pendÊtÊm. Ei kÊn, Kraist nga mema ei ndi, wamp pora tÊpa tenda etÊm. Wote, bret tenda puk rormin ni ndi, wamp pora etpa, Kraist kÊn, kÊng tÊpa tenda etÊm. 17 Nambuⱡ emel, bret tenda ei, tÊn wamp ou ndupa nÊmp pÊnmÊn, ei mon! Aldpa ombun, kÊng tenda kÊⱡ. Nambuⱡ emel, tÊn bret tenda ila rÊng mong normÊn. 18 Isrel wamp mbÊ, etmin mel pilÊi! Nde pol wingti ila, Got kÊn angge nÊk ngormin rÊng mbÊ tÊk normin. Uⱡ ila, Got kÊn ok tenda etmin ku. 19 Na namba nÊnt nÊk pÊnmÊn? RÊng mbÊ got kol rui kÊⱡ kÊn, mbi paka rok ngormin uⱡ, ei ronduⱡ? Muna, got kol rok mim etmin mel, ei ronduⱡ? 20 Ei mon! Na nÊnt ik puⱡ ei. Wamp mat ndi, got kol mat kÊn, rÊng angge nÊk ngormin uⱡ ni, kur kit mbÊ nga etmin. Wote, Got kÊn ngui nganggÊrmin. Ei nga, enim kur kit mbÊ kÊn, puk kup iti nÊteing nÊmp nÊnt. 21 Enim Oⱡa Nuim ei nga nu ming ila nu nok, wote kur kit mbÊ nga nu ming ila nu nok iting uⱡ ei, kapⱡa mon! Wote, Nuim ei nga nde pol ila molk, rÊng mong tÊk nok, wote kur kit mbÊ nga nde pol ila rÊng tÊk, nok iting uⱡ ei, kapⱡa mon ku. 22 Muna, Nuim ei ndi, tÊn kÊn wÊlÊk rangga, nÊmp enmin ei? TÊn ndi kapⱡa, Nuim ei nga ronduⱡ ei, kapⱡa tÊp mana nduimin ei? 23 Ik ei kupa, “Uⱡ mbÊ pora, kapⱡa itimin mint,” nÊtmin. Wote uⱡ mbÊ pora kai mon! “Uⱡ mbÊ pora kapⱡa itmin mint!” nÊtmin. Wote, uⱡ mbÊ ndi pora, tÊn nga orunga tÊpa rÊpÊndi napÊndÊmba. 24 Wamp ti ndi, el elim nga orunga kai moⱡmba ei nga mendpÊⱡ, pili nÊpÊlangga, mon! Wamp ti ndi, ti rÊp itangga pora molk, kai mundeing. 25 Kng rok tetmin manga mbila kng mbÊ, kapⱡa rop rok, tÊk nuing mint. Uⱡ ei nga, wÊldi ik ti, pi napÊtÊm. Ei nga, numan ou ndupa, pili nÊpÊlÊi! 26 Ei kÊn, unt Buk Wingti ila ik kat ndi, nimba mel, “MÊi ei kÊn, wote ila nga rukÊr tetÊm mel mbÊ pora, Nuim ei nga mint tetÊm,” nÊtÊm. 27 Mondpa pili nÊpili wamp ti ndi, rÊng mat tepa, nim nÊn ui nim ndam, rÊng ei, nui mint. RÊng ei nga nuimp, muna mon nda, nÊkÊn, numan ou ndukÊn pili nÊpÊli! Wote, ik mat waldÊkÊn, iti nÊti! 28 Wote, wamp ti ndi, nim kundpa, nimba mel, RÊng ei, kur atinga rok, koik ngung nim ndam, wote wamp ei nga mondpa pili ei nga nÊndkÊn kÊn, nim ik ei teng ndukÊn, rÊng mon nim, ei nui nÊni! 29 Uⱡ ei, nim nga orunga ni nanÊnt mon. Ik ei, nim wamp ei nga numan orunga etÊk wang ndeing nÊmp nÊnt. Wote, enim wamp ti ndi, ruk ting ila molk, numan orunga waldÊk pilik mel, na nga numan ila itimp uⱡ kÊⱡ. Nambuⱡ emel, wamp ti nga numan pÊtÊm uⱡ ei ndi, na imp moⱡmba? 30 Na nga rÊng nuimp ei, Got kÊn angge nÊmp tÊp nÊnt ndam, nambuⱡ emel, wamp ti ndi, na rÊng angge nint kÊⱡ nga, na kÊn ik mura etmba? 31 Ei kÊn, rÊng nok, nu nok, nambuⱡ eng mbÊ pora, Got mbi ou tangga nÊk, pilik itÊi! 32 Ei Jura wamp muna, mbo wamp muna, wote Got nga rapa tenda ila wamp mormin mbÊ pora, uⱡ ti itangina wamp mbÊ, ropa mana ndumba ei nga, tÊk mendÊk itÊi! 33 Ei na ndi, wamp mbÊ etÊp, numan kai pindim nimp et, uⱡ mbÊ mel itÊi! Ei na nanim nga orunga, kai muⱡimp ei nga pili napilip, wamp mbÊ pora, etÊp numan kai pindimp nÊmp pilip kongun et. Uⱡ mbÊ, i tamba kÊn, Got ndi, wamp mbÊ, tÊpa rapundpa etpa, peng kont tangga nÊmp pilip et.