1 Korin 12

1 AngmÊn! Akup enim Muⱡnga Wingti ndi, wei gem ngorum uⱡ ei nga, enim kÊn, punt rop kundÊp nimp ent. Ei nga, enim nga numan ⱡawa mat pileing ndam, wak rok, ik kupa ei, pilik kai itÊi! 2 Enim pÊnmin ye! Enim unt mbi paka rui narÊk, mbo wamp mendpÊⱡ morung. Ei kÊn, enim got kol ropa, ik ni nandÊtmÊn mbÊ kÊn, mbi paka rondrÊng. Ni kÊn, mel mbÊ ndi, enim mepa mba nombuⱡa mam kit ila purum. 3 Ei nga, akup enim pilik kai itÊi! Got nga Muⱡnga ei, wamp ti kÊn moⱡpa, ik mbo indangga kÊn, “Jisas ei kit muⱡangga!” ni nanÊmba! Wote, wamp nam ti ndi, “Jisas Ei Wu Nuim,” kapⱡa ni nanÊmba, mon! Muⱡnga Wingti ei ndi, ik ei mbo rundangga mint nimba. 4 Muⱡnga ei ndi, kongun ronduⱡ elpa elpa mbÊ kÊmp tÊpa tÊndÊtÊm. Ei nga Muⱡnga tenda ei ndi, moⱡpa ngorum. 5 Got nga kongun indimin ei nga, nombuⱡa mam elpa elpa mbÊ tetÊm. Ei wote, Wu Nuim tenda morum ei nga mint kongun indimin. 6 Ei nga, kongun iting ei nga ronduⱡ, elpa elpa mbÊ tetÊm. Wote, Got tenda ei ndi, moⱡpa kÊn, wamp mbÊ pora, kongun iteing nimba, ronduⱡ ngorum. 7 Muⱡnga Wingti ei ndi, elim nga ronduⱡ ei, wamp tenda tenda nimba, kongun etpa oⱡa tilinga kÊn, wamp pora tÊpa rapÊndrÊm. 8 Muⱡnga Wingti ei ndi, Got nga pilpa kungÊndi kai mat, wamp mbÊ kÊn, tenda tenda nimba ngorum. Wote, Muⱡnga tenda ei ndi ku, wamp mat kÊn, Got nga numan mbo kai mat, wamp mat kÊn neing nimba, mbo rondrum. 9 Wote, Muⱡnga tenda ei ndi ku, wamp ti, mondpa pili uⱡ ila ronduⱡ nguⱡnga, wote wamp ti, kui wamp mbÊ, etpa wang ndangga nimba, ronduⱡ ngorum ku. 10 Muⱡnga ei ndi, wamp ti, uⱡ rÊpndi mat tangga nimba, ronduⱡ ngorum. Wote wamp ti, Got nga pai nomba ik nÊndangga nimba, ronduⱡ ngurum. Wote, wamp ti kÊn, Muⱡnga kai muna kit ei, kÊmp tÊpa pilangga nimba, ronduⱡ ngorum. Wote wamp ti, Muⱡnga ei ndi ku, ik nuim kan elpa elpa mat nangga nimba, ronduⱡ ngorum. Wote wamp ti, ik nuim kan elpa mbÊ nga ik puⱡ mbÊ, nimba ekit ndangga nimba, ronduⱡ ngorum ku. 11 Muⱡnga tenda ei ndi, uⱡ mbÊ pora etÊm. Ei nga, elim nga numan pÊtÊm ei mel pep ropa, wamp ti kongun ronduⱡ mbÊ, nguimp nimba pÊtÊm wamp ei, ngorum mint. 12 Kraist ei, wu tenda ei mint moⱡnga, kÊng ila mel puⱡi ropa kundrum ndam kep, kÊng tenda kÊⱡ tepa morum. 13 Uⱡ to ei mel ku, Jura wamp kep, wamp rÊⱡaip elpa mbÊ kep, wote kongun kindmant wamp kep, wei mormin wamp mbÊ kep, tÊn wamp pora, Muⱡnga Wingti tenda ila mint nu tÊpÊn, akup kÊng tenda ila mormÊn. Wote, Muⱡnga tenda ei ku, tÊn nga numan orunga morum. 14 KÊng ingk kÊⱡ, mel tenda ti ndi, pepa mint, kÊng kÊⱡ rÊⱡi naⱡÊrÊm mon! Mel puⱡi pepa kÊn, kÊng ingk ei ekit orum. 15 Wote, kÊmp ei ndi, elim ei nimba mel, “Na ki ti mon ei nga, kÊng ila rop kundÊp muⱡimp mel mon!” nitim. I nilinga ndam, ei kapⱡa mon! KÊng tenda ei nga kÊmp ei, kapⱡa moⱡmba mint. 16 Wote, kum ei ndi, nimba mel, “Na mong waⱡ ti mon ei nga, kÊng ila rop kundÊp muⱡimp mel mon!” nitim. I nilinga ndam, ei kapⱡa mon! KÊng tenda ei nga kum ei kapⱡa moⱡmba mint. 17 Wote, kÊng tenda ila mong waⱡ ei, mint pelinga ndam, ik etpa pilinga mel nant? Wote, kum ei mint pelinga ndam, mel mbÊ mura etpa pilinga, mel nant? 18 Wote, ei mel ku, Got ndi, elim nga numan pÊtÊm ei mel pep ropa kÊn, kÊmp, ki na, kum na mel elpa elpa mbÊ mim etpa, kÊng tenda ila ropa kundpa mundrum. 19 Wote, kÊmp ei mint pelinga ndam, wamp kÊng kupa ei, ekit ui nawÊⱡnga mon! 20 Ei kÊn, Got elim itim mel ku, kÊmp, ki, kum na mel elpa elpa kÊⱡ, kÊng tenda ila mint ropa kundrum. 21 Ei nga, mong waⱡ ei ndi, ki ei kundpa, nimba mel, “Na nim rukÊr ti natÊnt!” nimba muna, peng ei ndi, kÊmp ei kundpa, nimba mel, “Na nim rukÊr ti natÊnt!” nimba ye! 22 KÊng kÊⱡ nga mel tenda ti, pi napilinga ndam, ei kapⱡa mon! TÊn nga numan ei ndi, pilpÊn kÊn, tÊn nga kÊng ila nga mel ronduⱡ ti, pi napÊtÊm nÊmp pÊtmÊn ni, kÊng ila pi napilinga ndam, kÊng ei pÊkÊ kai muⱡi nambÊⱡnga! 23 Wote, kÊng nit mat, ronduⱡ pi napÊtÊm, nÊmp pÊtmÊn. Ei wote, aldpa ambÊⱡÊp pilpÊn, rÊp etÊp kai mondurmÊn. Wote, wamp kÊni nakÊndÊrmin kÊng nit ei, rÊp etÊp kai mondurmÊn. Ei kÊn, kÊng nit kai mat rÊp iti natÊtmÊn ei mel etmÊn. 24 Got elim ndi, kÊmp ki, mong waⱡ, kÊng nit elpa elpa kÊⱡ, etpa tÊpa kÊng tenda mim itim. KÊng tenda ei nga mat, mbi ti mon! Ei nga, minal tÊp ou ndÊmin nimba itim. 25 Ei nga, kÊng ila ruk oi ropa uⱡ ti, pi napÊtÊm mon. Wote kÊmp, ki, kum, kÊng elpa elpa kÊⱡ, kÊng tenda ila rakundÊk ti ndi, ti rÊp etpa kai monduⱡnga mormin. 26 Ei nga, kÊng nit ti, mindil tÊtÊm ndam, kÊng kÊⱡ pÊkÊ mindil tÊtmÊn. Wote, kÊng nit ti, mbi morum ndam, kÊng kÊⱡ pÊkÊ mbi morum. 27 Ei nga, akup enim wamp mormin ei, Kraist nga kÊng tenda ei, wote nim wamp tenda tenda ei, ruk ting ila kapⱡa morÊn mint. 28 Got nga rapa tenda ila wamp, kongun ei mel, Got ndi, kÊmp tÊpa ngorum. Ei nga, nombuⱡa rung wu kÊⱡ kuimbal mormin. Wote, ik painui wamp kÊⱡ moⱡina, wote merÊng ila ik mbo wamp mbÊ mormin. Kona ila nga nondpa ila, uⱡ rÊpndi etmin wamp kÊⱡ moⱡina, wote ila merÊng orunga molk purmin ei, kui wamp etÊk tÊtmin. Wamp tÊk rapÊndÊrmin, muna man ik nÊtmin. Ik nuim kan elpa nÊtmin, i kongun mbÊ nga tepa orum. 29 Nombuⱡa rung wamp muna, ik painui wamp muna, ik mbo wamp mormin, kongun elpa elpa kÊⱡ, wamp pora ndi, iti natÊtmin mon! 30 Uⱡ rÊpndi iting muna, kui wamp etÊk ting muna, ik nuim kan elpa ning muna, ik nuim kan elpa nÊtmin mbÊ nga puⱡ ei nÊk para nduing. Uⱡ mbÊ nga ronduⱡ ei, wamp pora etÊk, kapⱡa in ti nandÊtmÊn. 31 Wote, enim nga numan ei ndi, ronduⱡ puk, kongun ronduⱡ mbÊ ting ei nga pilÊi! Wote, akup enim nombuⱡa mam kai kun ti, waka nduimp ent.