Romanos 7

1 Jñò, xi ’ndseé chibà, tìchjàko̱ânò xi jyeé tíjiìnânò kós’ín tíchja̱ kjo̱tíxoma; ‘yaânò nga tjínâla̱ nga’ñó jè kjo̱tíxoma kós’ín otíxomaâla̱ xi̱ta̱ k’e̱ nga títsa̱jnakonâìsa skanda k’e̱ nga ki̱yá. 2 K’oa̱á ngayaâla̱ jngoò chjo̱ón xi tjínâla̱ x’i̱n, k’oa̱á tsò kjo̱tíxoma nga mìkiì ko̱ma tsjín xíkjín k’e̱ nga tákó títsa̱jnakon ingajò. Ta̱nga tsà jè x’i̱n ki̱yá, jè chjo̱ón, jye tíjnandei̱í i̱t’aà ts’e̱ kjo̱tíxoma xi ts’e̱ kjoa̱bixan. 3 Jè chjo̱ón, k’e̱ nga tsà tákó tíjnakon x’i̱nâla̱, tsà kj’ei̱í x’i̱n ki̱xanâko̱, kjoa̱ chijnguií tís’ín; ta̱nga tsà jye k’en x’i̱nâla̱, jè chjo̱ón, jyeé tíjnandei̱í xi kjoa̱ ts’e̱ kjo̱tíxoma jè; ko̱maá ki̱xanâko̱ ìjngoò k’aâne xi kj’ei̱í x’i̱n. Mì ti̱ kjoa̱ chijnguií tís’ínâne. 4 Jñò ndí ’ndsè, k’e̱ nga k’enâkjoòko̱ò Cristo, ya̱á k’en i̱t’aà ts’e̱ nga’ñóâla̱ kjo̱tíxoma, méâne nga ya̱ ki̱nókjoa̱ânò i̱t’aà ts’e̱ Cristo xi jye jaáyaâla̱ ts’e̱ kjoa̱biyaà nga k’oa̱s’ín kàta’yaâla̱ i̱t’aà tsa̱ján jè kjo̱ndaà xi sasénâla̱ Nainá. 5 K’e̱ nga ti̱sa̱ ya̱ tjaàjñaá kjoa̱ xi tjín i̱sò’nde, jè kjo̱tíxoma tsibít’inâná méâne nga jñà kjoa̱ ch’o xi síjé yijoâná, ìsa̱ ‘ñó ch’o kisìxájiìn yijoâná; k’oa̱á komàâne nga kisakòâná kjoa̱biyaà. 6 Ta̱nga i̱’ndei̱ jyeé titsa̱jnandei̱íâlá kjoa̱ ts’e̱ kjo̱tíxoma. Jyeé k’eén i̱t’aà ts’e̱ kjoa̱ xi bít’aà’ñóâná, méâne nga ko̱ma si̱xáâlá Nainá xi kjoa̱ xi̱tse̱ koni s’ín okóyaâná Ini̱ma̱ Tsjeèâla̱ Nainá. Mìtsà k’oa̱s’ín si̱xáâlá koni s’ín tjín kjoa̱ jchínga xi tjít’aà xo̱jo̱n. 7 ¿Kó kixoán xi kjoa̱ ts’e̱ kjo̱tíxoma? ¿A ch’o tjín? ¿A kjoa̱ ts’e̱ jéâné? Majìn, ndaà tjín. Ta̱nga ‘a̱n, tsà mìkiì kìjtseèxkoan kjoa̱ ts’e̱ kjo̱tíxoma, ti̱koa̱á mìâlà kiì kìjtseè kjoa̱ ts’e̱ jé. Mìâlà kiì kisijiìnâna nga mìkiì ndaà tjín nga ‘a̱n fahajiìnâna tsojmì xi mìtsà ts’a̱n, tsà jè kjo̱tíxoma mì k’oa̱á s’ín béno̱jmí nga tsò: “Kì ji̱ nìkjaàjiìn tsojmì xi mìtsà tsi̱ji." 8 Kjoa̱ ts’e̱ jé, ya̱á kisakòâla̱ nga’ñó i̱t’aà ts’e̱ kjo̱tíxoma; k’oa̱á komàâne nga ìsa̱ ‘ñó jahajiìnâna tsojmì xi mìtsà ts’a̱n. Ta̱nga tsà tsjìn kjo̱tíxoma, tsjìnâla̱ nga’ñó kjoa̱ ts’e̱ jé. 9 K’e̱ nga sa̱ kjòtseé, kj’eè kiì bexkoan kjo̱tíxoma. Ta̱nga k’e̱ nga kìjtseèxkoan kjo̱tíxoma, kjoa̱ ts’e̱ jé, ìsa̱á ndaà kis’eâla̱ nga’ñó; kjoa̱biyaà kisakòâna. 10 Kjoa̱ ts’e̱ kjo̱tíxoma, tjínèâla̱ nga kjoa̱binachon tsjáâna, ta̱nga tà sa̱á kjoa̱ biyaà kitsjaàâna. 11 Kjoa̱ ts’e̱ jé, ya̱á kisakòâla̱ nga’ñó i̱t’aà ts’e̱ kjo̱tíxoma nga kiskoòna̱cha̱nâna, k’oa̱ kisìk’enâna. 12 K’oa̱á s’ín tjín nga jè Kjo̱tíxoma, tsjeèâné; koni s’ín otíxoma jñà ‘én xi tjít’aà, tsjeèâné, kixi̱âné, koa̱ ndaàâné. 13 ¿Kó bixón? ¿A jè kjoa̱ ts’e̱ kjo̱tíxoma xi ndaà tjín xi kisìk’enâna? Majìn, mìtsà koi kjoa̱âla̱. Kjoa̱ ts’e̱ jéâné. K’oa̱á s’ín ki’yaâla̱ nga kixi̱ kjoa̱ nga jéâné. I̱t’aà ts’e̱ kjo̱tíxoma xi ndaà tjín, jè kjoa̱ ts’e̱ jé kisakòâla̱ nga’ñó nga kisìk’enâna, méâne nga ki’yaâla̱ i̱t’aà ts’e̱ kjo̱tíxoma nga ‘ñó ch’o tjín xi kjoa̱ ts’e̱ jé. 14 Kjoa̱ ts’e̱ kjo̱tíxoma, ‘yaâná nga kjo̱hítsjeèn ts’e̱ Ini̱ma̱ Tsjeèâla̱ Nainá; ta̱nga ‘a̱n, yijo jé tsohoya; yijoâna̱ ya̱á kjònga̱tsja kjoa̱ ts’e̱ jé nga jè otíxomaâna. 15 Mìkiì fìyaâna mé kjoa̱ xi s’iaàn. Kjoa̱ xi ndaà tjín xi mejènâna nga s’iaàn mìkiì koa̱ s’iaàn. Tà sa̱á jñà kjoa̱ xi mìkiì sasénâna sìkitasoàn. 16 K’e̱ nga k’oa̱ s’iaàn jñà kjoa̱ xi mìkiì mejènâna, k’oa̱á xan nga tjíkixi̱ kjoa̱ nga ndaà tjín koni s’ín tíchja̱ kjo̱tíxoma. 17 K’e̱ nga k’oa̱ s’iaàn nga otsjià jé, mìtsà ‘a̱n xi k’oa̱ s’iaàn, jè kjoa̱ ts’e̱ jé xi tíjiìnâna bít’inâna. 18 ‘A̱n xi xi̱ta̱ i̱sò’nde ‘mìâna, beâná nga mìkiì ndaà tjín kjoa̱ xi tíjiìn yijoâna̱. Mejènâna nga ndaà s’iaàn, ta̱nga mìkiì sakóâna kó s’ín s’iaàn kjoa̱ xi ndaà tjín. 19 K’e̱ nga mejènâna ndaà s’iaàn, mìkiì sìkitasoàn; tà sa̱á koi sìkitasoàn kjoa̱ xi ch’o tjín xi majìnâna nga koa̱ s’iaàn. 20 K’e̱ nga k’oa̱s’ín sìkitasoàn kjoa̱ xi ch’o tjín xi majìnâna nga koa̱ s’iaàn, mìtsà ‘a̱n xi k’oa̱ s’iaàn, jè kjoa̱ ts’e̱ jé xi tíjnajiìnâna xi k’oa̱s’ín. 21 Jngoò kjoa̱ matsjiâna na̱s’ín mejènâna nga ndaà s’iaàn, tà sa̱á tà koi sakóâna kjoa̱ xi ch’o tjín. 22 Xi i̱jiìn ini̱ma̱âna̱ matsjaâna i̱t’aà ts’e̱ Kjo̱tíxomaâla̱ Nainá. 23 Ta̱nga tjín ìjngoò kjoa̱ xi tísíxájiìn yijoâna̱ xi mìkiì tsjá’ndeâna nga ndaà s’iaàn; jè kjoa̱ ts’e̱ jé kjaánâkjoò kjo̱hítsjeènâna xi mejènâla̱ nga ndaà s’iaàn. Kjoa̱ ts’e̱ jé xi tísíxájiìn yijoâna̱ síkijneâna nga ch’o s’iaàn. 24 I̱ma̱ xóâna ‘a̱n; ¿yá xi si̱ìkíjnandei̱íâna i̱t’aà ts’e̱ yijo jéâna̱ xi kjoa̱biyaà tjínâla̱? 25 Ndaà chjíâla̱ Nainá nga i̱t’aà ts’e̱ Na̱’ènâná Jesucristo síkíjnandei̱íâná kjoa̱ ts’e̱ jé. Nga jñà ‘én xi ko̱tìxanânò nga ‘a̱n, ya̱ i̱jiìn kjo̱hítsjeènâna̱ mejènâna sìkitasoàn kjo̱tíxomaâla̱ Nainá, ta̱nga ya̱ i̱jiìn yijo jéâna̱, tà sa̱á kjoa̱ ts’e̱ jé sìkitasoàn.