Romanos 6

1 ¿Kó kixoán? ¿A ndaà tjín nga ki̱nchátsjiâjéâìsa méâne nga ìsa̱ tse kjo̱ndaà tsjáâne Nainá? 2 Majìn, mì kiì ti̱ k’oa̱ s’e̱nâná. Jyeé titsa̱jnat’aàxìnâlá kjoa̱ ts’e̱ jé koni tsà jye k’eén xi i̱t’aà ts’e̱; mì ti̱ kiì ko̱ma ya̱ ki̱tsa̱jnajiìnâìsaá kjoa̱ ts’e̱ jé. 3 ¿A mìtsà jye tíjiìnânò k’e̱ nga komà bautizar i̱t’aà ts’e̱ Cristo ngats’iaá nga ti̱koa̱ ya̱ titsa̱kjoòkoa̱á k’e̱ nga k’en? 4 K’e̱ nga ma bautizar xi̱ta̱, k’oa̱á s’ín ngayaâla̱ koni tsà ya̱ sihijiìnât’aàâlà Cristo k’e̱ nga k’en. Koni s’ín jaáyaâla̱ Cristo i̱t’aà ts’e̱ nga’ñóâla̱ Nainá xi ‘ñó jeya tíjna, k’oa̱á ti̱s’ín mochjeén nga ko̱s’ín si̱jchá yijoâná nga ki̱jnakon xi̱tse̱ ìjngoò k’aá. 5 Koni s’ín titsa̱kjoòkoa̱á Cristo k’e̱ nga k’en, jñá k’oa̱á ti̱s’ín kjoa̱áyaâná koni s’ín jaáyaâla̱ jè. 6 Tíjiìnâná nga jè kjoa̱ jchíngaâná koni s’ín ki’né nga ìsa̱ kjòtseé, ya̱á kisit’aà kròâla̱ Cristo méâne nga kàtachijaâne nga’ñóâla̱ yijo jéâná nga mì ti̱ jé kjo̱tíxomaâìsaâná. 7 Jngoò xi̱ta̱ xi jye k’en, jyeé tíjnandei̱í kjoa̱ ts’e̱ jé. 8 Nga ya̱ k’enâkoa̱á Cristo, mokjeiínâná nga ti̱koa̱ ya̱ ki̱tsa̱jnakoa̱á. 9 ‘Yaâná k’e̱ nga jaáyaâla̱ Cristo k’e̱ nga k’en, nì ti̱ jngoò na̱chrjein ki̱yá ìjngoò k’aâne. Mì ti̱ mé nga’ñó tjínâla̱ kjoa̱biyaà nga jè ko̱tìxomaâla̱. 10 K’e̱ nga k’en Cristo, jngoò k’a k’en xi kjoa̱ ts’e̱ jéâná; i̱’ndei̱ nga ìjngoò k’a tíjnakonâné koií kjoa̱ tíjnakonâne nga jeya síkíjna Nainá. 11 Jñò, k’oa̱á ti̱s’ín ti̱kítsjeèn koni tsà jye k’eèn xi kjoa̱ ts’e̱ jé; ti̱tsa̱jnakonânò xi kjoa̱ ts’e̱ Nainá nga ya̱ titsa̱jnako̱o Na̱’ènâná Jesucristo. 12 Koií kjoa̱âla̱, mì ti̱ kiì biì’ndeâlà yijo jéânò nga jè kjoa̱ ts’e̱ jé ko̱tìxomaânò k’e̱ nga kjo̱’ñó s’ínânò nga nìkitasònâlà kjoa̱ xi ch’o tjín xi síjé yijoânò. 13 Kì ya̱ nìnga̱tsja yijoânò kjoa̱ ts’e̱ jé nga jè jé síkjeén nga ch’o ’nè, ta̱ sa̱á jè Nainá ti̱nga̱tsja yijoânò koni jngoò xi̱ta̱ xi jye jaáyaâla̱ i̱t’aà ts’e̱ kjo̱biyaà. Nainá ti̱nga̱tsja yijoânò nga kàtasíkjeén kjoa̱ xi kixi̱ tjín. 14 Kjoa̱ ts’e̱ jé, mì ti̱ mé nga’ñó tjínâla̱ nga jè ko̱tìxomaânò nga mìtsà kjoa̱ ts’e̱ kjo̱tíxomaâla̱ Moisés titsa̱jnajñoò; kjo̱ndaàâla̱ Nainá titsa̱jnajñoò. 15 ¿Kó bixoán? ¿A ndaà tjín nga ki̱nchátsji jé ìsa̱á nga kjo̱ndaàâla̱ Nainá titsa̱jnajñaá nga mìtsà kjoa̱ ts’e̱ kjo̱tíxoma titsa̱jnajñaá? Majìn, mìkiì ndaà tjín. 16 Ndaà tíjiìnânò tsà ya̱ si̱nga̱tsja yijoânò ts’e̱ xi̱ta̱ xi bítje̱ chi̱’nda nga jè nìkitasònâlà, chi̱’ndaâla̱ ko̱maà ts’e̱ xi̱ta̱ jè. Kjo̱’ñó tjínâne nga jè si̱kitasònâlà. K’oa̱á s’ín tjín, tsà chi̱’ndaâla̱ jé ko̱maà nga jè si̱kitasònâlà, ki̱yáânò; ta̱nga tsà chi̱’ndaâla̱ Nainá ko̱maà nga jè si̱kitasònâlà, kixi̱í ki̱tsa̱jnaà nguixko̱n jè. 17 Jñò, nga ìsa̱ kjòtseé, k’oa̱á s’ín kinìkitasònâlà kjoa̱ ts’e̱ jé koni tsà jngoò chi̱’nda, ta̱nga i̱’ndei̱, ndaà chjíâla̱ Nainá nga ko̱ ini̱ma̱ânò ndaà nìkitasòn koni s’ín nguì ndaà tjín ‘én kixi̱ xi kis’eno̱jmíânò. 18 I̱’ndei̱ jyeé titsa̱jnandei̱íâlà kjoa̱ ts’e̱ jé; chi̱’nda ts’e̱ kjoa̱kixi̱ânò; tjínèânò nga si̱kitasòn koni s’ín síjé kjoa̱kixi̱. 19 Koi ‘én tìchjàko̱ânò xi mìtsà ‘in chja̱ koií kjoa̱âla̱ nga indaà tjín takòn; mìkiì ndaà machi̱yaânò kjoa̱ ts’e̱ Nainá. Koni s’ín ki’nè nga ìsa̱ kjòtseé nga ya̱ kinìnga̱tsja yijoânò i̱t’aà ts’e̱ ngats’iì kjoa̱ch’o xi tjín nga jè tsatíxomaânò koni xi̱ta̱ chi̱’nda; i̱’ndei̱ k’oa̱á ti̱s’ín ti̱nga̱tsja yijoânò i̱t’aà ts’e̱ kjoa̱ kixi̱ méâne jè kjoa̱ kixi̱ kàtatíxomaânò koni chi̱’nda xi tsjeè títsa̱jna nga nguixko̱n Nainá. 20 K’e̱ nga kjoa̱ ts’e̱ chi̱’ndaâla̱ jé titsa̱jnajñoò, mìkiì titsa̱nìkitasònâlà kjoa̱kixi̱âla̱ Nainá. 21 Ta̱nga, ¿mé xi kisakòânò kjoa̱ ts’e̱ jé? I̱’ndei̱ tà masobàânò kjoa̱ koi; tà ya̱á fìko̱âná ñánda tjín kjoa̱biyaà. 22 I̱’ndei̱ nga jye titsa̱jnandei̱íâlà xi kjoa̱ ts’e̱ jé, chi̱’ndaâla̱ Nainá ma; kjo̱ndaà xi sakóânò jèâné nga tsjeè titsa̱jnaà nga nguixko̱n Nainá. Xi fehet’aàâne, s’e̱ânò kjoa̱binachon ni̱ta̱ mé na̱chrjeinâne. 23 Chjí xi tjínâla̱ kjoa̱ ts’e̱ jé, kjoa̱biyaàâné. Ta̱nga kjo̱tjò xi tsjá Nainá, kjoa̱binachonâné ni̱ta̱ mé na̱chrjeinâne nga ya̱ titsa̱jnakoa̱á Cristo Jesús xi Na̱’ènâná ma.