Romanos 8

1 Ta̱nga i̱’ndei̱, jñà xi̱ta̱ xi ya̱ títsa̱jnakjoòko̱ Cristo, mì ti̱ mé kjo̱’in si̱nèâla̱, jñà xi̱ta̱ xi mì k’oa̱á s’ín nchisíjchá yijoâla̱ koni tjín jé xi síjé yijoâla̱; tà sa̱á k’oa̱á s’ín nchisíjchá yijoâla̱ koni s’ín mejènâla̱ Ini̱ma̱ Tsjeèâla̱ Nainá. 2 Jè nga’ñóâla̱ Ini̱ma̱ Tsjeèâla̱ Nainá xi síkítsa̱jnakonâná nga ya̱ titsa̱jnakjoòkoa̱á Cristo; ko̱ ti̱jèâne nga’ñó xi kisìkítsa̱jnandei̱íâná i̱t’aà ts’e̱ nga’ñóâla̱ kjoa̱ ts’e̱ jé ko̱ i̱t’aà ts’e̱ kjoa̱biyaà. 3 Kjo̱tíxoma ts’e̱ Moisés mìkiì kichìkjoa̱âla̱ nga síkítsa̱jnandei̱íâná i̱t’aà ts’e̱ jé, nga tsjìnâla̱ nga’ñó, koi kjoa̱âla̱ nga jè yijoâná síjé jé xi tjín i̱sò’nde. Ta̱nga Nainá kichìkjoa̱áâlà nga kisìkasén Ki’ndíâla̱ koni jngoò xi xi̱ta̱ i̱sò’nde xi yijo kis’eâla̱ koni jñá xi xi̱ta̱ jé ‘mìâná. Ki’ndíâla̱ kitsjaà kjo̱tjò yijoâla̱ nga k’en xi kjoa̱ ts’e̱ jéâná. Nainá k’oa̱á s’ín kis’iìn nga jngoò k’a kisìkjehet’aà kjoa̱ ts’e̱ jé xi tjínâla̱ yijoâná. 4 Nainá k’oa̱á s’ín kis’iìn méâne nga i̱t’aà tsa̱ján kàtitasònâne jè kjoa̱ kixi̱ xi ts’e̱ kjo̱tíxoma, jñá xi mì k’oa̱á s’ín titsa̱nìjchá yijoâná koni tjín jé xi síjé yijoâná, nga k’oa̱s’ín titsa̱nìjchá yijoâná koni s’ín mejènâla̱ Ini̱ma̱ Tsjeèâla̱ Nainá. 5 Jñà xi̱ta̱ xi k’oa̱ s’ín koni tjín xi síjé yijoâla̱, k’oa̱á tjín kjoa̱ xi nchisíkítsjeèn; ta̱nga jñà xi k’oa̱ s’ín koni s’ín tjín xi síjé Ini̱ma̱ Tsjeèâla̱ Nainá, k’oa̱á tjín kjoa̱ xi nchisíkítsjeèn. 6 Jñà xi̱ta̱ xi k’oa̱s’ín nchisíkítsjeèn koni tjín xi mejènâla̱ yijoâla̱, kjoa̱biyaà tjínâla̱. Ta̱nga jñà xi̱ta̱ xi k’oa̱s’ín nchisíkítsjeèn koni s’ín mejènâla̱ Ini̱ma̱ Tsjeèâla̱ Nainá, tjínâla̱ kjoa̱binachon ko̱ kjoa̱’nchán. 7 Xi̱ta̱ xi tà koi kjoa̱ nchisíkítsjeèn koni tjín kjoa̱ ch’o xi síjé yijoâla̱, kondra̱ ts’e̱ Naináâné koií kjoa̱âla̱ nga mìkiì síkitasòn ko̱ mìkiì chíkjoa̱âla̱ nga síkitasòn kjo̱tíxomaâla̱ Nainá. 8 Jñà xi̱ta̱ xi k’oa̱s’ín s’ín koni tjín xi síjé yijoâla̱, mìkiì maâla̱ s’ín koni s’ín sasénâla̱ Nainá. 9 Ta̱nga jñò, mì ti̱ k’oa̱á ’nèânò koni tjín xi síjé yijoânò; k’oa̱á s’ín titsa̱’nè koni tjín xi síjé Ini̱ma̱ Tsjeèâla̱ Nainá, nga jè tíjnajiìn ini̱ma̱ tsa̱jòn Ini̱ma̱ Tsjeèâla̱ Nainá. Jñà xi̱ta̱ xi tsjìnâla̱ Ini̱ma̱ Tsjeèâla̱ Nainá xi kitsjaà Cristo, mìtsà xi̱ta̱ ts’e̱ Cristo. 10 Ta̱nga tsà ya̱á tíjnajiìn ini̱ma̱ tsa̱jòn Cristo, ini̱ma̱ tsa̱jòn tíjnakonâné nga xi̱ta̱ kixi̱ ‘mìânò nga nguixko̱n Nainá, na̱s’ín k’oa̱s’ín tjínèâla̱ nga ki̱yá yijoânò xi kjoa̱ ts’e̱ jé. 11 Jè Nainá xi kisìkjaáyaâla̱ Jesucristo i̱t’aà ts’e̱ kjoa̱biyaà, tsà ya̱ tíjnajiìn ini̱ma̱ânò jè Ini̱ma̱ Tsjeèâla̱, k’oa̱á ti̱s’ín si̱ìkítsa̱jnakon ìjngoò k’a yijoânò xi kjoa̱ ts’e̱ kjoa̱biyaà i̱t’aà ts’e̱ nga’ñóâla̱ Ini̱ma̱ Tsjeèâla̱ Nainá xi tíjnajiìn ini̱ma̱ tsa̱jòn. 12 K’oa̱á maâne, jñá xi ’ndseé chibá, tíjna jngoò xi tjínèâná nga si̱kitasònâlá, ta̱nga mìtsà jè yijoâná si̱kitasònâlá; mì ti̱ kiì k’oa̱s’ín s’e̱nâná koni tjín kjoa̱ ch’o xi síjé yijoâná. 13 Tsà tákó k’oa̱á s’ín s’e̱en nga ya̱ onguít’aàâlà kjoa̱ xi ch’o mejènâla̱ yijoânò, ki̱yáânò. Ta̱nga tsà koi̱’ndeâlà Ini̱ma̱ Tsjeèâla̱ Nainá nga jngoò k’a si̱ìkijneâla̱ kjoa̱ xi ch’o mejènâla̱ yijoânò, ki̱tsa̱jnakonânò. 14 Jñà xi̱ta̱ xi jè Ini̱ma̱ Tsjeèâla̱ Nainá okóâla̱ ndi̱yá, jñàâné xi i̱xtiâla̱ Nainá ‘mì. 15 Jè Ini̱ma̱ Tsjeè xi kitsjaàânò Nainá mìtsà ta̱xki̱ ini̱ma̱ i̱ma̱ xi kjo̱’ñó s’ínânò koni jngoò chi̱’nda xi ts’e̱ jé nga maâla̱ bíxkónânò; ta̱ sa̱á jè Ini̱ma̱ xi kitsjaàâná Nainá skoétjòâná nga i̱xtiâla̱ ko̱maá, ti̱jèâne Ini̱ma̱ Tsjeèâla̱ Nainá béno̱jmíyaâná nga ma nokjoàâlá Nainá nga Ndí A̱pa ‘mìâlá. 16 Jè Ini̱ma̱ Tsjeèâla̱ Nainá tsjá kixi̱âla̱ ‘én ini̱ma̱ tsa̱ján nga i̱xtiâla̱ Nainá ‘mìâná. 17 K’e̱ nga jye i̱xtiâla̱ maá, ti̱koa̱á tsa̱jánâná kjo̱tjòâla̱ Nainá xi jye k’oa̱s’ín kitsjaà tso’ba nga tsjáâná; ta̱ñaá tjoékjoòâná ko̱ Cristo nga ti̱koa̱ ko̱ jè titsa̱nìkjiaán kjo̱’in méâne nga jeya ki̱tsa̱jnako̱âná Cristo. 18 ‘A̱n, k’oa̱á xan nga kixi̱ kjoa̱, koni tjín kjo̱’in xi titsa̱nìkjiaán i̱’ndei̱ mìkiì mangásòn koni tjín kjoa̱jeyaâla̱ Nainá xi s’e̱âná k’e̱ nga ko̱ma i̱skan. 19 Jñà tsojmì xi Nainá tsibíndaà, ‘ñó nchikoña kjoa̱ nga mejènâla̱ skoe̱ na̱chrjein k’e̱ nga Nainá jngoò k’a ndaà ko̱kò kó kjoàn xi i̱xtiâla̱ ma. 20 Jñà tsojmì xi tsibíndaà Nainá, jngoò k’a its’oònâjiìn koni s’ín tjínèâla̱ nga ko̱chjeén nga sa̱ ítjòn; mìtsà kjo̱tsja ts’e̱ i̱sò’nde nga k’oa̱s’ín komàt’in; koiâné nga jè Nainá k’oa̱á s’ín kiskoòsònâla̱; ta̱nga i̱’ndei̱ jñà xi tsibíndaà Nainá nchikoñaáâla̱ 21 nga kjoi̱í na̱chrjein k’e̱ nga ti̱koa̱ kítsa̱jnandei̱í xi tsibíndaà Nainá nga mì ti̱ kiì ki̱ts’ónâjiìnâne; Nainá jeya si̱ìkítsa̱jnandei̱í ìjngoò k’aâne koni s’ín si̱ìko̱ i̱xtiâla̱. 22 ‘Yaâná ngats’iì xi Nainá tsibíndaà, skanda i̱’ndei̱, nchitsinéâné, kjo̱’in nchisíkjeiín koni jngoò chjo̱ón xi ki’ndí tí’beé. 23 Mìtsà tà koi xi tjín i̱sò’nde xi tsiné; ti̱koa̱á jñá xi jye tjínâná Ini̱ma̱ Tsjeèâla̱ Nainá koni jngoò kjo̱ndaà xi tje̱n kitjoé ítjònâná, ti̱koa̱á tsinéâná nga kjo̱’in titsa̱nìkjiaán nga titsa̱chiñáâlá nga ‘ñó mejènâná nga skoétjòâná Nainá nga jngoò k’a ya̱ ki̱tsa̱jnakoa̱á koni i̱xtiâla̱ maá; yijoâná kíjnandei̱íâne i̱t’aà ts’e̱ kjoa̱ xi síkits’ónâná. 24 Nga jye titsa̱jnandia̱á, i̱’ndei̱ jè titsa̱chiñáâlá nga jngoò k’a kàtitasòn. Ta̱nga tsà tsejèn tíjna xi chiñáâlá mìkiì ma chiñáâlá. ¿Yá xi koñaâla̱ xi tsejèn tíjna? 25 Ta̱nga tsà jè chíñaâlá xi mìkiì tsejèn tíjna, ta̱fì ta̱fì chíñakjoa̱âlá. 26 K’oa̱á ti̱s’ín s’ín jè Ini̱ma̱ Tsjeèâla̱ Nainá k’e̱ nga indaàjiìn tjín ini̱ma̱âná síchját’aàâná. K’e̱ nga mìkiì maâná kó s’ín si̱jét’aàâlá Nainá k’e̱ nga bìtsi’baâlá, ti̱jèâne Ini̱ma̱ Tsjeèâla̱ Nainá bítsi’batjìâná, ni̱mé ‘én xi tsejèn chja̱, ni̱ i̱tsé fìyaâná kó tsòyaâne. 27 Jè Nainá xi maâla̱ bíxke̱jiìn ini̱ma̱âná, tíjiìnâla̱ mé xi tíbítsjeènâla̱ jè Ini̱ma̱ Tsjeèâla̱. K’e̱ nga bítsi’batjì xi̱ta̱ tsjeèâla̱ Nainá k’oa̱á s’ín síjét’aàâla̱ koni s’ín mejènâla̱ Nainá. 28 Tíjiìnâná nga i̱t’aà ts’e̱ jñà xi̱ta̱ xi tjòkeè beè Nainá, ngats’iì kjoa̱ xi mat’in, Nainá k’oa̱á s’ín síkjeén xi kjo̱ndaà ts’e̱ xi̱ta̱. K’oa̱á s’ín síko̱ jñà xi̱ta̱ xi xó jè kiìchja̱âla̱ koni s’ín mejènâla̱, 29 jñà xi̱ta̱ xi jye tíjiìnâla̱ nga ti̱sa̱ tàts’enâla̱ kjoa̱ nga i̱xtiâla̱ ko̱ma; ti̱koa̱á k’oa̱á s’ín kiskoòsònâla̱ nga ngásòn kjoàn ko̱ma koni kji Ki’ndíâla̱ méâne nga jè Cristo Ki’ndítjòn ko̱ma koa̱ kjìn ko̱ma xi̱ta̱ xíkjín xi ’ndse̱. 30 Nainá nga k’oa̱s’ín kiskoòsònâla̱ i̱t’aà ts’e̱ xi̱ta̱ koi, ti̱koa̱á xó kiìchja̱âla̱, jñà xi xó kiìchja̱âla̱ ti̱koa̱á kixi̱í kisìkítsa̱jna, jñà xi kixi̱ kisìkítsa̱jna ti̱koa̱á jeya kisìkítsa̱jna. 31 ¿Mé xi kixoán i̱t’aà ts’e̱ kjoa̱ koi? Nga Nainá tíjnako̱âná, ni̱jngoò xi̱ta̱ kondra̱âná si̱ìkijneâná. 32 Nainá mìkiì ‘on komàâla̱, nga kitsjaà kjo̱tjò Ki’ndíâla̱ i̱t’aà tsa̱ján ngats’iaá skanda kjoa̱biyaà. ¿A mìtsà ti̱koa̱ tsjá kjo̱tjòâná ngayije nga ko̱ Cristo? 33 ¿Yá xi ko̱ma ko̱hònguiâná jñá xi Nainá xó jaàjiìnâná? Mì yá xi ko̱ma ko̱hònguiâná nga jé Nainá jye kixi̱ kisìkítsa̱jnaâná. 34 ¿Yá xi koi̱ì’nèâná kjo̱’in? Nga jé Cristo Jesús k’en ngajoâná, ti̱koa̱ jaáyaâla̱ kjoa̱ ts’e̱ kjoa̱biyaà. Ya̱á tíjna i̱t’aà kixi̱âla̱ Nainá nga tíbítsi’batjìâná. 35 ¿Yá xi ko̱chrjet’aàxìnâná kjoa̱tjòchaâla̱ Cristo? ¿A kjo̱’inâné? ¿O xi kjoa̱baâne? ¿O xi jèâné nga ongatji̱nguiâná xi̱ta̱? ¿O xi kjoa̱ ts’e̱ kjinchráâne? ¿O xi koiíâné nga tsjìnâná nikje xi chíkjá? ¿O xi jè kjoa̱ xi xkón tjín? ¿O xi jè kjoa̱ biyaà nga xi̱ta̱ sík’enâná? Majìn, ni̱mé kjoa̱âne. 36 K’oa̱á s’ín tíchja̱ Xo̱jo̱nâla̱ Nainá nga tsò: Xi kjoa̱ tsi̱ji kjit’aà na̱chrjein tjín kjo̱xkón nga ki̱yáâje̱n, k’oa̱á s’ín tíyatakònâna̱je̱n koni orrè xi tíjnandaà nga ki̱yá. 37 Ta̱nga i̱t’aà ts’e̱ ngats’iì kjoa̱ koi, jye tsato titsa̱nìkijneâlá xi i̱t’aà ts’e̱ Cristo xi kjòtsjakeèâná. 38 K’oa̱á s’ín tíjngoò takoán nga ni̱jngoò kjoa̱ xi ko̱ma ko̱chrjet’aàxìnâná xi kjoa̱tjòchaâla̱ Nainá, ni̱ jè kjoa̱ biyaà, ni̱ kjoa̱binachon, ni̱ àkja̱le̱, ni̱ jñá nga’ñó xi tjín i̱sò’nde ni̱ jñà xi tjín i̱jiìn i̱sén, ni̱ jñà kjoa̱ xi tjín na̱chrjein i̱’ndei̱, ni̱ jñà kjoa̱ xi ko̱ma na̱chrjein xi sa̱ nchrobá, 39 ni̱ jè xi ìsa̱ ’nga, ni̱ jè xi ìsa̱ na̱nga̱, ni̱ta̱ mé tsojmì xi Nainá tsibíndaà, ni̱mé xi ko̱ma ko̱chrjet’aàxìnâná kjoa̱tjòchaâla̱ Nainá xi jye tjínâná i̱t’aà ts’e̱ Cristo Jesús xi Na̱’ènâná.