Romanos 15

1 Jñá xi jye kixi̱ mokjeiínâná i̱t’aà ts’e̱ kjoa̱ xi tjí’ndeâná mé xi s’e̱én, mochjeénâné nga ti̱koa̱ ki̱chìkjoa̱ko̱âná jñà xi̱ta̱ xi k’oa̱s’ín mokjeiínâla̱ nga mìkiì tjí’ndeâla̱ mé kjoa̱ xi s’i̱in. Mìtsà tà jñà kjoa̱ xi ndaà sasénâná ki̱nchátsjiaá. 2 Nga jngoò ìjngoaá, mochjeénâné nga k’oa̱s’ín s’e̱én jè kjoa̱ xi sasénâla̱ jñà xi̱ta̱ xinguia̱á xi kjo̱ndaà ts’e̱, méâne nga kijinâìsa kjo̱hítsjeènâla̱ jè kjoa̱ xi mokjeiínâla̱. 3 Nga ti̱koa̱ jè Cristo mìtsà jè tsohótsji kjoa̱ xi sasénâla̱ yijoâla̱, tà sa̱á i̱t’aà ts’e̱é tsitasòn koni s’ín tjít’aà xo̱jo̱n ts’e̱ Salmo, nga tsò: “’Ãn ch’o xi ji̱ kiìchja̱jnoâlè, ‘a̱án kiskaàt’aàâna̱." 4 Jñà ‘én xi kitjei nga sa̱ kjòtseé, koií xá kitjeiâne nga ko̱kòyaâná méâne nga i̱t’aà ts’e̱ Xo̱jo̱nâla̱ Nainá, tseé s’e̱én takoán ti̱koa̱ s’e̱âla̱ kjoa̱’nchán ini̱ma̱âná, méâne nga ko̱ma chíñakjoa̱âlá i̱t’aà ts’e̱ Nainá. 5 Nainá xi maâla̱ tsjáâná kjoa̱tsetakòn ko̱ xi maâla̱ sí’nchánâjiìn ini̱ma̱âná, k’oa̱s’ín jngoò kjo̱hítsjeèn kàtatsjáânò nga jngoò ìjngoò koni tsò Cristo Jesús, 6 méâne ngats’ioò ngásòn jngoò jta̱ jeya ti̱kíjna Nainá, Na̱’ènâla̱ Jesucristo xi otíxomaâná. 7 Koií kjoa̱âla̱ k’oa̱s’ín chjoétjò xinguio̱o nga jngoò ìjngoò koni s’ín kiskoétjòânò Cristo méâne nga jeya kíjnaâne Nainá. 8 K’oa̱á xánânò, jè Cristo Jesús, koií xá j’iìâne nga j’iì síxájiìnâla̱ xi̱ta̱ judío xi tjít’aà chi̱ba̱âla̱ kjoa̱ ts’e̱ circuncisión méâne nga tsakóâne kjoa̱kixi̱âla̱ Nainá ti̱koa̱ síkitasòn koni s’ín jye kitsjaàâla̱ tso’ba Nainá jñà xi̱ta̱ jchínga kjiìnâla̱. 9 Ti̱koa̱á koií xá j’iìâne méâne nga jñà xi mìtsà xi̱ta̱ judío jeya si̱ìkíjna Nainá i̱t’aà ts’e̱ kjo̱hi̱ma̱takòn xi tjínâla̱ Nainá koni s’ín tíchja̱ Xo̱jo̱nâla̱ Nainá, nga tsò: Koií kjoa̱âla̱ nga jeya siìkíjnaâlè i̱jiìnâla̱ xi̱ta̱ na̱xa̱ndá xi mìtsà xi̱ta̱ judío. I̱t’aà tsi̱ji séâlè sò xi ndaà tsò. 10 Ãjngoò k’a tjít’aà xo̱jo̱n ñánda nga tsò: Jñò xi mìtsà xi̱ta̱ judío ‘mìânò, tsjaá t’èâlá takòn ko̱ xi̱ta̱ na̱xa̱ndáâla̱ Nainá. 11 Ãjngoò k’a tjít’aà xo̱jo̱n ñánda tsò: Jñò ngats’ioò xi mìtsà xi̱ta̱ judío ‘mìânò, jeya ti̱kíjna Na̱’ènâná, ngats’ioò xi na̱xa̱ndá ‘mìânò jeya ti̱nachrjeè Nainá. 12 Ãjngoò k’a tjít’aà xo̱jo̱n ts’e̱ Isaías ñánda tsò: Jè tje̱âla̱ Isaí ki̱tjot’aà jngoòâne jts’énâla̱ xi ko̱tìxomaâla̱ jñà xi mìtsà xi̱ta̱ judío, ko̱ jè jts’én jè ko̱òt’aà ikon nga skóñaâkjoa̱âla̱. 13 Nainá xi tsjá nga chiñàkjoa̱á, kàtatsjá yijeânò kjo̱tsja ko̱ kjoa̱’nchán nga mokjeiínânò i̱t’aà ts’e̱, méâne nga ìsa̱ ndaà chíñakjoa̱ ìsa̱a xi ko̱ nga’ñóâla̱ Ini̱ma̱ Tsjeèâla̱ Nainá. 14 Ta̱nga ndí ’ndsè, ‘a̱n tíjngoò takoàn xi i̱t’aà tsa̱jòn xi ti̱jñòânò tjínânò kjo̱ndaà ti̱koa̱ machi̱yaânò nga ko̱ma ti̱jñò sìkixi̱yaâlà xi̱ta̱ xinguio̱o nga ìjngoò jngoò. 15 Ndí ’ndsè, ‘ñó tíbeèâla̱ takoàn nga tìkjiìânò xo̱jo̱n jè; tìchjà kixi̱ânò, méâne nga mìkiì jchàajiìnânò koni tsò xo̱jo̱n jè. Koií k’oa̱s’ín tìsìkítsjeènânò nga ‘a̱n kitjoéâna kjo̱tjòâla̱ Nainá k’e̱ nga kitsjaàâna xá, 16 méâne nga ‘a̱n ko̱maâna chi̱’ndaâla̱ Jesucristo i̱t’aà ts’e̱ xi mìtsà xi̱ta̱ judío. Sìxákoa̱a ‘én ndaàâla̱ Nainá, méâne jñà xi mìtsà xi̱ta̱ judío ndaà sasén takònânè Nainá koni jngoò kjo̱tjò xi ‘ñó sasénâla̱ Nainá nga i̱t’aà ts’e̱ Ini̱ma̱ Tsjeèâla̱ Nainá jyeé kjòtsjeè. 17 ‘A̱n tjínâna mé kjoa̱âne nga matsjaâna i̱t’aà ts’e̱ Cristo ts’e̱ xá xi tìs’iaàn. 18 Nì mé kjoa̱ tjín xi ma’ñót’aà takoàn nga ma chjà, ta jè kjoa̱ ts’e̱ Cristo nga ‘a̱n síkjeénâna̱ nga sìxákoa̱a jñà xi mìtsà xi̱ta̱ judío méâne nga ko̱ma si̱kitasònâla̱ Nainá. K’oa̱á s’ín kis’iaàn i̱t’aà ts’e̱ ‘én xi kichjà ko̱ i̱t’aà ts’e̱ xá xi kis’iaàn, 19 ko̱ i̱t’aà ts’e̱ kjo̱xkón xi okó kjoa̱jeyaâla̱ Nainá ko̱ i̱t’aà ts’e̱ nga’ñóâla̱ Ini̱ma̱ Tsjeèâla̱ Nainá. Jyeé ndaà kisìngásoàn ‘én ndaàâla̱ Nainá xi kjoa̱ ts’e̱ Cristo, tsibìts’ia̱ko̱âna ján Jerusalén kóho̱kji nga jngoò itjandiìâla̱ skanda ján Ilírico. 20 K’oa̱á s’ín tsibìnèâla̱ yijoâna̱ nga kichjàya ‘én ndaàâla̱ Nainá xi kjoa̱ ts’e̱ Cristo ya̱ i̱’nde ñánda kj’eè yá béno̱jmíya i̱t’aà ts’e̱ Cristo, méâne nga mì ‘a̱n kokoòya ndaàâla̱ xi̱ta̱ xi kj’ei̱í xi jye tsakóya ítjònâla̱ i̱t’aà ts’e̱ Cristo. 21 Koni s’ín tjít’aà Xo̱jo̱nâla̱ Nainá nga tsò: Skoe̱âné jñà xi̱ta̱ xi mì yá tsibéno̱jmíâla̱ i̱t’aà ts’e̱; ko̱chi̱yaáâla̱ jñà xi̱ta̱ xi kj’eè mé ‘én ’nchré xi i̱t’aà ts’e̱. 22 Kò kjìn k’a mejènâna fìkonânò ta̱nga jñà xá xi ‘a̱n tìs’iaàn i̱ i̱’nde jé mìkiì tjò’ndeâna nga ma fia. 23 Ta̱nga i̱’ndei̱ nga jye jyehet’aà xáâna̱ i̱jndé, ko̱ ti̱koa̱ kò kjìn nó tjínâla̱ nga mejèn fìkonânò, 24 k’oa̱á s’ín tìsìkítsjeèn, k’e̱ nga kjián ján España, k’e̱é kichjàjtoânò méâne nga skoe̱xkonânò. K’e̱ nga jye chibá jngoò tjoà ko̱ma ki̱nchako̱âná nga ko̱ma kjián ñánda nga tìfia. 25 Ta̱nga i̱’ndei̱ ján Jerusalén tìfia, nga tìfiko̱ jngoòâla̱ nga’ñó jñà xi̱ta̱âla̱ Cristo xi ya̱ títsa̱jna. 26 Nga jñà xi̱ta̱ na̱xa̱ndáâla̱ Nainá xi títsa̱jna Macedonia ko̱ Acaya kjòtsja ts’e̱âné nga tsibíxkó chiba to̱n koni jngoò nga’ñó xi kjo̱tjò ts’e̱ xi̱ta̱ i̱ma̱ na̱xa̱ndáâla̱ Cristo xi títsa̱jna ján Jerusalén. 27 Nguì kjo̱tsja ts’e̱âné koni s’ín kis’iìn jñà xi̱ta̱ koi. Nga tje̱nât’inâla̱ kjo̱ndaà. Tsà jñà xi̱ta̱ xi mìtsà xi̱ta̱ judío k’oa̱á s’ín kisakòâla̱ kjo̱ndaà ya̱ i̱jiìn ini̱ma̱âla̱ i̱t’aà ts’e̱ xi nguì xi̱ta̱ judío, ti̱koa̱á tjínèâla̱ jñà xi mìtsà xi̱ta̱ judío nga ki̱nchako̱ nga tsjáâla̱ tsojmì xi mochjeénâla̱. 28 K’e̱ nga jye kjoe̱het’aà kjoa̱ koi nga jye sìnga̱tsja jè to̱n xi kjòxkó, i̱kjoàn skotsejèn jngoò tjòânò, k’e̱é kjián ján España. 29 Beâná nga ‘ñó ndaà si̱ìchikonât’inâná Cristo k’e̱ nga kìjchokonânò. 30 Ta̱nga jñò ndí ’ndsè, bìtsi’bàânò i̱t’aà ts’e̱ Na̱’ènâná Jesucristo ko̱ i̱t’aà ts’e̱ kjoa̱tjòcha xi tsjáâná Ini̱ma̱ Tsjeèâla̱ Nainá, ti̱nókjoa̱t’aàâlà Nainá xi i̱t’aà ts’a̱n, 31 méâne nga ko̱si̱ko̱âna̱ Nainá i̱t’aà ts’e̱ xi̱ta̱ xi mìkiì mokjeiínâla̱ xi títsa̱jna ján Judea, ko̱ méâne nga jè to̱n xi tìfiko̱âla̱ xi̱ta̱âla̱ Cristo xi títsa̱jna ján Jerusalén ndaà kàtasasénâla̱, 32 méâne nga, tsà k’oa̱s’ín mejènâla̱ Nainá, nga ko̱ kjo̱tsjaâna̱ kìjchokonânò, ti̱koa̱ ko̱ma ndaà siìkjáya chiba na̱chrjeinâko̱ânò. 33 Jè Nainá xi tsjáâná kjoa̱’nchán kàtìjnako̱ânò ngats’ioò. K’oa̱s’ín kàtama.