Romanos 14

1 Chjoétjò xi̱ta̱ xinguio̱o xi mìkiì tíjngoò ikon mé kjoa̱ xi tjí’ndeâla̱ nga s’i̱in; kì chibàyaânò jñà kjoa̱ xi mìkiì mangásòn kjo̱hítsjeènânò. 2 Tjín xi̱ta̱ xi k’oa̱s’ín mokjeiínâla̱ nga ma chine yije tsojmì xi tjín, ti̱koa̱ tjín xi̱ta̱ xi mìkiì mokjeiínâla̱ tsà ma chine yije tsojmì xi tjín. Tà jñà tsojmì xi nangui síjchá kine. 3 Jè xi kine yije tsojmì xi ma chine mìkiì ko̱ma ko̱chrjekàngui jè xi mìkiì maâla̱ kine yije tsojmì; ko̱ jè xi mìkiì maâla̱ kine yije tsojmì, mìkiì ko̱ma ki̱chja̱jnoâla̱ jè xi maâla̱ kine yije tsojmì xi tjín, nga Nainá jyeé kiskoétjò nga ki’ndíâla̱ ma. 4 ¿Yáâné ji̱ nga nìkindi̱i chi̱’nda xi mìtsà tsi̱ji? Nga chi̱’nda ts’e̱ Naináâné. Jè chi̱’nda jè, kinda̱ ts’e̱é neiâla̱ tsà kixi̱ tíjna ko̱ tsà mì kixi̱ tíjna. Ta̱nga kixi̱í kíjna, nga̱ jè Na̱’ènâná tjínâla̱ nga’ñó nga kixi̱ si̱ìkíjna. 5 Tjín xi̱ta̱ xi tsò: tjín na̱chrjein xi ìsa̱ xkón. Ti̱koa̱ tjín xi tsò: Na̱chrjein, tà ngásòn ngayaâné nga na̱chrjein nchijòn. Nga jngoò ìjngoò xi̱ta̱, k’oa̱á s’ín ndaà katíjngoòâla̱ ikon koni s’ín síkítsjeèn. 6 Jñà xi̱ta̱ xi faájiìn jngoò na̱chrjein nga beèxkón, k’oa̱á s’ín nga jeya síkíjna Na̱’ènâná; koa̱ jñà xi̱ta̱ xi tsò nga ta ngásòn ngáya na̱chrjein, ti̱koa̱á k’oa̱á s’ín s’ín nga ti̱koa̱ jeya síkíjna Na̱’ènâná. Jñà xi̱ta̱ xi kine yije tsojmì, i̱t’aà ts’e̱ Na̱’ènâná kine, nga tsjáâla̱ kjo̱ndaà Na̱’ènâná k’e̱ nga kine; k’oa̱ jñà xi̱ta̱ xi tsò nga tjín tsojmì xi mìkiì ma chine, ti̱koa̱á i̱t’aà ts’e̱é Na̱’ènâná nga mìkiì kine tsojmì, ko̱ ti̱koa̱á tsjáâla̱ kjo̱ndaà Na̱’ènâná. 7 Jñá, k’e̱ nga titsa̱jnakoaán, mìtsà koi xá titsa̱jnakonâná xi ta kjo̱ndaà tsa̱ján. Ko̱ k’e̱ nga ki̱yá, mìtsà ta kjo̱ndaà tsa̱ján ki̱nchátsjiaá nga ki̱yá. 8 Ta̱nga k’e̱ nga titsa̱jnakoaán, koií xá titsa̱jnakoaán xi kjo̱ndaà ts’e̱ Na̱’ènâná. Ko̱ nga ki̱yá, ti̱koa̱á koií xá ki̱yáâaná xi kjo̱ndaà ts’e̱ Na̱’ènâná. K’oa̱á maâne tsà titsa̱jnakoaán ko̱ tsà ki̱yá kjo̱ndaà ts’e̱ Na̱’ènâná nga ts’e̱ tsòâná. 9 Koií kjoa̱âla̱ nga k’en Cristo koa̱ jaáyaâla̱ nga tsibìjnakonâné, méâne nga jè ko̱maâne Neiâla̱ jñà xi̱ta̱ xi biyaà ko̱ xi títsa̱jnakon. 10 Ta̱nga ji̱ xi nokjoàjnoâla̱ ’ndsì, ¿méâne koa̱’nèâne? Ti̱koa̱á ji̱ xi nachrjekàngui ’ndsì, ¿méâne nachrjekànguiâne? Nga ngats’iìâná ki̱jchò kinchanguiaá ndso̱ko̱ Cristo ñánda nga jè tíhotíxoma. 11 K’oa̱á s’ín tíchja̱ Xo̱jo̱nâla̱ Nainá nga tsò: Tsò Na̱’énâná: ‘A̱n tìjna̱konâná, ngats’iì xi̱ta̱ ki̱ncha-xkó’nchit’aàâna ko̱ ngats’iì xi̱ta̱ skoe̱xkón Nainá. 12 Ngats’iaá k’oi̱âlá kinda̱ Nainá mé kjoa̱ xi ki’né nga tsitsa̱jnaá i̱sò’nde. 13 K’oa̱á maâne nga mì ti̱ xinguia̱á ki̱nókjoa̱jnoâlá; jñò, ta sa̱á ndaà ti̱kítsjeèn nga ni̱mé xi s’e̱en xi si̱kits’ónâjiìn koni s’ín mokjeiínâla̱ xinguio̱o méâne nga mì jé ska̱jiìn ìjngoò k’aâne. 14 ‘A̱n ndaà tíjngoò takoàn i̱t’aà ts’e̱ Na̱’ènâná Jesús nga kixi̱ kjoa̱ nga tsjìn tsojmì xi xkón tjín nga mìkiì ma chine; ta̱nga jè xi̱ta̱ xi k’oa̱s’ín síkítsjeèn nga tjín tsojmì xi xkón tjín nga mìkiì ma chine, xkón tjínâla̱ i̱t’aà ts’e̱ tsà ski̱ne̱. 15 Ta̱nga tsà ta koií kjoa̱âla̱ ts’e̱ tsojmì xi chiniì, jè ’ndsì ch’o maâla̱, jè kjoa̱ xi tì’nì mìtsà ti̱ kjoa̱tjòchaâne; kì kiì biì’ndi nga jè ’ndsì xi Cristo k’en ngajoâla̱ ki̱ts’ónâjiìnâla̱ xi tà kjoa̱ ts’e̱ tsojmì xi chiniì. 16 Kì k’oa̱á s’ín ’nè méâne nga mì xi̱ta̱ ki̱chja̱jnoânò i̱t’aà ts’e̱ kjoa̱ xi titsa̱’nè nga k’oa̱s’ín mokjeiínânò nga ndaà tjín. 17 K’e̱ nga jè Nainá tíhotíxomaâná mìtsà jè xi ìsa̱ ‘ñó chjíâla̱ mé xi s’ioa̱á ko̱ mé xi chi̱ne̱é. Jè xi ‘ñó mochjeén nga kixi̱ ki̱tsa̱jnaá, ’nchán si̱jchá yijoâná, ko̱ tsja k’oéâlá ini̱ma̱âná; koi kjoa̱ xi tsjá Ini̱ma̱ Tsjeèâla̱ Nainá. 18 Jè xi k’oa̱s’ín síkitasòn kjoa̱ koi k’e̱ nga síxáâla̱ Cristo, ndaà sasénâla̱ nguixko̱n Nainá, ti̱koa̱á ndaà bìjna nga nguixko̱n xi̱ta̱. 19 K’oa̱á s’ín kjitji̱nguiâlá kjoa̱ xi ’nchán síkíjnaâná ko̱ kjoa̱ xi ‘bìâlá nga’ñó xinguia̱á nga jngoò jngoaá koni s’ín mokjeiínâná. 20 Kì xáâla̱ Nainá nìkits’ónâjiìnâla̱ xi ta kjoa̱ ts’e̱ tsojmì xi ma chine. Kixi̱í kjoa̱, ngats’iì tsojmì xi tjín, tsjeèâné. Ta̱nga jè xi ch’o tjín k’e̱ nga ta koi kjoa̱âla̱ tsojmì xi chineé bits’ónâjiìnâla̱ kjoa̱ xi mokjeiínâla̱ i̱t’aà ts’e̱ Nainá jñà xi̱ta̱ xi kj’ei̱í. 21 Ãsa̱á ndaàâne nga mì yijo chji̱ne̱é, nga mì xán s’ioa̱á, nga ni̱mé kjoa̱ xi s’e̱én jè xi si̱ìkits’ónâjiìnâla̱ jè ’ndsì nga sakóâla̱ jé. 22 Koni s’ín mokjeiínâlè i̱t’aà ts’e̱ kjoa̱ koi, tà ji̱í tíjiìn takoìn ko̱ Nainá. ¡Mé ta ndaàâla̱ jè xi mì kjo̱’in bínèâla̱ yijoâla̱ k’e̱ nga tíjngoò ikon nga ndaà tjín kjoa̱ xi s’ín! 23 Jè xi jò tjínâla̱ k’e̱ nga mé tsojmì xi kine, jé tíhónèâla̱ yijoâla̱ nga mìkiì tjíjngoò ikon tsojmì xi kine. Tsà mìkiì tjíjngoò takoán k’e̱ nga mé kjoa̱ xi s’e̱én, jé titsa̱honèâlá yijoâná.