Romanos 13

1 Ngats’iì xi̱ta̱ kàtasíkitasònâla̱ xi xi̱ta̱xá títsa̱jna, nga Nainá kitsjaàâla̱ kjo̱tíxoma. Jñà xi xi̱ta̱xá títsa̱jna, Nainá kitsjaàâla̱ xá. 2 Jñà xi̱ta̱ xi bìtsa̱jna tájaàâla̱ kjo̱tíxomaâla̱ xi̱ta̱xá, kondra̱á bìtsa̱jnaâla̱ jñà xi̱ta̱ xi Nainá kitsjaàâla̱ xá. Jñà xi̱ta̱ koi, ti̱ yijoâla̱á tíbínèâla̱ kjo̱’in. 3 Jñà xi̱ta̱xá mìtsà koi xá títsa̱jnaâne nga jñà ki̱nchaxkónâla̱ xi̱ta̱ xi ndaà s’ín, jñàâné xi̱ta̱ xi ch’o tjín kjoa̱ xi s’ín. Tsà mejènâlè nga mìkiì ki̱skónâla̱ xi̱ta̱xá, ndaà t’i̱in, ko̱ jñà xi̱ta̱xá ndaà si̱ìkíjnaâlè. 4 Jñà xi xi̱ta̱xá tjínâla̱, xá ts’e̱ Nainá nchisíkitasòn, méâne nga ndaà ki̱jnaâne. Ta̱nga tsà ch’o tjín kjoa̱ xi tì’nì, ti̱skónâla̱ xi xi̱ta̱xá tjínâla̱, nga tjí’ndeâla̱ nga tsjaàâlè kjo̱’in. Nga xáâla̱ Nainá nchis’ín k’e̱ nga bíndaàjiìn kjoa̱ ko̱ nga tsjáâla̱ kjo̱’in jñà xi̱ta̱ xi ch’o s’ín. 5 K’oa̱á maâne nga mochjeénâné nga ndaà si̱kitasònâlá jñà xi xi̱ta̱xá títsa̱jna, mìtsà tà koiâne nga kjo̱’in tsjáâná; koiâné nga xó k’oa̱s’ín beèâla̱ takoán nga tjínèâná nga si̱kitasoán. 6 Koií kjoa̱âla̱ nga ti̱koa̱ machjí to̱n sá, nga jñà xi̱ta̱xá k’oa̱á s’ín nchisíkitasònâla̱ Nainá ko̱ kjit’aà na̱chrjein koa̱tjín xá xi nchis’ín. 7 Tichjió yije mé xi kitje̱nânò. Jè xi kitje̱nâla̱ to̱n sá, kàtíchjí. Jè xi kitje̱nâla̱ tsojmì xi machjítjì, kàtíchjítjì. Jè xi̱ta̱ xi mochjeénâla̱ nga jcha̱xkón, kàtayaxkón. Jè xi̱ta̱ xi mochjeénâla̱ nga ndaà kíjna, ndaà ti̱kíjna. 8 Kì mé xi jmeèt’ioòn yijoânò. Ta̱nga kitje̱énânò ts’e̱ kjoa̱tjòcha i̱t’aà ts’e̱ xi̱ta̱ xinguio̱o. Nga jè xi matsjakeè xíkjín, jyeé kisìkitasòn yije Kjo̱tíxoma. 9 Jñà kjo̱tíxoma tsòâne: “Kì kjoa̱ chijngui ’nì, kì xi̱ta̱ nìk’in, kì chijé ’nì, kì ‘én ndiso nokjoì, kì maxìtakònâchiì xingui̱i.” Ngats’iì kjo̱tíxoma koi, ko̱ xi kj’ei̱í, ya̱á mangásòn yije jè kjo̱tíxoma xi tsò: “Ti̱tsjachi xi̱ta̱ xingui̱i koni tsà ti yijo tsi̱jiâne." 10 Jè xi matsjakeè xíkjín, mìtsà ch’o síko̱ xi̱ta̱ xíkjín. Jè xi matsjakeè xíkjín, jyeé ndaà tísíkitasòn Kjo̱tíxoma. 11 K’e̱ nga k’oa̱s’ín s’e̱én yijeé kjoa̱ koi, jcha̱âná na̱chrjein i̱’ndei̱ mé kjoa̱ xi tíma nga jye ijchò chi̱ba̱âla̱ nga si̱kjaâlá yijoâná nga titsa̱fè. Koni k’e̱ nga sa̱ kòkjeiínâná, jye ‘ñó kjòchrañàt’aà na̱chrjein nga ki̱tsa̱jnandia̱á kjoa̱ ts’e̱ jéâná. 12 Ni̱tje̱n, jyeé tífahato, jyeé tímachrañà na̱chrjein nga s’e̱ i̱sén nga ki̱tjojen ìjngoò k’a Na̱’ènâná. Ki̱nachrjenguiaá ngats’iì kjoa̱ xi ma ñánda nga jñò choòn ko̱ chjoé nga’ñóâla̱ Nainá koni s’ín mochjeén ñánda iseèn choòn koni tsà ki̱cha̱ ts’e̱ soldado. 13 K’oa̱á s’ín iseèn ki̱tjá koni na̱chrjein nga ndaà si̱jchá yijoâná. Mì kì mochjeén nga ta̱xki̱ chji̱ne̱é tsojmì ko̱ nga mach’ia̱á. Mìkiì mochjeén nga íchjín kjóhijtakoa̱á, ko̱ mì kì ma ta̱xki̱ si̱koa̱á yijoâná. Mìkiì mochjeén nga xi̱ta̱ ki̱xkànâkoa̱á ko̱ mìkiì mochjeén nga kjoa̱xìtakòn kichjàâlá xinguia̱á. 14 K’oa̱á s’ín ti̱jchá yijoânò koni s’ín kis’iìn jè Na̱’ènâná Jesucristo, kì kiì nìkitasònâlà yijoânò kjoa̱ ch’o xi síjé.