San Lucas 23

1 Tsasítje̱n ngats’iì xi̱ta̱, kiìko̱ Jesús ñánda tíjna Pilato. 2 K’e̱ nga ijchòko̱ nguixko̱n Pilato, jñà xi̱ta̱ tsibíts’ia̱ nga tsohóngui, kitsò: âXi̱ta̱ jè, kjòtsjiânaje̱n nga kj’ei̱í ndi̱yá fìko̱ na̱xa̱ndáâná. Tsòâné nga mì xó kiì kíchjítjiá tsojmì xi i̱t’aà ts’e̱ César, xi̱ta̱xá ítjòn ts’e̱ Roma; ti̱koa̱á tsòâné nga jè xó xi Cristo [xi xó kisìkasénâne Nainá] nga xi̱ta̱xá ítjòn kíjna. 3 Jè Pilato kiskònangui, kitsòâla̱: â¿A ji̱âné xi xi̱ta̱xá ítjònâla̱ jñà xi̱ta̱ judío? Kitsò Jesús: âNgaji̱í xi k’oa̱ si nga ‘a̱nâná. 4 Pilato kitsòâla̱ jñà xi̱ta̱ sko̱âla̱ no̱’miì ko̱ xi̱ta̱ na̱xa̱ndá: âNi̱mé jé xi matsjiâna i̱t’aà ts’e̱ xi̱ta̱ jè. 5 Ta̱nga jñà xi̱ta̱, ìsa̱á ‘ñó kiìchja̱ nga tsohóngui, kitsò: âKj’ei̱í s’ín okóyaâla̱ xi̱ta̱ na̱xa̱ndá nga ótsjiâla̱ kjoa̱siì. Tsibíts’ia̱âne nangui Galilea, kóho̱kji nangui Judea, skanda i̱ Jerusalén. 6 K’e̱ nga kiì’nchré Pilato jè ‘én xi tsò, Galilea, kiskònanguiâla̱ xi̱ta̱: ¿A ya̱á i̱’ndeâla̱? 7 K’e̱ nga kis’eno̱jmíâla̱ nga ya̱ i̱’ndeâla̱, kisìkasénâla̱ jè xi̱ta̱ xi tíjna xi̱ta̱xá ítjòn Galilea xi ‘mì Herodes; jñà na̱chrjein koi, ti̱koa̱á ján tíjna na̱xa̱ndá Jerusalén. 8 Herodes, k’e̱ nga kijtseèxkon Jesús, ‘ñó tsja komàâla̱ nga kjòtseé mejènâla̱ nga skoe̱xkon, nga jyeé kjìn kjoa̱ kiì’nchré xi i̱t’aà ts’e̱. Mejènâla̱ skoe̱ jngoò kjo̱xkón xi s’ín. 9 Kjìn sko̱ya kjoa̱ kiskònanguiâla̱, ta̱nga jè Jesús, ni̱jngoò ‘én kiìchja̱. 10 Ti̱koa̱á ya̱á títsa̱jna jñà xi̱ta̱ sko̱âla̱ no̱’miì ko̱ xi̱ta̱ xi okóya kjo̱tíxomaâla̱ Nainá xi kiskiì Moisés nga ‘ñó nchihóngui. 11 Jè Herodes ko̱ soldadoâla̱ tsachrjekànguiâné; kisìkákjá nikje xi ‘ñó ndaà kjoàn koni ts’e̱ xi̱ta̱xá ítjòn nga kisìsobàâla̱; i̱kjoàn kisìkasén ìjngoò k’aâla̱ jè Pilato. 12 Na̱chrjein jè, tsajoóndaàâne jè Pilato ko̱ Herodes; k’e̱ nga sa̱ ítjòn, kondra̱á títsa̱jnaâla̱ xíkjín. 13 Pilato tsibíxkóya jñà xi̱ta̱ sko̱âla̱ no̱’miì ko̱ jñà xi̱ta̱xá, ngats’iì xi̱ta̱ na̱xa̱ndá, 14 kitsòâla̱: âJñò, kinìkasénâná xi̱ta̱ jè nga onguioò; bixónânó nga kjoa̱siì ótsjiâla̱ xi̱ta̱ na̱xa̱ndá; ta̱nga ‘a̱n, kiskònanguiíâla̱ nga nguixkoòn; ngats’iì ‘én xi ‘bioò, ni̱mé jé sakóâna i̱t’aà ts’e̱. 15 ‘Ti̱koa̱á jè Herodes, kisìkasén ìjngoò k’aâna xi̱ta̱ jè nga ni̱mé jé kisakòt’aàâla̱. Tsjìnâla̱ jé nga ki̱yá. 16 Tsjaàâla̱ kjo̱’in, i̱kjoàn siìkíjnandei̱íâna. 17 K’oa̱á s’ín tjínèâla̱, k’e̱ nga bitjo s’eí Paxko̱, bìjnandei̱í jngoò xi̱ta̱ xi nda̱yá títsa̱jna’ya. 18 Ta̱nga jñà xi̱ta̱ na̱xa̱ndá, tà jngoò jta̱á kiì ngats’iì, kitsò: â¡Kàtiyaà Jesús; ti̱kíjnandei̱íânáje̱n Barrabás! 19 Barrabás, nda̱yá tíjna koií kjoa̱âla̱ nga xi̱ta̱ na̱xa̱ndá Jerusalén kisìkjaánâkjoò ti̱koa̱ xi̱ta̱ kisìk’en jngoò. 20 Pilato, mejènâla̱ nga si̱ìkíjnandei̱í Jesús; ìjngoò k’a kiìchja̱âla̱ xi̱ta̱ na̱xa̱ndá. 21 Ta̱nga jñà xi̱ta̱ na̱xa̱ndá, ìsa̱á ‘ñó kiìchja̱, kitsò: â¡Tjat’aà krò! ¡Tjat’aà krò! 22 Xi maâne jàn k’a kitsòâla̱ xi̱ta̱ na̱xa̱ndá: â¿Mé jé xi tsohótsji, méâne ki̱yáâne? ‘A̱n, ni̱mé jé sakóâna xi i̱t’aà ts’e̱ nga ki̱yá. Ti̱koa̱áâne tsjaàâla̱ kjo̱’in, i̱kjoàn siìkíjnandei̱íâna. 23 Siì kis’iìn xi̱ta̱, ‘ñó kiìchja̱ nga mejènâla̱ krò si̱t’aà Jesús. Koií kjoa̱âla̱ nga ‘ñó chja̱ xi̱ta̱ na̱xa̱ndá ko̱ xi̱ta̱ sko̱âla̱ no̱’miì, kisìkijne nga kisìkitasòn Pilato. 24 Jè Pilato kitsjaà o̱kixi̱ nga kàtitasòn koni s’ín síjé xi̱ta̱ na̱xa̱ndá. 25 Kisìkíjnandei̱í Barrabás, xi̱ta̱ xi xó k’oa̱s’ín kisìjéâne na̱xa̱ndá xi tíjna’ya nda̱yá nga kjoa̱siì tsohótsji koa̱ xi̱ta̱ kisìk’en. I̱kjoàn kisìnga̱tsja Jesús nga k’oa̱s’ín kàtasíko̱ koni s’ín mejènâla̱. 26 K’e̱ nga kiìko̱ Jesús nga kiì sík’en i̱t’aà krò, kitsobà’ñó jngoò xi̱ta̱ xi tínchrobáâne rancho̱âla̱ xi ‘mì Simón xi ya̱ i̱’ndeâla̱ ñánda ‘mì Cirene; jè kisìk’ajen krò nga kiìtji̱nguiko̱âla̱ Jesús. 27 Kjìn xi̱ta̱ na̱xa̱ndá tji̱nguiâla̱, ti̱koa̱á kjìn íchjín tji̱nguiâla̱ xi kjindáyakeè nga mahi̱ma̱keè kjoa̱ xi tímat’in Jesús. 28 Jesús, kisìkátji, kiskoòtsejènâla̱, kitsò: âÃchjín xi Jerusalén tsa̱jòn, kì ‘a̱n chìhindáyachaàâná, chìhindáyachaà yijoânò ko̱ ts’e̱ i̱xtiânò. 29 Ki̱jchò na̱chrjein k’e̱ nga tse kjo̱’in s’e̱ nga ki̱tso̱ xi̱ta̱: “Mé tà ndaàâla̱ jñà íchjín xi ’ndi̱, xi tsjìnâla̱ i̱xti, xi mìkiì ki’ndí tsi’beé, xi mì i̱xti kisìkaki nga ìsa̱á chiba si̱ìkájno." 30 I̱kjoàn koi̱ìts’ia̱ nga ki̱tso̱âla̱ nindoò: “¡Kàtakaànèânaje̱n!” K’oa̱ ti̱ ki̱tso̱âla̱ chrja̱ngui̱âla̱ nindoò: “¡Tìjtsa’ndeânáje̱n!" 31 ‘A̱n, koni jngoò yá xkoén, ta̱nga ‘ñó ch’o síko̱âna xi̱ta̱; jñò xi xi̱ta̱ Jerusalén tsa̱jòn, ìsa̱á tà ‘ñó ch’o si̱ìko̱ânò xi̱ta̱ koni jñà yá kixì. 32 Ti̱koa̱ kiìko̱ jò xi̱ta̱ xi tse jé tjínâla̱ nga ti̱koa̱ krò ki̱yát’aà. 33 K’e̱ nga ijchòko̱ ya̱ i̱’nde ñánda ‘mì I̱’nde Sko̱ Mik’en, tsasíjnat’aà krò Jesús ko̱ xi̱ta̱ xi jò maâne, jñà xi tse jé tjínâla̱; jngoò, tsasíjnat’aà nga kixi̱âla̱ koa̱ jngoò, tsasíjnat’aà nga ngaskónâla̱. 34 K’e̱é kitsò Jesús: âNa̱’èn, ti̱jchàat’aàâla̱; mìkiì beè mé kjoa̱ xi s’ín. I̱kjoàn jñà soldado kisìskáko̱ nikjeâla̱ Jesús nga kisìka’bíâla̱ xíkjín yá ts’e̱ ko̱ma. 35 Jñà xi̱ta̱ na̱xa̱ndá nchikotsejènâla̱; ti̱koa̱ jñà xi̱ta̱xá ítjòn nchisísobàâla̱, nchitsò: âXi̱ta̱ xi kj’ei̱í tsachrjetjì kjo̱’in; tsà kixi̱ kjoa̱ nga jè xi Cristo xi xó k’oa̱s’ín jaàjiìnâne Nainá, kàtachrjetjì kjo̱’in yijoâla̱. 36 Ti̱koa̱á jñà soldado kisìsobàâla̱ Jesús. Ijchò kinchat’aà chrañàâla̱; kitsjaàâla̱ nandá vinagre nga si̱ìkiì. 37 Kitsòâla̱: â¡Tsà ji̱âné xi xi̱ta̱xá ítjònâla̱ xi̱ta̱ judío, ti̱kíjnandei̱í yijoâlè! 38 Ti̱koa̱ tjít’aàsònâla̱ sko̱ krò xi ‘én griego, ‘én latín, ko̱ ‘én hebreo xi tsò: “Jè jèe̱ xi Xi̱ta̱xá Ãtjònâla̱ xi̱ta̱ judío." 39 Jñà xi̱ta̱ xi tse jé tjínâla̱ xi ti̱koa̱ ya̱ tjo̱hónguit’aà krò, jngoò xi ‘ñó ’nga kiìchja̱ko̱ Jesús, kitsòâla̱: â¡Tsà ji̱âné xi Cristo [xi xó kisìkasénâlè Nainá], ti̱kíjnandei̱í yijoâlè ti̱koa̱ ti̱kítsa̱jnandei̱íânáje̱n! 40 Jè xi̱ta̱ xi ìjngoò tsohótiko̱ xíkjín, kitsòâla̱: â¿A mì tsakjoònâla̱ Nainá nga ngásòn kjo̱’in titsa̱nìkjiaán? 41 Xi o̱kixi̱, jñá ok’ínâná nga si̱kjiaán kjo̱’in nga kíchjiá jéâná, koi kjoa̱âla̱ nga ‘ñó ch’o ki’né; ta̱nga jè xi̱ta̱ jè, ni̱mé xi ch’o kis’iìn. 42 K’e̱é kitsòâla̱ Jesús: âTi̱kítsjeènâná k’e̱ nga jye kíts’i̱i nga ko̱ti̱xomai. 43 K’e̱é kitsò Jesús: âO̱kixi̱í xi xanâlè; i̱’ndei̱, ján ki̱jnako̱âná ngajmiì ya̱ i̱’nde ñánda ‘ñó ndaà choòn. 44 K’e̱ nga ijchò nchisen, kòjñò nga tíjtsa i̱sò’nde skanda xi jàn nga nguixòn. 45 Jè ts’oí, kòjñò, koa̱ jè nikje xi tjo̱hóya jngohosen i̱ngo̱ ítjòn, jòya komà nga kixojndà. 46 Jesús ‘ñó kiìchja̱, kitsò: â¡Na̱’èn, ndsei̱i bíjnaya ini̱ma̱âna̱! K’e̱ nga jye o̱kitsò, k’en. 47 Jè xi̱ta̱ sko̱âla̱ soldado, k’e̱ nga kijtseè kjoa̱ koi koni s’ín komà, kijtseèxkón Nainá, kitsò: âKixi̱í kjoa̱, xi̱ta̱ jè, xi̱ta̱ kixi̱âné. 48 Ngats’iì xi̱ta̱ xi chixoña nga nchikotsejèn, k’e̱ nga jye kijtseè kjoa̱ xi komà, kiìâne ni’yaâla̱; kisìjts’iìnâsòn ini̱ma̱âla̱ nga ‘ñó tse kjoa̱ba kis’ejiìn ini̱ma̱âla̱. 49 Ngats’iì xi̱ta̱ xi beèxkon Jesús ko̱ íchjín xi inchrobàâtji̱nguiâla̱ skanda ján Galilea, kjiìn jnchaâne nga nchikotsejènâla̱. 50 Tíjna jngoò xi̱ta̱ xi ‘mì José xi ‘ñó ndaà xi̱ta̱, ti̱koa̱á xi̱ta̱ kixi̱âné. Ya̱á i̱’ndeâla̱ ñánda ‘mì Arimatea, jngoò na̱xa̱ndá xi chja̱âne Judea. Ti̱koa̱á xá ítjòn tjínâla̱ ts’e̱ xi̱ta̱ judío. 51 Jè José, ti̱koa̱á tíkoñaáâla̱ nga mejènâla̱ skoe̱ kó s’ín otíxoma Nainá; mìkiì tíjngoòâikon koni s’ín tsajoóyaâne xi̱ta̱xá xíkjín koni s’ín kisìko̱ Jesús. 52 Kiìkon Pilato; kiì síjé’ndeâla̱ nga kji̱nchrobàko̱ yijoâla̱ Jesús. 53 Kiskónáje̱nât’aà krò; kisìkájté jngoò nikje lino chroba. I̱kjoàn kiì kíhijiìn. Kiskinìs’enângui jngoò nga̱jo̱ mik’en ñánda nga xó k’oa̱s’ín kitáx’a̱âne na̱xi̱. I̱’nde jè, ni̱ sa̱á jngoò mik’en sihijiìn. 54 Na̱chrjein jè, vísperaâla̱ s’eí Paxko̱âné; jye kjo̱meè bijchó hora nga ko̱ts’ia̱ jè na̱chrjein nìkjáya. 55 Jñà íchjín xi tji̱ko̱ kóni nga inchrobàâne Galilea, kiìtji̱nguiâla̱; kijtseèxkon nga̱jo̱ mik’en kó s’ín kisijna yijoâla̱ Jesús. 56 K’e̱ nga j’iìâne ni’yaâla̱ tsibìtsa̱jnandaà xkiì xi ‘ñó ndaà jne̱ ko̱ xkiì na̱’yo̱. I̱kjoàn kisìkjáya íchjín jè na̱chrjein nìkjáya, koni s’ín tíchja̱ kjo̱tíxoma.