San Juan 15

1 ‘‘A̱án ngayaâla̱ yá jeâla̱ toò uva; jè Na̱’ènâna̱ xi síxáko̱. 2 Ngats’iì chrjaâla̱ yá uva xi i̱t’aà ts’a̱n nchrobát’aàâne xi mìkiì ojàâla̱ toò, Na̱’ènâna̱ otet’aàâné; koa̱ jñà xi ojàâla̱ toò, ta sítsjeèâné, méâne nga ìsa̱ ndaà ko̱ja̱âla̱ toò. 3 Jñò, jyeé k’oa̱s’ín kjòtsjeèânò xi i̱t’aà ts’e̱ ‘én xi o̱kixanânò. 4 Jñò, mochjeénâné nga ya̱ ki̱tsa̱jnako̱ kjit’aàâná koa̱ ‘a̱n, ya̱á kóti̱jnako̱ kjit’aàânò. Jngoò chrjaâla̱ yá toò uva, mìkiì ko̱ja̱âla̱ toò tsà mìkiì ‘ñó tjít’aà jè yá jeâla̱. I̱t’aà tsa̱jòn, k’oa̱ ti̱s’ín tjín, nìmé xi s’e̱en tsà mì ‘a̱n ki̱tsa̱jnako̱ kjit’aàâná. 5 ‘‘A̱nâná xi yá jeâla̱ toò uva, jñòânó xi chrjaâla̱. Jè xi ‘a̱n kíjnako̱ kjit’aàâna̱ ko̱ ‘a̱n kóti̱jnako̱ kjit’aà, ndaà jchán ko̱ja̱âla̱ toò. Ta̱nga ni̱mé xi s’e̱en tsà titsa̱jnat’aàxìnâná. 6 Jè xi mìtsà ‘a̱n kíjnako̱ kjit’aàâna, k’oa̱á s’ín tjáxìn koni chrjaâla̱ yá xi nìmé toò ojàâla̱; k’e̱ nga jye xì, maxkóâné i̱kjoàn sinchájiìn ni’ín nga tì. 7 ‘Jñò, tsà ya̱ ki̱tsa̱jnako̱ kjit’aàâná, koa̱ tsà kixi̱ ki̱tsa̱jnako̱o ‘énâna̱ xi ‘a̱n tsakoòyaânò, ti̱jé ni̱ta̱ mé xi mejènânò, k’oa̱á s’ín ki̱tasònânò koni s’ín kixón. 8 K’oa̱á s’ín maâne jcha̱âla̱ kjoa̱jeyaâla̱ Na̱’ènâna̱ k’e̱ nga ‘ñó kjìn toò ko̱ja̱ânò ko̱ k’oa̱á s’ín maâne nga ‘yaâla̱ nga kixi̱ kjoa̱ nga ya̱ chìta’yàt’aàâná. 9 Koni s’ín matsjakeèâna̱ Na̱’ènâna̱, jñò, ‘a̱n, k’oa̱ ti̱s’ín matsjake̱ânò. Mochjeénâné nga k’oa̱s’ín titsa̱jnako̱ kjit’aà kjoa̱ tsjachaâna̱. 10 Tsà si̱kitasòn kjo̱tíxomaâna̱, ya̱á ki̱tsa̱jnajñoò kjit’aà kjoa̱ tsjachaâna̱. ‘A̱n, k’oa̱á ti̱s’ín sìkitasoàn kjo̱tíxomaâla̱ Na̱’ènâna̱ ko̱ ya̱á tìjna̱jñaà kjit’aà kjoa̱tsjachaâla̱. 11 ‘Jñò, k’oa̱á s’ín chjàko̱ânò méâne si̱jnajiìnâne ini̱ma̱ânò kjo̱tsja xi ‘a̱n tjínâna ko̱ nguì ndaà s’e̱ânò kjo̱tsja. 12 Kjo̱tíxomaâna̱ xi ‘a̱n tsjaàânò, jèâné nga ti̱tsjacha xinguio̱o nga jngoò ìjngoò, koni ‘a̱n matsjake̱ânò. 13 Jè xi̱ta̱ xi biyaàtjì ngajoâla̱ amigoâla̱, jèâné xi ìsa̱ ‘ñó matsjakeè xíkjín. 14 Jñòânó xi amigoâna̱ xanânò, tsà si̱kitasòn koni s’ín bìnèânò. 15 Mì ti̱ chi̱’ndaâna̱ xanânò nga jè chi̱’nda mìkiì beè mé xi s’ín neiâla̱. Amigo ts’a̱án xanânò nga jyeé tsibeno̱jmíya yijeânò kjoa̱ xi tsakóyaâna̱ Na̱’ènâna̱. 16 Mìtsà jñò kichjaàjiìnâná, ta̱ saà ‘a̱n jaàjiìnânò. Kitsjaàânò xá nga konguió méâne nga ndaà si̱xáânò. Jè xáânò si̱jnaâné ni̱ta̱ kjéâne, méâne k’e̱ nga mé xi si̱jéâlà Na̱’ènâna̱ xi i̱t’aà ts’a̱n, tsjáânò. 17 Jè kjo̱tíxoma xi ‘ñó tìbìnèânò: Nga tjòcha jcha̱a xinguio̱o nga jngoò ìjngoò. 18 ‘Jñò, tsà si̱ìjtikeèânò jñà xi̱ta̱ i̱sò’nde, kàtasijiìnânò nga ‘a̱n, k’oa̱á s’ín kisìjtikeè ítjònâna. 19 Jñò, tsà tákó ya̱ titsa̱jnajiìnâlà xi̱ta̱ i̱sò’nde, jñà xi̱ta̱ i̱sò’nde ko̱tsjakeéânò koni s’ín matsjakeè xi̱ta̱ xíkjín. Ta̱nga jñò, mìtsà ti̱ i̱âne i̱sò’nde tsa̱jòn. ‘A̱n jaàjiìnânò nga tsachrjekàjiìnânò kjoa̱ xi tjín i̱sò’nde, koií kjoa̱âla̱ nga majtikeèânò jñà xi̱ta̱ i̱sò’nde. 20 Ndaà ti̱kítsjeèn koni s’ín kixanânò: “Jè xi chi̱’nda tíjna, mìtsà ìsa̱ tíjna ítjònâla̱ neiâla̱.” Koni s’ín kiìtji̱ngui kondra̱âna̱ jñà xi̱ta̱, jñò, k’oa̱á ti̱s’ín kji̱tji̱ngui kondra̱ânò. Tsà kisìkitasòn ‘énâna̱, ti̱koa̱á si̱ìkitasòn tsa̱jòn. 21 Ngats’iì kjoa̱ koi, k’oa̱á si̱ìko̱ânò jè nga̱tjìâla̱ i̱t’aà ts’a̱n nga mìkiì beèxkon jè xi kisìkasénâna. 22 ‘‘A̱n, tsà mìâla kiì j’ia̱a ko̱ tsà mìâla kiì tsohókoa̱a, ni̱ méâla jé tjínâla̱. Ta̱nga i̱’ndei̱, mì ti̱ kiì ko̱ma ko̱si̱ko̱âne yijoâla̱ kjoa̱ ts’e̱ jéâla̱. 23 Jñà xi̱ta̱ xi ‘a̱n majtikeèâna, ti̱koa̱á majtikeè Na̱’ènâna̱. 24 Ni̱méâlà jé tjínâla̱ jñà xi̱ta̱ tsà mìâla kiì kijtseè jñà kjo̱xkón xi ‘a̱n kis’iaàn xi ni̱ sa̱á jngoò xi̱ta̱ k’oa̱s’ín s’ín. Ta̱nga jyeé kijtseè kjo̱xkón xi ‘a̱n kis’iaàn, ta̱nga tákó majtikeèâna̱ ti̱koa̱ majtikeè Na̱’ènâna̱. 25 K’oa̱s’ín tíma nga tíbitasòn ‘én xi tjít’aà Xo̱jo̱nâla̱ Nainá xi kota’yà xi̱ta̱ koi, nga tsò: “Tísíjtikeéâna̱ na̱s’ín nì mé kjoa̱ tìsìkoa̱." 26 ‘Ta̱nga k’e̱ ki̱tjojen jè xi ko̱si̱ko̱ânò, xi ‘a̱n sìkasén i̱t’aà ts’e̱ Na̱’ènâna̱, jè Ini̱ma̱ Tsjeèâla̱ Nainá xi nguì o̱kixi̱, xi i̱t’aà ts’e̱ Na̱’ènâna̱ nchrobáâne, jè tsjá ‘én i̱t’aà ts’a̱n. 27 Jñò, ti̱koa̱á k’oio̱o ‘én i̱t’aà ts’a̱n nga ya̱á titsa̱jnako̱âná kóni nga tàts’enâla̱ kjoa̱.