Hebreos 7

1 Melquisedec xi xi̱ta̱ xá ítjòn tsibìjna ts’e̱ na̱xa̱ndá Salem, ti̱koa̱ no̱’miì ítjòn tsibìjna ts’e̱ Nainá xi tíjna ngajmiì, kiì kañaâla̱ Abraham k’e̱ nga tínchrobáâne nga jye kisìkijne yijeâla̱ xi̱ta̱xá ítjòn xi kiskaànâko̱. Melquisedec kisìchikonât’in Abraham. 2 Jè Abraham, teya kis’iìn tsojmì xi kisakòâla̱ ts’e̱ kjoa̱jchán, ko̱ jngoòya kitsjaàâla̱ Melquisedec. ‘Ãn xi ‘mì Melquisedec, tsòyaáâne: xi̱ta̱xá ítjòn xi tjínâla̱ o̱kixi̱. Ti̱koa̱ jè ‘ín xi ‘mì xi̱ta̱xá ítjòn ts’e̱ Salem, tsòyaáâne: xi tjínâla̱ kjoa̱’nchán. 3 Jè Melquisedec mìkiì ‘yaâla̱ tje̱âla̱, yá na̱’ènâla̱, yá nea̱âla̱, ñánda kits’iìn, ñánda k’en; k’oa̱á s’ín mangásònâko̱ koni Cristo xi Ki’ndíâla̱ Nainá nga jè Melquisedec ti̱koa̱ no̱’miì ítjòn tíjna ni̱ta̱ mé na̱chrjeinâne. 4 Jñò ti̱kítsjeèn nga ‘ñó ’nga tsibìjna Melquisedec, skanda jè xi̱ta̱ jchíngaâná Abraham teya kis’iìn tsojmì xi kisakòâla̱ ts’e̱ kjoa̱jchán, ko̱ jngoòya kitsjaàâla̱ Melquisedec. 5 Kixi̱í kjoa̱, k’oa̱á s’ín tíchja̱ kjo̱tíxomaâla̱ Moisés xi Nainá kitsjaàâla̱ nga jñà xi̱ta̱ na̱xa̱ndá tjínèâla̱ nga teya si̱ìjòya tsojmì xi tjínâla̱, jngoòya tsjáâla̱ jñà no̱’miì xi tje̱âla̱ Leví, na̱s’ín ti̱ xi̱ta̱ xíkjínâne xi ya̱ nchrobát’aàâne tje̱âla̱ Abraham. 6 Ta̱nga jè Melquisedec, mìtsà tje̱âla̱ Leví, ta̱nga kitjoéâla̱ xi jngoòya oko̱âla̱ tsojmì xi teya kis’iìn Abraham, i̱kjoàn k’e̱é kisìchikonât’in, na̱s’ín jè Abraham xi kitjoéâla̱ ‘én xi tso’ba Nainá kiìchja̱âne. 7 Nga jyeé tíjiìnâná, jè xi síchikonât’in xi̱ta̱, ìsa̱á ’nga tíjna mì k’oa̱áâne koni jè xi machikonât’in. 8 Jñà no̱’miì xi tje̱âla̱ Leví xi tjoéâla̱ xi jngoòya oko̱âla̱ xi teya s’ín xi̱ta̱ na̱xa̱ndá Israel, mìtsà ta bìtsa̱jnakon kjit’aà, bijchó na̱chrjein nga biyaà; ta̱nga i̱t’aà ts’e̱ Melquisedec, jè Xo̱jo̱nâla̱ Nainá, k’oa̱á s’ín ‘yaâla̱ koni tsà jngoò xi̱ta̱ xi tákó tíjnakon skanda na̱chrjein i̱’ndei̱. 9 Jñà no̱’miì xi nchrobát’aàâne tje̱âla̱ Leví xi tjoéâla̱ xi jngoòya oko̱âla̱ xi teya s’ín xi̱ta̱ na̱xa̱ndá Israel, ko̱maá k’oa̱kixoán nga ti̱koa̱á jè Melquisedec kitjoé jngoòyaâla̱ i̱t’aà ts’e̱ xi̱ta̱ koi k’e̱ nga kitsjaà jngoòyaâla̱ Abraham, 10 nga jñà no̱’miì xi tje̱âla̱ Leví, ya̱á nchrobát’aàâne tje̱âla̱ Abraham. Na̱s’ín kj’eè kiì ts’iìn Leví k’e̱ nga jè Melquisedec ijchò kañaâla̱ Abraham, k’oa̱á s’ín ngayaâla̱ koni tsà jñà no̱’miì Israel, jyeé ya̱ títsa̱jnako̱ Abraham nga nchitsjáâla̱ kjo̱tjò xi jè tjoéâla̱ Melquisedec. 11 Jñà kjo̱tíxoma xi kitjoéâla̱ jñà xi̱ta̱ Israel, ya̱á inchrobàt’aàâne i̱t’aà ts’e̱ no̱’miì xi tje̱âla̱ Leví; ta̱nga jñà no̱’miì koi, mìkiì komàâla̱ nga jngoò k’a kisìkixi̱ya xi̱ta̱ nga mì ti̱ mé chijat’aàâla̱. K’oa̱á s’ín komàâne nga j’iì ìjngoò no̱’miì xi jè mangásònâko̱ Melquisedec, ko̱ mìtsà jè mangásònâko̱ Aarón xi tje̱âla̱ Leví. 12 K’e̱ nga fatjìya no̱’miì, kós’ín síxá, ti̱koa̱á mochjeénâné nga kjoa̱tjìya kjo̱tíxoma. 13 Koni s’ín tíchja̱ ‘énâla̱ Nainá, jè xi kitjoéâla̱ xá koni ts’e̱ Melquisedec, kj’ei̱í tje̱âné; ya̱ ñánda inchrobàt’aàâne, ni̱ sa̱á jngoò no̱’miì bitjokàjiìn. 14 K’oa̱á s’ín ‘yaâla̱ nga jè Na̱’énâná Jesucristo, ya̱á inchrobàt’aàâne tje̱âla̱ na̱xa̱ndá Judá. Tje̱âla̱ na̱xa̱ndá jè, mìkiì kisìkaxki̱ Moisés k’e̱ nga kiìchja̱ i̱t’aà ts’e̱ no̱’miì. 15 Kjoa̱ koi, ìsa̱á ndaà makixi̱yaâná tsà jè no̱’miì xi̱tse̱ si̱ìkitasòn koni s’ín kisìkitasòn jè Melquisedec. 16 Nga mìtsà k’oa̱á s’ín kitjoéâla̱ xá ts’e̱ no̱’miì koni s’ín tíchja̱ kjo̱tíxoma yá ts’e̱ tje̱ xi inchrobàt’aàâne nga no̱’miì kisìkitasòn. Ta sa̱á k’oa̱á s’ín kitjoéâla̱ xá i̱t’aà ts’e̱ nga’ñó xi tjínâla̱ nga mìtsà yá xi ko̱maâla̱ jngoò k’a si̱ìk’en. 17 K’oa̱á s’ín tíchja̱ ‘énâla̱ Nainá xi i̱t’aà ts’e̱, nga tsò: Ji̱âné xi no̱’miì tijni ni̱ta̱ mé na̱chrjeinâne, k’oa̱á s’ín mangásònâkoi̱i koni jè Melquisedec. 18 K’oa̱á s’ín komàâne nga kichijàngui kjo̱tíxoma jchínga, koi kjoa̱âla̱ nga tsjìnâla̱ nga’ñó ti̱koa̱ mì ti̱ kiì tímochjeénâne. 19 Nga jè kjo̱tíxoma jchínga xi kiskiì Moisés, ni̱mé xi kisìkixi̱ya xi̱ta̱; ta̱nga na̱chrjein i̱’ndei̱, tjín ìjngoòâná kjoa̱ xi ìsa̱ ndaà tjín xi titsa̱chiñáâlá jè xi sikinchat’aà chrañàâná Nainá. 20 Nainá k’oa̱á s’ín kitsjaà kixi̱ ‘énâla̱ xi xkón tjín k’e̱ nga kitsjaà tso’ba nga no̱’miì ítjòn kíjna Cristo. Jñà no̱’miì xi i’nga, ta k’oa̱á s’ín kitjoéâla̱ xá, mìtsà yá xi kitsjaà ‘énâla̱. 21 Ta̱nga xi i̱t’aà ts’e̱ Na̱’énâná Jesús, k’oa̱á s’ín tíchja̱ xo̱jo̱n xi tjít’aà ‘énâla̱ Nainá nga kitsò: Na̱’ènâná k’oa̱á s’ín kitsjaà kixi̱ ‘énâla̱; mìkiì si̱ìkjatjìyaâla̱ kjo̱hítsjeènâla̱ nga tsò: “Ji̱âné xi no̱’miì ti̱jni ni̱ta̱ mé na̱chrjeinâne." 22 K’oa̱á s’ín maâne nga jè Jesucristo osenâtjìâná nga nguixko̱n Nainá nga jè bíndaàjiìn ko̱âná jngoò kjoa̱ xi̱tse̱ xi ìsa̱á ndaà tjín. 23 Ti̱koa̱á jñà no̱’miì xi kisìxá xi tje̱âla̱ Leví, jyeé kjìn ma xi jye kisìkitasòn xáâla̱ ta̱nga koií kjoa̱âla̱ nga biyaà nga mìkiì ma síxáâìsa. 24 Ta̱nga jè Jesús tíjnakonâne ni̱ta̱ kjéâne, k’oa̱á maâne nga no̱’miì tíjna ni̱ta̱ mé na̱chrjeinâne. 25 K’oa̱á s’ín maâne nga maâla̱ ochrjekàjiìn kjo̱’in xi̱ta̱ ni̱ta̱ mé na̱chrjeinâne, ngats’iì xi̱ta̱ xi i̱t’aà ts’e̱ Jesús bijchó nguixko̱n Nainá; jè tíjnakonâné ni̱ta̱ kjéâne méâne nga bítsi’batjì xi̱ta̱. 26 I̱t’aà tsa̱ján, nguì jè Jesús xi mochjeénâná nga no̱’miì ítjòn tíjna: nga xi̱ta̱ tsjeèâné; ni̱mé jé tjínâla̱; mì tjé kji ini̱ma̱âla̱; tíjnat’aàxìnâla̱ xi̱ta̱ jé, ko̱ jè xi ìsa̱ ’nga tíjna ján ngajmiì. 27 Mìtsà k’oa̱s’ín koni s’ín no̱’miì ítjòn xi i’nga, nga na̱chrjein nchijòn sík’en cho̱ nga tsjá kjo̱tjòâla̱ xi kjoa̱ ts’e̱ jéâla̱, i̱kjoàn tsjá ts’e̱ jéâla̱ xi̱ta̱ na̱xa̱ndá. Ta̱nga Jesús k’e̱ nga kitsjaà kjo̱tjò yijoâla̱ nga k’en, jngoò k’aá kitsjaà ni̱ta̱ kjéâné. 28 Jè kjo̱tíxoma xi kitsjaà Moisés, k’oa̱á s’ín tíchja̱ nga jñà kítsa̱jna no̱’miì ítjòn xi ta̱xki̱ xi̱ta̱ xi chiba nga’ñó tjínâla̱; ta̱nga jè ‘én xi xkón tjín xi i̱skan kitsjaà Nainá, k’oa̱á s’ín tíchja̱ nga jè Ki’ndíâla̱ Nainá, kíjna no̱’miì ítjòn, jè xi k’oa̱s’ín kisìko̱ Nainá nga ni̱mé chijat’aàâla̱ ni̱ta̱ kjéâne.