Hebreos 8

1 Ngats’iì kjoa̱ xi chibàyaâná, tjín jngoò xi ìsa̱á ‘ñó chjíâla̱, jèâné nga tíjna jngoòâná no̱’miì ítjòn xi tsibìjnat’aà chrja kixi̱âla̱ íxi̱le̱ kjo̱tíxomaâla̱ Nainá ján ngajmiì. 2 Ya̱á síxá ya̱ ñánda tíjna xi nguì Ni’ya Tsjeèâla̱ Nainá, xi jè sobà Nainá tsibíndaà; mìtsà ta̱xki̱ xi̱ta̱ tsibíndaà. 3 Ngats’iì no̱’miì ítjòn, k’oa̱á s’ín satíxomaâla̱ nga kjo̱tjò tsját’aàâla̱ Nainá ko̱ cho̱ sík’en; k’oa̱á maâne nga jè Cristo ti̱koa̱ tjínèâla̱ nga kis’eâla̱ mé kjo̱tjò xi kitsjaàt’aàâla̱ Nainá. 4 Jè Cristo, tsà i̱ tíjna i̱t’aà nangui, skanda mìâla kiì ko̱ma nga no̱’miì kíjna, nga i̱ i̱t’aà nangui, jyeé tjín no̱’miì xi tsját’aàâla̱ kjo̱tjò Nainá koni s’ín tjín kjo̱tíxoma xi kiskiì Moisés. 5 Ta̱nga jñà no̱’miì xi tjín i̱ i̱t’aà nangui, ya̱á síxá ni’ya xi tà i̱sénâla̱âné ko̱ ’nguiénâla̱âné jè Ni’ya Tsjeèâla̱ Nainá xi tíjna ngajmiì; nga̱ jè Moisés k’e̱ nga jye mejèn koi̱ìts’ia̱ nga ki̱ìndaà ni’ya tsjeèâla̱ Nainá xi nikje, jè Nainá kitsòâla̱: “Ndaà chítsejìn, k’oa̱ kó kji t’i̱in koni kji xi tsakoòâlè ya̱ nindoò Sinaí." 6 Ta̱nga na̱chrjein i̱’ndei̱, ìsa̱á ndaà tjín xá xi kitjoéâla̱ Jesucristo nga no̱’miì ítjòn tíjna, nga jè osìjnajiìn jngoò kjoa̱ xi̱tse̱ xi ìsa̱ ndaà tjín xi tsibíndaàjiìn Nainá ko̱ xi̱ta̱, nga ya̱á nchrobát’aàâne ‘én xi ìsa̱ ndaà tjín koni s’ín jye kitsjaà tso’ba Nainá. 7 Tsà ni̱mé xi kisìchijàt’aàâla̱ jè kjoa̱ xi kisindaàjiìn ítjòn, mìâla kiì mochjeén nga ìjngoò k’a sindaàjiìn xi maâne jò k’a. 8 Ta̱nga Nainá k’e̱ nga tsohótiko̱, k’oa̱á kitsò: Ki̱jchò na̱chrjein k’e̱ nga kìndaàjiìnâko̱ jngoò kjoa̱ xi̱tse̱ jñà xi̱ta̱ Israel ko̱ xi̱ta̱ Judá, kitsò Nainá. 9 Jè kjoa̱ xi̱tse̱ xi kìndaàjiìnâkoa̱a, mìtsà k’oa̱s’ín si̱ndaàjiìn koni ts’e̱ xi̱ta̱ jchíngaâla̱, k’e̱ nga ‘a̱n sobà kitsobà tsja nga tsachrjekàjñaà nangui Egipto. Jñà xi̱ta̱ koi, mìkiì kisìkitasòn koni s’ín kisindaàjiìn, k’oa̱á komàâne nga kitsjìn takoàn, tsò Nainá. 10 K’e̱ nga jye ko̱ma i̱skan, jè kjoa̱ xi̱tse̱ xi kíndaàjñaàkoa̱a xi̱ta̱ Israel, kiís’ín s’e̱, tsò Nainá: Kjo̱tíxomaâna̱ ya̱á kíjnajñaà ya̱ kjo̱hítsjeènâla̱, ko̱ ya̱á skiaà i̱jiìn ini̱ma̱âla̱. ‘A̱nâná xi Nainá ki̱tso̱âna, ko̱ jñàâné xi ko̱ma xi̱ta̱ na̱xa̱ndáâna̱. 11 Mì ti̱ kiì ko̱chjeénâne nga xi̱ta̱ xíkjín ke̱èno̱jmíyaâla̱ ni̱ mìtsà jè ’ndse̱ ke̱èno̱jmíâla̱ nga skoe̱xkon Nainá, nga ngats’iì xi̱ta̱ skoe̱xkonâna̱ mats’ia̱ko̱âne xi ìsa̱ i̱xti skanda jñà xi ‘ñó xi̱ta̱ jchínga. 12 ‘A̱án siìjchàat’aàâla̱ ngats’iì kjoa̱ ch’o xi kis’iìn, mì ti̱ kiì siìkítsjeènâna̱ jé xi tjínâla̱. 13 K’e̱ nga Nainá síkaxki̱ ìjngoò kjoa̱ xi̱tse̱, tsòyaáâne nga jè kjoa̱ xi kisindaàjiìn ítjòn, jyeé kòjchínga. Mì ti̱ kiì tímochjeénâne, jyeé tíchija.