Hebreos 11

1 Jè kjoa̱ xi mokjeiínâná, jèâné nga tjín kixi̱ nga tjoéâná jñà kjoa̱ xi chiñáâlá; jèâné nga tíjngoò takoán nga ki̱tasòn na̱s’ín mìkiì titsa̱’yaá xi kjoa̱ ni̱to̱n. 2 Jñà xi̱ta̱ jchínga kjòtseé, koií kjoa̱âla̱ nga kòkjeiínâla̱ nga ndaá ki’yaâla̱. 3 Ta koiâné nga mokjeiínâná nga ko̱s’ín machi̱yaâná nga jè Nainá, tà ko̱ó ‘énâla̱ tsibíndaà i̱sò’nde; kisìkatsejèn tsojmì xi mìkiì tsejèn nga sa̱ ítjòn. 4 Abel, koií kjoa̱âla̱ nga kòkjeiínâla̱, kitsjaàt’aàâla̱ Nainá kjo̱tjò xi ìsa̱ ‘ñó ndaà kjoàn, mì k’oa̱àâne koni ts’e̱ Caín. K’oa̱á s’ín komàâne nga xi̱ta̱ kixi̱ kitsòâla̱ Nainá Abel; kiskoé kjo̱tjò xi ijchòko̱âla̱; skanda na̱chrjein i̱’ndei̱, tákó k’oa̱á s’ín tíchja̱ nga mokjeiínâla̱, na̱s’ín jye k’en. 5 Enoc, ti̱koa̱á kòkjeiínâla̱; k’oa̱á s’ín komàâne nga kiìko̱ tíkon Nainá ján ngajmiì; mì ti̱ kiì kisakòâne k’e̱ nga jye kiìko̱. K’e̱ nga sa̱ tsibìjna i̱ i̱sò’nde, Enoc, k’oa̱á s’ín ki’yaâla̱ nga ndaà kisaseèn takòn Nainá. 6 Tsà mìkiì mokjeiínâná i̱t’aà ts’e̱ Nainá, mìkiì ko̱ma s’e̱én kjoa̱ xi sasénâla̱ Nainá. Jè xi̱ta̱ xi síchrañat’aàâla̱ Nainá mochjeénâné nga ndaà ko̱kjeiínâla̱ nga tíjna Nainá, ti̱koa̱ ko̱kjeiínâla̱ nga ngats’iì xi̱ta̱ xi ótsji Nainá, tsjáâla̱ kjo̱tjò xi ndaà tjín. 7 Noé koiíâné nga kòkjeiínâla̱, k’e̱ nga tsibéno̱jmíâla̱ Nainá kjoa̱ xi i̱skan ko̱ma, kisìkitasòn; ko̱ó kjo̱xkónâla̱ nga tsibíndaà jngoò chitso xi ‘ñó je kji, méâne nga mìkiì ki̱yáâne jñà xi̱ta̱ ni’yaâla̱. Noé, nga ndaà kòkjeiínâla̱, k’oa̱á s’ín tsibínèâla̱ kjo̱’in xi̱ta̱ i̱sò’nde nga jé tjínâla̱; ko̱ jè Noé kitjoéâla̱ kjo̱tjò xi tsjá Nainá nga xi̱ta̱ kixi̱ kitsòâla̱ ta koií kjoa̱âla̱ nga kòkjeiínâla̱. 8 Abraham, nga kòkjeiínâla̱ k’e̱ nga kiìchja̱âla̱ Nainá, kisìkitasòn. Itjokàjiìn nanguiâla̱, kiì ya̱ i̱’nde ñánda tà kjo̱tjò tsjáâla̱ Nainá, ta̱nga skanda mìkiì tíjiìnâla̱ ñánda tífì. 9 Koií kjoa̱âla̱ nga kòkjeiínâla̱, nga ko̱s’ín kisìjchá yijoâla̱ koni tsà xi̱ta̱ xi xìn nanguiâla̱ na̱s’ín ya̱ tsibìjna ya̱ i̱’nde ñánda nga k’oa̱ kitsòâla̱ Nainá nga tsjá kjo̱tjòâla̱. Ni’ya nikjeé tsibìjnaya. Nga kiìâìsa na̱chrjein, k’oa̱á ti̱ komàt’in jè Isaac ko̱ Jacob, xi ti̱koa̱ k’oa̱s’ín kitsjaàâla̱ ‘én Nainá nga ts’e̱ ko̱ma nangui. 10 Abraham tíkoña jngoòâla̱ na̱xa̱ndá xi ‘ñó ndaà tjín tàts’en chrjóâla̱, nga jè Nainá kiskoòsònâla̱ kós’ín si̱ndaà ko̱ ti̱jèâne Nainá tsibíndaà. 11 Koií kjoa̱âla̱ nga kòkjeiínâla̱ Abraham, nga na̱s’ín chjo̱ón ’ndi̱ jè chjo̱ónâla̱ xi ‘mì Sara, ko̱ na̱s’ín jye ‘ñó xi̱ta̱ jchínga, kis’eéâla̱ nga’ñó nga kisakò jngoòâla̱ ki’ndí jè Sara, koií kjoa̱âla̱ nga kòkjeiínâla̱ nga Nainá si̱ìkitasòn koni s’ín jye kitsjaàâla̱ ‘énâla̱. 12 K’oa̱á maâne nga ta jè ta̱jngoò xi̱ta̱ jè, na̱s’ín jye tífehet’aà na̱chrjeinâla̱, kjìn jchán ma i̱xtiâla̱ xi tje̱ ts’e̱ k’oa̱á ngayaâla̱ koni jñà ni’ño xi tjín ngajmiì ko̱ tsomì xi jncha i̱ndiì ndáchikon nga mìkiì ma maxke̱ya. 13 Ngats’iì xi̱ta̱ koi, k’oa̱á s’ín mokjeiínâla̱ skanda k’e̱ nga k’en, na̱s’ín mìkiì kitjoéâla̱ tsojmì xi Nainá k’oa̱s’ín kitsjaà ‘énâla̱ nga tsjáâla̱; ta k’oa̱á s’ín kjòchi̱yaâla̱ koni tsà ta kjiìn kijtseèâne; tsjaá kis’eâla̱ nga kitsò nga mìtsà i̱ i̱’ndeâla̱, ta nchifahatoâné nga títsa̱jna i̱ i̱t’aà nangui. 14 Jñà xi̱ta̱ xi koa̱tsò, k’oa̱á s’ín béno̱jmí kixi̱âné nga sa̱á nchihótsji jngoò nangui xi nguì ts’e̱ ko̱ma. 15 Tsà jè nchisíkítsjeèn nangui ñánda itjokàjiìn, o̱kixi̱âné komáâla kiì ìjngoò k’aâne i̱’nde ñánda inchrobàâne. 16 Ta̱nga jngoò i̱’nde nchihótsji xi ìsa̱ ndaà choòn, i̱’nde xi ts’e̱ ngajmiì. K’oa̱á maâne nga jè Nainá, mìkiì masobàâla̱ nga ki̱tso̱âla̱ xi̱ta̱: jè jèe̱ xi Nainá, nga jyeé kisìkíjnandaà jngoòâla̱ i̱’nde ñánda na̱xa̱ndáâla̱ ko̱ma nga ya̱ kítsa̱jna. 17 Abraham, k’e̱ nga kichìt’aà, koií kjoa̱âla̱ nga kòkjeiínâla̱ nga kiskoé Isaac nga kitsjaàt’aà kjo̱tjòâla̱ Nainá. Tsibìjnandaà nga tsjáâla̱ ki’ndíâla̱ xi ta jè ta̱jngoòâne, na̱s’ín xó k’oa̱s’ín kitsjaàâne ‘én Nainá i̱t’aà ts’e̱ ki’ndíâla̱, k’e̱ nga kitsò: 18 “I̱t’aà ts’e̱ Isaac, kjìn jchán ko̱ma xi̱ta̱ tje̱âlè." 19 Abraham k’oa̱á s’ín kisìkítsjeèn nga Nainá tjínâla̱ nga’ñó nga maâla̱ síkjaáyaâla̱ xi̱ta̱ na̱s’ín jye k’en. Kitjoé ìjngoò k’aâla̱ ki’ndíâla̱ koni tsà jaáyaâla̱ i̱t’aà ts’e̱ kjoa̱biyaà. 20 Isaac, koií kjoa̱âla̱ nga mokjeiínâla̱ nga kisìjét’aàâla̱ Nainá nga kàtasíchikonât’in Jacob ko̱ Esaú i̱t’aà ts’e̱ kjoa̱ xi i̱skan ko̱ma. 21 Koií kjoa̱âla̱ nga mokjeiínâla̱ Jacob, k’e̱ nga jye tíbiyaà, kisìjét’aàâla̱ Nainá nga kàtasíchikonât’in ingajò i̱xtiâla̱ José; síngui’ñó tsja yá niseâla̱ nga jeya kisìkíjna Nainá. 22 Koií kjoa̱âla̱ nga mokjeiínâla̱ José, k’e̱ nga jye tíbiyaà, tsibéno̱jmí kós’ín ko̱mat’in jñà xi̱ta̱ Israel nga ki̱tjokàjiìn na̱xa̱ndá Egipto. Ti̱koa̱ kitsjaà o̱kixi̱ i̱t’aà ts’e̱ nindaàâla̱ ñánda kji̱ko̱. 23 Xi̱ta̱ jchíngaâla̱ Moisés, koií kjoa̱âla̱ nga kòkjeiínâla̱ nga jàn sá kisìkíjna’ma ki’ndíâla̱ k’e̱ nga sa̱ kits’iìn, nga kijtseè nga ‘ñó ndaà kji i̱sénâla̱ ki’ndíâla̱, ko̱ mìkiì kitsakjònâla̱ kjo̱tíxomaâla̱ xi̱ta̱xá ítjòn ts’e̱ na̱xa̱ndá Egipto. 24 K’e̱ nga jye kòjchínga Moisés, koií kjoa̱âla̱ nga kòkjeiínâla̱ nga mìkiì kisaseènâla̱ nga nea̱âla̱ kitsòâla̱ tsòtiâla̱ faraón. 25 Tà sa̱á jè jaàjiìn nga kjo̱’in kisìkjeiín ko̱ na̱xa̱ndáâla̱ Nainá, mì k’oa̱âne nga kjo̱tsja tsjáâla̱ yijoâla̱ xi kjoa̱ ts’e̱ jé. 26 K’oa̱á s’ín kiskoòsònâla̱ nga ìsa̱ ‘ñó chjíâla̱ kjo̱’in xi si̱ìkjeiín xi i̱t’aà ts’e̱ Cristo mì k’oa̱áâne nga kjo̱tsja tsjáâla̱ yijoâla̱ xi kjoa̱ nchi̱ná ts’e̱ na̱xa̱ndá Egipto. Kiskoñákjoa̱áâla̱ kjo̱ndaà xi i̱skan tsjáâla̱ Nainá. 27 Koiâné nga ti̱koa̱ kòkjeiínâla̱ nga itjokàjiìn na̱xa̱ndá Egipto; mìkiì kitsakjònâla̱ kjoa̱jtiâla̱ jè xi̱ta̱xá ítjòn; kixi̱í tsibìjna koni tsà xko̱n tíbeèâne Nainá xi ni̱ sa̱á jngoò xi̱ta̱ beèxkon. 28 Moisés, nga kòkjeiínâla̱, tsjachrje s’eí Paxko̱. K’oa̱á kitsòâla̱ ngats’iì xi̱ta̱ Israel nga jní si̱ìkaàjno xotjoa̱ ni’yaâla̱ méâne jè àkja̱le̱âla̱ Nainá mìkiì si̱ìk’en jñà xi ki’ndítjònâla̱ ts’e̱ xi̱ta̱ Israel. 29 Jñà xi̱ta̱ Israel, nga kòkjeiínâla̱, tsatojiìn jè xi ‘mì Ndáchikon Inì koni tsà nangui kixì. Jñà xi̱ta̱ Egipto, k’e̱ nga kijtseè, mejènâla̱ nga k’oa̱ ti̱s’ín kis’iìn, ta̱nga ta ya̱á k’en yije ya̱ i̱jiìn ndáchikon. 30 Nga kòkjeiínâla̱ xi̱ta̱ Israel, kisìkixòjen chrjó xi tjíndiìâla̱ na̱xa̱ndá Jericó, k’e̱ nga jye kjò itoò na̱chrjein bítjindiìâla̱ jé na̱xa̱ndá. 31 Koií nga kòkjeiínâla̱ Rahab xi chjo̱ón chijngui nga mì ya̱ k’enâko̱ jñà xi̱ta̱ xi mìkiì mokjeiínâla̱, koií kjoa̱âla̱ nga ndaà kijtseètjò jñà xi̱ta̱ Israel xi ítjòn ijchò kotsejèn ‘maâla̱ nangui. 32 ¿Mé kjoa̱ xi kèno̱jmí ìsa̱? Mìâla kiì chíyaâna na̱chrjein nga kichjà i̱t’aà ts’e̱ Gedeón, ts’e̱ Barac, ts’e̱ Sansón, ts’e̱ Jefté, ts’e̱ David, ts’e̱ Samuel ko̱ ngats’iì xi̱ta̱ xi kiìchja̱ ngajoâla̱ Nainá. 33 Koií nga kòkjeiínâla̱ xi̱ta̱ koi nga kis’e i’nga xi kisìkijneâla̱ kjoa̱ ts’e̱ kjo̱jchán, xi kixi̱ tsibíndaàjiìn kjoa̱, xi Nainá kitsjaàâla̱ koni s’ín jye kitsòâla̱ xi tso’ba kiìchja̱âne, xi tsibíchjoàjto tso’ba xa. 34 Kis’eé i’nga xi kisìkits’o nga’ñóâla̱ ni’ín jnga̱, xi itjomachingaâla̱ nga ki̱cha̱ ndojò k’enâne, xi kis’e ìjngoò k’aâla̱ nga’ñó na̱s’ín xk’én kjoàn, xi kis’eâla̱ nga’ñó kjoa̱ ts’e̱ kjo̱jchán, xi kisìkijneâla̱ xi̱ta̱ kjo̱jchán xi kondra̱ ts’e̱. 35 Kis’eé i’nga íchjín xi kitjoé ìjngoò k’aâla̱ xi̱ta̱ xíkjín xi jye k’en nga jaáyaâla̱. Ta̱nga tjín i’nga xi ya̱ k’enâjiìn kjo̱’in; mìkiì kjòmejènâla̱ nga tsibìtsa̱jnandei̱í, nga k’oa̱á s’ín kjòmejènâla̱ nga ìsa̱ ndaà kítsa̱jna k’e̱ nga kjoa̱áyaâla̱. 36 Xi i’nga, kisìkjeiín kjo̱’in nga kinìsobàâla̱, kiskaànâko̱ xi̱ta̱, skanda na’ñó ki̱cha̱ cadena kisit’aà’ñó i̱ya nda̱yá. 37 Tjín i’nga xi nda̱jo̱ kisinè nga kinìk’en; tjín i’nga xi ki̱cha̱ serrote kjòjòyaâne; tjín xi ki̱cha̱ ndojò k’enâne. Xki̱ xi ján chinchimasòn, tà chrjoa̱âla̱ orrè ko̱ chrjoa̱âla̱ tíndsó tsakakjá nga ‘ñó i̱ma̱ chinchima, tseé kjo̱’in kis’eâla̱ ko̱ ‘ñó ki’yatoòn. 38 Jñà xi̱ta̱ koi, nga ‘ñó ndaà kòkjeiínâla̱ i̱t’aà ts’e̱ Nainá, skanda mìkiì ok’ìnâla̱ nga i̱ tsibìtsa̱jna i̱sò’nde. Xki̱ xi ján chinchimasòn ya̱ i̱’nde i̱t’aà xìn ñánda nangui kixì choòn, kóho̱kji i̱jiìn ijñá ko̱ i̱ngui nguijo ko̱ nga̱jo̱ xi ti̱x’á i̱jiìn nangui. 39 Ngats’iì xi̱ta̱ koi, koni s’ín nga ndaà kòkjeiínâla̱ ndaá ki’yaâla̱, ta̱nga ni̱jngoò kitjoéâla̱ xi Nainá tjínâne nga tsjáâla̱ koni s’ín jye kitsjaàâla̱ ‘énâla̱. 40 Nainá tsibíndaà jngoòâná kjoa̱ xi ìsa̱ ‘ñó ndaà tjín, méâne jñà xi̱ta̱ koi, ngásòn ko̱ngásònâkjoaá nga ni̱mé chi̱jat’aàâná nga kixi̱ ki̱tsa̱jnaá.