Hebreos 10

1 Jè kjo̱tíxomaâla̱ Nainá xi kitjoéâla̱ Moisés, mìtsà nguì jñà kjo̱ndaà xi i̱skan j’iì; ta ’nguiénâla̱ né xi tsakó. K’oa̱á maâne nga jngoó k’a mìkiì ko̱ma nguì tsjeè si̱ìkítsa̱jna xi̱ta̱ xi xki̱ nó síchrañat’aàâla̱ Nainá nga ti̱jñà ti̱jñà kjo̱tjò tsjáâne. 2 Jè kjo̱tíxoma, tsà jngoò k’a kisìtsjeèya jéâla̱ xi̱ta̱, mìâla ti̱ kiì si̱ìkájnoâne tsà jé tjínâla̱; ti̱koa̱á mìâla ti̱ kiì jníâla̱ cho̱ tsjá kjo̱tjòâne. 3 Ta̱nga jè jníâla̱ cho̱, xki̱ nó xki̱ nó síkítsjeènâya jéâla̱ xi̱ta̱. 4 Nga jè jníâla̱ nchra̱ja̱ ko̱ jníâla̱ tíndsó mìkiì maâla̱ faáxìn jñà jéâla̱ xi̱ta̱. 5 Cristo, k’e̱ nga j’iì i̱ i̱sò’nde kitsòâla̱ Nainá: Majìnâlè jníâla̱ cho̱ xi biyaà, ko̱ kjo̱tjò xi tsját’aàâlè xi̱ta̱, ta̱nga jè yijoâna̱ kinìkíjnandei. 6 Mìkiì sasénâlè cho̱ xi kitì, ko̱ ni̱ jñà kjo̱tjò xi tsjáâlè xi̱ta̱ xi kjoa̱ ts’e̱ jéâla̱. 7 K’e̱é kichjà, kixanâlè: “Koni s’ín tíchja̱ xo̱jo̱nâlè xi i̱t’aà ts’a̱n, i̱í tìjna̱a nga sìkitasoàn koni s’ín mejènâlè, ji̱ xi Nainá ‘mìâlè." 8 Cristo, ítjòn kitsò: “Majìnâlè ko̱ mìkiì sasénâlè jníâla̱ cho̱ xi biyaà ko̱ kjo̱tjò xi tsjáâlè xi̱ta̱, cho̱ xi kitì ko̱ kjo̱tjò xi tsjá xi kjoa̱ ts’e̱ jéâla̱”, na̱s’ín k’oa̱s’ín tíchja̱ kjo̱tíxoma nga tjínèâla̱ nga koa̱tjín xi tsjá xi̱ta̱. 9 I̱kjoàn kitsò ìsa̱: “I̱í tìjna̱a nga sìkitasoàn koni s’ín mejènâlè.” K’e̱ nga o̱s’ín kiìchja̱, tsòyaáâne nga jè Cristo jaàxìn jè kjoa̱ jchínga méâne nga kisìkíjna ngajoâne xi kjoa̱ xi̱tse̱. 10 K’oa̱á s’ín komà nga kisìtsjeèya ini̱ma̱âná Nainá i̱t’aà ts’e̱ Na̱’ènâná Jesucristo k’e̱ nga ko̱s’ín kisìkitasòn koni s’ín mejènâla̱ Nainá nga ta jngoò k’a kitsjaà kjo̱tjò yijoâla̱ ni̱ta̱ kjéâne k’e̱ nga k’en. 11 Ngats’iì no̱’miì, na̱chrjein nchijòn síkitasòn xáâla̱ nga kjìn k’a tsját’aàâla̱ Nainá xi ti̱jñà ti̱jñàâne kjo̱tjò xi mìkiì maâla̱ faáxìn jéâla̱ xi̱ta̱. 12 Ta̱nga Jesucristo ta jngoò k’a kitsjaàt’aà kjo̱tjò yijoâla̱ kjoa̱ ts’e̱ jé ni̱ta̱ kjéâne, i̱kjoàn tsibìjnat’aà chrja kixi̱âla̱ Nainá. 13 Ya̱á tíkoña skanda k’e̱ nga ki̱jchò na̱chrjein nga jñà xi̱ta̱ kondra̱âla̱ si̱ìchija nga jè Nainá si̱ìkítsa̱jnangui ndso̱ko̱. 14 Ta jngoò k’aá kitsjaàt’aà kjo̱tjò yijoâla̱ méâne nga nguì ndaà kjòkixi̱yaâne xi̱ta̱ ni̱ta̱ kjéâne, jñà xi̱ta̱ xi tímatsjeè. 15 Jè Ini̱ma̱ Tsjeèâla̱ Nainá ndaà síkixi̱yaâná kjoa̱ koi; nga sa̱ ítjòn tsòâné: 16 Jè kjoa̱ jè xi kìndaàjiìnâkoa̱a jñà xi̱ta̱ k’e̱ nga jye ko̱ma i̱skan, tsò Na̱’ènâná: Jñà kjo̱tíxomaâna̱ sìkíjnajñaà ini̱ma̱âla̱, ko̱ ya̱á skia̱a i̱jiìn kjo̱hítsjeènâla̱. 17 I̱kjoàn tsòâìsa: ‘A̱n, mì ti̱ kiì siìkítsjeènâna̱ jé xi tjínâla̱ ko̱ ngats’iì kjoa̱ ch’o xi s’ín. 18 K’e̱ nga jye jcha̱t’aàâná jéâná, mì ti̱ mé kjo̱tjò ko̱chjeénâne xi kjoa̱ ts’e̱ jé. 19 Jñò ndí ’ndsè, k’oa̱á maâne na̱chrjein i̱’ndei̱, tjí’ndeâná nga ki̱tjás’e̱én jè I̱’ndeâla̱ Nainá xi ‘Ãó Tsjeè, koií kjoa̱âla̱ jè jní xi tsibíxteèn Jesús. 20 Nga jè kiskíx’a̱ jngoòâná ndi̱yá xi̱tse̱ xi fìko̱âná ñánda tjín kjoa̱binachon, nga ko̱ma ko̱tokjá jè nikje cortina xi tjo̱hóya jngoò osen I̱’nde Tsjeèâla̱ Nainá. Jè nikje, k’oa̱á ngayaâla̱ koni yijoâla̱ Jesús. 21 Nga̱ tjín jngoòâná no̱’miì xi ‘ñó jeya tíjna xi otíxoma ya̱ ni’yaâla̱ Nainá. 22 K’oa̱á maâne nga mochjeénâné nga ìsa̱ ndaà ki̱nchat’aà chrañàâlá Nainá, nga nguì kixi̱ si̱kíjnaá ini̱ma̱âná ko̱ nguì tíjngoò takoán xi i̱t’aà ts’e̱, nga jè Cristo jye kisìtsjeè ini̱ma̱âná kjoa̱ ts’e̱ jé, ko̱ jè yijoâná, k’oa̱á ngayaâla̱ koni tsà nguì nandá tsjeè tsaníjnoâne. 23 Kixi̱ ki̱tsa̱jnakoa̱á kjoa̱ xi titsa̱chiñáâlá koni s’ín mokjeiínâná nga mì kijen kikjáâlá takoán; nga Nainá, xi̱ta̱ kixi̱âné, si̱ìkitasònâné koni s’ín jye kitsjaà ‘énâla̱. 24 Ki̱nchátsji’ndeâlá nga ‘én ndaà ki̱nókjoa̱âlá xinguia̱á méâne nga ìsa̱ ndaà s’e̱âná kjo̱tsjacha; ko̱ s’e̱én kjoa̱ xi ndaà tjín. 25 Mìkiì si̱jchayaá jè na̱chrjein k’e̱ nga bixoñaá, koni s’ín i’nga xi̱ta̱ nga mì ti̱ kiì bixoñat’aàâla̱ xíkjín. Ta saà mochjeénâné nga k’oi̱âlá nga’ñó xinguia̱á nga jngoò ìjngoò; ìsa̱á ‘ñó ko̱s’ia̱án k’e̱ nga ya̱á nga jye tínchrobá machrañà na̱chrjeinâla̱ Nainá. 26 Tsà k’oa̱s’ín tjín takoán nga ki̱nchátsji jé ìsa̱á k’e̱ nga jye kiyaxkoaán kjoa̱ kixi̱âla̱ Nainá, mì ti̱ mé jní ko̱ma xíxteènâne xi ma kjoa̱áxìn jéâná. 27 Tà jè ko̱ko̱ ìsa̱âná kjo̱’in xi ‘ñó xkón tjín ko̱ ni’ín jnga̱ xi síkjehesòn yije xi̱ta̱ xi kondra̱ fìâla̱ Nainá. 28 K’e̱ nga tsà jngoò xi̱ta̱ xi mìkiì síkitasòn kjo̱tíxomaâla̱ Nainá xi kitjoéâla̱ Moisés, tsà tjín jò, jàn xi̱ta̱ xi tsjá ‘én nga kixi̱ kjoa̱, mìkiì mahi̱ma̱cha, nìk’enâné. 29 ¿Kós’ín beèâla̱ takòn jñò, a mìtsà ìsa̱ tse kjo̱’in ok’ìnâla̱ jñà xi̱ta̱ xi binchanè jè Ki’ndíâla̱ Nainá, ko̱ ochrjekàngui jè jní xi tsibíxteèn, ko̱ ti̱koa̱ chja̱jnoâla̱ Ini̱ma̱ Tsjeèâla̱ Nainá xi tjínâla̱ kjo̱ndaà? Jè jní xi ochrjekàngui, jèâné xi Nainá kisìkjeén nga tsibíndaàjiìnâko̱ xi̱ta̱ jngoò kjoa̱ xi̱tse̱, ko̱ jè xi kisìtsjeèâne ini̱ma̱âla̱ xi̱ta̱ koi. 30 Jyeé tíjiìnâná nga k’oa̱á tsò Nainá: “‘A̱án oko̱âna nga tsjaàâla̱ kjo̱’in xi̱ta̱, ‘a̱án tsjaàâla̱ chjíâla̱.” Ãjngoò k’a tsò: “Jè Na̱’ènâná ki̱ìndaàjiìnâla̱ xi̱ta̱ na̱xa̱ndáâla̱." 31 ¡Ta̱xki̱ ‘ñó tse kjo̱xkón tjín k’e̱ nga ya̱ kàyaá tsja Nainá xi tíjnakon! 32 Ta̱nga ti̱kítsjeèn kós’ín komàt’ioòn na̱chrjein xi jye tsato, k’e̱ nga sa̱ kina’yà ítjòn ‘én kixi̱ xi kisìhiseènânò, nga kichìkjoa̱ânò nga tse kjo̱’in kinìkjioòn. 33 Kis’eé na̱chrjein k’e̱ nga jñà xi̱ta̱ kiìchja̱jnoânò ko̱ kiskaànâko̱ânò nga nguixko̱n xi̱ta̱ na̱xa̱ndá. Ti̱koa̱á kis’eé na̱chrjein nga jñò kitsjahijtako̱o jñà xi̱ta̱ xinguio̱o xi ti̱koa̱ kjo̱’in nchisíkjeiín. 34 Jñò, kjòhi̱ma̱cha xi̱ta̱ xi kjo̱’in nchisíkjeiín nga nda̱yá títsa̱jna; ko̱ ti̱koa̱ mìkiì kòjtiânò k’e̱ nga kjòchijéânò tsojmìânò, ta sa̱á kjòtsjaáânò nga jye tíjiìnânò nga ján ngajmiì tjínânò tsojmì xi ìsa̱ ndaà kjoàn xi mìkiì fehet’aà ni̱ta̱ mé na̱chrjeinâne. 35 Kì nìchijaâjèn koni s’ín kjit’aàtakòn Nainá nga ya̱á tjoéânò jè xi ‘ñó tse chjíâla̱. 36 Mochjeénâné nga s’e̱ânò kjoa̱tsetakòn kjoa̱ ts’e̱ kjo̱’in, méâne k’e̱ nga jye ki̱tasòn koni s’ín mejènâla̱ Nainá, tjoéânò xi tsjáânò koni s’ín jye kitsjaà ‘énâla̱ xi tso’ba kiìchja̱âne. 37 K’oa̱á s’ín chja̱ xo̱jo̱n xi tjít’aà ‘énâla̱ Nainá nga tsò: Ta jngoò tjò chijaâla̱ nga kjoi̱í jè xi sa̱ nchrobá. Mìkiì ko̱chrjeinâla̱. 38 Jè xi xi̱ta̱ kixi̱ kíjnakonâné nga mokjeiínâla̱, ta̱nga tsà ko̱sit’aà xìn, mìkiì sasénâla̱ ini̱ma̱âna̱. 39 Ta̱nga jñá, mì k’oa̱á s’e̱én koni s’ín xi̱ta̱ xi íts’i̱n fìâne nga síchija ini̱ma̱âla̱. Ta sa̱á ya̱ kjiaán ya̱ i̱’nde ñánda ki̱tjokàjiìn kjo̱’in ini̱ma̱âná koi kjoa̱âla̱ nga mokjeiínâná.